Газ жабдығы

Нұр-Сұлтанда газды үйге тарту қызметі арзандады

61
Газдандыру жұмысын жүргізу құны газ құбырының ұзындығына, диаметріне, жабдықтар санына және газбен жабдықтау бойынша басқа да мәселелерге байланысты болады

НҰР-СҰЛТАН, 25 наурыз — Sputnik. Елорда әкімдігі газдандыру компанияларымен келіссөз жүргізіп, үйішілік газбен жабдықтау құнын төмендетуге уағдаласты. Осы келісімге қосылған компанияларды арнайы тізімнен табуға болады, деп хабарлайды Sputnik Қазақстан әкімдіктің ресми сайтына сілтеме жасап.

Мысалы, ұзындығы 30 метрге дейінгі газ құбырын монтаждау құны – 150 000 теңге. Осы ақшаға мына жұмыстар кіреді:

  • газ құбырының 30 метрі (құбырдың диаметрі Ду 25 мм артық емес);
  • тірек орнату – 1 дана (диаметрі Ду57 мм);
  • нысанды газбен жабдықтау жөніндегі жұмыс жобасы;
  • бекіту арматурасы (диаметрі-Ду15; Ду20; Ду25 газ краны);
  • шығын материалдары (каболка, газ құбырына арналған майлау, тегістеуге арналған дискілер, ЖЖМ, Ду25, Ду20 бұрмалары, Ду25, Ду20, Ду15 клипстері;);
  • үй ішіндегі газ құбырын бояу (- 30 м дейін және тіреуіш);
  • газ есептегішті орнату;
  • газ сигнализаторын орнату;
  • құбыр кіруі үшін тесік (Ду57-3 дана);
  • газ құбырының - 30м техникалық құжаттамаларын дайындау (өрт актісін, МГҚ қоспағанда).

Оқи отырыңыз: Нұр-Сұлтан әкімдігі газдың бекітілген бағасын жариялады

150 мың теңгені жұмысына кірмейтін қызметтер де жарияланды. Олар:

  1. қазандықтың жылу байланысы (жылыту және ыстық сумен жабдықтау жүйесіне қосылу);
  2. желдету каналын орнату, бұрғылау жұмыстары, сантехникалық құбырлар сатып алу;
  3. түтін жою жүйесін орнату, тесіктерді бұрғылау жұмыстары, түтін шығарғышты сатып алу;
  4. жабдық (газ қазандығы, сигнализаторлар, иілгіш шланг, газ қазандығының жинақтауыштары, газ плитасы);
  5. өрт актілері (түтін жою жүйелері, желдеткіш арнасы);
  6. үйішілік газ жабдықтарына техникалық қызмет көрсету шарты;
  7. газ қазандығын іске қосу, жөндеу жұмыстары және сервистік қызмет көрсету 1 жыл;
  8. "ҚТГ Аймақ"-қа ақы төлеу (қабылдау, пломбалау, қазандық пен газ плитасын бастапқы іске қосу).

"Нысанның қорытынды құны жұмыс жобасына сәйкес жеке есептеуден кейін жарияланады. Газдандыру жұмысын жүргізудің түпкілікті құны газ құбырының ұзындығына, диаметріне, жабдықтар санына және газбен жабдықтау бойынша басқа да мәселелерге байланысты. Бұның барлығы 150 000 теңгеге кірмейді", - дейді мамандар.

61
Кілт сөздер:
газ, Нұр-Сұлтан
Тақырып бойынша
Нұр-Сұлтанның тағы екі елді мекенінде үйлерге газ қосыла бастады
Астана LRT тіректері

Желіде LRT "бұзылып" жатқаны түсірілген видео талқыланды

2443
(Жаңартылды 20:12 12.04.2021)
Нұр-Сұлтандағы LRT құрылысы қаржыландыру мәселесі шешілген бойда жалғасын табады деп жоспарланып отыр

НҰР-СҰЛТАН, 12 сәуір — Sputnik. Қазақстандықтар Нұр-Сұлтандағы LRT бағаналарын "бұзып" жатқаны жайлы видеоны талқылап жатыр.

"Міне, LRT-ны бұзып жатыр. Соған қарағанда құрылысты жалғастырмайтын секілді", - дейді ер адам.

Алайда кадрда тіректердің бұзылып жатқаны көрінбейді.

CTS көлік компаниясының баспасөз қызметі Sputnik Қазақстан агенттігіне LRT бұзылмайтынын, видеода күнделікті жұмыс көрініс тапқанын мәлімдеді.

"Қаржыландыру мәселесі шешілген соң жұмыс басталады", - деп нақтылады компания.

2019 жылдың жазында президент Қасым-Жомарт Тоқаев Нұр-Сұлтандағы жеңіл рельсті көлік жобасына жауапты тұлғаларды өткір сынға алды. Елорда әкімінің экс-орынбасары Қанат Сұлтанбеков пен "Астана LRT" компаниясының бұрынғы басқарма төрағасы Талғат Арданға халықаралық іздеу жарияланды.

Астана LRT: сақалды құрылыс тағдыры – фото

Нұр-Сұлтан әкімі Алтай Көлгінов пандемия кезінде LRT құрылысы туралы мәселе кейінге қалдырылғанын айтты. Себебі "Қазақстандағы екінші деңгейлі банктерден ғана емес, халықаралық банктерден де сыртқа қарыз тарту қажет болды".

Қазір елорда билігі жобаны аяқтау үшін халықаралық инвесторлар іздеуді жалғастырып жатыр. БАҚ-та жазғандай, жеңіл рельсті көлік жобасын аяқтау үшін 1,5 миллиард доллар қажет.

2443
Тақырып бойынша
Astana LRT: 16 жылдық тарихы бар даулы жоба бір видеода
Елордадағы LRT-ның ендігі тағдыры не болады?
Тағы бір ел "Астана LRT" ісі бойынша күдіктіге іздеу салды
Нұр-Сұлтан қаласының полицейлері арнайы операция өткізді - видео

Нұр-Сұлтан қаласының полицейлері арнайы операция өткізді - видео

2029
Күдіктілер уақытша ұстау изоляторына қамалды, тергеу жүргізілуде, деп хабарлады елордалық полицейлер

НҰР-СҰЛТАН - 10 сәуір, Sputnik. Нұр-Сұлтан қаласы полиция департаментінің қызметкерлері киік мүйізінің ірі партиясын тәркілеу бойынша арнайы операция өткізді, деп хабарлайды Polisia.kz.

9 сәуірде киік мүйізінің ірі партиясын сату кезінде қылмыстық топ ұсталды. Арнайы операция Қарағанды облысының полицейлерімен бірлесе жүргізілген. Ұсталғандардың екеуі 55 және 52 жастағы елордалықтар, ал біреуі Қарағанды облысының 44 жастағы тұрғыны.

Екі күдікті елордадан киік мүйіздерін сату нарығын іздеп, кейін Қарағанды облысының аумағында сатпақшы болған. Операция кезінде ірі партия - 293 дана мүйіз тәркіленді. Мемлекетке келтірілген шығын көлемі шамамен 500 миллион теңгені құрайды.

Полицияның хабарлауынша, алты мекенжай бойынша бір уақытта тінту жүргізіліп, айғақ заттар мен дәлелдемелер табылды. Сонымен қатар есірткі заттары тәркіленген. Бұл факті бойынша қылмыстық кодекстің 393-бабы бойынша қылмыстық іс қозғалды. Күдіктілер уақытша ұстау изоляторына қамалды. Тергеу жүргізілуде.

2029
Кілт сөздер:
видео
Тақырып бойынша
Арнайы операция: ҰҚК аса қауіпті қылмыстық топты ұстады – видео
ҰҚК бірнеше қалада арнайы операция жүргізді – видео 
"Бүкіл елге таралуы мүмкін еді": полиция арнайы операция жүргізді – видео
Газодобывающее предприятие, архивное фото

Еуропаға газды кім жеткізеді: Ресей ме, АҚШ па?

0
Осы жылы алыс шетелге газ экспорттаудан "Газпром" табысы 1,7 есе, яғни 42 миллиард долларға дейін ұлғаяды, деп жазды VYGON Consulting

НҰР-СҰЛТАН, 12 сәуір — Sputnik. Ұзаққа созылған қыс еуропаның газ қоймаларын бос қалдырды. Газ қорының үштен бір бөлігі ғана қалды. Америкалықтар осы мүмкіндікті пайдаланып, көп көлемде сұйылтылған газ ұсынды. Алайда коронавирус дағдарысы Еуропаға мұхиттың арғы жағынан келетін қымбат газға шығындалуға мүмкіндік бермейді. Сондықтан ресейлік шикізатты сатып алуға тура келіп отыр, деп жазды РИА Новости.

Күзде және қыста еуропалықтар 65 миллиард текше метрден астам газ тұтынды. Бұл он жылдық максимумға тең. Бұл туралы Газпром GasInfrastructureEurope-ке сілтеме жасап хабарлады. Алдыңғы жоғары көрсеткіш 2018 жылы болған. Ол кезде ақпан-наурызда Еуропаны қалыптан тыс аяз бен қар жауып қалды.

Ауа райы биыл да тосын мінез көрсетті. Қаңтарда Газпромға аяз құрсауында қалған Еуропаға жеткізілімдерді шұғыл көбейтуіне тура келді. Компания Германияға 32,4 процентке, Францияға 77,3 процентке, Нидерландыға 21,2 процентке, Италияға 100 процентке әдеттегіден артық газ жіберді.

Сонымен қатар суықтың беті қайтпаған Азияға да экспорт артты. Нәтижесінде нарықта тапшылық пайда болып, бұл споттық бағаның шарықтауына алып келді. Ол бойынша тауарлар, бағалы қағаздар немесе валюта шұғыл жеткізу шарты бойынша сатылады.

Мысалы, Азияда баға кесімі мың текше метр үшін 1 000 доллардан асқан сәт болды. Кейбір мәмілелер 1400 бағасы бойынша жасалды. Еуропада баға 300 доллар болып белгіленді. Ал "Газпромның" 2021 жылға арналған бюджетінде 170 деген баға көрсетілген.

Нәтижесінде алыс шетелге жөнелтілген ресейлік экспорт 19,5 миллиард текше метрге дейін артты. Бұл бір жыл бұрынғы көрсеткіштен 46 процентке көп.

Ақпан айында да ауа райы қуанта қоймады. Осы айда үш күн қатарынан еуропалық қоймалар тәулігіне миллиард текше метр жіберіп отырды. 25 наурызға қарай қоймадағы газ қорының көрсеткіші 29 процентке дейін түсті. Германия мен Автрияда – 26, Нидерландыда – 23, Францияда – 17.

Алдағы қыста суықтан қорғану үшін еуропалықтарға өткен жылғыдан 57,3 процентке артық газ өндіру қажет. Бұл 2020 жылы Франция мен Нидерландыға жеткізілген экспорт көлеміне тең. Қоймаларды толтыру бойынша басталған газ өндіру науқаны 2011 жылғыдан кейінгі ең ауқымды шараға айналмақ.

Еуропа нарығындағы ресейлік шикізаттың үлесі 2020 жылы шамамен 33 процентті құрады. Бұл жөнінде "Газпром экспорт" бас директоры Елена Бурмистрова мәлімдеді. Оның айтуынша, "үшінші тоқсанда-ақ экспорт көлемі дағдарысқа дейінгі көрсеткіштен асып түсті". Импорттаушылар алдындағы барлық міндет толық орындалды. Жыл соңына қарай келісімшарт бойынша баға еуропалық хабтардағы споттық бағадан төмен болды. Бұл да қосымша жеткізулерді орындауға ықпал етті.

Еуроодаққа көгілдір отын Ресейден бөлек Норвегия, Катар, Алжир, АҚШ пен Нигериядан жеткізіледі. Басты тұтынушылар – Германия, Ұлыбритания және Италия. Немістер мен ағылшындар ресейлік газды "Солтүстік ағын" құбыры арқылы алып отыр. Басқа амал жоқ. Әрине сұйылтылған табиғи газға ауысуға болар еді. Бірақ ол тым қымбат. Сонымен қатар ол үшін арнайы терминалдар керек. Ал Германияда мұндай техника қарастырылмаған. Сұйылтылған табиғи газ ол елге Бельгия мен Нидерланды арқылы жеткізіледі.

Италия мен Ұлыбританияда қажетті терминал бар. Бірақ олар да құбыржол газынан бас тартуға асығар емес. Сол себепті ресейлік энергия ресурсын сатып алушылар АҚШ-тың "Солтүстік ағын – 2" жобасына қарсы ашқан соғысын қолдамай отыр. Жалпы ресейлік жобаның қарсыластары аз емес. Олардың қатарында Чехия, Польша, Венгрия, Словакия, Румыния, Хорватия бар.

Жалпы Варшава 2022 жылға қарай Ресей газынан бас тартуға дайын екенін бұған дейін мәлімдеген болатын. Поляктар Солтүстік теңізде норвегиялық қайраңдағы Baltic Pipe құбырына үміт артып отыр.

Жалпы дағдарыстың беті әлі қайта қойған жоқ. Ал сұйылтылған табиғи газ баяғыдай құбыржол газынан қымбат болып тұр. Оның үстіне "Газпром" бәсекелестеріне қарағанда өндіріс көлемі мен тәуліктік жеткізу көлемін өте жылдам арттыра алады.

Г.В.Плеханов атындағы РЭУ доценті Александр Тимофеев "Солтүстік ағын" жобасының өзін-өзі ақтауы әлі де нақты болмағандықтан, батысеуропалық бағыт басымдықта тұр деп санайды.

"Ұзаққа созылған қыс сұранысты арттырды. Бұл күзге қарай бағаның қымбаттауына алып келеді", - дейді ол.

Ресей ЖЭК даму мәселелері жөніндегі тәуелсіз кеңесшісі VYGONConsulting пікірінше, осы жылы "Газпром" алыс шетелге жөнелтетін экспорт көлемін 210 миллиард текше метрге дейін арттыра алады. Бұл 2020 жылғы көрсеткіштен 17 процентке, коронавирус дағдарысына дейінгі 2019 жылғыдан 5,5 процентке артық.

Осылайша бірінші тоқсанда "Газпромның" экспорты 30,7 процентке өсті.

"Бұған дейін жабдықтаушы бюджетке мың текше метр газ үшін 170 доллар көлеміндегі бағаны көрсеткенін ескеру керек. Бірақ содан кейін жоспарлар қайта қаралды. Енді орташа жылдық баға 200 доллар деп болжануда. Себебі ұзақ мерзімді келісімшарттар көбіне еуропалық споттық бағаларға тәуелді. Оның үстіне газ бағасы тікелей тәуелді мұнай бағасы да шарықтап кетті. Сондықтан "Газпром" өз тұтынушыларын жоспарының негізді екеніне сендіре алуы әбден мүмкін", - дейді TeleTrade ақпараттық-талдау орталығының бас экономисі Марк Гойхман.

Жалпы газ бағасы жылыту маусымы аяқталғаннан кейін де қымбаттай берді. Қазір нидерландтық TTF (Title Transfer Facility Natural Gas Price Index) хабындағы спотта мың текше метр газ бағасы 252 доллар. Бұл 2018 жылдан бері ең жоғарғы көрсеткіш.

Нәтижесінде осы жылы алыс шетелге газ экспорттаудан "Газпром" табысы 1,7 есе, яғни 42 миллиард долларға дейін ұлғаяды, деп жазды VYGON Consulting. Ал бұл Ресейдің мемлекеттік бюджетіне майдай жағады.

0