Елорда әкімі халыққа арналған жаңа сайт ашылатынын жариялады
(Жаңартылды 11:49 10.02.2021)
Қала басшысының айтуынша, елорданы бірге дамыту мақсатында ол жерде әрбір сала бойынша сын-ескертпе мен ұсыныстар қалдыруға боладыНҰР-СҰЛТАН, 10 ақпан – Sputnik. Елорда әкімі Алтай Көлгінов birge-elorda.kz порталының іске қосылатынын мәлімдеді, деп хабарлайды Sputnik Қазақстан тілшісі.
"Құрметті қала тұрғындары мен қонақтары, осы жерде birge-elorda.kz сайтының ашылғанын жариялағым келіп отыр. Біз конструктивті жұмыс істеп, кері байланысты күшейтуге мүдделіміз. Осы сайтты жақын арада іске қосамыз. Бүгін де кіре алатын шығарсыз", – деді Көлгінов онлайн форматта өткен халыққа есеп беру кездесуінде.
Қала басшысының айтуынша, негізгі мақсат – елорданы бірге дамыту. Осыған орай, порталда абаттандыру, газдандыру, көгалдандыру, әлеуметтік нысандар, қоғамдық жерлер, қолжетімді баспана, денсаулық сақтау және тағы басқа бөлімдер бар. Соған кіріп, әрбір сала бойынша пікір қалдыруға болады.
"Қала тұрғындарын осы жұмысқа белсене атсалысуға шақырамын. Сіздер барлық сын-ескертпелеріңізді жаза аласыздар. Біз оның әрбіріне назар аударып, жұмыс кезінде ескеретін боламыз", – деп атап көрсетті Көлгінов.
Оқи отырыңыз: "Қоңыраулар саны азайды" – Алтай Көлгінов карантиннің пайдасы туралы
Әкімнің сөзіне қарағанда, бүгінде үш жылдық бюджет белгілі. Дегенмен, халықтан түскен ұсыныстардың негізінде оны түзетіп, өзгеріс енгізуге болады.
Кілт сөздер:
Карантин жеңілдетілді: Нұр-Сұлтанның бас санитар дәрігері жаңа қаулыға қол қойды
НҰР-СҰЛТАН, 26 ақпан – Sputnik. Нұр-Сұлтанның бас мемлекеттік санитар дәрігері Сархат Бейсенова жаңа қаулыға қол қойды, деп хабарлайды Sputnik Қазақстан әкімдіктің ресми сайтына сілтеме жасап.
Құжатта карантин шараларын жеңілдету қарастырылған. Атап айтқанда, сауда және ойын-сауық орталықтары жексенбі күні де жұмыс істейді.
Қазақстанда 1 наурыздан бастап карантин жеңілдетіледі
"Сауда және ойын-сауық орталықтарының, сауда үйлерінің, сауда орталықтарының жұмысы күшейтілген санитариялық-эпидемияға қарсы, санитариялық-профилактикалық іс-шараларды сақтай отырып, бір келушіге 4 м2 есебінен жобалық қуаттың 30%-нен аспайтын толымдылығын сақтаған кезде, рекреация аймақтарында және демалыс аралдарында сатып алушылардың болуын қоспағанда, жұмыс және демалыс күндері жұмыс кестесін сағат 10:00-ден 23:00-ге дейін белгілей отырып ұйымдастырылады", - делінген қаулыда.
Сауда және ойын-сауық орталықтары жұмыс істесе де, ол жерде орналасқан аттракциондар, балалардың ойын алаңдары, мұзды және роликті сырғанақтар мен ойын орталықтары жабық болады. Ал фудкорттардың жұмысы өздігінен алып кетуді қоспағанда, курьерлік жеткізуге ғана рұқсат етіледі. Акциялардың, жәрмеңкелердің, шоурумдардың, ұтыс ойындарының әртүрлі түрлерін өткізуге тыйым салынады.
Қаулының толық мәтінін мына жерден оқуға болады.
Кілт сөздер:
Тақырып:
Нұр-Сұлтанда бірінші ауысымдағы оқушылар қашықтан оқиды
(Жаңартылды 10:30 26.02.2021)
Қазақстан астанасында ауа райының қолайсыздығына байланысты мектептегі сабақ екінші күн қатарынан өзгеріске ұшырап отырНҰР-СҰЛТАН, 26 ақпан – Sputnik. Елордада бірінші ауысымдағы бастауыш пен 9-сыныпқа дейінгі оқушылардың сабағы аязға байланысты қашықтықтан өткізіледі.
"Ауа-райының нашарлауына байланысты қала мектептерінде бірінші ауысымның 0-9 сынып оқушылары үшін сабақтар қашықтықтан оқыту форматына ауыстырылады", – делінген қалалық білім беру басқармасының хабарламасында.
Қазіргі уақытта Қазақстанның астанасындағы ауа температурасы минус 30 градусты көрсетіп тұр.
Оқи отырыңыз: Мұғалім білім беру жүйесін сынға алды: Тоқаев мәселенің басын ашуды тапсырды
Сондай-ақ, Теміртау қаласында да ауа райының нашарлауына байланысты бірінші және екінші ауысымдағы 0-ден 11-сыныпқа дейінгі оқушыларлың сабағы қашықтықтан оқыту форматына ауыстырылды.
Кілт сөздер:
Солтүстік Қазақстан облысында он мектеп карантинге жабылды
НҰР-СҰЛТАН, 26 ақпан — Sputnik. Солтүстік Қазақстан облысында коронавирус салдарынан он мектеп карантинге жабылды, деп хабарлады облыстың бас мемлекеттік санитар дәрігері Әсет Жұматаев брифингте.
Жыл басынан бері өңірде оқушылар арасында коронавирус жұқтырған 600 жағдай тіркелген. Оның ішінде, 341 бала штатты режимде сабақ оқыса, коронавирус жұқтырған 259 оқушы қашықтан оқыған. Ал мұғалімдер арасында 109 педагогтен коронавирус анықталған. Оның ішінде 73 мұғалім штаттық режимде жұмыс істеген, деп нақтылады санитар дәрігер.
"Қазір он мектеп карантинге жабылған: Қызылжар ауданында - Соколовская, Сивковская және Кустовская орта мектептері, Мағжан Жұмабаев ауданында - Қарақоға және Полтава орта мектептері, қазақ тілінде оқытатын Еңбекші мектебі, Пролетарская бастауыш мектебі, Уәлиханов ауданында – Бидайық орта мектебі, Мүсірепов ауданында - Салқынкөл орта мектебі, Тайынша ауданында - Ильичевск орта мектебі", - деді Жұматаев.
Солтүстік Қазақстан облысының әкімі Құмар Ақсақалов ата-аналардың өтінішіне құлақ асып, келесі аптадан бастап балабақшалардағы кезекші сыныптардағы орындар санын арттыруға уәде етті.
Карантин жеңілдетілді: Нұр-Сұлтанның бас санитар дәрігері жаңа қаулыға қол қойды
"Балабақшаларда қосымша орындар ашу жөнінде маған ата-аналардан көп өтініш келіп түседі. Пандемияға баланысты балабақша жұмысын шектеуге мәжбүр болдық. Сондықтан кезекші сыныптар тек жартылай жұмыс істеп тұр. Қазір аймақтағы жағдай біршама тұрақтанды. Біз "жасыл" аймаққа өттік. Бұл карантин шектеулерін біршама жеңілдетуге мүмкіндік береді. Сондықтан келесі аптадан бастап кезекші сыныптардағы орындар санын арттырамыз", - деп жазды өңір басшысы әлеуметтік желіде.
Құмар Ақсақалов осындай қиын кезеңде түсіністік танытып, шыдамдылық білдірген ата-аналарға алғыс айтты.