Астана көрінісі

Қазақстанда елорда күні аталып өтіп жатыр

85
Пандемияға байланысты мерекелік шаралар онлайн форматқа ауыстырылды, бұл күні қазақстандықтар демалады

НҰР-СҰЛТАН, 6 шілде – Sputnik. Қазақстандықтар бүгін мемлекеттік мереке – елорда күнін атап өтіп жатыр. Биыл ел астанасына 23 жыл толды. 

Астана қалай құрылды

Қазақстан тәуелсіздігін алғаннан кейін, ел астанасын оңтүстіктен орталыққа қарай көшіру мәселесі көтерілді. Осылайша елдің жаңа астанасына оңтайлы қаланы анықтау мақсатында республиканың бүкіл аумағы мұқият зерттелді. Таңдау Ақмола қаласына түсті.

Жоғарғы кеңес 1994 жылы 6 шілдеде елорданы Алматыдан Ақмолаға ауыстыру туралы шешім қабылдады. Араға үш жыл салып, 1997 жылы 20 қазанда Елбасы Нұрсұлтан Назарбаев астананы ауыстыру туралы жарлыққа қол қойды. Ал 1998 жылы 6 мамырда президенттің жарлығымен Ақмоланың атауы Астана болып өзгертілді.

Жаңа астананың ресми тұсаукесер тойы 1998 жылдың 10 маусымына белгіленді. Бұл күн 2006 жылға дейін елорданың туған күні ретінде мерекеленіп келді.

Тағы оқыңыз: Елбасы елорда халқын шектеуге қатысты пікір білдірді

Кейінірек заңға өзгерістер енгізіліп, мемлекеттік мейрамның датасы 6 шілдеге ауыстырылды.

Деректерге сүйенсек, елорданы ауыстыру туралы шешім қабылданған кезде, Астана халқының саны 290 мыңдай ғана болған. Ал қазір елорда тұрғындарының саны 1 миллионнан асады. Қала төрт ауданнан – "Алматы", "Сарыарқа", "Есіл" және "Байқоңыр" ауданынан тұрады.

Бүгінде елорда халықаралық форумдар, конгрестер мен өзге де маңызды іс-шаралар өтетін Еуразия кеңістігінің орталығына айналды.

Астана қашан Нұр-Сұлтан болып өзгертілді

2019 жылы 19 наурызда Қазақстанның тұңғыш президенті Нұрсұлтан Назарбаев отставкаға кететінін жариялады. Елдің екінші президенті сол кезде парламент сенатын басқарған Қасым-Жомарт Тоқаев болды.

20 наурызда Тоқаев ұлықтау рәсімінде Елбасының атын мәңгі сақтау үшін Астана қаласының атауын Нұр-Сұлтан деп өзгертуді ұсынды.

Бұл ұсынысты парламент пен қалалық мәслихат депутаттары бірауыздан қолдады. 23 наурызда мемлекет басшысы Астана қаласын Нұр-Сұлтан деп қайта атау туралы жарлыққа қол қойды.

Елорда күні қалай тойланады

Пандемияға дейін 6 шілде әр өңірде мерекелік шаралар, концерттер, халықтық серуендер ұйымдастырылатын. Түрлі спорттық сайыстар, фестивальдер өтіп, мереке соңы дәстүрлі отшашумен аяқталатын. Алайда былтырдан бері астана күні онлайн форматта аталып өтуде.

Биыл елорда күні астанада отшашу болмайды. Індеттің өршуіне байланысты Нұр-Сұлтанда карантин күшейтілді.

Жабық орындар мен концерт залдардағы іс-шараларға тыйым салынды.  Толымдылығы 20%-тен аспайтын театрлардың, сондай-ақ ПТР-тестері бар жылжымалы концерттердің жұмысына ғана рұқсат етіледі.

Тағы оқыңыз: Астана күні отшашу бола ма – Көлгінов жауап берді

Мысалы, 6 шілде күні "МузАрт" онлайн-концерті жоспарланған. Онлайн-трансляция бойынша барлық ақпарат Нұр-Сұлтан қаласы мәдениет басқармасының Instagram желісіндегі @ns.madeniet парақшасында жарияланады.

Елорда күнін мерекелеу әлеуметтік жобаларға арналады және тек әлеуметтік сипатта болады. Нақтырақ айтқанда халықтың әлеуметтік осал топтары арасында кезекте тұрғандарға баспана кілтін табыстау, құрылысы ұзаққа созылған 20-ға жуық үйді аяқтау, Өндіріс және Көктал аудандарындағы ірі дене шынықтыру-сауықтыру кешендерінің құрылысын аяқтап, пайдалануға беру іс-шарасы өтеді.

Сонымен қатар көру қабілеті бұзылған балаларға арналған мамандандырылған балабақша ашылады, 50-ден астам ауланың, 10-ға жуық қоғамдық кеңістіктің құрылысы аяқталады.

Айта кетсек, Қазақстанның тұңғыш президенті Нұрсұлтан Назарбаевтың туған күні елорда күнімен тұспа-тұс келеді.

85
Кілт сөздер:
Нұр-Сұлтан, Астана күні
Новый модульный инфекционный стационар в Алматы рассчитан на 300 коек

Нұр-Сұлтан "қою қызыл" аймақтан шықты - қаланың бас санитар дәрігері

86
Ауруханаларда төсек-орын жүктемесінің 70%-тен асуына байланысты қала "қою қызыл" аймаққа өткен болатын

НҰР-СҰЛТАН, 4 тамыз – Sputnik. Нұр-Сұлтан "қою қызыл" аймақтан "қызылға" өтті. Бұл туралы қаланың бас санитар дәрігер Сархат Бейсенова мәлімдеді. 

Оның айтуынша, инфекциялық стационарларға түсіп жатқан адам саны сәл азайған.

"Қаладағы эпидемиологиялық жағдай әлі де нашар. Бес айдан бері қала "қызыл" аймақтан шықпай келеді. Ал соңғы 13 күнде инфекциялық ауруханалардағы төсек-орын жүктемесінің 70%-тен асуына байланысты "қою қызыл" аймаққа өтті. Кешегі күннен бері төсек-орын жүктемесі 69 процентті құрады. Осылайша елорда қайтадан "қызыл" аймаққа өтті", - деді ол Нұр-Сұлтан қаласы әкімдігінде өткен брифингте.

Сархат Бейсенова қаладағы эпидемиологиялық жағдай маусымның екінші жартысында коронавирустың "дельта" штамы тарала бастағанда күрт төмендегенін атап өтті.

"Жыл басынан бері вирус жұқтырудың 55 проценті маусым-шілде аралығында тіркелді. Шілде айындағы вирус жұқтырудың көрсеткіші мамыр айынан 2,4 есе, маусым айынан 2,3 есе асып түсті. Шілде айында пандемия басталғалы бері ең көп вирус жұқтыру көрсеткіші тіркелді. Ол 100 мың адамға шаққанда 915,9 құрады.  Тәулігіне вирус жұқтырудың орташа көрсеткіші шілде айында 1200 адамға дейін жетті. Соңғы 19 күнде 1500 жағдай тіркелді", - деді ол.

Тұрғындар вирусты саябақ, сауда орталығы, базар сияқты қоғамдық орындарда жұқтырып алып жатыр.

Оқи отырыңыз: Бір тәулікте 149 қазақстандық коронавирус пен пневмониядан көз жұмды

 

86
Кілт сөздер:
аурухана, коронавирус, Нұр-Сұлтан
Тақырып бойынша
Қазақстанда коронавирус жұқтырғандар саны 600 мыңнан асты
Уханьда қайтадан коронавирус анықталды – 11 миллион адам тексерістен өтеді
"Төсек-орындар лезде толып жатыр": Нұр-Сұлтан дәрігерлері үндеу жасады
Цой тамыз-қыркүйектегі эпидемиологиялық ахуалға болжам жасады
Дезинсекция, архивтегі фото

"Халықты уламаңдар!": елорда әкімдігі желіде тараған видеоға түсініктеме берді

5897
Нұр-Сұлтан әкімдігі видеодағы арнайы киім киген адамдар маса мен шыбын-шіркейді улау жұмыстарын жүргізгенін атап өтті

НҰР-СҰЛТАН, 3 тамыз – Sputnik. Әлеуметтік желілер мен мессенджерлерде Нұр-Сұлтан қаласының тұрғыны түсірген видео таралып жатыр. Онда қорғаныс құралдарын киген адамдар жекеменшік үйлердің маңында жүр. Қала әкімдігі осы оқиғаға қатысты түсініктеме берді, деп хабарлады Stopfake.kz сайты.

Видео авторы қорғаныс құралдарын киіп жүрген адамдарды түсірген. Олар цистерналарды көлікке тиеп жатыр.

"Өздерің қорғанып, халықты улап жүрсіңдер! Халық жаулары! Түнде жасырынып келді. Сендер халықты қырып жатқан айуансыңдар! Қазақты қырып жатырсыңдар! Өздерің қазақсыңдар!", - дейді видео авторы.

Ер адам көршілерді де көмекке шақырған. Одан кейін көлікпен келген жұмысшылардан қорғаныс құралын шешуді талап етті. "Неге күндіз істемейсіңдер?", - деп сұрағанда жас жігіттер ол уақытта масаның болмайтынын айтқан. Бірақ ер адам сенбейді. Бірнеше минуттан кейін жұмысшылар көлікке мініп, кетіп қалады.    

Нұр-Сұлтан қаласының әкімдігі осы оқиғаға қатысты түсініктеме берді

"Маса мен шыбын-шіркейді улау жұмыстары видеоға түсірілген. Дезинсекциялық жұмыстарды "Столичная дезинфекция" ЖШС қоршаған ортаны қорғау және табиғатты пайдалану басқармасымен бірлесіп жүргізіп жатыр. Зиянкестерді жою жұмыстары кезінде дезинсекторлар адамдар, жануарлар мен өсімдіктер үшін мүлдем қауіпсіз ерітіндіні қолданады. Жұмыс түнгі уақытта және таңертең жүргізіледі", – дейді әкімдік мамандары.  

Елорда әкімдігі жалған ақпарат таратқандар заң алдында жауап беретінін еске салды.

5897
Қазақстан құрамасы Токиодағы Олимпиада стадионында

Қазақстан Олимпиада трансляциясына қанша ақша жұмсады

0
Құқық иесі трансляция бағасын төмендетуге Олимпиада ойындары басталардан бір күн бұрын келіскен

АЛМАТЫ, 4 тамыз – Sputnik. Ақпарат және қоғамдық даму министрлігі Олимпиада ойындарын трансляциялауға қанша қаражат жұмсалғанын хабарлады.

Бұл мәліметтерді министрлік "Ақ Жол" демократиялық фракциясының депутаттық сауалына жауап ретінде жариялады.

Олимпиада ойындарының көрсетіліміне жапонның Dentsu Inc компаниясы және оның Орталық Азиядағы өкілі – шведтің Silver spring media компаниясы жауап береді.

"2018 жылдың 16 қарашасында аталған компаниялар 2021 және 2022 жылғы Олимпиада ойындарын жалпы сомасы 15 миллион долларға (техникалық шығындарды қоспағанда) сатып алуды ұсынды", - деп хабарлады ақпарат министрлігі.

2021 жылдың ақпанында "Қазақстан" РТРК"АҚ мен "Хабар" агенттігі" АҚ Silver spring media және Dentsu Inc-ке Токиодағы XXXII Олимпиада ойындары мен Бейжіңдегі XXIV қысқы Олимпиада ойындарын трансляциялауға байланысты бағасын ұсынуды және өткен кезеңдегідей 5,1 миллион долларға шарт жасасу мүмкіндігін қарастыруды сұрап хат жолдаған.

Айта кетері, 2016 және 2018 жылдардағы Олимпиада ойындарын көрсетуге техникалық шығындарды қосқанда 5,1 миллион доллар кеткен.

"Алайда компания бұл ұсынысты елемей, хатты жауапсыз қалдырды", - деді министрлік.

Алайда құқық иелерімен келіссөздер жалғасқан. Олимпиада ойындары басталардың алдында ғана олар бағаны төмендетуге келіскен.

"2021 жылдың 23 шілдесінде Токиодағы XXXII жазғы Олимпиада ойындарын және Бейжіңдегі XXIV қысқы Олимпиада ойындарын техникалық шығындарды ескере отырып, жалпы сомасы 6,25 миллион долларға трансляциялауға лицензиялық құқықты сатып алу туралы келісімге қол қойылды", - деп нақтылады министрлік.

Осыған байланысты қазақстандықтар спортшы Елдос Сметовтың алаңға шыққанын отандық телеарна арқылы көре алмады.

"Құқық иелері тиісті техникалық талаптарды беруден бас тартты, бұл тікелей эфир үшін техникалық трактілер жүргізуге мүмкіндік бермеді. Трансляция сынақ режимінде бұрын тексерілмегендіктен, спутниктік сигналдардың жиілігі мен форматы сәйкес келмеді. Осыған байланысты кеш қосылып, техникалық себептерге байланысты қазақстандық спортшы Елдос Сметовтің белдесуі "Хабар" телеарнасының эфирінде жоспарланған уақытта көрсетілмеді", - деп түсіндірді министрлік.

Кейін Сметовтің ойыны жазба күйінде көрсетілді.

Ақпарат және қоғамдық даму министрлігінің хабарлауынша, 24 шілде кешке ведомство құқық иелерімен және мемлекеттік телеарналармен бірлесіп барлық техникалық мәселені реттеген. Содан кейін трансляция арқылы қазақстандық спортшылардың өнері кедергісіз көрсетіліп келеді.

0
Тақырып:
Токио Олимпиадасы