Жылу батареясы, иллюстративті фото

Екі есе ақыны не үшін төлейміз: елорда тұрғындары жылу бағасына наразылық білдірді

48
Астаналықтар желтоқсан айындағы аязды күндерде күшейтілген жылу үшін ақы төлегенімен, олардың көбі тиісті жылуды сезінбегенін айтады

НҰР-СҰЛТАН, 12 қаңтар – Sputnik. Нұр-Сұлтан тұрғындары түбіртекте жылуға келген бағаға шағымдануда. Кейбірінің сөзіне қарағанда, жылумен жабдықтау қызметі үшін квитанцияда екі есе қымбат сома көрсетілген.

Тұрғындар "Астанаэнергосбыт" компаниясының сайты мен әлеуметтік желідегі парақшада шағымданған пікірлер қалдыруда.

"Желтоқсан айындағы квитанцияларда жылу энергиясы үшін ақы неге сонша көп?", "Жылу мен электр энергиясы үшін тиісті сома өткен айдағыдан екі есе қымбат болуына не себеп?", – деп жазады астаналықтар.

Кейбір тұрғындарға жылу бағасы есептеу құралы бойынша келсе, енді біріне тұрғын үйдің шаршы метрімен есептелген.

"Бұл есептеу құралдарының көрсеткішін жолдамаған ПИК-тің кінәсі дейді. Ал ПИК барлық көрсеткішті жолдадық деп отыр. Сонда бұған кім жауап береді? Желтоқсанда 2 600 теңге төлегенбіз, енді қаңтарда 6 000 теңге шығыпты. Тарифті қымбаттату бойынша жоспар болса да, енді ол 50%-ке емес шығар" – дейді Әлия Дошанова.

Сонымен қатар, тұрғындар кейбір үйлерде толыққанды жылу жоқ екенін айтады.

"Менің сіңілім "Нұрсая" тұрғын үй кешенінде тұрады. Пәтерде 15 градус қана жылы. Олар жылы киініп, кішкентай балалардың бөлмесіне жылытқыш қоюға мәжүр", – деп жазды желі пайдаланушысы Динара Қорғанбаева.

Әкімдік ресми ақпарат таратты

2021 жылдың 1 қаңтарынан бастап Нұр-Сұлтанда жылу беру тарифтері қымбаттаған жоқ, деп хабарлады Sputnik Қазақстан агенттігіне табиғи монополияларды реттеу комитетінің елорда бойынша департаменті.

"2021 жылғы қаңтарда желтоқсан айындағы жылу тұтыну үшін жоғары баға көрсетілген квитанциялар бойынша шағымдар әлеуметтік желілерде таралуда. Осыған байланысты табиғи монополияларды реттеу комитетінің Нұр-Сұлтан қаласы бойынша департаменті "Астанаэнергосбыт" ЖШС үшін 2021 жылдың 1 қаңтарынан бастап жылумен жабдықтау қызметі бағасын қымбаттатусыз тарифтер белгіленгенін хабарлаймыз", – деп жазылған ресми ақпаратта.

Халыққа арналған 2021 жылғы тариф өткен жылғы деңгейде қалды:

  • есептеу құралы бар тұрғындар үшін – ҚҚС есебімен 2 432 теңге/Гкал;
  • есептеу құралы жоқ тұрғындар үшін – ҚҚС есебімен 2 925,56 теңге/Гкал;
  • ескі үйлерде тұратын азаматтар үшін – ҚҚС есебімен 2 437,97 теңге/Гкал.

Желтоқсандағы аяз

Үйлерінде есептеу құралы жоқ тұтынушылар үшін жылу ақысы сыртқы ауаның нақты температурасының есебімен өзгертілген болуы мүмкін.

2019 жылдың желтоқсанында сыртқы ауаның нақты температурасы минус 7,7 градус болды.

2020 жылдың қарашасында – минус 6,2 градус, ал 2020 жылдың желтоқсанында – минус 15,7 градус, деп хабарлады департамент мамандары.

Оқи отырыңыз: Қай қала тұрғындары жылу үшін ең көп ақша төлейді

Елордада жылу тұтыну 2019 жылдың желтоқсанында 953 000 Гкал, 2020 жылдың қарашасында 912 000 Гкал және 2020 жылдың желтоқсанында 1 263 600 Гкалды құрады.

"Осылайша, сырттағы ауа температурасының төмендеуіне байланысты 2020 жылдың желтоқсанында Нұр-Сұлтан қаласындағы жылумен жабдықтау қызметін тұтыну көлемі ұлғайған. Бұл 2021 жылдың қаңтарында жіберілген квитанцияларда көрсетіліп тұр", – деді ведомство өкілдері.

Қайда шағымдану керек

Жылумен жабдықтау қызметінің тарифін заңсыз қамбаттату фактілері анықталған жағдайда электронды үкімет порталы арқылы немесе Петров көшесі, 5 мекенжайына келу арқылы Нұр-Сұлтан қаласы бойынша ТМРКД шағымдануға болады. Байланыс телефоны: (7172) 56-81-33.

48
Кілт сөздер:
Нұр-Сұлтан, жылу беру маусымы, жылу
Тақырып бойынша
Ералы Тоғжанов: Маңғыстауда жылу мен жарық тағы арзандайды
Алматының жылу электр орталықтары түгел газға көшіріледі
Көкшетауда жылу беруші кәсіпорын халықтың есебінен заңсыз пайда тапқан
Алматының қақ ортасында жылу құбыры жарылды: төрт адам күйіп қалды - видео
Елордалық жылу электр орталықтары ішінара газбен жұмыс істей бастады
Архивтегі фото

Нұр-Сұлтанда өзінен 10-15 жас үлкен әйелдермен көңіл қосқан жігіт ұсталды фото

5264
(Жаңартылды 18:29 12.05.2021)
Қазіргі кезде тәртіп сақшылары алаяқтың әрекетінен зардап шеккен 8 адамды анықтады. Күдікті өз кінәсін мойындап отыр 

НҰР-СҰЛТАН, 12 мамыр — Sputnik. Астаналық полицейлер өзінен үлкен әйелдерді алдап жүрген алаяқты ұстады. 34 жастағы ер адамның фотосы жарияланды, деп хабарлайды Sputnik Қазақстан.

Полиция әйелдерді алдап келген ер адамның фотосын жариялады
© Photo : Нұр-Сұлтан ПД баспасөз қызметі
Полиция әйелдерді алдап келген ер адамның фотосын жариялады

Нұр-Сұлтан полиция департаментінің мәліметіне сәйкес, күдікті әлеуметтік желілер арқылы көбінесе 40-50 жастағы әйелдермен танысқан. Оларға шын аты-жөнін айтпаған. Біреуге "Алмас" десе, басқасымен "Алматпын" деп танысыпты. Барлығына банктің қауіпсіздік қызметінде немесе мемлекеттік қызметте жұмыс істейтінін айтқан.

"Ал әйелдердің сеніміне кіргеннен кейін ақшаға жоғары жалақысы бар қызметке орналастыруға ұсыныс жасаған. Тіпті біреуінің атынан кредитке телефон алыпты. Ақшасын кешіктірмей төлеп тұрамын деген уәдесін орындамаған", - дейді полицейлер.  

Алаяққа алданған тағы бір әйел құндыз тонын бере салыпты. "Алмас" оны химиялық тазартуға апарып тастаймын деген. Бірақ ақшаға айырбастап, қашып кеткен.

Қазіргі кезде тәртіп сақшылары алаяқтың әрекетінен зардап шеккен 8 адамды анықтады. Күдікті өз кінәсін мойындап отыр.

Қылмыстық кодекстің 190-бабы (Алаяқтық) бойынша сотқа дейінгі тергеу басталды. Ер адамның осы іспетті басқа да қылмыстарға қатысы бар-жоғы тексеріліп жатыр. Осыған байланысты Нұр-Сұлтан қалалық полиция департаменті фотода көрсетілген адамның әрекетінен зардап шеккендерді 61-30-68, 71-64-90, 71-65-58. 8-775-601-11-00 немесе 102-ке хабарласуды сұрайды.

5264
Ордендер мен медальдар

Дәрігерлер коронавирустан емделіп жатқан ардагерді мерекемен құттықтады видео

100
(Жаңартылды 17:59 09.05.2021)
Иван Михайлович аурухана дәрігерлерінің көрсеткен құрметіне риза болып, қуаныштан көзіне жас алды

НҰР-СҰЛТАН, 9 мамыр – Sputnik. Нұр-Сұлтанда дәрігерлер инфекциялық стационарда коронавирустан емделіп жатқан соғыс ардагерін Ұлы Жеңіс күнімен құттықтады, деп хабарлайды қала әкімдігінің ресми сайты.

Иван Михайлович Ботев ауруханаға 27 сәуірде ауыр жағдайда түсті. 5 мамырда денсаулығының нашарлауына байланысты жансақтау бөліміне ауыстырылды.

Дәл бүгін ардагердің отбасы жанында болмаса да ақхалаттылар оны назардан тыс қалдырмай, арнайы құттықтады.

"Ардагерімізді құттықтаусыз қалдыра алмадық. Олардың ерлігін есте сақтау – біздің парызымыз. Бір өкініштісі, науқас 9 мамыр мерекесін аурухана қабырғасында атап өтуге мәжбүр. Сондықтан біз оған мерекелік көңіл-күй сыйлағымыз келді. Әрбір науқастың тезірек емделіп, отбасына оралуын күні-түні тілейміз. Қарамағымыздағы ардагеріміздің де тезірек жазылып шығуын тілейміз. Қартайған шағын бала-шағасының қасында өткізуі керек!" – деді көпсалалы медицина орталығы басшысының жұқпалы аурулар қызметі жөніндегі орынбасары Татьяна Цечоева.

Иван Михайлович аурухана қызметкерлерінің көрсеткен құрметіне риза болып, қуаныштан көзіне жас алды.

Тағы оқыңыз: "Басымды көтерсем, жанымда адам еті жатыр": алматылық ардагер қан майданды еске алды

Иван Михайлович Ботев 1925 жылы 20 қыркүйекте Кемерово облысында дүниеге келген.

1943 жылы 13 қаңтарда Кеңес армиясы қатарына шақырылды. Соғыс жылдарында 1-ші Беларусь майданындағы шайқастарға қатысты.

Соғыс аяқталғаннан кейін, 1945-1971 жылдар аралығында әскер қатарында,  қатардағы жауынгерден ракеталық күштер штабының бастығына дейін көтеріліп қызмет етті. Полковник шенімен зейнетке шыққан.

Ардагер II дәрежелі Отан соғысы орденімен, "1941-1945 жылдардағы Ұлы Отан соғысындағы Германияны жеңгені үшін" медалімен, одан бөлек 18 мерейтойлық медальмен марапатталған.

Қазір науқас инвазивті емес тыныс алдырту аппаратына қосылған және толық сауығып шыққанға дейін стационарда жатады.

100
Кілт сөздер:
коронавирус, видео, соғыс ардагері, Нұр-Сұлтан
Тақырып бойынша
Нұр-Сұлтанда соғыс ардагерлеріне 1 млн теңгеден төленеді
Алматылықтар Ұлы Отан соғысының батырларын біле ме – видео
Ыстық ауа райы

36 градус ыстық және жел: ертең ауа райы қандай болады

1232
(Жаңартылды 21:17 15.05.2021)
Қазақстанның бес облысында дабылды ескерту жарияланды

НҰР-СҰЛТАН, 15 мамыр - Sputnik. Синоптиктер республиканың басым бөлігінде ауа райы ашық болады деп болжайды. Бес облыста дабылды ескерту жарияланды.

Дабылды ескерту

Атырау облысында оңтүстік-шығыстан жел соғады, кей жерлерде секундына 15-20 метрге дейін жетеді. Түстен кейін 36 градусқа дейін қатты ыстық күтіледі.

Солтүстік Қазақстан облысында секундына 25 метрге дейін жел күшейеді.

Павлодар облысында кей жерлерде найзағай ойнап, секундына 20 метрге дейін жел күшейеді.

Қостанай облысында 35 градусқа дейін қатты ыстық болады деп болжануда.

Жексенбіде Қызылорда облысында кей жерлерде шаңды дауыл күтіледі, жел секундына 15-20 метрге жетеді.

Мегаполистегі ауа райы

Нұр-Сұлтанда күн бұлтты, жаңбыр жаууы мүмкін. Ауа температурасы түнде плюс 10-12, күндіз 27-29 градус ыстық. Желдің жылдамдығы секундына 9-14 метрді құрайды.

Алматыда күн бұлтты, жауын-шашын болуы мүмкін. Ауа температурасы түнде 7-9 градус, күндіз 19-21 градус ыстық.

Шымкентте күн ашық. Желдің екпіні секундына 13 метрге дейін жетеді, ауа температурасы түнде плюс 14-16, күндіз 27-29 градус ыстық болады.

1232
Кілт сөздер:
Қазгидромет, ауа райы