Тұрғындар шағымынан соң "Астанаэнергосбыт" айыппұл төлейтін болды
(Жаңартылды 11:05 17.02.2021)
Құрылыс жүргізген мекемелер түрғын үй нысандарын тапсыру кезінде жеке тұлғалар үшін жылумен жабдықтау дербес шоттарын ашудан бас тартқанНҰР-СҰЛТАН, 17 ақпан — Sputnik. "Астанаэнергосбыт" ЖШС әкімшілік жауапкершілікке тартылды, деп хабарлады Ұлттық экономика министрлігінің табиғи монополияларды реттеу комитеті.
Комитеттің Нұр-Сұлтан қаласы бойынша департаменті тұрғындар мен кәсіпкерлік субъектілерінің шағымдары негізінде табиғи монополиялар саласындағы заңнаманың сақталуын анықтау үшін "Астанаэнергосбыт" ЖШС-на қатысты жоспардан тыс тексеру жүргізді.
"Жоспардан тыс тексеру кезінде "Астанаэнергосбыт" ЖШС "жеке тұлғалар" категориясы бойынша пайдалануға жаңа берілген тұрғын үйлер бойынша жылу энергиясының көлемін қабылдамай жатқаны анықталды. Компания құрылыс жүргізген мердігерлер нысанды тапсыру кезінде жеке тұлғаларға жылумен жабдықтауға арналған дербес шоттар ашудан бас тартқан", - деп жазылған хабарламада.
Нысан иесі ауысып, құрылыс компаниясы "Астанаэнергосбыт" ЖШС-мен энергиямен жабдықтау келісімшартын бұзған және пәтер иелеріне жаңа дербес шот ашылмаған жағдайда, бұл нысандар келісімшарт жасалмаған нысандар қатарына кіреді, деп нақтылады комитет.
"Астанаэнергосбыт" ЖШС жалпы саны 1 191 пәтер бойынша 3 027,72 Гкал жылу энергиясының көлемін қабылдамай, келісімшарт жасаудан бас тартқаны белгілі болды.
"Осылайша, "Астанаэнергосбыт" ЖШС табиғи монополиялар субъектісі бола тұра, жеке тұлғаларға дербес шот ашудан және жылу энергиясы көлемін қабылдаудан бас тартып, тұтынушылар үшін жылумен жабдықтау қызметіне қолжетімділіктің тең емес жағдайын туындатып отыр", - деді комитетте.
"Астанаэнергосбыт" ЖШС осы әрекеттерімен "Табиғи монополиялар тралы" заң нормасын бұзып отыр.
Заңнамаға сәйкес табиғи монополия субъектісі тұтынушыларға реттелетін қызметке қолжетімділіктің тең жағдайларын қамтамасыз етуге, сондай-ақ, реттелетін қызметтердің әр түрі үшін тұтынушылармен жеке келісімшарттар жасауға міндетті.
Тексеру қорытындысы бойынша "Астанаэнергосбыт" ЖШС әкімшілік жауапкершілікке тартылып, мекемеге 4 667 200 теңге айыппұл салынды.
Сонымен қатар, компанияға он күнтізбелік күн ішінде жеке тұлғалармен келісімшарт жасау міндеті жүктелді.
Кілт сөздер:
Астанада коронавирусқа кімдер жиі шалдығатыны анықталды
НҰР-СҰЛТАН, 3 наурыз – Sputnik. Елорданың бас мемлекеттік санитарлық дәрігері Сархат Бейсенова коронавирусты жиі жұқтыратын адамдар туралы айтты, деп хабарлайды Sputnik Қазақстан тілшісі.
"Қалада, көбінесе, 30-39 жастағы адамдар жиі ауырады. Олар науқастардың 24,8 процентін құрап отыр. Елу жастан асқандар аз емес. Олардың саны – 23,5 процент", - деді Бейсенова әкімдіктің баспасөз орталығында өткен онлайн брифингте.
Оның айтуынша, науқастардың 14,9 проценті – балалар. Жаңа оқу жылы басталғалы 1 103 оқушының коронавирус жұқтырғаны анықталды. Соның ішінде 63 жағдай кезекші сыныптарда анықталса, 840 жағдай қашықтан білім алып жатқан балалардың арасында тіркелді. Ал коронавирусты жұқтыру қаупі жоғары адамдардың қатарына жұмыс істейтіндер жатады.
"Жұмыс істейтін адамдар коронавирусты жиі жұқтырады. Олар барлық науқастардың 48 процентін құрап отыр. Осының өзі ұжымдарда эпидемиологиялық талаптардың сақталмауын көрсетеді", - деп атап көрсетті Бейсенова.
Ресми мәліметке сәйкес, астанада ауру белгілері бар науқастардың саны біршама өсіп отыр. Қаңтар айында олардың саны 65 процент болса, ақпанда 68 процентке көтерілген. Әсіресе, 55 жастан асқандар арасында осы көрсеткіш 3,5 процентке өсті.
Кілт сөздер:
Тақырып:
Елорданың бас санитар дәрігері астаналықтарға үндеу жасады
(Жаңартылды 10:21 03.03.2021)
Ең ұзақ демалыс көктемде болады. Мереке мен демалыс күндерін есептегенде қазақстандықтар 33 күн демаладыНҰР-СҰЛТАН, 3 наурыз – Sputnik. Елорданың бас мемлекеттік санитарлық дәрігері Сархат Бейсенова астаналықтарға үндеу жолдады, деп хабарлайды Sputnik Қазақстан тілшісі.
"Алдағы мереке күндерін ескере отырып, қала тұрғындары мен қонақтарына карантиндік шараларды сақтау қажеттігін тағы бір мәрте ескерткім келеді. Бетперде киіп, арақашықты сақтаңыздар. Мүмкіндік болса, адамдар көп жиналатын жерлерге бармаған жөн. Бұқаралық шараларды ұйымдастыруға болмайды", - деді Бейсенова әкімдіктің баспасөз орталығында өткен онлайн брифингте.
Айта кетейік, ең ұзақ демалыс көктемде болады, мереке мен демалыс күндерін есептегенде қазақстандықтар 33 күн демалады. Әсіресе, наурыз айында демалыс көп. Себебі қазақстандықтар екі мерекені қатар атап өтеді: 8 наурыз – Халықаралық әйелдер күні және 21-23 наурыз – Наурыз мейрамы. Осының өзі 12 күн болып тұр. Наурыз мейрамының алғашқы күні жексенбіге түсіп тұрғандықтан, демалыс 24 наурызға ауысады.
Ресми мәліметке сәйкес, астанада қаңтар айымен салыстырғанда коронавирустық инфекцияны жұқтыру көрсеткіші 33,8 процентке азайған. Бүгінде елорда "сары" аймаққа кіреді. 100 мың адамға 53,9 науқас келеді. Репродуктивті көрсеткіш (инфекцияны бір адамнан жұқтыру - Sputnik) 0,99-ды құрап отыр.
Жыл басынан бері ПТР-тестпен 6 707 адамның коронавирус жұқтырғаны расталды. Ал 85 адамның сынамасы теріс нәтиже көрсетсе де, клиникалық сараптама кезінде коронавирустың белгілері анықталды. Бір тәуліктің ішінде инфекция жұқтырған 68 адам тіркелді.
Ресми мәліметке сәйкес, ауру белгілері бар науқастардың саны біршама өсіп отыр. Қаңтар айында олардың саны 65 процент болса, ақпанда 68 процентке көтерілген. Әсіресе, 55 жастан асқандар арасында осы көрсеткіш 3,5 процентке өсті.
Кілт сөздер:
Әлемге танымал қазақ қызы басшылық қызметке тағайындалды
(Жаңартылды 18:07 07.03.2021)
Сондай-ақ, шахматтан әлем чемпионы Сәдуақасова халықаралық дәрежедегі спорт шебері атағына ие болғанын хабарладыНҰР-СҰЛТАН, 7 наурыз – Sputnik. Қазақстандық Динара Сәдуақасова FIDE халықаралық шахмат федерациясы спортшыларының комиссиясын басқарады. Бұл туралы спортшы Instagram желісінде хабарлады.
"Қуанышты жаңалығымды бөлісіп отырмын – ФИДЕ спортшылары комиссиясының төрағасы болып тағайындалдым", - деп жазды Сәдуақасова.
Посмотреть эту публикацию в Instagram
Ол комиссия шахматшылардың мүддесін табысты қорғайды деп сенеді.
"Қазақстан шахмат федерациясы Динара Садуақасованы FIDE спортшылары комиссиясына төраға болуымен құттықтап, жемісті әрі нәтижелі жұмыс істеуіне тілектестік білдіреді", - делінген Қазақстан шахмат федерациясының сайтында.
Сондай-ақ, шахматтан әлем чемпионы Сәдуақасова халықаралық дәрежедегі спорт шебері атағына ие болғанын хабарлады.