Газ плита

Елордада үйге газ кіргізу бағасы 37,5 процентке дейін арзандады

51
(Жаңартылды 11:49 27.01.2021)
Қазіргі кезде әкімдік жеке ұйымдармен монтаждау жұмыстарының құнын төмендету бойынша келіссөздер жүргізуде

НҰР-СҰЛТАН, 27 қаңтар – Sputnik. Елорда әкімдігі монтаждау жұмыстарының құрылысына маманданған жеке ұйымдармен бірнеше рет кездесу өткізді. Нәтижесінде, Нұр-Сұлтанда үй ішіне тікелей газ орнату құны 30%-тен астам төмендеді, деп хабарлайды қала әкімдігінің ресми сайты.

"Айталық, "Әлия сервис" ЖШС үй ішінде газ өткізу құнын 240 мың теңгеден – 150 мың теңгеге дейін төмендетсе (37,5%-ке), "ҚазтрансГазАймақ" АҚ – 123 мың теңгеге дейін азайтты. Сол сияқты тағы бірқатар жеке ұйым үй ішіне газ өткізу құнын арзандатты. Бұл сомаға газ жабдығы мен жиынтықтауыштардың құны кірмейді", – делінген хабарламада.

Айта кетейік, тұрғын үй алаптарында газ тарату желілерін, оның ішінде тұрғын үйлер бойындағы орамішілік желілерді салумен Нұр-Сұлтан әкімдігі айналысады. Ал үй ішіне тікелей жеткізілуіне жеке ұйымдар жауапты.

Тұрғындар кез-келген мамандандырылған компанияны таңдауға құқылы.

Қазіргі кезде жобаның әлеуметтік маңыздылығын ескере отырып, әкімдік жеке ұйымдармен монтаждау жұмыстарының құнын төмендету бойынша келіссөздер жүргізуде. Ал есептегіштердің өздері азаматтарға тегін беріледі.

Қаланы газдандыру үш кезең бойынша жүргізіледі. Биылғы жылыту маусымында Железнодорожный, Көктал-2, Агроқалашықтың бір бөлігі газға көшіріледі. Сонымен қатар, Көктал-1, Промышленный, Оңтүстік-шығыс тұрғын алаптарында құрылыс-монтаждау жұмыстары жүргізілуде.

Оқи отырыңыз: Мамин әкімдіктерге бір ай ішінде газ-техникалық инспекция құруды тапсырды

Аталған тұрғын алаптарда газбен жабдықтаудың ішкі желілерін жүргізген тұрғындар газға қосылу үшін "ҚазтрансГаз Аймақ" АҚ-ға жүгіне алады (Республика даңғылы, 24, "Парасат" БО). Бұл ұйым газбен жабдықтаудың ішкі желілерінің қауіпсіздігімен және тікелей қосылуын тексерумен айналысады, сондай-ақ одан әрі пайдалануға жауап береді.

51
Кілт сөздер:
Нұр-Сұлтан, газдандыру
Тақырып бойынша
Газ орнына су құйған: Ақтауда жанармай бекетінің қулығы әшкере болды
Нұр-Сұлтанның тағы екі елді мекенінде үйлерге газ қосыла бастады
Ақтөбеге бет алған жолаушылар пойызында газ баллоны жарылды
Қазақстан мен Ресей жаңа газ құбырын салады – видео
Павлодар облысын газдандыру: Қазақстан Газпроммен келіссөз жүргізуде
Астана LRT тіректері

Желіде LRT "бұзылып" жатқаны түсірілген видео талқыланды

3313
(Жаңартылды 20:12 12.04.2021)
Нұр-Сұлтандағы LRT құрылысы қаржыландыру мәселесі шешілген бойда жалғасын табады деп жоспарланып отыр

НҰР-СҰЛТАН, 12 сәуір — Sputnik. Қазақстандықтар Нұр-Сұлтандағы LRT бағаналарын "бұзып" жатқаны жайлы видеоны талқылап жатыр.

"Міне, LRT-ны бұзып жатыр. Соған қарағанда құрылысты жалғастырмайтын секілді", - дейді ер адам.

Алайда кадрда тіректердің бұзылып жатқаны көрінбейді.

CTS көлік компаниясының баспасөз қызметі Sputnik Қазақстан агенттігіне LRT бұзылмайтынын, видеода күнделікті жұмыс көрініс тапқанын мәлімдеді.

"Қаржыландыру мәселесі шешілген соң жұмыс басталады", - деп нақтылады компания.

2019 жылдың жазында президент Қасым-Жомарт Тоқаев Нұр-Сұлтандағы жеңіл рельсті көлік жобасына жауапты тұлғаларды өткір сынға алды. Елорда әкімінің экс-орынбасары Қанат Сұлтанбеков пен "Астана LRT" компаниясының бұрынғы басқарма төрағасы Талғат Арданға халықаралық іздеу жарияланды.

Астана LRT: сақалды құрылыс тағдыры – фото

Нұр-Сұлтан әкімі Алтай Көлгінов пандемия кезінде LRT құрылысы туралы мәселе кейінге қалдырылғанын айтты. Себебі "Қазақстандағы екінші деңгейлі банктерден ғана емес, халықаралық банктерден де сыртқа қарыз тарту қажет болды".

Қазір елорда билігі жобаны аяқтау үшін халықаралық инвесторлар іздеуді жалғастырып жатыр. БАҚ-та жазғандай, жеңіл рельсті көлік жобасын аяқтау үшін 1,5 миллиард доллар қажет.

3313
Тақырып бойынша
Astana LRT: 16 жылдық тарихы бар даулы жоба бір видеода
Елордадағы LRT-ның ендігі тағдыры не болады?
Тағы бір ел "Астана LRT" ісі бойынша күдіктіге іздеу салды
Нұр-Сұлтан қаласының полицейлері арнайы операция өткізді - видео

Нұр-Сұлтан қаласының полицейлері арнайы операция өткізді - видео

2050
Күдіктілер уақытша ұстау изоляторына қамалды, тергеу жүргізілуде, деп хабарлады елордалық полицейлер

НҰР-СҰЛТАН - 10 сәуір, Sputnik. Нұр-Сұлтан қаласы полиция департаментінің қызметкерлері киік мүйізінің ірі партиясын тәркілеу бойынша арнайы операция өткізді, деп хабарлайды Polisia.kz.

9 сәуірде киік мүйізінің ірі партиясын сату кезінде қылмыстық топ ұсталды. Арнайы операция Қарағанды облысының полицейлерімен бірлесе жүргізілген. Ұсталғандардың екеуі 55 және 52 жастағы елордалықтар, ал біреуі Қарағанды облысының 44 жастағы тұрғыны.

Екі күдікті елордадан киік мүйіздерін сату нарығын іздеп, кейін Қарағанды облысының аумағында сатпақшы болған. Операция кезінде ірі партия - 293 дана мүйіз тәркіленді. Мемлекетке келтірілген шығын көлемі шамамен 500 миллион теңгені құрайды.

Полицияның хабарлауынша, алты мекенжай бойынша бір уақытта тінту жүргізіліп, айғақ заттар мен дәлелдемелер табылды. Сонымен қатар есірткі заттары тәркіленген. Бұл факті бойынша қылмыстық кодекстің 393-бабы бойынша қылмыстық іс қозғалды. Күдіктілер уақытша ұстау изоляторына қамалды. Тергеу жүргізілуде.

2050
Кілт сөздер:
видео
Тақырып бойынша
Арнайы операция: ҰҚК аса қауіпті қылмыстық топты ұстады – видео
ҰҚК бірнеше қалада арнайы операция жүргізді – видео 
"Бүкіл елге таралуы мүмкін еді": полиция арнайы операция жүргізді – видео
Смартфон

Қазақстандықтар мемлекеттік сайттардың осалдығын анықтап ақша таба алады

0
(Жаңартылды 19:30 13.04.2021)
Қазақстандықтар мемлекеттік сайттың осалдығы туралы Bug Bounty бағдарламасының көмегімен хабарлай алады

НҰР-СҰЛТАН, 13 сәуір – Sputnik. Мемлекеттік сайттардың кемшілігі мен осалдығын анықтап, оны жоюға көмектескен қазақстандықтарға ақшалай сыйақы төленеді. Бұл туралы "Мемлекеттік техникалық қызмет" АҚ ақпараттық қауіпсіздіктің ұлттық үйлестіру орталығының директоры Серік Холдас мәлімдеді, деп хабарлайды Sputnik Қазақстан тілшісі.

Қазақстандықтар сайттың осалдығы туралы Bug Bounty бағдарламасының көмегімен хабарлай алады.

"Мұндай бағдарламалар көптеген ірі компанияда – Mail.ru, Яндекс, Uber, Google-да бар. Егер қандай да бір маман, хакер жүйенің осалдығын тапса, ол оны тапсырып, ақшалай сыйақы ала алады. Қазақстанда біз бірегей бағдарламаны іске қостық, мұндай бүкіл әлемде жоқ. Азаматтар барлық мемлекеттік жүйеде анықталған осалдық туралы хабарлай алады", - деді Холдас брифингте.

Ол Ұлттық банкпен бірлесіп BugBounty бағдарламасына барлық банкті қосу мәселесі шешіліп жатқанын айтты.

"Осал емес жүйе болмайды, тіпті пентагонның өзін бұзып жатады. Бірақ қалай да соны қорғау процесін ұйымдастыру қажет. Мәселен, өткен аптада зерттеушілердің бірі бүкіл қаланың тыныс-тіршілігін қамтамасыз етуге әсер ететін осалдықты анықтады. Мұның өзі осы бағдарламаның қаншалықты пайдалы екенін көрсетеді", - деді орталық директоры.

0
Тақырып бойынша
Маман телефондағы көпшілік біле бермейтін PIN-кодтың пайдасы туралы айтты
"Кез келген адам ақша таба алады": Қазпошта жаңа қызметті іске қоспақшы
Алаяқтар картаның кодын қалай біліп алады – министрлік ақпарат берді
Ұялы телефон арқылы қалай қосымша ақша табуға болады – маман кеңесі