Нұр-Сұлтанда тұрғын үй орталығы ашылды

Нұр-Сұлтанда тұрғын үй орталығы ашылды: қандай қызметтер көрсетіледі

899
(Жаңартылды 16:30 16.11.2020)
Тұрғын үй орталығында тұрғын үйге кезекке тұру, кредиттік/жалға берілетін пәтерлер бойынша және тағы басқа мәселелерге қатысты кеңес алуға болады

НҰР-СҰЛТАН, 16 қараша — Sputnik. Нұр-Сұлтанда тұрғын үй саласында қызмет көрсететін бірыңғай орталық ашылды. Бұл туралы елорда әкімі Алтай Көлгінов хабарлады.

Тұрғын үй орталығы Республика даңғылы, 32 мекенжайында орналасқан.

"Бұл орталықта тұрғын үйге кезекке тұру, кезек нөмірін тексеру, тұрғын үй бағдарламаларына қатысу, тұрғын үй сертификатын алу, кредиттік/жалға берілетін пәтерлер бойынша және тағы басқа мәселелерге қатысты кеңес алуға болады", - деп атап өтті Көлгінов.  

Оның айтуынша, орталық қала тұрғындары үшін ыңғайлы, себебі олар тұрғын үй мәселелері бойынша қаланың әр ауданында орналасқан инстанцияларға бармай-ақ бір жерден кеңес ала алады.

Бөлінген аумақтың жалпы ауданы 2 мың шаршы метрден асады, қызметтерді арнайы мамандар көрсетеді. Күн сайын орталық 300-ден астам қала тұрғынын қабылдайды.

Орталықта тұрғын үй құрылыс жинақ банкінің кеңесшілері де жұмыс жұмыс істейді.

Әкім мемлекет басшысының тапсырмасына сәйкес биыл қолжетімді әлеуметтік тұрғын үй құрылысының көлемі үш есе артқанын атап өтті.

Оқи отырыңыз: Депутат тұрмысы төмен отбасылардың неге баспана ала алмай жүргенін айтты 

Еске сала кетейік, өткен жылдың жазында "Жанұя" отбасы институтын қолдау орталығы ашылды, онда мамандар қала тұрғындарына әлеуметтік мәселелер бойынша кеңес береді. Осы уақыт ішінде орталыққа 40 мыңға жуық адам жүгініп, көмек алды.

899
Кілт сөздер:
Нұр-Сұлтан, тұрғын үй, баспана
Тақырып бойынша
Бірнеше бағдарлама бар – баспана алудың тиімді шарттары қандай
Өскеменде жетім балаларға тиесілі пәтерге әкімдік қызметкерлері жайғасып алған
Нұр-Сұлтанда арендалық баспанаға құжат қабылдау басталды
Тараз әкімдігі жер кезегі келген тұрғындарды таба алмай жатыр
"5-10-20" бағдарламасының төртінші кезеңі басталды: өтінішті кімдер тапсыра алады
Сауда орталығының қызметкері

Нұр-Сұлтанда сенбі күні сауда орталықтарының жұмыс істеуіне тыйым салынуы мүмкін

381
Сауда нысандарына келушілер ғимараттың 30%-ін ғана толтыруы керек, яғни бір келушіге төрт шаршы метр тиесілі болуы тиіс

НҰР-СҰЛТАН, 27 қараша – Sputnik. Елордада демалыс күндері сауда нысандарының жұмыс кестесі өзгерді. Нұр-Сұлтанның бас санитар дәрігері Жанна Пірәлиевның мәлімдеуінше, енді қаулыға сәйкес, мониторингтік топтар карантин және шектеу шараларын бұзу фактілерін анықтаған жағдайда, сенбі күндері оларға жұмыс істеуге тыйым салынады, деп хабарлайды қалалық әкімдік сайты.

Бас санитар дәрігердің 20 қараша күнгі карантиндік шаралар туралы жаңа қаулысына сәйкес, адамдар маска тағып, әлеуметтік қашықтықты сақтап, әркез термометриялық тексеріс жүргізіп тұруы шарт. Сондай-ақ, антисептиктер мен санитайзерлер болуы шарт.

"Сауда үйлері мен ойын-сауық орталықтарының, жабық азық-түлік және азық-түлік емес базарлардың жұмыс кестесіне өзгерістер енгізілді. Енді аталған сауда нысандары сенбі күндері сағат 09:00-ден 20:00-ге дейін жұмыс істейтін болады. Бірақ мониторингтік топтар карантин және шектеу шараларын бұзу фактілерін анықтаған жағдайда, сенбі күндері оларға жұмыс істеуге тыйым салынады", -  деді Жанна Пірәлиева.

Оның айтуынша, сауда орындарының барлығы жексенбі күндері бұрынғыша жабық болады. Ал жұмыс күндері кесте бойынша 10:00-ден 23:00-ге дейін жұмыс істейді.

Сауда объектілерінде орналасқан сұлулық салондары, ателье, химиялық тазалау, шаштараз, аяқ киім жөндеу шеберханасы сияқты қосымша қызметтер үшін жаңа кесте енгізілді. Бұл бизнес субъектілері сенбі және жексенбі күндері 09:00-ден 20:00-ге дейін жұмыс істей алады.

"Егер демалыс күндері СОО-да тек супермаркеттер мен дәріханалар ашылса, енді оларға қосымша қызмет көрсететін шағын бизнес субъектілері де қосылады", - деп түсіндірді елорданың бас санитар дәрігері.

Бұл ретте сауда объектілеріне келушілер ғимараттың 30%-ын ғана толтыруы керек, яғни бір келушіге төрт шаршы метр тиесілі болуы тиіс. Бұл норманы ғимарат әкімшілігі де, жалға алушылар да қадағалап отыруға міндетті. Егер адамдар көп болған жағдайда, олар келушілер ағынын шектеуі керек.

Оқи отырыңыз: Ақмола облысында карантин тағы да күшейтілді

Клиенттер үшін маска тағу мен қашықтық сақтау талабы сақталады. Оларды бұзған жағдайда, жеке тұлғалар жауапқа тартылады.

381
Кілт сөздер:
шектеу, карантин
Тақырып:
Төтенше жағдай және карантин
Тақырып бойынша
СҚО-да карантин күшейтілді - не өзгерді
Қазақстанда карантин жеңілдетілді – қандай шектеу сақталады
Қазақстан мемлекеттік шекарада шектеу шараларын күшейтеді
Қандай жағдайда алматылық кәсіпорындар қызметіне шектеу қойылатыны белгілі болды
Қазақстанның бірнеше облысында шектеу шаралары енгізілді
Кісен, архивтегі фото

Нұр-Сұлтанда басқа өңірден қонаққа келген ер адам қылмыс үстінде ұсталды

736
Қарағанды ​​облысының тұрғыны дәмхананың кассасындағы ақшаны алу үшін есіктің әйнегін шаққан, осы кезде ғимараттағы дабыл жүйесі іске қосылған

НҰР-СҰЛТАН, 25 қараша – Sputnik. Елордада дәмханаға ұрлыққа түскен ер адам қылмыс үстінде ұсталды, деп хабарлайды Sputnik Қазақстан Нұр-Сұлтан қаласы полиция департаментінің баспасөз қызметіне сілтеме жасап.

Қарағанды ​​облысынан келген қонақ түнде дәмханаға кірмек болған. Ол кіреберістегі бірінші есіктің әйнегін шағып, екіншісін сындыра бастаған сәтте дабыл жүйесі іске қосылып кеткен.  

Ер адам сонда да қоймаған. Құлыпталған касса аппаратына барып, оны ашу үшін еденге лақтырады. Осылай бірнеше рет жасағаннан кейін касса ашылған, бірақ ондағы қағаз ақша мен тиын-тебен жан-жаққа ұшып түседі.

40 минут ішінде 3 дүкенді тонаған: Қарағандыда әккі ұрылар іздестіріліп жатыр – видео 

Ұры ақшаны жинап жатқанда дәмханаға қауіпсіздік фирмасының көлігі келіп үлгерген, олар қаскүнемді полицияға тапсырды.  

 

736
Кілт сөздер:
Нұр-Сұлтан, ұрлық
Тақырып бойынша
Отырар ауданының тұрғыны үйіне ұрлыққа түскен көршісі екенін білді
Парацетамол ұрлаған: Атырауда дәріхана тоналды
Талдықорғанда ұры жүргізушілерге үндеу жасады – видео  
Талдықорғанда 35 жыл түрмеде отырған баукеспе ұры ұсталды
Жалғыз жүрген қыздарды ғана тонаған: Алматыда әккі ұры ұсталды
Жедел жәрдем көлігі

Жамбыл облысында қайғылы оқиға салдарынан 2 бала көз жұмды

791
(Жаңартылды 16:11 29.11.2020)
Құтқарушылардың ақпаратына сәйкес, балалар Байзақ ауданы Үлгілі ауылындағы суарма арық маңында ойнап жүрген

НҰР-СҰЛТАН, 29 қараша — Sputnik. Жамбыл облысында екі бала мұз астына түсіп кетіп қайтыс болды, деп хабарлайды төтенше жағдайлар министрлігінің баспасөз қызметі.

Құтқарушылардың ақпаратына сәйкес, 6 және 9 жастағы екі бала Байзақ ауданы Үлгілі ауылындағы суарма арық маңында ойнап жүрген. Сол жерде мұз астына түсіп кетті, балаларды құтқару мүмкін болмады.

"Жамбыл облысы жедел құтқару жасағының үш сүңгуірі олардың денесін 3 метр тереңдіктегі судан шығарды", - деді төтенше жағдайлар министрлігінің ресми өкілі Талғат Уәли.

Министрлік қазіргі мұздың жұқа әрі қауіпті екенін ескертті. 

"Мұздың алғашқы қабаты балалар мен жасөспірімдерді қызықтырады. Алайда жұқа мұз өте қауіпті. Мұны балаларға айтып, ескерту керек. Балалардың мұндай жерлерде бақылаусыз жүруіне жол бермеңіз. Қаншалықты қауіпті екенін түсіндіріңіз", - делінген министрлік хабарламасында.

791
Кілт сөздер:
су, мұз, бала, Жамбыл облысы
Тақырып бойынша
"Қауіпсіздік ережелері сақталмаған": жыл басынан бері 40 бала суға батып кетті
Батыс Қазақстандағы трагедия: көлікте отырған үш бала суға батып кетті
Тоңазытқыштағы бала өлімі: сотталушының адвокаты күтпеген мәлімдеме жасады
"Сіңіріңіз тартылса...": суға батпау үшін не істеу керек?
Марадонамен кездескен қазақстандық бала: құшақтап жібермей тұрды