Мектеп, оқушылар

Елорда мектептері дәстүрлі форматқа оралуға дайындалып жатыр

30
Білім ошақтары бұрынғы режимде жұмысын жандандыруы үшін барлық мектептің мұғалімдері коронавирусқа қарсы вакцина салғызуы қажет

НҰР-СҰЛТАН, 30 маусым – Sputnik. Нұр-Сұлтан мектептері дәстүрлі оқыту форматына оралуға дайындалып жатыр. Бұл туралы елорда әкімі Алтай Көлгінов мәлімдеді, деп хабарлайды Sputnik Қазақстан.

"Біз мемлекет басшысының тапсырмасына сәйкес бұған дайындалып жатырмыз. Ол үшін бүкіл педагогикалық құрам вакцина алуы қажет. Қазір мұғалімдердің 60%-тен астамы вакцина салғызды, бұл жұмыс белсенді жалғасуда. Дәрігерлермен ақылдасып жатырмыз, жастарға да вакцина егілуі мүмкін", - деді әкім брифингте.

Қазір Қазақстанда коронавирусқа қарсы вакцина 18 жасқа толған және одан асқан адамдарға егіледі. Алайда Алтай Көлгінов жасөспірімдерге екпе егетін елдердің тәжірибесін мысалға келтірді.

Тегін тамақ ішеді: Вакцина алған студенттер мен оқытушыларға бірнеше жеңілдік жасалады

"Әзірге біздің талап 18+, бірақ Еуропада, Израильде одан кішілерге де вакцина салып жатыр. Бұл уақыт еншісіндегі мәселе. Алайда, ең алдымен,  қазір біз барлық педагогті вакциналауға тиіспіз, сол кезде мектептерді ашуға дайын боламыз", - деді Көлгінов.

Еске салсақ, президент Қасым-Жомарт Тоқаев жаңа оқу жылының басынан дәстүрлі форматқа оралуды тапсырды.

30
Кілт сөздер:
коронавирус, мектеп, Нұр-Сұлтан
Тақырып бойынша
Қыркүйекте оқушылар мектепке бара ма – Аймағамбетов жауап берді
Нұр-Сұлтанда оқушылар емтиханнан кейін ауруханаға түсті
Талдықорғанда оқушылар мінген мектеп автобусы екі жеңіл көлікпен соқтығысты
Мұғалімдер мен оқушылар теракт кезінде не істеу керектігін үйренеді
Баланың сұлбасы, архивтегі фото

Нұр-Сұлтанда екі оқушы үш күннен бері табылмай жатыр

81
(Жаңартылды 20:48 30.07.2021)
Жоғалған балаларды іздеуге еріктілер қосылды. Адамдар әлеуметтік желіде ақпарат таратып, куәгерлерді іздестіруде

НҰР-СҰЛТАН, 30 шілде - Sputnik. Нұр-Сұлтанда полицейлер екі ұл баланы үш күннен бері іздеп жатыр.

Посмотреть эту публикацию в Instagram

Публикация от volonteri_dobroi_voli (@volonteri_dobroi_voli)

Елорда полиция департаментінің хабарлауынша, тәртіп сақшыларына балалардың жоғалып кеткені туралы ақпарат 28 шілдеде сағат 22:50 -де түскен.  

"11 және 9 жастағы балалар Севастопольский тұйық көшесінде орналасқан үйдің ауласынан белгісіз бағытта шығып кеткен. Осы уақытқа дейін олардың қайда екені белгісіз. Анасы балалар жоғалған күннің ертеңінде полицияға хабар берген", - деп атап өтті елорда полиция департаментінің баспасөз қызметі.

Полиция департаментінің жеке құрамы кәмелетке толмаған балалардың жүрген жерін анықтауға бағытталған іздеу және тексеру іс-шаралар кешенін қолға алды.

Полицейлер еріктілермен бірге балалар жоғалған аумақта үйлерді, кіреберістерді, жертөлелерді, шатырларды, аулаларды, дүкендер мен кәріз құдықтарын тексеріп жатыр.

81
Архивтегі фото

Нұр-Сұлтанда вакцина салдырғандар арасында үлестірілетін жүлделер саны артты

55
Енді 28 шілдеден 6 тамызға дейін (қоса алғанда) вакцина салдырғандардың арасында тағы үш iPhone12 ойнатылады

НҰР-СҰЛТАН, 28 шілде – Sputnik. Нұр-Сұлтанда вакцина салдырғандар арасында ойнатылатын жүлделер саны артты, деп хабарлады елорда әкімдігінің ресми сайты.

Тағы екі iPhone12 және басқа да бағалы сыйлықтардың төртінші ұтыс ойыны 31 шілде күні Нұр-Сұлтан қаласы әкімдігінің әлеуметтік желілердегі (Facebook, YouTube) парақшаларында тікелей эфирде өтеді.

"Төртінші ұтыс ойынына 24 шілде мен 30 шілде аралығында вакциналанғандар қатысады. Бұл ұтыс ойынына медициналық мекемелердегі, СОО/СҮ-дегі вакциналаудың барлық пункті қатысады. Ұтыс ойынына қатысу автоматты, құжат толтырып, тіркелудің қажеті жоқ", - делінген хабарламада.

Енді 28 шілдеден 6 тамызға дейін (қоса алғанда) вакцина салдырғандардың арасында тағы үш iPhone12 ойнатылады. Аталған ұтыс ойынына "Абу Даби Плаза", "Керуен", "Сарыарқа" сауда ойын-сауық орталықтарында және оларға бекітілген БМСК ұйымдарында – №2, 9 және 14 қалалық емханаларда вакцина алған адамдар қатысады. Бұл ұтыс ойынының тікелей эфирі 7 тамызда өтеді.

IPhone12 және басқа да құнды сыйлықтардың ұтыс ойынын әкімдік апта сайын жаздың соңына дейін өткізеді.

Birge платформасында  ұтыс ойынының жеңімпаздарын анықтау үшін арнайы рандомайзер сервисі орнатылған, ол жүлде иелерін вакцина салдырғандардың ID нөмірі арқылы таңдайды. Оны әзірлеуге IT-қауымдастық та қатысты. Вакциналанғандар бойынша сервис денсаулық сақтау министрлігінің ақпараттық жүйесімен біріктірілген.

Елордада екі бөлмелі пәтер ұтысқа тігілді

Айта кетейік, елордада вакцина алғандар арасында екі бөлмелі пәтер де ойнатылады. Осы жылдың 25 маусымы мен 31 тамызы аралығында вакцинаның бірінші компонентін алған 18 жастан асқан қала тұрғындарының елордада жылжымайтын мүлікті ұтып алу мүмкіндігі бар. Бұл ұтыс ойынына вакциналаудың барлық пункті қатысады: медициналық мекемелер, СОО-лар және сауда үйлері. Айта кету керек, ұтыс ойындары демеушілердің көмегімен өткізіледі.

Сондай-ақ "MEGA Silk Way" СОО вакциналау пунктінде вакцинаның  бірінші компонентін алғандар арасында автокөлік ұтыс ойыны өтеді.

Елордада өткізілетін ұтыс ойындары азаматтарды екпе алуға ынталандыру, осылайша өз денсаулығын да, жақын және айналасындағы адамдардың денсаулығын сақтау үшін ұйымдастырылады. Себебі, басты мақсат — ұжымдық иммунитетті дамыту және карантинге дейінгі режимге оралу. Ұжымдық иммунитеттің үлесі 60%-тен асуы керек.

55
Тақырып:
COVID-ке қарсы вакцина
 Архивтегі фото

Коронавирус пен пневмония тағы 100 адамның өмірін жалмады

0
(Жаңартылды 10:57 31.07.2021)
Елімізде бір тәулікте 7 600-ден астам адамнан коронавирус инфекциясы анықталды. 330-дан астам науқас жасанды тыныс алдыру аппаратына қосылды

НҰР -СҰЛТАН, 31 шілде – Sputnik. Соңғы тәулікте Қазақстанда коронавирустан 86, пневмониядан 14 адам қайтыс болды.

Денсаулық сақтау министрлігінің мәліметінше, 31 шілдедегі жағдай бойынша 95 998 адам (93 366 КВИ + және 2 632 КВИ-) коронавирустан емделіп жатыр, оның ішінде 27 004 науқас ауруханада, 68 994 науқас амбулаторлық деңгейде емделуде.

"86 адам коронавирустан, 14 адам пневмониядан қайтыс болды. 1 677 науқас ауыр жағдайда, 349 науқас өте ауыр жағдайда жатыр, 334 науқас жасанды тыныс алдыру аппаратына қосылды", - деп хабарлады денсаулық сақтау министрлігі.

Сонымен қатар 29 шілдедегі жағдай бойынша коронавирус инфекциясының белгілері бар пневмония 309 адамнан анықталған, 110 адам жазылып шықты.

Оқи отырыңыз: Денсаулық сақтау министрлігі коронавирусқа қатысты статистиканы жаңартты 

Өткен тәулікте Қазақстанда коронавирус инфекциясы 7 691 адамнан табылды. Көбісі Нұр-Сұлтан (1518) мен Алматыда (1511) тіркелді.

"Қызыл" аймақта: Нұр-Сұлтан, Алматы, Шымкент қалалары, Ақмола, Ақтөбе, Алматы, Атырау, Шығыс Қазақстан, Жамбыл, Батыс Қазақстан, Қарағанды, Қостанай, Қызылорда, Маңғыстау, Павлодар және Солтүстік Қазақстан облыстары.

"Сары" аймақта: Түркістан облысы.

0
Тақырып:
Коронавирус эпидемиясы