Нұр-Сұлтанда жұмысшылар тірі сиырды неге кранмен көтергенін айтты – видео
(Жаңартылды 17:24 16.02.2021)
Астаналық жұмысшылар құрбандық шалып, етті мұқтаж адамдарға таратпақшы болған, учаске бастығы жануарға қатыгездік танытқаны үшін кешірім сұрадыНҰР-СҰЛТАН, 16 ақпан – Sputnik. Нұр-Сұлтанда тірі сиырды кранмен көтерген құрылысшылар қазақстандықтардан видео арқылы кешірім сұрады, деп хабарлайды Sputnik Қазақстан елорда полиция департаментінің баспасөз қызметіне сілтеме жасап.
Посмотреть эту публикацию в Instagram
"Жаман ойымыз болған жоқ. Бұл құрбандық, етін тұрмысы төмен отбасыларға таратып бермекші болдық. Осы жағдай үшін өз елімнің азаматтарынан тағы да кешірім сұраймын", - деді құрылыс учаскесінің бастығы.
Полицияның ақпаратынша, оқиға 15 ақпанда сағат 11.30-да Нәжімеденов көшесінде болды. Құрылысшылар тірі сиырды мұнаралы кранмен салынып жатқан тұрғын үй кешенінің соңғы қабатына көтерген.
Желіде жарияланған видео қазақстандықтардың ашу-ызасын тудырды.
Посмотреть эту публикацию в Instagram
Тәртіп сақшылары оқиғаның барлық қатысушысын анықтады.
Бұл факті бойынша тексеріс жүргізіліп жатыр, Қазақстан заңнамасына сәйкес шара қолданылады.
Кілт сөздер:
Карантин жеңілдетілді: Нұр-Сұлтанның бас санитар дәрігері жаңа қаулыға қол қойды
НҰР-СҰЛТАН, 26 ақпан – Sputnik. Нұр-Сұлтанның бас мемлекеттік санитар дәрігері Сархат Бейсенова жаңа қаулыға қол қойды, деп хабарлайды Sputnik Қазақстан әкімдіктің ресми сайтына сілтеме жасап.
Құжатта карантин шараларын жеңілдету қарастырылған. Атап айтқанда, сауда және ойын-сауық орталықтары жексенбі күні де жұмыс істейді.
Қазақстанда 1 наурыздан бастап карантин жеңілдетіледі
"Сауда және ойын-сауық орталықтарының, сауда үйлерінің, сауда орталықтарының жұмысы күшейтілген санитариялық-эпидемияға қарсы, санитариялық-профилактикалық іс-шараларды сақтай отырып, бір келушіге 4 м2 есебінен жобалық қуаттың 30%-нен аспайтын толымдылығын сақтаған кезде, рекреация аймақтарында және демалыс аралдарында сатып алушылардың болуын қоспағанда, жұмыс және демалыс күндері жұмыс кестесін сағат 10:00-ден 23:00-ге дейін белгілей отырып ұйымдастырылады", - делінген қаулыда.
Сауда және ойын-сауық орталықтары жұмыс істесе де, ол жерде орналасқан аттракциондар, балалардың ойын алаңдары, мұзды және роликті сырғанақтар мен ойын орталықтары жабық болады. Ал фудкорттардың жұмысы өздігінен алып кетуді қоспағанда, курьерлік жеткізуге ғана рұқсат етіледі. Акциялардың, жәрмеңкелердің, шоурумдардың, ұтыс ойындарының әртүрлі түрлерін өткізуге тыйым салынады.
Қаулының толық мәтінін мына жерден оқуға болады.
Кілт сөздер:
Тақырып:
Нұр-Сұлтанда бірінші ауысымдағы оқушылар қашықтан оқиды
(Жаңартылды 10:30 26.02.2021)
Қазақстан астанасында ауа райының қолайсыздығына байланысты мектептегі сабақ екінші күн қатарынан өзгеріске ұшырап отырНҰР-СҰЛТАН, 26 ақпан – Sputnik. Елордада бірінші ауысымдағы бастауыш пен 9-сыныпқа дейінгі оқушылардың сабағы аязға байланысты қашықтықтан өткізіледі.
"Ауа-райының нашарлауына байланысты қала мектептерінде бірінші ауысымның 0-9 сынып оқушылары үшін сабақтар қашықтықтан оқыту форматына ауыстырылады", – делінген қалалық білім беру басқармасының хабарламасында.
Қазіргі уақытта Қазақстанның астанасындағы ауа температурасы минус 30 градусты көрсетіп тұр.
Оқи отырыңыз: Мұғалім білім беру жүйесін сынға алды: Тоқаев мәселенің басын ашуды тапсырды
Сондай-ақ, Теміртау қаласында да ауа райының нашарлауына байланысты бірінші және екінші ауысымдағы 0-ден 11-сыныпқа дейінгі оқушыларлың сабағы қашықтықтан оқыту форматына ауыстырылды.
Кілт сөздер:
Қазақстандық шеберлер Еуразия зергерлік бюросының ашылуын күтіп жүр
НҰР-СҰЛТАН, 26 ақпан — Sputnik. Қазақстандық зергерлер аз уақыт ішінде "Астана" халықаралық қаржы орталығы (АХҚО) алаңында Еуразия зергерлік бюросы ашылады деп үміттеніп отыр. Бұл отандық зергерлік бұйымдарды одан әрі дамыту және экспорттау үшін жаңа мүмкіндіктерге жол ашады. Осы жөнінде Sputnik Қазақстан баспасөз орталығында өткен онлайн-брифинг кезінде "Қазақстан зергерлер лигасы" заңды тұлғалар бірлестігінің төрағасы Қайсар Жұмағалиев мәлімдеді.
"АХҚО алаңында Еуразия зергерлік бюросының ашылуы біздің зергерлердің экспортқа шығуына ықпал етуі керек. Оның үстіне Ресей Федерациясы зергерлік бұйымдарды сүйемелдеу үшін басқа елдердегі өз сауда өкілдіктерін ұсынуға дайын", - деді Жұмағалиев.
АХҚО жанынан бюро ашу туралы мәселеге бизнес те қолдау көрсеткен. Нәтижесінде зергерлер өз бетінше шеше алмайтын мәселелердің шешімі табылады. Сондай-ақ, Ереван мен Мәскеу де өз аумағында Еуразия зергерлік бюросын ашу құқығы үшін таласқан болатын.
"Астана" АХҚО – бұл посткеңестік кеңістіктегі бірегей қаржы орталығы. Мұнда ағылшын құқығы, арбитраж бар. Мұның барлығы шетелдік инвесторлар үшін қызықты болатыны сөзсіз. Сонымен қатар, мұнда салықтық жеңілдіктер жасалып, инвестицияларды тартудың жеңілдетілген тәртібі құрылады және тағы басқа шаралар қабылданады", - деді ол.
Қазіргі жағдайда қазақстандық зергерлерге өндірісті дамыту және нарыққа шығу оңай соқпай жатыр.
"Мысалы, Еуропаға шығу үшін және өз зергерлік бұйымдарыңды таныстыру үшін миллиондаған доллар қажет. Бұл әрбір зергер көтере алатын шығын емес. Біздің жақында құрылатын ұйымымыз (Еуразия зергерлік бюросы) нарыққа талдау жүргізуге мүмкіндік береді. Біз бірінші қатардағы көрмелерге қатыса аламыз. Бүгінгі күні қазақстандық зергерлер негізінен көпшілікке аса танымал емес екінші және үшінші деңгейдегі көрмелерге қатысып жүр. Сонымен қатар, нарыққа үнемі қатысу қажет. Көрмеге келіп, бір-екі апта тұрып, одан соң кетіп қалу жарамайды. Сені ұмытып кетеді", - деді Лига басшысы.
Ол қазақстандық зергерлердің экспорттық әлеуеті жоғары екенін мәлімдеді. Бұған халықаралық көрмелерде қазақстандық зергерлік бұйымдарға деген жоғары қызығушылық дәлел бола алады.
"Әлі есімде, 2017 жылы Еревандағы халықаралық көрмеге қатыстық. Ол шараға қатысқан француз зергерлер біздің күмістен жасалған бұйымдарымызды түгелдей сатып алды. Француздар мұндай бұйымдарда шебердің саусақ іздері, оның еңбегі көрініп тұрады, қолдан жасалған бұйымның жаны бар деп санайтындарын айтқан", - деді Жұмағалиев.
Жұмағалиев атап өткендей, еуразиялық зергерлік брендті енгізу қосымша ауқымды инвестицияларды қажет етпейді. Себебі Қазақстанда да сапаға қатысты дәл осындай мемлекеттік стандарттар қолданыста бар.