Нұрсұлтан Назарбаев әуежайы

Сағаты 5 мың: Нұр-Сұлтан әуежайы "қымбат тұраққа" қатысты түсініктеме берді

220
(Жаңартылды 18:01 19.02.2021)
Халықаралық әуежай өкілі жүргізушілер қандай жағдайда тұрақ орны үшін бес мың теңге төлейтінін айтып берді

НҰР-СҰЛТАН, 19 ақпан — Sputnik. Нұрсұлтан Назарбаев әуежайында тұрақтың бағасы сағатына бес мың теңге болды деген ақпарат шындыққа жанаспайды. Бұл туралы халықаралық әуежайының баспасөз хатшысы Әнуар Шәлекенов айтты.

"Тұрақ қызметіне қатысты тариф бағасы 5 мың теңгеге дейін қымбаттағаны туралы ақпарат дұрыс емес. Әуежай азаматтардың қолайлылығы үшін қарсы алу және шығарып салуға арналған бекет маңындағы аумақтың бір бөлігін жолаушыларды көлікке жедел отырғызу және түсіру үшін 15 минут тегін ұсынып отыр. Бұл көрсетілген аумақ ұзақ уақыт бойы автокөлік қоюға арналмағандықтан, тұрақты 15 минуттан ұзақ пайдаланғандар 5 мың теңге көлемінде айыппұл төлейді", - деді Нұрсұлтан Назарбаев халықаралық әуежайының баспасөз хатшысы.

Ол азаматтарды қарсы алу және шығарып салуға арналған бекет маңындағы аумақ автотұрақ орны емес екенін ескертті.

Шәлекеновтің айтуынша, әуежай автокөлік қоюға арналған басқа да тегін және ақылы тұрақ орындарын ұсынады.

Желіде тараған ақпарат

Әлеуметтік желіде Нұрсұлтан Назарбаев халықаралық әуежайында автотұрақ орнының бағасы 5 мың теңгеге дейін қымбаттағаны туралы ақпарат пайда болды.

Instagram желісін қолданушы тұрақтағы алғашқы 15 минут тегін болғанымен, жүргізушілер одан кейін тұрақ орны үшін әрбір сағатқа 5 мың теңгеден төлейтінін хабарлаған еді.

220
Кілт сөздер:
көлік, әуежай, Нұр-Сұлтан
Тақырып бойынша
Нұр-Сұлтанда әуежай қызметкерінің киімі жұртты таңғалдырды – видео 
"Дос-Мұқасан" тобының әншісі әуежай қызметкеріне қол көтеріп, істі болып жатыр
Қазақстанда халықаралық әуежай банкрот деп танылады
Қызылордада жаңа әуежай салынбайтын болды
Шымкентте жаңа жыл қарсаңында жоғалған әуежай қызметкері табылды
Астана тұрғындары

Астанада коронавирусқа кімдер жиі шалдығатыны анықталды

58
Жұмыс істейтін адамдар коронавирусты жиі жұқтырады. Олар барлық науқастардың 48 процентін құрап отыр

НҰР-СҰЛТАН, 3 наурыз – Sputnik. Елорданың бас мемлекеттік санитарлық дәрігері Сархат Бейсенова коронавирусты жиі жұқтыратын адамдар туралы айтты, деп хабарлайды Sputnik Қазақстан тілшісі.

"Қалада, көбінесе, 30-39 жастағы адамдар жиі ауырады. Олар науқастардың 24,8 процентін құрап отыр. Елу жастан асқандар аз емес. Олардың саны – 23,5 процент", - деді Бейсенова әкімдіктің баспасөз орталығында өткен онлайн брифингте.

Оның айтуынша, науқастардың 14,9 проценті – балалар. Жаңа оқу жылы басталғалы 1 103 оқушының коронавирус жұқтырғаны анықталды. Соның ішінде 63 жағдай кезекші сыныптарда анықталса, 840 жағдай қашықтан білім алып жатқан балалардың арасында тіркелді. Ал коронавирусты жұқтыру қаупі жоғары адамдардың қатарына жұмыс істейтіндер жатады.

"Жұмыс істейтін адамдар коронавирусты жиі жұқтырады. Олар барлық науқастардың 48 процентін құрап отыр. Осының өзі ұжымдарда эпидемиологиялық талаптардың сақталмауын көрсетеді", - деп атап көрсетті Бейсенова.

Ресми мәліметке сәйкес, астанада ауру белгілері бар науқастардың саны біршама өсіп отыр. Қаңтар айында олардың саны 65 процент болса, ақпанда 68 процентке көтерілген. Әсіресе, 55 жастан асқандар арасында осы көрсеткіш 3,5 процентке өсті.

58
Кілт сөздер:
елорда, коронавирус
Тақырып:
Коронавирус эпидемиясы
Тақырып бойынша
Елорданың бас санитар дәрігері астаналықтарға үндеу жасады
Вакцинаның әсері: Цой эпидемиологиялық жағдайға болжам жасады
Ғалымдар коронавирустың түсін анықтады
Бір тәулікте коронавирус пен пневмониядан 7 адам қайтыс болды
Қазақстанда коронавирус жұқтырғандар саны артты
Елорда тұрғындары

Елорданың бас санитар дәрігері астаналықтарға үндеу жасады

1793
(Жаңартылды 10:21 03.03.2021)
Ең ұзақ демалыс көктемде болады. Мереке мен демалыс күндерін есептегенде қазақстандықтар 33 күн демалады

НҰР-СҰЛТАН, 3 наурыз – Sputnik. Елорданың бас мемлекеттік санитарлық дәрігері Сархат Бейсенова астаналықтарға үндеу жолдады, деп хабарлайды Sputnik Қазақстан тілшісі.

"Алдағы мереке күндерін ескере отырып, қала тұрғындары мен қонақтарына карантиндік шараларды сақтау қажеттігін тағы бір мәрте ескерткім келеді. Бетперде киіп, арақашықты сақтаңыздар. Мүмкіндік болса, адамдар көп жиналатын жерлерге бармаған жөн. Бұқаралық шараларды ұйымдастыруға болмайды", - деді Бейсенова әкімдіктің баспасөз орталығында өткен онлайн брифингте.

Айта кетейік, ең ұзақ демалыс көктемде болады, мереке мен демалыс күндерін есептегенде қазақстандықтар 33 күн демалады. Әсіресе, наурыз айында демалыс көп. Себебі қазақстандықтар екі мерекені қатар атап өтеді: 8 наурыз – Халықаралық әйелдер күні және 21-23 наурыз – Наурыз мейрамы. Осының өзі 12 күн болып тұр. Наурыз мейрамының алғашқы күні жексенбіге түсіп тұрғандықтан, демалыс 24 наурызға ауысады.

Ресми мәліметке сәйкес, астанада қаңтар айымен салыстырғанда коронавирустық инфекцияны жұқтыру көрсеткіші 33,8 процентке азайған. Бүгінде елорда "сары" аймаққа кіреді. 100 мың адамға 53,9 науқас келеді. Репродуктивті көрсеткіш (инфекцияны бір адамнан жұқтыру - Sputnik) 0,99-ды құрап отыр. 

Жыл басынан бері ПТР-тестпен 6 707 адамның коронавирус жұқтырғаны расталды. Ал 85 адамның сынамасы теріс нәтиже көрсетсе де, клиникалық сараптама кезінде коронавирустың белгілері анықталды. Бір тәуліктің ішінде инфекция жұқтырған 68 адам тіркелді.

Ресми мәліметке сәйкес, ауру белгілері бар науқастардың саны біршама өсіп отыр. Қаңтар айында олардың саны 65 процент болса, ақпанда 68 процентке көтерілген. Әсіресе, 55 жастан асқандар арасында осы көрсеткіш 3,5 процентке өсті.

1793
Кілт сөздер:
үндеу, елорда
Тақырып бойынша
Астаналықтар COVID-ке қарсы вакцинаны салдыруға дайын ба - видео
Вакцинаның әсері: Цой эпидемиологиялық жағдайға болжам жасады
"Маған қажет емес": астаналықтар зейнетақы жинағын қайда жұмсағысы келетінін айтты  
Қазақстанда коронавирус жұқтырғандар саны артты
Бір тәулікте коронавирус пен пневмониядан 7 адам қайтыс болды
Алтын құймасы

Ақмола облысында ірі мөлшерде алтын ұрланды полиция істің мән-жайын жариялады

10
Қазіргі кезде Қылмыстық кодекстің 188-бабы, 4-бөлігі бойынша сотқа дейінгі тергеу шаралары жүргізіліп жатыр

НҰР-СҰЛТАН, 5 наурыз – Sputnik. Ақмола облысында "Қазақалтын" компаниясына тиесілі 122 миллион теңгенің алтыны ұрланды, деп хабарлады облыстық полиция департаменті.

Ресми мәліметке сәйкес, 2 наурызға қараған түні "Қазақалтын" тау-кен комбинатында катодтық алтын ұрлап кеткен. Компанияға ірі көлемде шығын келді.

Қазіргі кезде Қылмыстық кодекстің 188-бабы, 4-бөлігі (ұрлық) бойынша сотқа дейінгі тергеу шаралары жүргізіліп жатыр. Шығынның жалпы көлемі 122 миллион теңгені құрап отыр.

"Осы іске қатысты адамдарды анықтау мақсатында арнайы шұғыл тергеу тобы құрылды. Оның құрамына криминалды полиция мен тергеудің тәжірибелі мамандары еніп отыр", – дейді полицейлер.

Оқи отырыңыз: Айдос Сарым жұрттың ашуын келтірген депутаттық төсбелгінің неге қымбат екенін түсіндірді

10
Кілт сөздер:
Ақмола облысы, ұрлық
Тақырып бойынша
"Алтын қима": сұлулық қалай өлшенетінін білесіз бе – фото
Қазақстандық оқушылар халықаралық олимпиададан алтын медаль жеңіп алды
Қазақстандықтар 2020 жылы 21 мыңнан астам алтын құйма сатып алған
"Қара" алтын іздеушілер: кеніштердегі заңсыздарға тосқауыл болатын не
Қазақстандық миллиардер Абрамовичтен 900 млн долларға не сатып алғаны жарияланды