Жылу құбырының жарылысы

Ақ бұлтқа айналған бу астаналықтардың үрейін ұшырды видео

2248
(Жаңартылды 20:30 20.02.2021)
Қазіргі уақытта жылу магитралінде пайда болған диаметрі 500 миллиметрлік жарықты қалпына келтіру жұмыстары жүргізілуде

НҰР-СҰЛТАН, 20 ақпан – Sputnik. Әлеуметтік желілерде елорданың оң жағалауында жылу магистралінің жарылған сәті түсірілген видео тарап жатыр.

Кадрдан құбыр жарылысынан атқылаған ыстық судың буы жерден будақтап шығып, ақ бұлтқа айналып жатқанын көруге болады. 

Посмотреть эту публикацию в Instagram

Публикация от Sputnik Казахстан (@sputniknewskz)

Айналаны бу қаптап, көру мүмкіндігі шектелгендіктен полицейлер Қосшығұлұлы көшесіндегі қозғалысты бір сәтке толығымен тоқтатуға мәжбүр болды.

"20 ақпан күні сағат 10:45-те Қосшығұлұлы көшесінің аумағындағы жылу магистрілінде диаметрі 500 миллиметрлік жарық пайда болып, ТМ-43 учаскесінде ыстық судың сыртқа аққаны анықталды", – деп хабарлады "Астана-Теплотранзит" АҚ.

Қазіргі кезде қалпына келтіру жұмыстары жүргізіліп жатыр.

Оқи отырыңыз: Павлодарда құбыр жарылып, бірнеше тұрғын үй жылусыз қалды – видео

2248
Кілт сөздер:
жарылыс, жылу желісі
Тақырып бойынша
Алматыда көшенің қақ ортасында ыстық су бұрқырап атқылады - видео
Топардағы қайғылы апат: облыс әкімі тапсырма берді
Алматының қақ ортасында жылу құбыры жарылды: төрт адам күйіп қалды - видео
Терезеден кірген: Алматыда ыстық су басып қалған пәтердің видеосы шықты
Павлодар тұрғыны ыстық су құбыры жарылған жердегі шұңқырға құлап кетті
Архивтегі фото

Нұр-Сұлтанда өзінен 10-15 жас үлкен әйелдермен көңіл қосқан жігіт ұсталды фото

4315
(Жаңартылды 18:29 12.05.2021)
Қазіргі кезде тәртіп сақшылары алаяқтың әрекетінен зардап шеккен 8 адамды анықтады. Күдікті өз кінәсін мойындап отыр 

НҰР-СҰЛТАН, 12 мамыр — Sputnik. Астаналық полицейлер өзінен үлкен әйелдерді алдап жүрген алаяқты ұстады. 34 жастағы ер адамның фотосы жарияланды, деп хабарлайды Sputnik Қазақстан.

Полиция әйелдерді алдап келген ер адамның фотосын жариялады
© Photo : Нұр-Сұлтан ПД баспасөз қызметі
Полиция әйелдерді алдап келген ер адамның фотосын жариялады

Нұр-Сұлтан полиция департаментінің мәліметіне сәйкес, күдікті әлеуметтік желілер арқылы көбінесе 40-50 жастағы әйелдермен танысқан. Оларға шын аты-жөнін айтпаған. Біреуге "Алмас" десе, басқасымен "Алматпын" деп танысыпты. Барлығына банктің қауіпсіздік қызметінде немесе мемлекеттік қызметте жұмыс істейтінін айтқан.

"Ал әйелдердің сеніміне кіргеннен кейін ақшаға жоғары жалақысы бар қызметке орналастыруға ұсыныс жасаған. Тіпті біреуінің атынан кредитке телефон алыпты. Ақшасын кешіктірмей төлеп тұрамын деген уәдесін орындамаған", - дейді полицейлер.  

Алаяққа алданған тағы бір әйел құндыз тонын бере салыпты. "Алмас" оны химиялық тазартуға апарып тастаймын деген. Бірақ ақшаға айырбастап, қашып кеткен.

Қазіргі кезде тәртіп сақшылары алаяқтың әрекетінен зардап шеккен 8 адамды анықтады. Күдікті өз кінәсін мойындап отыр.

Қылмыстық кодекстің 190-бабы (Алаяқтық) бойынша сотқа дейінгі тергеу басталды. Ер адамның осы іспетті басқа да қылмыстарға қатысы бар-жоғы тексеріліп жатыр. Осыған байланысты Нұр-Сұлтан қалалық полиция департаменті фотода көрсетілген адамның әрекетінен зардап шеккендерді 61-30-68, 71-64-90, 71-65-58. 8-775-601-11-00 немесе 102-ке хабарласуды сұрайды.

4315
Ордендер мен медальдар

Дәрігерлер коронавирустан емделіп жатқан ардагерді мерекемен құттықтады видео

96
(Жаңартылды 17:59 09.05.2021)
Иван Михайлович аурухана дәрігерлерінің көрсеткен құрметіне риза болып, қуаныштан көзіне жас алды

НҰР-СҰЛТАН, 9 мамыр – Sputnik. Нұр-Сұлтанда дәрігерлер инфекциялық стационарда коронавирустан емделіп жатқан соғыс ардагерін Ұлы Жеңіс күнімен құттықтады, деп хабарлайды қала әкімдігінің ресми сайты.

Иван Михайлович Ботев ауруханаға 27 сәуірде ауыр жағдайда түсті. 5 мамырда денсаулығының нашарлауына байланысты жансақтау бөліміне ауыстырылды.

Дәл бүгін ардагердің отбасы жанында болмаса да ақхалаттылар оны назардан тыс қалдырмай, арнайы құттықтады.

"Ардагерімізді құттықтаусыз қалдыра алмадық. Олардың ерлігін есте сақтау – біздің парызымыз. Бір өкініштісі, науқас 9 мамыр мерекесін аурухана қабырғасында атап өтуге мәжбүр. Сондықтан біз оған мерекелік көңіл-күй сыйлағымыз келді. Әрбір науқастың тезірек емделіп, отбасына оралуын күні-түні тілейміз. Қарамағымыздағы ардагеріміздің де тезірек жазылып шығуын тілейміз. Қартайған шағын бала-шағасының қасында өткізуі керек!" – деді көпсалалы медицина орталығы басшысының жұқпалы аурулар қызметі жөніндегі орынбасары Татьяна Цечоева.

Иван Михайлович аурухана қызметкерлерінің көрсеткен құрметіне риза болып, қуаныштан көзіне жас алды.

Тағы оқыңыз: "Басымды көтерсем, жанымда адам еті жатыр": алматылық ардагер қан майданды еске алды

Иван Михайлович Ботев 1925 жылы 20 қыркүйекте Кемерово облысында дүниеге келген.

1943 жылы 13 қаңтарда Кеңес армиясы қатарына шақырылды. Соғыс жылдарында 1-ші Беларусь майданындағы шайқастарға қатысты.

Соғыс аяқталғаннан кейін, 1945-1971 жылдар аралығында әскер қатарында,  қатардағы жауынгерден ракеталық күштер штабының бастығына дейін көтеріліп қызмет етті. Полковник шенімен зейнетке шыққан.

Ардагер II дәрежелі Отан соғысы орденімен, "1941-1945 жылдардағы Ұлы Отан соғысындағы Германияны жеңгені үшін" медалімен, одан бөлек 18 мерейтойлық медальмен марапатталған.

Қазір науқас инвазивті емес тыныс алдырту аппаратына қосылған және толық сауығып шыққанға дейін стационарда жатады.

96
Кілт сөздер:
коронавирус, видео, соғыс ардагері, Нұр-Сұлтан
Тақырып бойынша
Нұр-Сұлтанда соғыс ардагерлеріне 1 млн теңгеден төленеді
Алматылықтар Ұлы Отан соғысының батырларын біле ме – видео
Балалар, архивтегі фото

Ақтөбе маңында екі бала суға батып кетті

0
Қаза болған балалар 5 және 6 жаста болған

НҰР-СҰЛТАН, 13 мамыр – Sputnik. Ақтөбе облысында ересектердің қарауынсыз жүрген екі бала суға батып кетті. Бұл туралы жергілікті "Мой Город" басылымы хабарлады.

Қайғылы жағдай 12 мамыр түнде болды. Облыстық төтенше жағдайлар департаментіне хабар түнгі 22:29-да түскен. 5 және 6 жастағы екі бала Ақтөбе маңындағы Бекқұл баба ауылындағы Жаман Қарғалы өзеніне батып кеткен.

Оқи отырыңыз: Семей тұрғыны Ертіс өзеніне құлап кетті

Оқиға орнына құтқарушылар келгенше ауыл тұрғындары бес жастағы баланың денесін судан шығарып алған. Түнгі он екі шамасында құтқарушылар жағадан үш метр, тереңдігі 7 метр жерден екінші баланың денесін алып шықты, ол 6 жаста болған.

Екеуінің ересектердің қарауынсыз жүргені, суға киімсіз түскені анықталды. Соған байланысты төтенше жағдайлар департаменті ата-аналарды балаларын қараусыз қалдырмауға шақырды.

0
Кілт сөздер:
Ақтөбе облысы, суға батты, су, балалар
Тақырып бойынша
Атырау полициясы суға батып жатқан жасөспірімдер қалай құтқарылғанын көрсетті – видео
Нұр-Сұлтанда 21 жастағы қыз бассейнге батып кетті
Жамбыл облысында жоғалған келіншекті іздеуге келген құтқарушының өзі суға кетті
Балаларды құтқармақ болған: Есіл ауданында селфидің соңы қайғылы аяқталды
Шолпанның көз жасы: алты баласы бар 29 жастағы келіншек халықтан көмек сұрады