Астана көрінісі

Нұр-Сұлтанның сол жағалауында болған жағдайға қатысты ақпарат шықты

7752
(Жаңартылды 13:24 31.01.2021)
Астанадағы Сығанақ, Түркістан және Алматы көшелеріндегі 6 тұрғын үй кешенінің тұрғындары жарықсыз қалды

НҰР-СҰЛТАН, 31 қаңтар – Sputnik. Елорданың сол жағалауында 30 қаңтарда кешке электр жарығы неге сөніп қалғаны белгілі болды.

"Астана-РЭК" АҚ баспасөз қызметінің ақпаратына сәйкес, 30 қаңтар 20:58-де нөмірі 407 "Левобережная" стансасында 10 киловатт ұяшығында апат болды.

Астанадағы Сығанақ, Түркістан және Алматы көшелеріндегі 6 тұрғын үй кешенінің тұрғындары жарықсыз қалды.

"Жедел бригада бір сағат ішінде бес дизель-генераторлық құрылғы орнатты. Есіл аудандық электр желілері  жөндеу бригадасы, кабель желісі және диагностика қызметінің 19 жұмысшысы апатты жойды. Электр жарығы қалпына келтірілді", - деді ведомствоның баспасөз қызметі.

31 қаңтарда сағат 2:17-де апат жойылды. Апатқа кабельдің зақымдануы себеп болған.

"Астана-РЭК" АҚ бас инженері Руслан Әбжановтың айтуынша, тұрғын үй кешенін салған компаниялар үйді жергілікті атқарушы органдар балансына тапсырмаған. Қазіргі уақытта бұл желілерді "Астана-РЭК" АҚ балансына тапсыру жұмысы жүріп жатыр.

7752
Тақырып бойынша
Кінәлілер анықталады: Тоқаев мәлімдеме жасады
Нұр-Сұлтан орталығы апат салдарынан жарықсыз қалды – видео
Нұр-Сұлтанда жолақыны SMS-пен төлеу қызметі тоқтатылады – CTS түсініктеме берді
Нұр-Сұлтан жарықсыз қалды: министр әкімдіктің жұмысын сынады 
Қазақстанның оңтүстігі неге жарықсыз қалды?
Архивтегі фото

Нұр-Сұлтанда 9-сыныпқа дейінгі оқушылар қашықтан оқиды

962
Елорда мектептерінде сабақтың қашықтан оқыту форматына ауыстырылуына қатты аяз бен дауылды жел себеп болды

НҰР-СҰЛТАН, 25 ақпан – Sputnik. Нұр-Сұлтанда қатты аяз бен дауылды желге байланысты бірінші ауысымның 0-9 сынып оқушылары сабаққа бармайды.   

"2021 жылдың 25 ақпанында ауа райының қолайсыздығына байланысты қала мектептерінің бірінші ауысымындағы 0-9 сынып оқушылары үшін сабақ қашықтан оқыту форматына ауысады", - деп хабарлады қалалық білім басқармасы.

Оқи отырыңыз: Қазақстанда 1 наурыздан бастап карантин жеңілдетіледі 

Айта кетейік, бұған дейін Қазгидромет мамандары 23-25 ​​ақпан аралығында қар жауып, температура төмендейді деп болжаған болатын.

"Исландияның суық ауа массаларынан бастау алатын белсенді циклонның әсерінен Қазақстанның барлық солтүстік жартысында қар жауып, боран соғады. Артынша оған арктикалық антициклон жақындайды – ол ауа температурасын одан әрі төмендетеді", - деді синоптиктер.

 

962
Кілт сөздер:
оқушылар, ауа райы
Тақырып бойынша
Өзбекстанда сарқырама қатып қалды
Биылғы қыс қандай болады – синоптиктер болжам жасады
Тағы да қар жауып, боран соғады – синоптиктер үш күнге болжам жасады
Мектеп кабинеті

Нұр-Сұлтанда 21 мектеп карантинге байланысты жабық тұр

45
Қазіргі таңда 907 үй ошағы анықталып, онда науқастармен байланыста болған 2 260 адам медициналық бақылауға алынған

НҰР-СҰЛТАН, 22 ақпан – Sputnik. Нұр-Сұлтанда оқу жылы басталғалы бері 1 017 оқушы коронавирус жұқтырған. 21 мектеп карантинге байланысты жабық тұр. Бұл туралы қаланың мемлекеттік бас санитар дәрігері Сархат Бейсенова мәлімдеді, деп хабарлайды Sputnik Қазақстан тілшісі.

"22 ақпандағы жағдай бойынша, оқу жылы басталғалы бері 1 017 оқушы коронавирус инфекциясын жұқтырды. Оның ішінде кезекші сынып оқушылары – 232 немесе 22,8%, қашықтан оқығандар – 785, яғни 77,2%. Оқу жылының басынан бері Нұр-Сұлтан қаласында барлығы 79 мектеп карантинге жабылды. Бүгінгі таңда 21 мектеп карантинді жалғастыруда", – деді Бейсенова онлайн брифингте.

Сондай-ақ айтуынша, 174 жағдай студенттер арасында тіркелді. Оның ішінде 35-і – колледж, 139-ы – жоғары оқу орындарының студенттері. Вирус жұқтырғандардың тек 10-ы оффлайн форматта оқыған.

Бұдан бөлек, Бейсенова мектепке дейінгі ұйымдарға барып жүрген 94 балада коронавирус табылғанын айтты. Қазіргі таңда 907 үй ошағы анықталды, онда науқастармен байланыста болған 2 260 адам медициналық бақылауға алынды.

Оқи отырыңыз: Мектеп оқулығын оқыған президент неге таңғалды

Бұған дейін қаланың мемлекеттік бас санитар дәрігері Нұр-Сұлтанда карантиндік шектеулерді жеңілдету мәселесі қаралып жатқанын мәлімдеген болатын.

45
Кілт сөздер:
карантин, білім, мектеп
Тақырып:
Төтенше жағдай және карантин
Тақырып бойынша
Мектеп асханалары ашылады – бас санитар түсініктеме берді
Қазақстанда 800 жаңа мектеп салынады – президент
Семейде мектеп директорына не үшін айыппұл салынғаны белгілі болды
Шенеунік мектеп құрылысына бөлінген 60 млн теңгені ұрлаған –  сот үкімі шықты
"Ондай жағдай болған жоқ": Шымкентте мектеп директоры 8 жылға сотталды
Қазақстан азаматы

Қазақстанда қос азаматтық үшін жауапкершілік қатаңдатылуы мүмкін

1
Жуырда Шымкент қалалық спорт басқармасының башысы Олег Почиваловтың қос азаматтығы бар екені анықталды

НҰР-СҰЛТАН, 25 ақпан – Sputnik. Мемлекет басшысы Қасым-Жомарт Тоқаев қос азаматтық үшін жауапкершілікті қатаңдату керек деп санайды. Бұл туралы ол ұлттық қоғамдық сенім кеңесінің бесінші отырысында айтты, деп хабарлайды Sputnik Қазақстан тілшісі.

Ол көптеген елдегі сияқты Қазақстанда да қос азаматтыққа тыйым салынғанын атап өтті. Тиісті норма ел Конституцисында бар.

"Алайда, соңғы уақытта бізде қос азаматтық фактілері жиілеп кетті, тіпті олардың арасында мемлекеттік қызметкерлер де бар. Бұған белгілі себептерге байланысты жол берілмейді. Аталған проблема өте күрделі, өйткені бұл ұлттық қауіпсіздікке қатысты. Мұндай фактілердің жолын кесу қажет", - деді Тоқаев кеңес отырысында.

Президент былтыр мемлекеттік қызметкерлер мен квазимемлекеттік ұйымдар басшыларын қос азаматтық анықталған жағдайда, қызметінен босатуды тапсырған болатын.

"Үкімет пен мемлекеттік қызмет істері агенттігіне атқарылған жұмыс нәтижелері туралы баяндауды сұраймын. Мұндай заңбұзушылықтар үшін жауапкершілікті бұдан да қатаңдату керек сияқты", - деді мемлекет басшысы.

Жуырда Шымкент қалалық спорт басқармасының башысы Олег Почиваловтың қос азаматтығы бар екені анықталды. Осыған байланысты шенеунік Қазақстан азаматтығынан айырылды.

Өткен жылдың соңында "Олег Почиваловтың Қазақстан мен Ресейдің қос азаматтығы бар" деген ақпарат тараған болатын. Сол кезде спорт басқармасы осы мәліметті жоққа шығарған.

Оқи отырыңыз: Илья Ильин Қазақстан азаматтығынан айырылған шенеунікке араша түсті 

Ал 10 желтоқсанда сенатта өткен жиында ішкі істер министрінің орынбасары Алексей Калайчиди қос азаматтығы бар екі мемлекеттік қызметші туралы айтқан. Оның сөзіне қарағанда, өткен жылы он бір айдың ішінде қос азаматтыққа қатысты 431 факт тіркелді. Соның ішінде Шығыс Қазақстан мен Павлодар облыстарында екі мемлекеттік қызметшінің қос азаматтықпен жүргені анықталды.

1