Астана тұрғындары

"Ауыр хәлде түсіп жатыр": дәрігер тұрғындарға үндеу жасады

412
Басқарма басшысы індеттің өршуін санитарлық талаптарды сақтамай, халық көп жиналатын орындарға бару және карантин режимінің бұзылуымен байланыстырып отыр

НҰР-СҰЛТАН, 29 наурыз – Sputnik. Нұр-Сұлтан қоғамдық денсаулық сақтау басқармасының басшысы Тимур Мұратов індеттің өршуіне байланысты тұрғындарға үндеу жасады, деп хабарлайды Sputnik Қазақстан тілшісі.

"Құрметті достар, қаланың бас дәрігері ретінде айтарым: өздеріңізді сақтаңыздар. Қазір қалада эпидемиологиялық жағдай өте тұрақсыз. Ауырған науқастар саны күннен күнге көбейіп барады. Осы апта ішінде күніне 50 шақты адам стационарларға жатқызылып, оның ішінде 10 проценті бірден жансақтау бөліміне түсіп жатыр. Бұл өте қиын жағдай. Сондықтан той-томалаққа бармай, санитарлық нормалар мен ара қашықтықты сақтаған дұрыс", - деді Мұратов онлайн баспасөз мәслихатында.

Айтуынша, қазір астанада ауру жұқтыру өсімі 25%-ке жетті. Егер де ақпанда тәулік ішінде орта есеппен вирус жұқтырған 100 адам тіркелсе, қазір бұл көрсеткіш 350-ге дейін жетіп отыр.

"Эпидемиологиялық жағдай өткен жылдың жаз айларына ұқсас болып келеді. Қазіргі уақытта науқастар ауыр және өте ауыр хәлде түсіп жатыр. Әсіресе, егде жастағы және 40 пен 60 жас аралығындағы азаматтар", - деді ол.

Мұратовтың айтуынша, қазір індетке шалдыққан 623 науқас ауруханада жатыр, төсек-орындардың жүктемесі 74 процентті құрайды. Жансақтау бөлімінде ем қабылдайтын науқастардың саны артқан – 66 пациент.

Басқарма басшысы індеттің өршуін санитарлық талаптарды сақтамай, халық көп жиналатын орындарға бару және карантин режимінің бұзылуымен байланыстырып отыр.

Айта кетсек, Нұр-Сұлтанда 30 наурыздан бастап карантин қатаңдатылады. Тиісті қаулыға қаланың бас мемлекеттік санитар дәрігері қол қойды. Оған сәйкес, сауда орталықтарының жұмыс уақыты жұмыс күндері 17.00-ге дейін қысқарады, демалыста жабық болады.

412
Кілт сөздер:
Нұр-Сұлтан, дәрігер, үндеу, қазақстандықтар
Тақырып:
Коронавирус эпидемиясы (2261)
Тақырып бойынша
Нұр-Сұлтанда карантин күшейтілді – жаңа қаулыда не айтылған
Жиында Цой, Сағынтаев және Бекшин де болды – шенеуніктер жазалана ма
Далада маскасыз қыдырып жүретін уақыт емес – денсаулық сақтау басқармасы
Елордада мейрамхана мен дәмхана жұмысына шектеу енгізілді
Астанада жексенбі күндері автобус тоқтайды – қозғалыс қашан қалпына келеді
Нұр-Сұлтандағы сары белгі

Жолда сары белгі пайда болды: ол нені білдіреді

5239
(Жаңартылды 12:55 17.04.2021)
Сары түске боялған қос сызық жүргізушілердің назарын аударатыны сөзсіз. Бұл әсіресе ауа райы бұзылып, жолдың көрінуі нашарлаған кезде өте маңызды

НҰР-СҰЛТАН, 17 сәуір – Sputnik. Нұр-Сұлтанда алғаш рет жол белгісі ретінде сары сызық қолданылды – Мәңгілік ел даңғылындағы бөлу жолағы сарыға боялды.

Елорда полиция департаментінің мәліметінше, эксперимент жол апатын азайтуға бағытталған.

Желтая разметка в Нур-Султане
© Photo : пресс-служба департамента полиции Нур-Султана
Нұр-Сұлтандағы сары белгі

"Елорда аумағында пилоттық жоба аясында Мәңгілік ел даңғылының бойында Ұлы Дала көшесінен Қабанбай батыр даңғылына дейін жол белгісі ретінде сары түсті тұтас қос сызықты қолдану бойынша жұмыстар эксперименттік тәртіпте ұйымдастырылды. Сондай-ақ, бұл белгіні Жеңіс және Сарыарқа даңғылдарында қолдану жоспарланып отыр", - деп түсіндірді полиция.

Мұндай белгі әлемнің көптеген елінде қолданылады.

"Бұл белгі жүргізушілердің жолға назар салуына мүмкіндік береді, сонымен қатар қыста ауа райы нашарлап, жауын-шашын түскен кезде жол қауіпсіздігі деңгейін арттырады", - деп түсіндірді әкімшілік полиция басқармасының бастығы Елжан Чупеков.

Осы белгіні қолдануға байланысты заңнамалық актілерге, соның ішінде Жол қозғалысы ережесіне тиісті өзгерістер енгізіледі.  

5239
Вакцина, архивтегі фото

Вакцина салдырғаннан кейін екпе куәлігін ашып көрген елорда тұрғыны аң-таң болды

8001
(Жаңартылды 13:56 17.04.2021)
Жауапты мамандар дәрігер ақпараттық жүйеге тұрғын туралы мәліметтерді енгізгенде шатасып қытайлық препараттың атауын жазып жібергенін айтты   

НҰР-СҰЛТАН, 17 сәуір — Sputnik. Астана тұрғынына дәрігерлер қытайлық вакцина салған. Мұны тұрғын екпе куәлігінен көріп, аң-таң болыпты. Бірақ медицина мекемесінің қызметкері екпе саларда "Спутник-V" вакцинасын саламыз деп ауызша ескерткен, деп хабарлады "Астана" арнасы.

Абдырап қалған елордалықтың мәселесіне қатысты денсаулық сақтау басқармасы жауап берді. Жауаптылар фармаколог дәрігер ақпараттық жүйеге тұрғын туралы мәліметтерді енгізгенде препараттың атауын шатастырып алғанын айтады. Ал бұл жүйеде бүгінде қолданыста жүрген барлық вакцинаның атауы бар көрінеді.

"Басқарманың қоймаларында қытайлық вакцина жоқ. Яғни, бізде тек ресейлік "Спутник-V" және де ГамКовидВак. Сол себепті бар болғаны субъективті қате шықты. Науқасқа ешқандай қытайлық вакцина салынған жоқ", - дейді Нұр-Сұлтан қоғамдық денсаулық сақтау басқармасының баспасөз хатшысы Әйгерім Ардаққызы.

Денсаулық сақтау министрлігінің мәліметіне сүйенсек, ел ішінде коронавирусқа қарсы вакцинаның 1-ші компонентін салдырғандардың саны 576 мыңнан асқан, ал 2-і компонентін қабылдағандар 112 202-ге жетті. Оның ішінде елорда, Алматы, Алматы және Түркістан облыстарының тұрғындары екпе алу бойынша алда келеді. Ал Маңғыстау, Атырау және Қызылорда облыстарында вакциналау баяу жүріп жатыр.

Оқи отырыңыз: Шымкентте инфекциялық ауруханада түсірілген жантүршігерлік видео желіде тарады 

Қазір көпшілікті вакцина салдырғаннан кейін кесел жұқтырған 16 адамның жайы алаңдатып отыр. Министрлік өкілі екпе арқылы вирус жұқпайтынын айтады. Өйткені вакцина құрамында тірі вирус жоқ, тек антиденелерді түзетін коронавирустың бір бөлігі бар дейді. Оның өзі вирсуқа қарсы күресетін компонент деп отыр. Осы себепті иммунитет қалыптасқанға дейін екпе салдырдым деп арқаны кеңге салуға болмайтынын ескертті.

8001
Кілт сөздер:
коронавирус, вакцина
Тақырып:
COVID-ке қарсы вакцина
Тақырып бойынша
Коронавирус созылмалы ауруға айналуы мүмкін – академик
Қазақстанда балаларға коронавирусқа қарсы вакцина салынуы мүмкін бе
QazVac пен "Спутникті" бір айда салдырса не болады
Екпе салдырған қазақстандықтар жұмыстан босатыла ма
Вакцинадан кейін коронавирус жұқтырғандар бар – комитет жауабы
Қасым-Жомарт Тоқаев

Мемлекет басшылары Тоқаевты құттықтап жатыр

0
Олар мемлекет басшысына зор денсаулық және бақыт тіледі, сондай-ақ бауырлас Қазақстан халқының одан әрі өсіп-өркендей беруіне тілектестік білдірді

НҰР-СҰЛТАН, 17 сәуір – Sputnik. Мемлекет басшысы Қасым-Жомарт Тоқаевтың атына қасиетті Рамазан айының басталуына орай шет мемлекеттердің басшыларынан және халықаралық ұйымдардың жетекшілерінен құттықтау хаттар мен жеделхаттар келіп түсуде, деп хабарлайды Ақорда.

Өзбекстан президенті Шавкат Мирзиёев жеделхатында Тоқаевқа ұзақ өмір, зор денсаулық және оның аса жауапты қызметіне табыс тілеп, бауырлас Қазақстан халқының өсіп-өркендей беруіне ниеттестік білдірген. Сондай-ақ ол екі ел арасындағы қарым-қатынастардың қарқынды дамып келе жатқанын атап өткен.

"Екі ел арасындағы тату көршілікке, жақын достыққа, өзара құрметке және қолдау көрсетуге негізделген стратегиялық серіктестік ортақ саяси ерік-жігеріміздің арқасында соңғы жылдары мүлде жаңа деңгейге көтерілгені күмәнсіз. Біздің табысты байланыстарымыз бен ұзақмерзімді серіктестігіміз одан әрі дами беретініне сенімдімін", – делінген Өзбекстан басшысының жеделхатында.

Сауд Арабиясының королі Салман бен Әбделәзиз Әл Сауд және Сауд Арабиясы Корольдігінің тақ мұрагері Мұхаммед бен Салман бен Әбделәзиз Әл Сауд өздерінің жеделхаттарында Қазақстан президентін қасиетті Рамазан айының басталуымен құттықтап, оған зор денсаулық және бақыт тілеген, сондай-ақ бауырлас Қазақстан халқының одан әрі өсіп-өркендей беруіне тілектестік білдірген.

Тағы оқыңыз: Рамазан-2021: маңызды 10 сұрақтың жауабы

Сонымен қатар Қазақстан президентіне Қатар әмірі Шейх Тамим бен Хамад Әл Тәни, Иордания королі II Абдалла, Оман сұлтаны Хайсам Бен Тариқ, Кувейт әмірі Шейх Наваф әл-Ахмад әл-Джабер Әс-Сабах, Кувейттің тақ мұрагері Мишаль әл-Ахмед әл-Джабер Әс-Сабах, Бахрейн королі Хамад бен Иса Әл Халифа, Марокко королі VI Мұхаммед, Египет президенті Әбдель Фаттах Әс-Сиси, Ирак президенті Бархам Салех, Палестина президенті Махмуд Аббас, Қатар шейхінің орынбасары Абдалла Бен Хамад Әл Тәни және Ислам ынтымақтастығы ұйымының бас хатшысы Юсеф әл-Осеймин өздерінің құттықтау хаттарын жолдады.

Биыл Рамазан айы 13 сәуірде басталып, 12 мамырда аяқталады. 8 мамырдан 9 мамырға қараған түн – қасиетті Қадір түні.

Пітір садақаның мөлшері жан басына 420 теңгені құрады.

0
Кілт сөздер:
Рамазан-2021, Қасым-Жомарт Тоқаев
Тақырып бойынша
Ақордада өткен кездесуде қырғыз президенті Тоқаевты таңғалдырды  
Тоқаев сыбайлас жемқорлыққа қарсы агенттіктегі ауыс-түйіс туралы айтты
Тоқаев жұмысын дұрыс атқармаған басшыны қызметінен босатуды бұйырды
Тоқаев кейбір салаларға қосымша қаражат бөлуді тапсырды