Астанадағы карантин

Нұр-Сұлтанда карантин туралы қаулы жаңартылды: не өзгерді?

2870
(Жаңартылды 10:48 20.07.2020)
Бұған дейін астаналық әкімдіктің баспасөз қызметі бас санитар дәрігердің қаулысындағы кейбір шектеулер қабылданбағанын айтқан болатын. Әкімдік тұрғындарға кешкі он бірден кейін жаяу серуендеуге болмайды деген ақпаратты жоққа шығарды

АЛМАТЫ, 20 шілде – Sputnik. Елордада қатаң карантин шаралары күшейтілді. Бұл туралы қаланың бас санитар дәрігері Жанна Пірәлиеваның қаулысында хабарланды.

"Нұр-Сұлтан қаласында 2020 жылдың 19 шілдесіндегі сағат 00.00-ден бастап 2020 жылдың 2 тамыздағы сағат 00.00-ге дейін қатаң шектеу карантиндік шаралары ұзартылсын", - делінген қаулыда. 

Нұр-Сұлтан қаласының тұрғындары мынадай талаптарды қатаң сақтауы қажет:

  • ойын-сауық, спорт және басқа да бұқаралық іс-шараларды, сондай-ақ отбасылық, еске алу іс-шараларды, форумдарды, конференцияларды, семинарларды,жиналыстарды өткізуге тыйым салуды;
  • спорт жаттығуларын тек жеке тәртіппен және тек ашық ауада өткізуді;
  • 3 адамнан немесе бір отбасы мүшелерінен басқа, табиғатқа экскурсиялық, корпоративтік, топтық шығуларды ұйымдастыруға және рұқсат етілмеген жағажайларда шомылуға тыйым салу;
  • 65 жастан асқан адамдардың қалада, қоғамдық орындарда жүруін шектеуді;
  • 3 адамға дейін бірге серуендеу кезінде маска кию бойынша міндетті талаптарды және адамдар арасында кемінде 2 метр әлеуметтік қашықтықты сақтауды;
  • жұмыс орнынан және кері қарай жүріп-тұруға, аулаларда және саябақтарға, алаңдарға, скверлерге, жағалауларға барып жеке серуендеуге, 3 адамнан аспайтын топтарға  рұқсат етіледі;
  • қоғамдық орындарға, соның ішінде қалалық қоғамдық көліктерге және адамдар көп жиналатын нысандарға барғанда, қоғамдық орындарға барғаннан кейін маска тағуы және антисептик пайдалану жөніндегі талаптарды қатаң сақтауы қажет.

ХҚКО, бизнес орталықтар мен базарлар қалай жұмыс істейді

  • Санитарлық-профилактикалық іс-шараларды күшейте отырып, ХҚКО алдын ала Egov.kz, жеделхат-бот EgovKZBot 2.0 арқылы брондаумен жұмыс күндері сағат 9.00-ден 15.00-ге дейін жұмыс істейді. Call орталық сағат 9.00-ден 17.00-ге дейін жұмыс істейді, ал демалыс және мереке күндері қызмет көрсетпейді;
  • көтерме азық-түлік және азық-түлік сатпайтын базарлар (ғимараттардан тыс) жұмыс және демалыс күндері сағат 13.00-ге дейін жұмыс істейді;
  • ашық ауадағы азық-түлік және азық-түлік емес базарлар жұмыс және демалыс күндері жұмыс кестесін сағат 9.00-ден 15.00-гедейін жұмыс істейді;
  • тамақ өнімдерін (шағын маркет, супермаркет, гипермаркет) сататын азық-түлік дүкендері сағат 9.00-ден 21.00-ге дейін жұмыс істейді;
  • бизнес-орталықтардың (сақтандыру компаниялары, адвокаттың, нотариустың, бухгалтер мен консалтингтің, жылжымайтын мүлік жөніндегі агенттіктің, жарнама агенттіктерінің, сот орындаушыларының және т. б. қызметтері), екінші деңгейдегі банктердің, айырбастау пункттерінің, ломбардтардың, букмекер кеңселеріне жұмыс күндері сағат 9.00-ден 17.00-ге дейін жұмыс істеуге, мереке және демалыс күндері қызметіне тыйым салынған;
  • жеке медициналық орталықтардың, стоматология алдын ала жазылу бойынша сағат 9.00-ден 17.00-ге дейін жұмыс істейді;
  • салттық қызмет көрсету бойынша объектілер сағат 9.00-ден 21.00-ге дейін жұмыс істейді;
  • "Қазпочта" АҚ онлайн көрсетілмейтін қызметтер үшін жұмыс күндері сағат 8.00-ден 14.00-ге дейін қызмет көрсетеді;
  • Қоғамдық тамақтану нысандары тек ашық ауада жұмыс және демалыс күндері  10.00-ден 22.00-ге дейін жұмыс істейді, келушілер санын 30 адамнан асырмауы қажет. Үстелдер арасында екі метр қашықтық сақталады. Ол жерде салтанатты жиын өткізуге тыйым салынған.

Сонымен қатар қаулыға сәйкес, қалалық қоғамдық көліктің жұмысын тоқтайды, аймақтар арасындағы жолаушылар автобусының қозғалысы тоқтайды.

Бұған дейін астаналық әкімдіктің баспасөз қызметі бас санитар дәрігердің қаулысындағы кейбір шектеулер қабылданбағанын айтқан болатын. Әкімдік тұрғындарға кешкі он бірден кейін жаяу серуендеуге болмайды деген ақпаратты жоққа шығарды.

2870
Кілт сөздер:
коронавирус, карантин, Нұр-Сұлтан
Тақырып бойынша
Қазақстанда карантинді жыл соңына дейін ұзарту ұсынылды
Ақтау тұрғындары алаңға шықты - видео
Атышулы қазақстандық компания төңірегінде тағы да дау шықты
Марат Саятов өмірден озды
COVID-19: Қазақстанда тағы 1 500-ге жуық адам вирус жұқтырды
Нұр-Сұлтан

Нұр-Сұлтанда сауда орталықтары мен базарлардың жұмыс уақыты өзгереді

349
(Жаңартылды 18:16 22.06.2021)
Ведомствоаралық комиссия денсаулық сақтау министрлігінің елордада шектеу шараларын күшейтуге қатысты ұсыныстарын қолдады

НҰР-СҰЛТАН, 22 маусым – Sputnik. Нұр-Сұлтанда коронавирустың "үнді" штаммының табылуына байланысты карантиндік шектеулер күшейтіледі.

Сауда орталықтары мен базарлар

Сауда ойын-сауық орталықтары, сауда үйлері, сауда орталықтары, азық-түлік емес тауарларды сататын сауда желілері жұмыс күндері 17:00-ге дейін ашық болады. Сенбі және жексенбі күндері, осы нысандарда COVID-19-ға қарсы вакциналау пунктерінің орналасқанына қарамастан, жұмыс істеуіне тыйым салынады.

Сонымен қатар, жабық азық-түлік емес базарлардың жұмысы 10.00-ден 20.00-ге дейін шектеледі. Сенбі-жексенбі жұмыс істемейді.

Қоғамдық тамақтану орындары

Ғимарат ішіндегі қоғамдық тамақтану нысандары (мейрамхана, дәмхана, бар, асхана) жұмыс күндері таңғы 7.00-ден кешкі 20.00-ге дейін істейді. Демалыс күндері жабық болады. Ал ашық ауада орналасқан нысандар ("Ashyq" жобасына қатысатын объектілерді қоспағанда) кешкі 22.00-ге дейін қызмет көрсетеді.

Бұқаралық шаралар

Ашық ауада өткізілетін бұқаралық шараларға (спорттық, діни және тағы басқа) 100 адамнан артық қатысуға тыйым салынады.

Бүгін, 22 маусымда COVID-19 таралуына жол бермеу жөніндегі ведомствоаралық комиссияның отырысы өтті. Онда Нұр-Сұлтанда "үнді" штаммының таралуына байланысты карантин режимін күшейту мәселесі қаралды. ВАК денсаулық сақтау министрлігінің астанада шектеу шараларын күшейтуге қатысты ұсыныстарын қолдады. Жаңа шектеулердің қашан күшіне енетіні әзірге белгісіз. 

349
Кілт сөздер:
шектеу, карантин, Нұр-Сұлтан
Тақырып:
Төтенше жағдай және карантин
дизель отыны

Елорданың екі тұрғыны 70 тоннадан астам дизель отынын заңсыз сатқан

194
Қаржы мониторингі агенттігі азаматтарды жанар-жағармай материалдарын күмәнді орындардан сатып алудан бас тартуға шақырды

НҰР-СҰЛТАН, 22 маусым – Sputnik. Елорданың екі тұрғыны 14 миллион теңгеге дизель отынын заңсыз сатқан, деп хабарлады қаржы мониторингі агенттігінің баспсасөз қызметі.

Нұр-Сұлтан қаласы бойынша экономикалық тергеп-тексеру департаменті елорда аумағында дизель отынын заңсыз сату дерегі бойынша қылмыстық істі аяқтады. Нәтижесінде департамент қызметкерлері елорданың екі тұрғыны 14 миллионнан астам теңгеге 70 тоннадан астам дизель отынын заңсыз тасымалдап, сатқанын анықтады.

Өнімді сату барысында оның қайда шығарылғанын растайтын құжаты болмаған. Қылмысты ұйымдастырушылар шартты түрде 3 жылға сотталды.

Сондай-ақ қаржы мониторингі агенттігі азаматтарды жанар-жағармай материалдарын күмәнді орындардан сатып алудан бас тартуға шақырды.

"Автомобильге жанармай құю станциясының заңсыз жұмысы, соның ішінде заңсыз сатылған дизель отыны жоғары өрт қаупі бар объекті саналады және адамдардың өмірі мен денсаулығы үшін қауіп төндіреді", - деп хабарлады агенттік.

Қаржы мониторингі агенттігі жанар-жағармай материалдарын заңсыз сату дерегі анықталған жағдайда +7 (7172) 70-84-78 сенім телефонына немесе әлеуметтік желілердегі ресми аккаунт арқылы хабарласуды сұрайды.

194
Үркер сыйлығының сертификаты

Sputnik Қазақстанның екі тілшісі "Үркер" ұлттық сыйлығының шорт-парағына енді

0
Байқау 11 номинация бойынша өткізілуде, журналистерден барлығы 340 жұмыс келіп түскен

НҰР-СҰЛТАН, 22 маусым – Sputnik. "URKER-2021" Ұлттық бәйгесі номинанттарының шорт-парағы жарияланды. Оған сәйкес, Sputnik Қазақстанның тілшісі Ксения Воронина "Жылдың үздік репортажы", фототілші Владислав Воднев "Жылдың үздік фотосуреті" номинациясы бойынша тізімге енді.

Байқау 11 номинация бойынша өткізілуде, ал "Тәуелсіздіктің 30 жылдығына арналған үздік материал" номинациясы биылғы байқаудың жаңа номинациясы. Журналистерден барлығы 340 жұмыс келсе, солардың ішінде ең көп өтінім "Жылдың үздік сұхбаты", "Жылдың үздік танымдық материалы" және "Жылдың үздік аналитикалық материалы" номинациялары бойынша келіп түсті. Құрамына беделді журналистер, еліміздің шығармашылық интеллигенциясының өкілдері мене халықаралық медиаэкперттер енген қазылар алқасы үздік жұмыстарды анықтады.

Марапаттау рәсімі қарсаңында қазылар алқасының мүшелері ұлттық бәйге номинанттарын жариялады, шорт-параққа 44 номинант енді:

Жылдың үздік фотосуреті

  • Владислав Воднев Sputnik Қазақстан порталы
  • Мақсат Шағырбаев newsroom.kz порталы
  • Өмірбек Сансызбаев Massaget.kz порталы
  • Алихан Сариев Tengrinews.kz порталы

Жылдың үздік репортажы

  • Дина Литпин Adyrna порталы
  • Зарина Нокрабекова "Казахстанская правда" республикалық газеті
  • Ануар Абдрахманов BaigeNews.kz порталы
  • Ксения Воронина Sputnik Қазақстан порталы

Жылдың үздік аналитикалық материалы

  • Айбар Олжаев Nege.kz порталы
  • Жолдыбай Базаров "Егемен Қазақстан" газеті
  • Дина Имамбаева "Ақиқат" журналы
  • Азамат Галеев "Литер" газеті

Жылдың үздік журналистік зерттеуі

  • Ермекбай Заңғыров "Ана тілі" газеті
  • Рысбек Қыдырбек "Aiqyn" газеті
  • Дархан Нұрұмбетова BaigeNews.kz порталы
  • Юрий Масанов, Александр Воротилов "Курсив" газеті

Жылдың үздік сұхбаты

  • Жасмин Ризабекова STEPPE порталы
  • Тамара Вааль Vlast.kz порталы
  • Әлия Тілеужанқызы "Túrkistan" халықаралық газеті
  • Юлия Тен BaigeNews.kz порталы

Жылдың үздік танымдық материалы

  • Талғатжан Мұхаметбекұлы "ҚазАқпарат" халықаралық агенттігі
  • Өмірбек Сансызбаев Massaget.kz порталы
  • Алтынбек Құмырзақұлы "Қазақстан тарихы" интернет-жобасы
  • Мөлдір Мұқит STEPPE порталы

Радиостанциядағы үздік жоба:

  • "Қайырлы таң, Қазақ елі" "Қазақ" радиосы
  • "Новое утро" "NS" радиосы
  • "Жамбыл жолы" "Шалқар" радиосы
  • "Хроника Победы" "Алау" радиосы

Жылдың үздік жаңалықтар порталы:

  • іnbusiness.kz
  • informburo.kz
  • inform.kz
  • lsm.kz

Жылдың үздік газеті

  • "Курсив"
  • "TÚRKISTAN"
  • "Оңтүстік Қазақстан"
  • "Деловой Казахстан"

Жылдың үздік журналы

  • "Forbes Kazakhstan"
  • "Таң-Шолпан"
  • "Айгөлек"
  • "Ақиқат"

Тәуелсіздіктің 30 жылдығына арналған үздік материал

  • Рыиза Молдашева "Семей таңы" газеті
  • Лэйла Тастанова "Время" газеті
  • Альберт Ахметов zakon.kz
  • Айгүл Бисембинова "Вечерняя Астана" газеті

"URKER-2021" Ұлттық бәйгесінің жеңімпаздары 24 маусымда бұқаралық ақпарат құралдарының кәсіби мерекесі қарсаңында белгілі болады. Лауреаттарды марапаттау рәсімі "Қазмедиа" орталығында өтеді. Көрермендер марапаттау рәсімін urker-awards.kz ресми сайтынан тікелей эфирде тамашалай алады.

Жеңімпаздарға "URKER" естелік мүсіншесі және бір миллион теңге мөлшеріндегі ақшалай сыйлығы  табысталады.

Баспа, радио, интернет-журналистика саласындағы жетістіктері үшін берілетін қазақстандық ұлттық "URKER" сыйлығы талантты журналистер мен шығармашылық ұжымдарды анықтау, олардың кәсіби журналистиканы дамытуға қосқан үлесін мойындау және олардың шығармашылығына қоғамның назарын аудару мақсатында 2017 жылы тағайындалған.

0
Кілт сөздер:
журналистика, журналист, сыйлық