НҰР-СҰЛТАН, 2 шілде – Sputnik. Жексенбі, 4 шілдеде елордада қоғамдық көлік жүрмейді.
"Жексенбі, 4 шілдеде қалалық және қала маңына қатынайтын бағдарлар жүрмейді. Дезинфекциялық жұмыстар жүргізіледі", - деп хабарлады CTS көлік компаниясы.
Ал 5,6 шілде және жұмыс күндері автобустар штаттық режимде қатынайды.
CTS жолаушыларға автобусқа бетпердесіз кіруге болмайтынын тағы бір мәрте ескертті.
Жол ақысы тек қолма-қол ақшасыз төленеді: көлік картасымен немесе QR-код сканерлеу/көлік кодын енгізу арқылы.
Тағы оқыңыз: Қазақстандықтар шілде айында қанша күн демалады
Айта кетсек, 6 шілде қазақстандықтар астана күнін тойлайды. Үкімет қаулысымен 3 шілде, сенбі күнгі демалыс 5 шілде, дүйсенбіге ауыстырылды. Осылайша аптасына бес күн жұмыс істейтіндер қатарынан үш күн – 4, 5 және 6 шілде демалады. Ал аптасына алты күн істейтіндер үшін 4 және 6 шілде – демалыс.