Эскалатор, архивтегі сурет

Нұр-Сұлтанда орталық базар ашылды

267
(Жаңартылды 13:18 18.05.2020)
Елордадағы орталық базар мен қонақ үйлер екі ай карантиннен кейін жұмысына кірісті. Әр екі сағат сайын дымқыл тазалау жүргізіледі

АЛМАТЫ, 18 мамыр –Sputnik. Астаналық әкімдік санитарлық-эпидемиологиялық қызметпен бірлесе қаладағы ірі базарды тексеріп, бұрынғы режим бойынша жұмыс істеуге рұқсат берді, деп хабарланды әкімдік сайтында.

"Дайындық жоғары. Барлық базар антисептик, маскамен қамтылған, логистика ұйымдастырылған. Базар басшылығы санитарлық норманың сақталуына бақылау жүргізіп жатыр. Бақылау жалғасады", - деді қалалық инвестиция және кәсіпкерлікті дамыту басқармасының басшысы Ерлан Бекмұрзаев.

Орталық базардың әрбір дүкенінде антисептиктердің болуымен қатар, әр екі сағат сайын дымқыл тазалық жұмыстары жүргізіледі.

Central Market сауда орталығы дүйсенбі күні ашылды, сағат 10.00-ден 17.00-ге дейін жұмыс істейді.
Нұр-Сұлтанда қонақ үйлер жұмысы қайта жанданды

Елорда әкімдігінің қызметкерлері қонақ үйлердің қонақтарды қабылдауға деген дайындығын тексерді.
Олардың айтуынша, қонақ үйлерде санитарлық қорғау шаралары қабылданып жатыр.

"Қонақ үйлерді аралап көрдім, дайындық жұмыстары қонақ үйлердің келушілерді қабылдауға дайын екенін, эпидемияға қарсы барлық іс-шара ұйымдастырылғанын көрсетті. Барлық санитарлық-эпидемиологиялық талап сақталады", - деп атап өтті Нұр-Сұлтанның бас санитар дәрігері Жанна Пірәлиева.

Еске сала кетсек,18 мамырдан бастап Нұр-Сұлтанда қоғамдық тамақтану нысандары ашылды, жазда отыруға арналған орындарды есептегенде, келушілердің жалпы саны 50 адамнан аспауы қажет. Бұдан басқа қалада балабақшалардың, балалар түзету кабинеттерінің (тек жеке сабақтар үшін),  азық-түлік сатпайтын базарлар мен сауда үйлерінің жұмысы басталды.

267
Кілт сөздер:
карантин, орталық базар, Нұр-Сұлтан
Тақырып бойынша
Дәмханалар, мешіттер мен балабақшалар ашылды: қазақстандықтар нені білуі тиіс
Қазақстандықтар карантинде азық-түлікке қанша ақша жұмсағаны белгілі болды
Алматы облысында бақылау бекеттерін алып тастайды: өңірде тағы не өзгереді
Нұр-Сұлтандағы балабақшаларда кезекші топтар ашылды
ДДҰ коронавирусқа қарсы қолданылатын әдістің тиімсіз екенін айтты
Дискотека, клуб

500-ге жуық адам болған: Нұр-Сұлтанда түнгі клуб полицияға есік ашпай қойды

889
Мобильді топ бір тәулікте үш жүзден аса кәсіпкерлік нысанын тексеріп, 46 карантин режимін бұзу фактісін анықтады

НҰР-СҰЛТАН, 31 қазан – Sputnik. Астаналық полицейлер карантин талаптарын бұзған мейрамханалар мен түнгі клубтарды анықтады, деп хабарлайды Sputnik Қазақстан.

Карантин режимінің сақталуын тексеретін мобильді топ сағат 23.37-де "БХБ" түнгі клубына барды.

"Полицейлер келген кезде мекемеде 500-ге жуық адам болған. Клиенттер мен қызметкерлер есікті іштен жауып алып, ашпай қойды. Клубқа көңіл көтеруге келген жастар бетперде тақпаған, ара қашықтықты сақтамаған", - делінген елордалық полиция департаментінің баспасөз қызметі таратқан хабарламада.

Бұдан бөлек, Қорғалжын тас жолындағы "ZIMA" түнгі клубы да карантин талаптарын бұзды. Сағат 22.10-де мекемеде 80 адам отырған.

Полицияның ақпаратынша, "ZOLOTO" және "Korean housе" мейрамханаларын, "ICON" клубын тексеру кезінде де заңбұзушылықтар анықталды.

Тағы оқыңыз: Тоқаев карантинге байланысты қазақстандықтарға үндеу жасады

"Бұл элиталық мекемелер Нұр-Сұлтан қаласында қоғамдық тамақтану нысандарының жұмысын шектеу және карантинді қатаңдату қаулысын, жұмыс және демалыс күндері сағат 9:00-ден 22:00-ге дейінгі жұмыс кестесі мен санитарлық-профилактикалық шараларды анық бұзған. Мекеме иелеріне қатысты жиналған материал тауарлар мен қызметтердің сапасы мен қауіпсіздігін бақылау басқармасына жіберілді", - деді департаменттен.

Мобильді топ бір тәулікте 313 кәсіпкерлік нысанын тексеріп, 46 карантин режимін бұзу фактісін анықтады.

Елордалық полиция тұрғындар мен бизнесмендерге карантин режимі жалғасып жатқанын және бас санитарлық дәрігердің қаулысындағы талаптарды сақтау керектігін ескертті. Тәртіп бұзғандар қолданыстағы заңнамаға сәйкес жауапқа тартылады.

889
Кілт сөздер:
Нұр-Сұлтан, полиция, түнгі клуб
Тақырып:
Төтенше жағдай және карантин
Тақырып бойынша
Алматы облысында карантин күшейтілді
Нұр-Сұлтанда түнгі клуб өртенді
Нұр-Сұлтанда түнгі клуб әкімшісі қамауға алынды
Алматыда екі күнде карантин талабын бұзған 65 нысан анықталды
Сауда және ойын-сауық орталығы

Нұр-Сұлтанда сауда орталықтары қашан демалыс күндері жұмыс істей бастайды

165
(Жаңартылды 18:32 27.10.2020)
Демалыс күндері сауда және ойын-сауық орталығының жұмысын қалпына келтіру нысандардың барлық санитарлық норманы сақтауға дайындығына байланысты болады

НҰР-СҰЛТАН, 27 қазан – Sputnik. Нұр-Сұлтан әкімінің орынбасары Бақтияр Мәкен мен ірі сауда орталықтарының, базарлардың басшылары кездесу өткізді. Бұл туралы елорда әкімдігінің баспасөз қызметі хабарлады.  

Қаланың бас санитар дәрігері Жанна Пірәлиеваның айтуынша, елордада індет жұқтырғандар көбейген. Оған шағын және орта бизнес өкілдері мен азаматтардың карантин тәртібін өрескел бұзуы себеп.

Екінші тоқсанда 1,2 миллион оқушы мектепке барып оқиды 

"Профилактикалық жұмыстарға қарамастан, кәсіпкерлік субъектілері карантин тәртібін жиі бұзады, бұқаралық іс-шаралар тоқтамай тұр, мекемелердің жұмыс кестесі сақталмаған. Сонымен қатар, қалада ауру саны артып келеді. Бұл дегеніміз, біз жасыл аймақтан алшақтаймыз. Мектеп жасындағы және бір жасқа дейінгі балалар да індетке шалдығып жатыр", - деді Жанна Пірәлиева.

Негізгі қауіпсіздік ережелері сақталмаса, COVID-19-дың екінші толқыны болуы мүмкін. ШОБ өкілдері мен қала тұрғындары санитарлық нормалардың сақталуына үлкен жауапкершілікпен қарауы керек.

"Әр аймақ өз деңгейінде шешім қабылдайды. Біз сондай-ақ бизнестің жұмыс істегенін қалаймыз, ол табыс және экономика екенін түсінеміз. Бірақ кәсіпкерлер өз тарапынан талаптарды орындауы керек. Кейбір сауда орталықтары маска тағу тәртібін сақтамайды және дене қызуын тексермейді. Қабылданып жатқан шараларға түсіністік танытуды сұраймыз", - деді Бақтияр Мәкен.

Жиын соңында сауда орталықтарының демалыс күндеріндегі жұмысын қайта қалпына келтіру қаладағы эпидемиологиялық жағдайға және ШОБ-тың санитарлық нормаларды сақтауына байланысты болатыны айтылды.

Демалыс күндері сауда және ойын-сауық орталығының жұмысын қалпына келтіру нысандардың барлық санитарлық норманы сақтауға дайындығына байланысты. 

Әкімдік әрбір азаматтың жауапкершілігі эпидемиологиялық жағдайға әсер ететінін мәлімдеп, елордалықтарды карантин шараларын қатаң сақтауға шақырды.

165
Кілт сөздер:
демалыс күндері, сауда орталығы
Тақырып бойынша
Қол алысуға болмайды: Павлодар облысында жаңа қаулы шықты
Қарашадан бастап бес уақыт намазды мешітте оқуға болады
Тоқаев карантин енгізген кезде кәсіпкерлердің мүддесін ескеруді тапсырды
Анықтама қажет: Қазақстанда жиналысқа қатысатындар үшін жаңа ереже күшіне енді
Қырау басқан жапырақтар

Тұман, жаңбыр және қатты жел ертеңге ауа райы болжамы жарияланды

52
Республиканың басым аумағында ауа райы жауын-шашынсыз болады, солтүстікте жаңбыр жауады деп болжануда

НҰР-СҰЛТАН, 31 қазан – Sputnik. Қазақстанда, синоптиктердің болжамынша, 1 қарашада күн ашық болады.

Қазақстанның басым аумағында антициклон әсерінен ауа райы жауын-шашынсыз болады. Тек елдің солтүстігінде жаңбыр жауады деп болжануда. Республиканың кей жерлерінде тұман түсіп, оңтүстік және оңтүстік-шығыста жел күшейеді.

Өңірлердегі ауа райы

Алматы облысында түнде және таңертең кей жерлерде тұман түседі, күндіз Жалаңашкөл ауданында секундына 15-20 метр жылдамдықпен жел соғады.

Тағы оқыңыз: Төтенше жағдайлар министрлігі автокөлік иелеріне үндеу жасады

Жамбыл, Ақмола, Батыс Қазақстан, Павлодар, Шығыс Қазақстан, Солтүстік Қазақстан облыстарында кей жерлерді тұман басады, Жамбыл облысында түнде желдің екпіні 15-20 м/c дейін күшейеді.

Дабылды ескерту

Қызылорда облысында күндіз желдің жылдамдығы секундына 15-20 метрге дейін барады.

Ақмола облысында 1 қарашада тұман түседі деп болжанып отыр.

Мегаполистерде ауа райы қандай болады

Нұр-Сұлтанда күн ашық болады. 3-5 м/c жел тұрады. Түнде ауа температурасы -3-4 градус, ал күндіз – 5-8 градус жылы.

Алматыда да ауа райы жауын-шашынсыз. Секундына 1-8 метр жылдамдықпен жел соғады. Сынап бағанасы түнде +4... +5 градусты, ал күндіз +9... +10 градусты көрсетеді.

Шымкентте күн жылы әрі ашық,  2-5 м/c жел соғады. Ауа температурасы түнде +3... +5, күндіз +17... +19 градус болады.

52
Кілт сөздер:
ауа райы болжамы