Көмір, архивтегі фото

Елорда әкімдігі 44,5 мың теңге әлеуметтік көмек кімдерге берілетінін түсіндірді

7267
(Жаңартылды 17:21 19.11.2020)
Әлеуметтік төлем зейнеткерлерге, мүгедектерге, мүгедек балаларға және көпбалалы отбасыларға беріледі

НҰР-СҰЛТАН, 19 қараша – Sputnik. Нұр-Сұлтанда жылу беру маусымы кезінде көмір сатып алу үшін берілетін әлеуметтік төлемге азаматтардың бірнеше санаты үміткер бола алады, деп хабарлады елорда әкімдігі.

Әлеуметтік көмек жұмыспен қамту және әлеуметтік қорғау басқармасы арқылы көрсетіледі.  

"Әлеуметтік төлем пешпен жылытылатын өз үйінде немесе жалға алып тұратын жасы бойынша зейнеткерлерге, мүгедектерге, мүгедек балаларға және көпбалалы отбасыларға беріледі. Олардың жан басына шаққандағы табысы 4 ең төменгі күнкөріс деңгейінен (шамамен 160 мың теңге) аспауы тиіс", - делінген хабарламада.

Өтемақы жылыту маусымына 16 айлық есептiк көрсеткiш көлемінде жүргiзiледi (44 448 теңге).

Оқи отырыңыз: Солтүстікке қоныс аударатындарға берілетін жәрдемақы екі есе артады 

Қатты отынды сатып алуға өтемақы алуға құқығы бар бiрнеше адам бiр жекеменшiк тұрғын үйде тұрған жағдайда өтемақы тек қана бiреуiне берiледi.

Төлемді алу үшін не істеу керек

Жылу беру кезеңінде (15 қазаннан 30 сәуірге дейін) әлеуметтік көмек алу үшін өтініш беруші электронды үкіметтің веб-порталы (egov.kz) арқылы өтініш беру керек.

Өтінішке мынадай құжаттар қоса беріледі:

  • жеке басын куәландыратын құжаттың көшірмесі;
  • адамның (отбасының) құрамы туралы мәліметтер;
  • жиынтық табысын есептеу қағидасына сәйкес адамның (отбасы мүшелерінің) табысы туралы мәліметтер;
  • зейнеткерлiк куәлiгiнің көшірмесі – зейнеткерлер үшін, мүгедектiгi жөнiндегi анықтамасының көшірмесі – мүгедектер үшін;
  • Қазақстан Республикасы әдiлет министрлiгiнiң аумақтық органы берген жылжымайтын мүлiкке тiркелген құқығының болмауы (болуы) жөнiндегi анықтама.
  • банктік шот туралы мәлімет.

Сұрақ туындаған жағдайда төмендегі байланыс телефондары арқылы хабарласуға болады:

  • Алматы ауданы бойынша әлеуметтік төлемдер тағайындау бөлімі - 8 702 158 08 53;
  • Байқоңыр ауданы бойынша әлеуметтік төлемдер тағайындау бөлімі - 8 705 468 50 01;
  • Есіл ауданы бойынша әлеуметтік төлемдер тағайындау бөлімі - 8 702 433 93 36;
  • Сарыарқа ауданы бойынша әлеуметтік төлемдер тағайындау бөлімі - 8 702 961 09 68.
7267
Кілт сөздер:
әлеуметтік көмек, мүгедектер, көпбалалы отбасы, көмір
Тақырып бойынша
Нұр-Сұлтанда тұрғын үй орталығы ашылды: қандай қызметтер көрсетіледі
Депутат Бектаев әр балаға 18 жасқа дейін қаржы бөлуді ұсынды
Қазақстан экономикасына үлкен салмақ түсіп жатыр – Назарбаев
Келесі жылы қазақстандықтарға 42 500 теңге төлене ме - министр жауабы
Сауда орталығының қызметкері

Нұр-Сұлтанда сенбі күні сауда орталықтарының жұмыс істеуіне тыйым салынуы мүмкін

387
Сауда нысандарына келушілер ғимараттың 30%-ін ғана толтыруы керек, яғни бір келушіге төрт шаршы метр тиесілі болуы тиіс

НҰР-СҰЛТАН, 27 қараша – Sputnik. Елордада демалыс күндері сауда нысандарының жұмыс кестесі өзгерді. Нұр-Сұлтанның бас санитар дәрігері Жанна Пірәлиевның мәлімдеуінше, енді қаулыға сәйкес, мониторингтік топтар карантин және шектеу шараларын бұзу фактілерін анықтаған жағдайда, сенбі күндері оларға жұмыс істеуге тыйым салынады, деп хабарлайды қалалық әкімдік сайты.

Бас санитар дәрігердің 20 қараша күнгі карантиндік шаралар туралы жаңа қаулысына сәйкес, адамдар маска тағып, әлеуметтік қашықтықты сақтап, әркез термометриялық тексеріс жүргізіп тұруы шарт. Сондай-ақ, антисептиктер мен санитайзерлер болуы шарт.

"Сауда үйлері мен ойын-сауық орталықтарының, жабық азық-түлік және азық-түлік емес базарлардың жұмыс кестесіне өзгерістер енгізілді. Енді аталған сауда нысандары сенбі күндері сағат 09:00-ден 20:00-ге дейін жұмыс істейтін болады. Бірақ мониторингтік топтар карантин және шектеу шараларын бұзу фактілерін анықтаған жағдайда, сенбі күндері оларға жұмыс істеуге тыйым салынады", -  деді Жанна Пірәлиева.

Оның айтуынша, сауда орындарының барлығы жексенбі күндері бұрынғыша жабық болады. Ал жұмыс күндері кесте бойынша 10:00-ден 23:00-ге дейін жұмыс істейді.

Сауда объектілерінде орналасқан сұлулық салондары, ателье, химиялық тазалау, шаштараз, аяқ киім жөндеу шеберханасы сияқты қосымша қызметтер үшін жаңа кесте енгізілді. Бұл бизнес субъектілері сенбі және жексенбі күндері 09:00-ден 20:00-ге дейін жұмыс істей алады.

"Егер демалыс күндері СОО-да тек супермаркеттер мен дәріханалар ашылса, енді оларға қосымша қызмет көрсететін шағын бизнес субъектілері де қосылады", - деп түсіндірді елорданың бас санитар дәрігері.

Бұл ретте сауда объектілеріне келушілер ғимараттың 30%-ын ғана толтыруы керек, яғни бір келушіге төрт шаршы метр тиесілі болуы тиіс. Бұл норманы ғимарат әкімшілігі де, жалға алушылар да қадағалап отыруға міндетті. Егер адамдар көп болған жағдайда, олар келушілер ағынын шектеуі керек.

Оқи отырыңыз: Ақмола облысында карантин тағы да күшейтілді

Клиенттер үшін маска тағу мен қашықтық сақтау талабы сақталады. Оларды бұзған жағдайда, жеке тұлғалар жауапқа тартылады.

387
Кілт сөздер:
шектеу, карантин
Тақырып:
Төтенше жағдай және карантин
Тақырып бойынша
СҚО-да карантин күшейтілді - не өзгерді
Қазақстанда карантин жеңілдетілді – қандай шектеу сақталады
Қазақстан мемлекеттік шекарада шектеу шараларын күшейтеді
Қандай жағдайда алматылық кәсіпорындар қызметіне шектеу қойылатыны белгілі болды
Қазақстанның бірнеше облысында шектеу шаралары енгізілді
Кісен, архивтегі фото

Нұр-Сұлтанда басқа өңірден қонаққа келген ер адам қылмыс үстінде ұсталды

738
Қарағанды ​​облысының тұрғыны дәмхананың кассасындағы ақшаны алу үшін есіктің әйнегін шаққан, осы кезде ғимараттағы дабыл жүйесі іске қосылған

НҰР-СҰЛТАН, 25 қараша – Sputnik. Елордада дәмханаға ұрлыққа түскен ер адам қылмыс үстінде ұсталды, деп хабарлайды Sputnik Қазақстан Нұр-Сұлтан қаласы полиция департаментінің баспасөз қызметіне сілтеме жасап.

Қарағанды ​​облысынан келген қонақ түнде дәмханаға кірмек болған. Ол кіреберістегі бірінші есіктің әйнегін шағып, екіншісін сындыра бастаған сәтте дабыл жүйесі іске қосылып кеткен.  

Ер адам сонда да қоймаған. Құлыпталған касса аппаратына барып, оны ашу үшін еденге лақтырады. Осылай бірнеше рет жасағаннан кейін касса ашылған, бірақ ондағы қағаз ақша мен тиын-тебен жан-жаққа ұшып түседі.

40 минут ішінде 3 дүкенді тонаған: Қарағандыда әккі ұрылар іздестіріліп жатыр – видео 

Ұры ақшаны жинап жатқанда дәмханаға қауіпсіздік фирмасының көлігі келіп үлгерген, олар қаскүнемді полицияға тапсырды.  

 

738
Кілт сөздер:
Нұр-Сұлтан, ұрлық
Тақырып бойынша
Отырар ауданының тұрғыны үйіне ұрлыққа түскен көршісі екенін білді
Парацетамол ұрлаған: Атырауда дәріхана тоналды
Талдықорғанда ұры жүргізушілерге үндеу жасады – видео  
Талдықорғанда 35 жыл түрмеде отырған баукеспе ұры ұсталды
Жалғыз жүрген қыздарды ғана тонаған: Алматыда әккі ұры ұсталды
Жамбыл Жабаев

"ХХ ғасыр Гомері" деген бағаға ие болған Жамбыл Жабаев жайлы қызықты деректер

0
Жыр алыбы, ақын, суырыпсалма ақын, қазақ халқының ұлы перзенті Жамбыл Жабаев туралы деректерді Sputnik Қазақстан дерекқорынан оқыңыз

Жамбыл Жабаев 1846 жылы 28 ақпанында Жамбыл облысындағы Жамбыл тауының етегінде дүниеге келген. Ұлы жүздің шапырашты тайпасының екей руынан шыққан. Арғы аталары дәулетті болғанымен, Жамбылдың әкесі Жапа шаруа кісі болған. Кей тарихи деректе жыр алыбының әкесі туралы шоқпыт шапанды кедей болған деген сипаттама кездеседі.

"Қақаған қар аралас соғып боран,
Ел үрей - көк найзалы жау торыған.
Байғара, Жамбыл, Ханда мен туыппын,
Жамбыл деп қойылыпты атым содан", - дейді Жамбыл ақын.

"Мен киіз үйде өстім. Сол кездегі барлық қазақ балаларындай мені де көшкен кезде бесінмен ала жүрді", дейді ақынның өзі балалық шағы жайлы. Соған қарағанда ақын бала күнінде қоңырқай тірлік кешкен.

Жамбылдың туған нағашысы Жетісу өңіріне танымал әнші болған.

"Жетісудың даңқы асқан биі Бөлтірік Алатаудың баурайындағы ағайынды аралап келген екен. Сонда үлкен сөз өнері ортаға түсіп жатқанда даладан бір бала жүгіріп келген екен. Бірден барып Бөлтіріктің қолын алыпты. Сонда Бөлтірік баланың қолын ұстап тұрып, "атың кім, балам?" депті. "Атым - Жамбыл" деп жауап берген екен. "Атың Жамбыл болса, көкірегің даңғыл болар. Шырғалаңнан сөз келсе, шырқаушының өзі болар екенсің" деген екен", - дейді қоғам қайраткері Мырзатай Жолдасбеков.

Жамбылдың ақындық дарыны жас кезінен-ақ таныла бастаған. Бозбала шағынан ортасын ән мен жырға кенелтіп, көршілес қырғыз еліне де даңқы жайылған. Сол кезде көпшіліктің аузынан түспей жүрген Жамбыл Жетісудың дүлдүл ақыны Сүйінбайға жолығып, оның батасын алады.

Жамбыл "Шағым", "Жылқышы", "Шәбденге", "Сәт сайланарда", "Өстепкеде", "Патша әмірі тарылды", "Зілді бұйрық" сияқты өлеңінде елдің әлеуметтік саяси өмірін көрсеткен.

Жамбыл Жабаев шығармашылығының шарықтау шегі тоқсан жастан асқан шағына тура келеді. 1936 жылы Мәскеуде өткен Қазақстанның онкүндігінде шымылдығын Жамбыл ашты. 360 өнерпаз барған бұл мәдениет күндерінде жыр алыбы Жамбыл Жабаевтың, әнші Күләш Байсейітованың абыройы асқақтады. Жамбыл сол жылы Еңбек Қызыл ту орденімен марапатталды.

"1936 жылдан бастап Жамбылдың аты орыс тілі арқасында шетелге де тарала бастады. Кеңес үкіметі сол кезде 75 жылдық шығармашылық тойын тойламақ болады. Соның қарсаңында үй салып береді", - дейді Жамбыл Жабаев әдеби-мемориалдық мұражай директоры Мәулен Қожашев.

Жамбылдың шығармалары әлемнің ондаған тіліне аударылып дүние жүзіне тарады. Жамбыл көзінің тірісінде КСРО мемлекеттік сыйлығының лауреаты атанған.

Ақынның "Өтеген батыр", "Сұраншы батыр", "Көрұғлы", "Бақ, дәулет, ақыл" деген дастандары бар.

ХХ ғасыр Гомері

Бірде Жамбылдың ел арасында оның ақындық қабілетіне күмән келтіргісі келетіндер де табылған. Сонда орталық комитет жазушы Леонид Соболевті жағдайдың анық-қанығын білуге Ұзынағашқа жіберген. Жамбылдың жыршылығына таңқалған жазушы үш күн қасында болып, "жиырмасыншы ғасырдың Гомері" деп баға берген.

Жамбыл саналы ғұмырында Құлманбет, Досмағамбет, Сарыбас, Майкөт, Бақтыбай, Бөлтірік, Шашубай ақындармен айтысқан. Соның ішінде Айкүміспен айтысы қыз бен жігіт айтысының жақсы бір көрінісі. Жас күнінде Жамбыл ақын Сара, Айкүміс, Сайқал, Кәмшат қыздармен айтысқан.

Жыр алыбы Жамбыл күйші Дина Нұрпейісовамен де жақын таныс болған. 1936 жылы танысып, таныстық соңы жақсы сыйластыққа ұласқан деген дерек бар.

Ақынның отты жырлары

Ақынның соғыс жылдары отан қорғау тақырыбына арнап жазған өлеңдері үш мың жолды құрайды. Әсіресе, "Ленинградтық өренім", "Москваға", "Майданға хат" сынды өлеңдері бар. Жамбыл ақын өмір мен өлім апралысына түскен Кеңес жауынгерлеріне отты жырлары арқылы жігер беруге тырысты.

Жамбылдың ұлы Алғадай жат елде оққа ұшқан болатын. Ұлының қазасынан кейін "Жамбылдың Алғадайды жоқтауы" деген өлеңі шықты. Кей дерекке сәйкес, Алғадайдан ұрпақ тарап, бүгінде бүтін бір отбасы болып отыр.

Жамбыл өзінің алдындағы аға буын өкілі Сүйінбай ақынды өзіне пір тұтқан. Ал Кенен Әзірбаев Жамбыл Жабаевты тәлімгері деп таныған.

Жамбыл 1945 жылы 22 маусымда Алматы облысының Ұзынағаш елді мекенінде 99 жасында дүниеден өтті.

1946 жылы ақпанда Қазақстан халқы жыр алыбының жүз жылдық мерейтойын тойлады. Сол жылы ақынның таңдамалы шығармаларының академиялық жинағы қазақ және орыс тілінде басылды.

0
Кілт сөздер:
қызықты деректер, Жамбыл Жабаев
Тақырып бойынша
"Өз жаназасын өзі шығарды": Ақиық ақын Мұқағали Мақатаев туралы деректер
"Көкейімнен кетпейді": ұлттың ұлы ұстазы Ыбырай Алтынсариннің тілегі
Қазақтың "қазақ" деп атанып жүргені Сәкен Сейфуллиннің арқасы - танымал ақын
Абайдың үш әйелі: ақын сүйіктілеріне не сыйлаған - фото
Абайдың 175 жылдығы: ұлы ақын жайлы фильмдерді қайдан тамашалауға болады