өрт сөндірушілер елорда көшелерін дезинфекциялап жүр

Елордада өрт сөндірушілер коронавируспен күресуге көшеге шықты видео

687
(Жаңартылды 12:40 20.04.2020)
Күн сайын қала аумағын өңдеуге 500-ден астам адам шығады, дезинфекция жұмыстарына қорғаныс министрлігі мен төтенше жағдайлар департаментінің техникасы жұмылдырылған

НҰР-СҰЛТАН, 20 сәуір – Sputnik. Өрт сөндірушілер елорда көшелерін дезинфекциялау шараларына кірісті, деп хабарлайды Sputnik Қазақстан қаланың төтенше жағдайлар департаментіне сілтеме жасап.

Күні кеше жеті техникадан құралған колонна Республика даңғылымен жүріп өтті. Төтенше жағдайлар департаментінің басшысы Бауыржан Сыздықовтың айтуынша, әрбір машинада 5-8 тонна дезинфекцилық ерітінді бар. Оны 6 метр биіктікке дейін шашуға болады. Бұдан бөлек, көліктер жан-жағына және артына химиялық реагентті шашып өтеді.

Әкімдіктің мәліметіне сәйкес, қалада ауқымды дезинфекция жұмыстары жүргізіліп жатыр. Оған арнайы техника жұмылдырылды, соның ішінде қорғаныс министрлігі мен төтенше жағдайлар департаментінің техникасы бар. Күн сайын қала аумағын өңдеуге 500-ден астам адам шығады. Дезинфекциялау шараларына әскери қызметкерлер мен әскерге шақырылғандар да қатысады.

"Арнайы техниканың көмегімен арнайы ерітіндіні шашып, қаланы өңдеп жатырмыз. Биіктігі 7 метрге дейін жетеді, инфекциямен айтарлықтай жақсы күресуге мүмкіндік береді. Себебі инфекция металл құрылымдарда, ағаштарда және тағы басқа жерлерде кездеседі", - деді қала әкімінің орынбасары Алтынбек Қайсағалиев.

Бүгінде 2800-ден астам тұрғын үй кешені үшінші рет өңделіп жатыр. Дезинфекция жұмыстары жеке секторда да жүргізілуде.

687
Кілт сөздер:
коронавирус, видео
Тақырып бойынша
Нұр-Сұлтанда жұқпалы аурулар госпиталі 15 күнде салынды – видео
Вирус жұқтырмау үшін даладан үйге кіргенде не істеу керек?
Қазақстандағы COVID-19: тағы екі адам қайтыс болды
Тоқаев елдегі карантинге қатысты жазба жариялады
Теңіз кен орнының жұмысшылары неге бас көтерді - видео
Сауда орталығының қызметкері

Нұр-Сұлтанда сенбі күні сауда орталықтарының жұмыс істеуіне тыйым салынуы мүмкін

381
Сауда нысандарына келушілер ғимараттың 30%-ін ғана толтыруы керек, яғни бір келушіге төрт шаршы метр тиесілі болуы тиіс

НҰР-СҰЛТАН, 27 қараша – Sputnik. Елордада демалыс күндері сауда нысандарының жұмыс кестесі өзгерді. Нұр-Сұлтанның бас санитар дәрігері Жанна Пірәлиевның мәлімдеуінше, енді қаулыға сәйкес, мониторингтік топтар карантин және шектеу шараларын бұзу фактілерін анықтаған жағдайда, сенбі күндері оларға жұмыс істеуге тыйым салынады, деп хабарлайды қалалық әкімдік сайты.

Бас санитар дәрігердің 20 қараша күнгі карантиндік шаралар туралы жаңа қаулысына сәйкес, адамдар маска тағып, әлеуметтік қашықтықты сақтап, әркез термометриялық тексеріс жүргізіп тұруы шарт. Сондай-ақ, антисептиктер мен санитайзерлер болуы шарт.

"Сауда үйлері мен ойын-сауық орталықтарының, жабық азық-түлік және азық-түлік емес базарлардың жұмыс кестесіне өзгерістер енгізілді. Енді аталған сауда нысандары сенбі күндері сағат 09:00-ден 20:00-ге дейін жұмыс істейтін болады. Бірақ мониторингтік топтар карантин және шектеу шараларын бұзу фактілерін анықтаған жағдайда, сенбі күндері оларға жұмыс істеуге тыйым салынады", -  деді Жанна Пірәлиева.

Оның айтуынша, сауда орындарының барлығы жексенбі күндері бұрынғыша жабық болады. Ал жұмыс күндері кесте бойынша 10:00-ден 23:00-ге дейін жұмыс істейді.

Сауда объектілерінде орналасқан сұлулық салондары, ателье, химиялық тазалау, шаштараз, аяқ киім жөндеу шеберханасы сияқты қосымша қызметтер үшін жаңа кесте енгізілді. Бұл бизнес субъектілері сенбі және жексенбі күндері 09:00-ден 20:00-ге дейін жұмыс істей алады.

"Егер демалыс күндері СОО-да тек супермаркеттер мен дәріханалар ашылса, енді оларға қосымша қызмет көрсететін шағын бизнес субъектілері де қосылады", - деп түсіндірді елорданың бас санитар дәрігері.

Бұл ретте сауда объектілеріне келушілер ғимараттың 30%-ын ғана толтыруы керек, яғни бір келушіге төрт шаршы метр тиесілі болуы тиіс. Бұл норманы ғимарат әкімшілігі де, жалға алушылар да қадағалап отыруға міндетті. Егер адамдар көп болған жағдайда, олар келушілер ағынын шектеуі керек.

Оқи отырыңыз: Ақмола облысында карантин тағы да күшейтілді

Клиенттер үшін маска тағу мен қашықтық сақтау талабы сақталады. Оларды бұзған жағдайда, жеке тұлғалар жауапқа тартылады.

381
Кілт сөздер:
шектеу, карантин
Тақырып:
Төтенше жағдай және карантин
Тақырып бойынша
СҚО-да карантин күшейтілді - не өзгерді
Қазақстанда карантин жеңілдетілді – қандай шектеу сақталады
Қазақстан мемлекеттік шекарада шектеу шараларын күшейтеді
Қандай жағдайда алматылық кәсіпорындар қызметіне шектеу қойылатыны белгілі болды
Қазақстанның бірнеше облысында шектеу шаралары енгізілді
Кісен, архивтегі фото

Нұр-Сұлтанда басқа өңірден қонаққа келген ер адам қылмыс үстінде ұсталды

736
Қарағанды ​​облысының тұрғыны дәмхананың кассасындағы ақшаны алу үшін есіктің әйнегін шаққан, осы кезде ғимараттағы дабыл жүйесі іске қосылған

НҰР-СҰЛТАН, 25 қараша – Sputnik. Елордада дәмханаға ұрлыққа түскен ер адам қылмыс үстінде ұсталды, деп хабарлайды Sputnik Қазақстан Нұр-Сұлтан қаласы полиция департаментінің баспасөз қызметіне сілтеме жасап.

Қарағанды ​​облысынан келген қонақ түнде дәмханаға кірмек болған. Ол кіреберістегі бірінші есіктің әйнегін шағып, екіншісін сындыра бастаған сәтте дабыл жүйесі іске қосылып кеткен.  

Ер адам сонда да қоймаған. Құлыпталған касса аппаратына барып, оны ашу үшін еденге лақтырады. Осылай бірнеше рет жасағаннан кейін касса ашылған, бірақ ондағы қағаз ақша мен тиын-тебен жан-жаққа ұшып түседі.

40 минут ішінде 3 дүкенді тонаған: Қарағандыда әккі ұрылар іздестіріліп жатыр – видео 

Ұры ақшаны жинап жатқанда дәмханаға қауіпсіздік фирмасының көлігі келіп үлгерген, олар қаскүнемді полицияға тапсырды.  

 

736
Кілт сөздер:
Нұр-Сұлтан, ұрлық
Тақырып бойынша
Отырар ауданының тұрғыны үйіне ұрлыққа түскен көршісі екенін білді
Парацетамол ұрлаған: Атырауда дәріхана тоналды
Талдықорғанда ұры жүргізушілерге үндеу жасады – видео  
Талдықорғанда 35 жыл түрмеде отырған баукеспе ұры ұсталды
Жалғыз жүрген қыздарды ғана тонаған: Алматыда әккі ұры ұсталды
Алматы көрінісі

Қазақстанда 30 қарашада қандай маңызды оқиғалар болады

0
Sputnik Қазақстан 30 қараша мен 12 желтоқсан аралығында болатын негізгі іс-шаралар мен оқиғаларға шолу жасайды (ақпарат толықтырылып отырады)

Қазақстанда бұқаралық іс-шараларды өткізуге уақытша тыйым салынды. Мемлекеттік органдардың мәжілістері мен баспасөз конференциялары онлайн режимде ұйымдастырылады. Десе де, біз алдағы күндерге жоспарланған іс-шаралар туралы ақпарат беруді жалғастырамыз.

30 ҚАРАШАҒА ЖОСПАРЛАНҒАН ШАРАЛАР

14.00 - Қазақстандық заңгерлер мамандықтардың монополиялануынан қауіптеніп отыр. Осы мәселеге арналған баспасөз мәслихаты өтеді (трансляция Facebook парақшасында жүргізіледі. Байланыс телефоны: +7 701 749 02 00).

14:30 - Әділет министрі Марат Бекетаевтың Орталық коммуникациялар қызметінің алаңында өтетін Қазақстан президентінің жолдауын іске асыру барысы туралы брифингі.

15:00 - Нұр-Сұлтандағы Sputnik Қазақстан мультимедиялық баспасөз орталығында COVID-19-ға қарсы күрес бойынша ең үздік цифрлық шешімдерге арналған ЕДБ қоры байқауының қорытындысы бойынша Мәскеу – Ереван – Минск – Нұр-Сұлтан видео-көпірі. Спикер – Еуразия даму банкі (ЕДБ) басқарма төрағасының орынбасары Тигран Саркисян. Видеокөпірдің трансляциясы 30 қарашада Sputnik.kz сайтында және Facebook парақшасында өтеді. БАҚ өкілдерін онлайн-кездесуге қатысуға шақырамыз, сұрақтарды a.nurgazinova@sputniknews.com мекенжайына жіберуге болады.

1 ЖЕЛТОҚСАНҒА ЖОСПАРЛАНҒАН ШАРАЛАР

Нұр-Сұлтан

17.00 – "Астана Опера" театрының опера солистері мен аспаптық музыканттарының қатысуымен "Ел тірегі - Елбасы!" мерекелік концерті өтеді (Қонаев көшесі, 1)

2 ЖЕЛТОҚСАНҒА ЖОСПАРЛАНҒАН ШАРАЛАР

Алматы

19.00 – "Париж аспаны астында" концерті: барлық уақыттағы француз музыкасының жауһарлары (Жамбыл атындағы филармонияның үлкен залы, Қалдаяқов көшесі, 35)

3 ЖЕЛТОҚСАНҒА ЖОСПАРЛАНҒАН ШАРАЛАР

11.00 - 13.00 – "Әділ сөз" қоры журналистер мен блогерлерге үшін вебинар өткізеді. Онда сіз қандай жағдайда теріске шығару туралы талап заңсыз болып есептелетінін; сотқа дейінгі талапқа жауап беру қажет пе; сот процесінде қандай дәлелдер қажет; "моральдық шығын" дегеніміз не және ол сотта қалай дәлелденетінін білесіз. Қатысқысы келетіндер бұл туралы алдымен +7 727 313 1473, 8 707 700 1322 телефондары немесе info@adilsoz.kz поштасы арқылы хабарлап, байланыс мәліметтерін қалдыруы керек.

4 ЖЕЛТОҚСАНҒА ЖОСПАРЛАНҒАН ШАРАЛАР

11.00 - 13.00 – "Әділ сөз" қоры журналистер мен блогерлерге үшін вебинар өткізеді. Онда сіз қандай жағдайда теріске шығару туралы талап заңсыз болып есептелетінін; сотқа дейінгі талапқа жауап беру қажет пе; сот процесінде қандай дәлелдер қажет; "моральдық шығын" дегеніміз не және ол сотта қалай дәлелденетінін білесіз. Қатысқысы келетіндер бұл туралы алдымен +7 727 313 1473, 8 707 700 1322 телефондары немесе info@adilsoz.kz поштасы арқылы хабарлап, байланыс мәліметтерін қалдыруы керек.

9 ЖЕЛТОҚСАНҒА ЖОСПАРЛАНҒАН ШАРАЛАР

Нұр-Сұлтан

19.00 - " Ғажайып сол сәт әлі есте..."концерті.  "Астана Опера" театры ресейлік және шетелдік композиторлардың вокалды миниатюралары шырқалатын "Романс тарихы" жаңа топтамасын ұсынады (Қонаева көшесі, 1)  

12 ЖЕЛТОҚСАНҒА ЖОСПАРЛАНҒАН ШАРАЛАР

Нұр-Сұлтан

18.00 – "Күлбике" балеті, "Астана Балет" театры (Ұлы Дала даңғылы, 9)  

Жоспарланған шаралар тізімі ашық дереккөзден алынды. Sputnik Қазақстан шаралардың уақыты мен күнінің өзгеруіне жауапты емес.

0