Вакцина, архивтегі фото

Вакцина салдырғаннан кейін екпе куәлігін ашып көрген елорда тұрғыны аң-таң болды

14622
(Жаңартылды 13:56 17.04.2021)
Жауапты мамандар дәрігер ақпараттық жүйеге тұрғын туралы мәліметтерді енгізгенде шатасып қытайлық препараттың атауын жазып жібергенін айтты   

НҰР-СҰЛТАН, 17 сәуір — Sputnik. Астана тұрғынына дәрігерлер қытайлық вакцина салған. Мұны тұрғын екпе куәлігінен көріп, аң-таң болыпты. Бірақ медицина мекемесінің қызметкері екпе саларда "Спутник-V" вакцинасын саламыз деп ауызша ескерткен, деп хабарлады "Астана" арнасы.

Абдырап қалған елордалықтың мәселесіне қатысты денсаулық сақтау басқармасы жауап берді. Жауаптылар фармаколог дәрігер ақпараттық жүйеге тұрғын туралы мәліметтерді енгізгенде препараттың атауын шатастырып алғанын айтады. Ал бұл жүйеде бүгінде қолданыста жүрген барлық вакцинаның атауы бар көрінеді.

"Басқарманың қоймаларында қытайлық вакцина жоқ. Яғни, бізде тек ресейлік "Спутник-V" және де ГамКовидВак. Сол себепті бар болғаны субъективті қате шықты. Науқасқа ешқандай қытайлық вакцина салынған жоқ", - дейді Нұр-Сұлтан қоғамдық денсаулық сақтау басқармасының баспасөз хатшысы Әйгерім Ардаққызы.

Денсаулық сақтау министрлігінің мәліметіне сүйенсек, ел ішінде коронавирусқа қарсы вакцинаның 1-ші компонентін салдырғандардың саны 576 мыңнан асқан, ал 2-і компонентін қабылдағандар 112 202-ге жетті. Оның ішінде елорда, Алматы, Алматы және Түркістан облыстарының тұрғындары екпе алу бойынша алда келеді. Ал Маңғыстау, Атырау және Қызылорда облыстарында вакциналау баяу жүріп жатыр.

Оқи отырыңыз: Шымкентте инфекциялық ауруханада түсірілген жантүршігерлік видео желіде тарады 

Қазір көпшілікті вакцина салдырғаннан кейін кесел жұқтырған 16 адамның жайы алаңдатып отыр. Министрлік өкілі екпе арқылы вирус жұқпайтынын айтады. Өйткені вакцина құрамында тірі вирус жоқ, тек антиденелерді түзетін коронавирустың бір бөлігі бар дейді. Оның өзі вирсуқа қарсы күресетін компонент деп отыр. Осы себепті иммунитет қалыптасқанға дейін екпе салдырдым деп арқаны кеңге салуға болмайтынын ескертті.

14622
Кілт сөздер:
коронавирус, вакцина
Тақырып:
COVID-ке қарсы вакцина (222)
Тақырып бойынша
Коронавирус созылмалы ауруға айналуы мүмкін – академик
Қазақстанда балаларға коронавирусқа қарсы вакцина салынуы мүмкін бе
QazVac пен "Спутникті" бір айда салдырса не болады
Екпе салдырған қазақстандықтар жұмыстан босатыла ма
Вакцинадан кейін коронавирус жұқтырғандар бар – комитет жауабы
Иллюстративті фото

Нұр-Сұлтанда екі спортшы төбелесті бірі пышақ жарақатымен ауруханаға түсті

657
Полицейлер Ақтөбеден келген спортшыны ұстады. Ол жерлесінің кеуде тұсынан пышақ ұрған

НҰР-СҰЛТАН, 21 маусым – Sputnik. Нұр-Сұлтан қалалық полиция департаменті қонақ үйдегі төбелес бойынша сотқа дейінгі тергеуді бастады. Ақтөбеден келген спортшы жерлесіне пышақ сұққан.

Ресми мәліметке сәйкес, жексенбі, 20 маусым күні полицияға Қорғалжын тасжолындағы қонақ үйде төбелес басталғаны туралы ақпарат түскен. Қоңырау шалған адам төбелескен жігіттің қарсыласының кеуде тұсына пышақ сұққанын айтқан. Оқиға орнына бірден патрульдік экипаж барды. Тәртіп сақшылары төбелеске қатысқан адамдарды да, жанжалдың неден шыққанын да анықтады.

"Төбелескен екі жігіт те Ақтөбеден келген. Олар 15 маусым күні Нұр-Сұлтанға қазақша күрестен республикалық жарысқа қатысу үшін келген. 20 маусымда жарыстар біткеннен кейін қонақ үйге барған. Сол кезде 21 жастағы екі жас спортшының арасында жанжал шығып, арты төбелеске ұласқан. Бір спортшы жерлесінің кеуде тұсына пышақпен жарақат салды", - дейді полицейлер.

Жарақат алған спортшыны ауруханаға жеткізді. Ал күдікті қамауға алынды. Тергеу шаралары аясында жарысты ұйымдастырғандардың жұмысына да баға беріледі.

657
Пәтер кілті, архивтегі сурет

Нұр-Сұлтанда жаңа тұрғын үйге тексеріспен барған ең жас депутат жағасын ұстады

5904
Жаңа тұрғызылған баспананың қабырғаларына сызат түскен, сылақтары құлап, есіктің жақтаулары түсіп жатыр

НҰР-СҰЛТАН, 20 маусым – Sputnik. Парламенттің ең жас депутаты Мәди Ахметов Нұр-Сұлтанда салынып жатқан әлеуметтік тұрғын үйлердің бірінің сапасын сынға алды.

Ахметов пайдалануға берілгелі жатқан тұрғын үйдің сапасын жеке өзі тексеріп шықты.

Депутат жаңа салынған баспананың қабырғаларына сызат түскенін, сылақтары құлап, есіктің жақтаулары түсіп жатқанын өз көзімен көрді.

Посмотреть эту публикацию в Instagram

Публикация от Madi AKHMET (@madi_akhmet)

"Егер еліміздің бас қаласында осылай болса, онда басқа аймақтарда не болғаны? Айтарға сөзім жоқ", - деп ашынды депутат.

Жоба наурыз айында аяқталғанымен, әлі күнге дейін елорда әкімдігінің балансына өтпеген, деп мәлімдеді ол.

"Халықтың бес миллиард теңгесіне небәрі 238 пәтер салынды. Өкінішке қарай, мониторинг кезінде жергілікті атқарушы билік өкілдері депутаттардың сұрақтарына мардымды жауап бермеді, толық ақпарат ұсына алмады", - деді Ахметов.

Айтуынша, бұл олардың өз жұмысына жауапсыз қарайтынын көрсетеді.

Елорда әкімі Алтай Көлгінов 2018 жылы – 1 800, 2019 – 2 900, ал былтыр жеті мыңнан астам әлеуметтік пәтер салынғанын мәлімдеді. Биыл кезекте тұрғандар үшін он мың әлеуметтік пәтер салу жоспарланып отыр.

Олар ерекше қажеттіліктері бар балаларды тәрбиелеп отырған отбасылар, жетім балалар, толық емес, көпбалалы отбасылар, мүгедектігі бар адамдар және тағы басқа санаттар.

5904
Кілт сөздер:
тұрғын үй, Нұр-Сұлтан, депутат
Тақырып бойынша
"Бәріміз бір қазақтың баласымыз": ең жас депутат өзін сынағандарға жауап берді
Жаңбыр

Ауа райына байланысты бірнеше өңірде дабылды ескерту жарияланды

0
Республиканың басым бөлігінде жауын-шашын болады. Кей өңірлерде жел күшейіп, шаңды дауыл соғады деп болжанып отыр

НҰР-СҰЛТАН, 21 маусым – Sputnik. Еліміздің тоғыз өңірінде ауа райының бұзулуына байланысты дабылды ескерту жарияланды, деп хабарлайды Sputnik Қазақстан.

22 маусымда Солтүстік Қазақстан облысының кей жерлерінде найзағай түсіп,  дауыл болады. Бұршақ жаууы мүмкін. Солтүстіктен, солтүстік-шығыстан жел соғады, кей жерде күші 15-20 м/с болады.

22 маусымда Түркістан облысының кей жерінде шаңды дауыл болады. Солтүстік-шығыстан жел соғады, кей жерде күші 15-20, күндіз екпіні 23 м/с-ке жетеді. Кей аудандарда төтенше өрт қаупі сақталады.

Шымкент пен Түркістан қаласында таңертең және күндіз солтүстік-шығыстан жел соғады, екпіні 15-20 м/с.

Ақмола облысының кей жерінде найзағай түседі. Солтүстік-батыстан жел соғады, күндіз кей жерлерде жылдамдығы 15-20 м/с болады.

22 маусымда Шығыс Қазақстан облысының кей жерінде қатты жаңбыр жауып, найзағай ойнайды. Бұршақ жауады. Жел батыстан, солтүстік-батыстан соғады, кей жерде 15-20 м/с жылдамдықпен жел соғады.

Күндіз 22 маусымда Ақтөбе облысында 36 градусқа дейін қатты ыстық болады. Өте жоғары өрт қаупі сақталады.

22 маусымда Батыс Қазақстан облысының оңтүстігінде +39 градус қатты ыстық болады. Кей жерлерде төтенше өрт қаупі сақталады.

Оқи отырыңыз: Қатты құрғақшылық болады – Қазгидрометтің маусым айына болжамы

Маңғыстау облысының кей жерінде шаңды дауыл болады. Шығыстан, оңтүстік-шығыстан соғатын желдің күші 18 м/с болады. Күндіз кей жерлерде 42 градус ыстық болады.

Облыстың оңтүстік-шығысында өте жоғары өрт қаупі сақталады.

22 маусымда Қостанай облысының кей жерінде найзағай ойнайды, дауыл тұрады. Бұршақ жаууы мүмкін. Солтүстік-батыстан күші 15-20 м/с жылдамдықпен жел соғады. Кей жерлерде өрт қаупінің төтенше деңгейі болуы мүмкін.

Алматы облысында таулы аудандарда қатты жанбыр жауады. Кей жерде найзағай ойнап, бұршақ жаууы мүмкін. Солтүстік-батыстан жел соғады, найзағай кезінде екпіні 18-23 м/с жылдамдыққа жетеді. Кей жерлерде төтенше өрт қаупі сақталады.

0
Кілт сөздер:
дабылды ескерту, ауа райы