Архивтегі фото

Нұр-Сұлтанда науқастар саны өсті қалада тағы екі стационар ашылды

23
Қалалық психикалық денсаулық орталығында 230 төсек-орын, ал қорғаныс министрлігінің бас әскери клиникалық госпиталінде қосымша 90 төсек-орын жабдықталды

НҰР-СҰЛТАН, 7 шілде – Sputnik. Нұр-Сұлтанда коронавирусқа шалдыққан науқастардың көбеюіне байланысты қосымша екі инфекциялық стационар ашылды, деп хабарлады қала әкімдігінің ресми сайты.

Осылайша қалалық психикалық денсаулық орталығында 230 төсек-орын, ал қорғаныс министрлігінің бас әскери клиникалық госпиталінде қосымша 90 төсек-орын жабдықталды. Қоғамдық денсаулық сақтау басқармасының басшысы Тимур Мұратов жаңа стационарларға қандай науқастар жатқызылатынын түсіндірді.

"Орташа және ауыр жағдайдағы науқастар сол жағалаудағы психикалық денсаулық орталығының наркологиялық блогына, сондай-ақ, әскери госпитальға жатқызылады. Ал психикалық денсаулық орталығының пациенттері одан әрі мамандандырылған көмекті психиатриялық блокта алады. Осы орталықта төсек орындарын ашу қажеттілігіне байланысты біз оларды басқа корпустарға ауыстырамыз. Екі стационарда да реанимациялық төсектер бар, олар КВИ-ден емдеу үшін қажетті медициналық жабдықтармен толық жабдықталған", — дейді Мұратов.

Айта кеткен жөн, өткен жылы дәл осы екі ауруханада COVID-19 инфекциясын жұқтырған науқастар емделген. Ал тамыз айында коронавирусты жұқтыру көрсеткіші төмендегеннен кейін инфекциялық стационарлар жабылған болатын. Енді оларды қайта жабдықтауға тура келіп отыр.

"Бізде маусым-шілде айларында науқастардың саны көп болады. Былтыр жазда дәл осы айларда науқастардың ең көп саны тіркелген. Тұрғындарды үйде ұстап отыру қиын. Қоғамдық орындарға адам көп жиналуынан, сол сияқты санитарлық талаптарды сақтамауынан жағдай нашарлайды. Оған демалыс кезеңі, оқушылардың жазғы каникулы және тағы басқа мәселелер әсер етеді", — деп атап өтті басқарма басшысы.

Ресми мәліметке сәйкес, қазіргі кезде Нұр-Сұлтан қаласы бойынша инфекциялық стационарларда 1 877 пациент жатыр, төсек-орындарының 77 проценті толып тұр. Соның ішінде 147 пациент (138 КВИ) реанимация бөлімшесінде (80%), ал 30 адам жасанды тыныс алу аппаратына қосылған.

23
Есіл өзеніндегі көпір

Нұр-Сұлтанда TikTok-қа түспек болған жас жігіттерді полиция ұстап әкетті видео

60
Үш жігіт таңғы сағат бесте Қабанбай батыр даңғылында орналасқан көпірдің аркасына мініп алған

НҰР-СҰЛТАН, 27 шілде – Sputnik. Нұр-Сұлтанда TikTok-қа видео түсірмек болған жас жігіттер "Қараөткел" көпірінің аркасына шықты, деп хабарлайды Sputnik Қазақстан полиция департаментіне сілтеме жасап.

Ресми мәліметке сәйкес, оқиға 26 шілде күні болған. Үш жігіт таңғы сағат бесте Қабанбай батыр даңғылында орналасқан көпірдің аркасына мініп алған. Осы уақытта оларды ешкім байқамайды деп ойлаған. Бірақ TikTok "жұлдыздарының" әрекеті бейнебақылау камерасына түсіп қалыпты.

Посмотреть эту публикацию в Instagram

Публикация от Sputnik Казахстан (@sputniknewskz)

Оқиға орнына бірден полиция экипажы аттанды. Тәртіп бұзғандар 19 және 21 жаста. Оларға айыппұл салынған жоқ. Полиция ондай әрекеттің қаншалықты қауіпті және тиісті жазаның бар екенін түсіндірді. Осыдан кейін үшеуі де босатылды.

Ал жас жігіттер көпірдің аркасына не үшін шыққанын түсіндірді. Олар TikTok-қа видео түсіргісі келген. Бірақ жоспары іске аспай қалды.

Айта кетейік, экстремалдар "Қараөткел" көпірінің аркасына жиі шығып тұрады. Мәселен, шілденің басында үш жасөспірім үстінде күнге қыздырынып жатқан. Оларды альпинистік құрал-жабдықтармен түсіруге тура келді.

60
Елорда тұрғындары

Нұр-Сұлтанда бас санитар дәрігердің қаулысы күшіне енді қалада не өзгерді

3178
(Жаңартылды 16:26 26.07.2021)
Мейрамханалар мен дәмханалар дүйсенбі-жұма күндері таңғы жетіден күндізгі он екіге дейін ғана жұмыс істейді

НҰР-СҰЛТАН, 26 шілде – Sputnik. Бүгін, 26 шілдеде елорданың бас санитар дәрігерінің карантинді қатаңдату туралы жаңа қаулысы күшіне енді.

Соған сәйкес, қалада қоғамдық тамақтану орындарының жұмыс уақыты қысқарды, деп хабарлайды әкімдік сайты.

Мейрамханалар мен дәмханалар

Енді мейрамханалар, дәмханалар, кофеханалар, соның ішінде далада орналасқандар дүйсенбі-жұма күндері таңғы сағат 7-ден 12:00-ге дейін жұмыс істейді. Ал сенбі және жексенбі күндері жұмыс істеуіне тыйым салынады.

Бұл ретте "Ashyq" жобасына қосылған мекемелер дүйсенбі-жұма аралығында сағат 07.00-ден 17.00-ге дейін істесе, сенбі-жексенбі жабық болады. Тамақты жеткізу және өзімен бірге алып кету штаттық режимде жүргізіледі.

Сол сияқты асханалардың жұмыс істеу уақыты да өзгерді. Оларға клиенттерді дүйсенбі-жұма күндері таңғы 7-ден 17:00-ге дейін ғана қабылдауға рұқсат етіледі.

Шаштараз, сұлулық салондары

Сұлулық салондары, шаштараз, "барбер шоп" дүйсенбі-жұма күндері сағат 08:00-ден 17:00-ге дейін жұмыс істей алады. Ал сенбі және жексенбі күндері жұмыс істеуіне тыйым салынады. Клиенттерді қабылдау қатаң түрде алдын-ала жазылу арқылы жүргізілуі керек.

Фитнес, сауна, СПА, караоке

Бұған қоса, қалада бірқатар кәсіпкерлік нысанының жұмыс режимі қысқартылды.

"Ashyq" жобасына қатысатын фитнес-орталықтар, спорт нысандары, бассейндер, сауналар, СПА-орталықтар сенбі және жексенбі күндері жабылады. Ал дүйсенбі-жұма күндері сағат 07:00-ден 17:00-ге дейін жұмыс істеуге рұқсат етілді.

Тағы оқыңыз: Цой карантинді бұзғандардың тізімін жариялауға не түрткі болғанын айтты

"Ashyq" жобасына қатысатын кәсіпкерлік субъектілері үшін караоке жұмысын ұйымдастыру күшейтілген санитарлық-профилактикалық шараларды сақтай отырып, сенбі және жексенбі күндері жұмыс істеуіне тыйым салынады. Ал дүйсенбі-жұма аралығында сағат 12.00-ден 18.00-ге дейін жұмыс істей алады.

Қала әкімдігі карантинді қатаңдату тұрақсыз эпидемиологиялық жағдаймен байланысты мәжбүрлі шара екенін атап өтті.

Қаулы Қазақстан аумағында коронавирустың пайда болуы мен таралуына жол бермеу жөніндегі ведомствоаралық комиссия отырысының хаттамасына сәйкес қабылданды.

3178
Кілт сөздер:
коронавирус, карантин, Нұр-Сұлтан
Тақырып:
Төтенше жағдай және карантин
Тақырып бойынша
4 өңірде карантин күшейтіледі – комиссия шешім қабылдады
Қарағанды ​​облысында да карантин күшейтіледі
Елордада карантин тәртібін бұзғандарға 159 миллион теңге айыппұл салынды
Алматыда карантин күшейтілді – Бекшин себебін түсіндірді
Архивтегі фото

Алматыда пәтер тонауды кәсіп еткен қылмыстық топ ұсталды

0
Пәтер тонаушылар қолма-қол ақша, шағын тұрмыстық техника,  әшекей секілді құнды заттардың бәрін алып кетіп отырған  

АЛМАТЫ, 27 шілде – Sputnik. Алматыда үш ер адам өзгенің пәтеріне кіріп, құнды заттарды ұрлауды кәсіп еткен. Қазірге дейін олардың 5 қылмысы әшкереленді, деп хабарлады Polisia.kz.

Полицияның хабарлауынша, қаскөйлер аула аралап, көпқабатты үйлердің терезесі мен кіреберісін бақылаған.

Алматы қалалық полиция департаменті криминалдық полиция басқармасының бастығы Қуатбек Науатов қаскөйлер жұмыс күндері, адамдар жұмыста болған кезде әрекет еткенін айтты.

"Олар кілт таңдау арқылы есікті ашып, құнды заттардың бәрін алып шыққан. Бұл қолма-қол ақша, шағын тұрмыстық техника және түрлі әшекейлер. Екеуі үйді тонап жатқанда, үшіншісі көлікте отырып, қауіпсіздікті бақылаған", - дейді Қуатбек Науатов.

Қазіргі уақытта үшеуі де ұсталды.

Соңғы рет қаладағы бір пәтерден алтын бұйымдар мен ақша ұрлаған. Шығынның жалпы көлемі – миллион теңге. Қолға түскен кезде ұсталғандар заттай айғақтан құтылып үлгермеген. Олар тұтқындау кезінде тәркіленді. Қазір қылмыстық үштік уақытша ұстау изоляторына қамалды.

Қылмыстық кодекстің 188-бабы 3-бөлігі ("ұрлық") бойынша сотқа дейінгі тергеу амалдары жүргізіліп жатыр.

Полицияның хабарлауынша, ұсталғандардың барлығы Шығыс Қазақстан облысының тумасы. Үшеуі де осыған ұқсас қылмыстары үшін қылмыстық жауапкершілікке тартылған.

0