Астана көрінісі

Нұр-Сұлтанда құтқарушылар саябағы ашылды

32
Саябақта азаматтық қорғау қызметінің үздіктеріне құрмет тақтасы орнатылған, елордалықтарға арналған демалыс аймағы да бар

НҰР-СҰЛТАН, 5 шілде – Sputnik. Елорда күні мен Тәуелсіздіктің 30 жылдығы қарсаңында Нұр-Сұлтанда құтқарушылар саябағы ашылды, деп хабарлайды қала әкімдігінің ресми сайты.

Құтқарушылар саябағының ашылу салтанатына елорда әкімі Алтай Көлгінов, төтенше жағдай министрі Юрий Ильин, азаматтық қорғау органдарының ардагерлері мен өрт сөндіру кезінде қаза тапқан батырлардың туыстары қатысты.

Посмотреть эту публикацию в Instagram

Публикация от NUR-SULTAN (@akimat_nur_sultan)

"Қоғамдық кеңістік аумағында 150-ге жуық ағаш отырғызылды. Аумақ әлі де жетілдіріліп, толықтырылады. Бізге қала тұрғындары бос уақытын денсаулығына пайдалы етіп өткізетін орындар ашу маңызды. Биыл біз 150 аула мен 40 қоғамдық кеңістік (саябақтар, гүлзарлар, желекжолдар) саламыз. Жалпы алғанда, жетпіске жуық аула мен қоғамдық кеңістіктің жұмысы аяқталып, ашылғалы тұр", - деді Көлгінов.

Саябақ аумағы балалар мен ересектерге арналған аймақтарға бөлінген, кедергі жолақтарын қоса алғанда, экстрим-спортын қолдау үшін түрлі жастағы санаттарға арналған паркур-алаң орналасқан.

Қала тұрғындарына арналған тыныш демалыс аймағы бар және азаматтық қорғау қызметінің үздіктеріне құрмет тақтасы қойылды. Ал көпір жағында "Public art" суреттелген.

Сондай-ақ аумақта 1964 жылы шыққан АЦ-30 МАЗ 205 арнайы өрт сөндіру машинасы тұр. Айта кетсек, бұл көлік Елбасы Нұрсұлтан Назарбаев жайлы түсірілген фильмде көрсетілген.

Құтқарушылар саябағы Янушкевич пен Пушкин көшелерінің қиылысында орналасқан. Саябақ өрт сөндіруші-құтқарушылар, сондай-ақ қызметтік міндетін орындау кезінде қаза тапқан қызметкерлердің құрметіне абаттандырылған.

32
Кілт сөздер:
Нұр-Сұлтан, құтқарушылар, саябақ
Дезинсекция, архивтегі фото

"Халықты уламаңдар!": елорда әкімдігі желіде тараған видеоға түсініктеме берді

5003
Нұр-Сұлтан әкімдігі видеодағы арнайы киім киген адамдар маса мен шыбын-шіркейді улау жұмыстарын жүргізгенін атап өтті

НҰР-СҰЛТАН, 3 тамыз – Sputnik. Әлеуметтік желілер мен мессенджерлерде Нұр-Сұлтан қаласының тұрғыны түсірген видео таралып жатыр. Онда қорғаныс құралдарын киген адамдар жекеменшік үйлердің маңында жүр. Қала әкімдігі осы оқиғаға қатысты түсініктеме берді, деп хабарлады Stopfake.kz сайты.

Видео авторы қорғаныс құралдарын киіп жүрген адамдарды түсірген. Олар цистерналарды көлікке тиеп жатыр.

"Өздерің қорғанып, халықты улап жүрсіңдер! Халық жаулары! Түнде жасырынып келді. Сендер халықты қырып жатқан айуансыңдар! Қазақты қырып жатырсыңдар! Өздерің қазақсыңдар!", - дейді видео авторы.

Ер адам көршілерді де көмекке шақырған. Одан кейін көлікпен келген жұмысшылардан қорғаныс құралын шешуді талап етті. "Неге күндіз істемейсіңдер?", - деп сұрағанда жас жігіттер ол уақытта масаның болмайтынын айтқан. Бірақ ер адам сенбейді. Бірнеше минуттан кейін жұмысшылар көлікке мініп, кетіп қалады.    

Нұр-Сұлтан қаласының әкімдігі осы оқиғаға қатысты түсініктеме берді

"Маса мен шыбын-шіркейді улау жұмыстары видеоға түсірілген. Дезинсекциялық жұмыстарды "Столичная дезинфекция" ЖШС қоршаған ортаны қорғау және табиғатты пайдалану басқармасымен бірлесіп жүргізіп жатыр. Зиянкестерді жою жұмыстары кезінде дезинсекторлар адамдар, жануарлар мен өсімдіктер үшін мүлдем қауіпсіз ерітіндіні қолданады. Жұмыс түнгі уақытта және таңертең жүргізіледі", – дейді әкімдік мамандары.  

Елорда әкімдігі жалған ақпарат таратқандар заң алдында жауап беретінін еске салды.

5003
Шығыс тұрғын үй кешені

Елордалық кәсіпкер 9 жылға бас бостандығынан айырылуы мүмкін

158
Құрылыс компаниясының басшысына алаяқтық жасаған деген айып тағылды. Ол "Шығыс" тұрғын үй кешенінде құрылысы біте қоймаған нысанның пәтерлерін кепілге қойып, ЖШС-мен келісімшарт жасасқан

НҰР-СҰЛТАН, 2 тамыз – Sputnik. Елордада тұрғын үй кешендерінің құрылысымен айналысқан кәсіпкер Сергей Котляров 9 жылға бас бостандығынан айырылуы мүмкін. Нұр-Сұлтан қаласы Сарыарқа аудандық сотының отырысында прокурор осындай жаза тағайындауды сұрады, деп хабарлады Хабар 24.

Сергей Котляров алаяқтық жасаған және ірі көлемде материалдық шығын келтірген деп айыпталып жатыр.

Мемлекеттік айыптаушы ұсынған нұсқа бойынша, ол "Шығыс" тұрғын үй кешенінде құрылысы біте қоймаған нысанның пәтерлерін кепілге қойып, жауапкершілігі шектеулі серіктестіктердің бірімен келісімшарт жасасқан. Алайда айыпталушы өз кінәсін мойындамай отыр. Сот процесі әлі де жалғасады.

"Қазақстан Қылмыстық кодексінің 190-бабы 4-тармағының 2-тармақшасына сай 1958 жылы туған Сергей Котляровты қылмыстық құқық бұзушылыққа барғаны үшін кінәлі деп танып, 9 жылға бас бостандығынан айыруды сұраймын. Мүлкін тәркілемей, жазасын қылмыстық-атқару жүйесінің орта қауіпсіздік мекемесінде өтеуін ұсынамын. Құрылыс саласы және үлескерлерден ақша жинау қызметімен айналысуға 5 жыл мерзімге тыйым салынсын. Үйқамақ түріндегі бұлтартпау шарасы тоқтатылып, дереу тұтқындалсын", - деді прокурор Дархан Қалқаманов.

158
Оқушылар

Жаңа оқу жылындағы каникул: оқушылар қанша күн демалады

0
(Жаңартылды 11:22 04.08.2021)
2021-2022 оқу жылы әдеттегідей бірінші қыркүйекте басталады

НҰР-СҰЛТАН, 4 тамыз – Sputnik. Қазақстанда жаңа оқу жылының басталуы мен каникул датасы бекітілді.

Бұйрыққа білім және ғылым министрі Асхат Аймағамбетов қол қойды.

Құжатта 2021-2022 оқу жылының басталуы, ұзақтығы және каникул кезеңдерінің мерзімдері айқындалды.

  • 2021-2022 оқу жылының басталуы – 2021 жылдың 1 қыркүйегі;
  • оқу жылының ұзақтығы 1-сыныптарда – 33 оқу аптасы, 2-11 (12)- сыныптарда – 34 оқу аптасы.

Оқу жылы ішіндегі каникул кезеңдері:

1-11 (12) – сыныптарда: күзгі каникул – 7 күн (2021 жылдың 1-7 қарашасы аралығында), қысқы – 11 күн (2021 жылдың 30 желтоқсаны мен 2022 жылдың 9 қаңтары аралығында), көктемгі – 12 күн (2022 жылдың 19-30 наурызы аралығында);

1-сыныптарда: қосымша каникул – 7 күн (2022 жылдың 7-13 ақпаны аралығында).

Тағы оқыңыз: Мектеп формасы міндетті бола ма – Аймағамбетов мәлімдеме жасады

Бұйрық 2021 жылдың 9 тамызынан күшіне енеді.

0
Кілт сөздер:
оқушылар, каникул
Тақырып бойынша
Министрлік қыркүйектен бастап оқушылар қашықтан оқиды дегенді жоққа шығарды
Қыркүйекте оқушылар мектепке бара ма – Аймағамбетов жауап берді
Мұғалімдер мен оқушылар теракт кезінде не істеу керектігін үйренеді
Оқушылар 1 қыркүйектен бастап мектепке барып оқиды