Астана көрінісі

Арнайы дайындық қажет емес - астаналықтарға жұмыс ұсынылды

812
(Жаңартылды 16:03 22.05.2020)
Елорда әкімдігі қоғамдық жұмыстарға адам қабылдай бастады. Жалақы көлемі 73 100 теңге шамасында болатыны айтылып отыр

НҰР-СҰЛТАН, 22 мамыр - Sputnik. Елорда әкімдігі қоғамдық жұмыстарға адам қабылдай бастады. Суға шомылу маусымы аясында ақша табуға мүмкіндік бар, деп хабарлайды Sputnik Қазақстан тілшісі. 

Төтенше жағдайлар департаментінің мәліметіне сәйкес, қоғамдық жұмыстың негізгі мақсаты – жағажайларда патруль жасау және халықтың қауіпсіздігін бақылау. Құтқарушылардың айтуынша, ондай жұмысқа арнайы дайындықтың қажеті жоқ. 

"Жағажай патрулі кезекпен жұмыс істейді. Ал жалақының көлемі - 73 100 теңге. Қызығушылық танытқан тұрғындарды жұмыспен қамту орталығына шақырамыз. Суға шомылу маусымы кезінде қала тұрғындары мен қонақтарының қауіпсіздігін қамтамасыз етуге өз үлесіңізді қоса аласыз", - дейді мамандар.

Тағы оқыңыз: Алматы көшелері мен аулаларын жаяу аралайтын полицейлер саны артты

Айта кетейік, халықты жұмыспен қамту орталығы Бейбітшілік көшесі, 25 (кабинет 202/2) мекенжайы бойынша орналасқан. Байланыс телефондары: 8 7172 55 89 35, 8 778 577 46 92.

812
Кілт сөздер:
жалақы, шомылу маусымы, жұмыс
Тақырып бойынша
Теңіздегі коронавирус: кен орны іркіліссіз жұмыс істеп жатыр
Нұр-Сұлтанда сауда орталықтары қалай жұмыс істейді
Қазақстанда вокзалдар қалай жұмыс істейді
Демалыс күндері жұмысқа шығатындарға қанша ақша төленетіні белгілі болды
Алматыда қоғамдық көліктің жұмыс уақыты ұзартылады
Видеообращение преподавателей гуманитарного колледжа Нур-Султана к Токаеву

Астаналық оқу орнының қызметкерлері Тоқаевтан көмек сұрап, бейнеүндеу жолдады

83
Гуманитарлық колледж 1928 жылы құрылған. Сол уақыттан бері оқу орны қала мен аймақтарды педагогикалық кадрлармен қамтамасыз етті

АЛМАТЫ, 2 желтоқсан – Sputnik. Нұр-Сұлтан гуманитарлық колледжінің қызметкерлері президент пен білім министрі атына оқу орнын жаппау және оны "Астана" университетінің сенімді басқаруына бермеу туралы үндеу жолдады.

Колледж тағдыры кейінгі бес жыл бойы шешіліп келеді. 2019 жылдың 19 тамыздағы мемлекеттік-жекеменшік әріптестік шарты бойынша Нұр-Сұлтан әкімдігінің "Гуманитарлық колледжін" "Астана Халықаралық университетінің" сенімді басқаруына беру көзделген. Оның ішінде колледжге тиесілі жер учаскесі, оқу корпусы, жатақханалар мен барлық кадрлық құрам және студенттер де бар.

Алайда 2020 жылы қала әкімдігінің 2020 жылдың 11 қыркүйектегі гуманитарлық колледжді қайта ұйымдастыру туралы қаулысымен оқу орны Қоғамдық тамақтану және сервис колледжіне қосылды. Ал ол колледж педагогикалық мамандықтар бойынша кадр даярламайды.

"Қаулыға сәйкес мүлік және сенімді басқаруға байланысты барлық қызмет берілді. Ұжыммен өткен жиналыста білім басқармасының өкілдері қайта ұйымдастыру рәсімі педагогикалық ұжымға да, колледж әкімшілігіне де әсер етпейтінін айтты. Алайда білім басқармасының 13 қарашадағы бұйрығымен колледж директоры мен директордың барлық орынбасары жұмыстан босатылды. Оқу жылының ортасында колледж басшысыз қалды", - делінген қызметкерлердің ұжымдық үндеуінде.

Сонымен қатар әлі күнге дейін колледждің алдағы уақытта қалай жұмыс істейтіні айтылмаған.

"Біреудің мүддесін көзделіп отырған сияқты көрінеді. Ғасырлық тарихы бар колледж құрылғанына екі жыл болмаған және білім беру қызметі нарығында өзін дәлелдемеген ЖОО-ға қандай талап бойынша беріледі. Қалада бастауыш және мектепке дейінгі білім беру бойынша педагог кадрлардың жетіспеушілігі сезілетін уақытта елордадағы жалғыз педагогикалық колледждің жабылуы педагог кадрлардың азаюына, кадр даярлау сапасының төмендеуіне әкеледі. Өйткені білім алушылардың ата-анасы оқу орнын таңдау кезінде бірінші кезекте колледж имиджіне қарайды", - деп нақтылады колледж қызметкерлері.

Сонымен қатар гуманитарлық колледж қызметкерлері Қасым-Жомарт Тоқаевтан, білім және ғылым министрінен колледжді "Астана" халықаралық университетіне сенімгерлік басқаруға бермеуді сұрады.

Білім басқармасы не дейді

Нұр-Сұлтан қаласының білім басқармасының хабарлауынша, "Гуманитарлық колледжді"  "Астана Халықаралық университетіне" сенімгерлік басқаруға беру жобасы 2019 жылы іске асырылды.

Бұл жобаға сәйкес, білім берудің оқу процесін құру үшін жеке әріптестің 1 000 орынды оқу корпусын қосып, қолданыстағы колледж базасында "Колледж-институт" педагогикалық  кешенін құру көзделіп отыр.

"Гуманитарлық колледж өз жұмысын университет жанындағы колледж ретінде жалғастырады. Бұл өз кезегінде үздіксіз білім беруді қамтамасыз ету, бюджетті оңтайландыру және білім саласына жекеменшік серіктестерді, яғни инвестиция тарту мақсатында жасалып отыр", - деді білім басқармасының баспасөз қызметі.

Бұған дейін оқу орнының қоғамдық тамақтандыру және сервис колледжіне қосылғаны хабарланды. Басқарманың айтуынша, қазір қоғамдық тамақтандыру және сервис колледжі "Астана Халықаралық университетіне" сенімгерлік басқаруға берілу жұмыстары жүргізіліп жатыр.

"Азаматтық кодексте  "Заңды тұлғаның қызметін тоқтату" туралы ұғым жоқ. Кодексте "Заңды тұлғаның қызметін қайта құру және тарату" ұғымы қарастырылған. Осыған орай "Гуманитарлық колледж"  "Қоғамдық тамақтандыру және сервис колледжіне" біріктірілді. Бұдан әрі қарай біріктірілген колледж "Астана халықаралық университетіне" сенімгерлік басқаруға тапсырылады", - деп түсіндірді білім басқармасы.

Гуманитарлық колледж 1928 жылы құрылған. Сол уақыттан бері оқу орны қала мен аймақтарды педагогикалық кадрлармен қамтамасыз етті. Қазір оқу орнында 1 748 студент білім алып жатыр және 250-ден астам оқытушы мен қызметкер жұмыс істейді.

83
Кілт сөздер:
бейнеүндеу, Қасым-Жомарт Тоқаев, колледж
Тақырып бойынша
Отставкаға дейін Тоқаев пен Назарбаев не туралы сөйлескені белгілі болды
"Енді кездеспейміз деді": Назарбаев жақындарының қазасы туралы айтты
Алматыда әбден ашынған балалар Тоқаевтан көмек сұрады
Мұхтар Шахановтың орынбасары Тоқаевтан көмек сұрады
COVID-19: Тоқаевтан соңғы рет ескерту алған әкім өңірдегі жағдайды баяндады
Абу-Даби Плаза ғимараты

"Абу-Даби Плазаның" ең биік мұнарасын "Қазақстан" деп атаймын  Назарбаев

561
Елбасының айтуынша, биік ғимарат қазақстандықтар ғана емес, әлем туристері келетін орталыққа айналады

АЛМАТЫ, 1 желтоқсан – Sputnik. Тұңғыш президент – Елбасы Нұрсұлтан Назарбаев Нұр-Сұлтандағы ең биік ғимарат "Абу-Даби Плазаны" Қазақстанның құрметіне атайтынын мәлімдеді.

Елбасы тұңғыш президент күні қарсаңында Qazaqstan телеарнасына сұқбат берді.

Деректі фильм үзіндісінде Нұрсұлтан Назарбаев Орталық Азиядағы ең биік ғимарат мұнарасына жаңа атау келесі жылы берілетінін айтты.

"Ендігі жылы, Құдай бұйырса, Абу-Даби Плаза мұнарасын "Қазақстан" мұнарасы деп атаймын. Біздің кең даламызда алыстан көрініп тұратын мұндай биік ғимарат жоқ. Мынау не? Бұл астана ғой, бұл "Қазақстан" мұнарасы деп айтып жүретіндей болады", - деді Елбасы сұқбатында.

Сонымен қатар Нұрсұлтан Назарбаев елордада өңірдегі ғана емес, дүниедегі ең үлкен мешіт салынып жатқанын айтты.

"Бір жағынан діни мағынасы бар, екінші жағынан туристік мағынасы бар үлкен, әдемі, зәулім ғимарат пайда болады. Алда, Құдай бұйырса, әлі талай ойлар бар", - деді Нұрсұлтан Назарбаев.

"Абу-Даби Плаза" мұнарасы

"Абу-Даби Плаза" құрылысы 2010 жылы басталды. Бастапқыда оны 2016 жылы пайдалануға беру жоспарланған болатын. Әр түрлі себептерге байланысты бизнес және сауда орталығын ашу үнемі кейінге қалып отырды. Бір бөлігінің ашылуы 2019 жылдың 2 желтоқсанында өтті. Нысан 1,6 миллиард долларға бағаланады. Ол Ақмешіт, Сығанақ және Түркістан көшелері ауданында орналасқан.

2020 жылдың қазанында елорда әкімі Алтай Көлгінов "Әбу-Даби Плаза" кешенінің ауқымды құрылысы 2021 жылы аяқталатынын айтты.

561