Архивтегі фото

Нұр-Сұлтанда бірнеше елді мекен газға қосылады

62
90 километр газ тарату желісі салынды. Қазіргі уақытта газ құбырын сынау жұмыстары жүргізіліп жатыр

НҰР-СҰЛТАН, 16 шілде – Sputnik. Нұр-Сұлтан қаласында күзде жеті елді мекен, оның ішінде Оңтүстік-Шығыс (Юго-Восток) елді мекені толықтай газбен қамтылады, деп хабарлайды қала әкімдігінің ресми сайты.

"Сыртқы желілер тартылғаннан кейін тұрғындар оны үй ішіне жүргізіп, қажетті жабдықтарды сатып алуы керек. Осыдан кейін көмір сатып алу, оны сақтау, сапасы секілді проблемаларды ойлаудың қажеті болмайды", - деп жазды елорда әкімі Алтай Көлгінов Instagram парақшасында.

Әкім қаланы аралау барысында Оңтүстік-Шығыс елді мекенін газдандыру барысымен танысты.

8-ші іске қосу кешені бойынша құрылыс-монтаждау жұмысы 95%-ға аяқталған. Нәтижесінде 90 километр газ тарату желісі салынды. Бұл аумаққа Промышленный, Оңтүстік-Шығыс (сол жағы), Оңтүстік-Шығыс елді мекенінің оң жағының бір бөлігі кіреді. Қазіргі уақытта газ құбырын сынау жұмыстары жүргізіліп жатыр. 

Сонымен қатар 9-шы іске қосу кешенінің құрылысы бойынша жұмыстар жүргізілуде. Бұл – Оңтүстік-Шығыстың негізгі аумағы (оң жағы). Онда 90 километр газ тарату желісінің 65 шақырымы салынды. Осылайша алдағы жылыту маусымында Оңтүстік-Шығыс тұрғындары газға қосыла алады. Бұл шамамен 4 мың үй. 

150-ге жуық үй орналасқан "Қазақауыл" (Қараөткел) шағын ауданын газдандыруға қатысты жобалау-сметалық құжаттама әзірленіп жатыр. 

"Өткен айда Көктал-1 газбен қамтамасыз етілді. Бұл елді мекеннің өзінде тағы 2600 үй газға қол жеткізді. Енді тұрғындар желіні үйінің ішіне өткізуі керек", - деп толықтырды Көлгінов.

Сонымен қатар Агроқалашық (2020 жылы газға қосылмаған бөлігі), Промышленный елді мекендерінде газ тарату желілерін салу жалғасын табады. Сондай-ақ, "ҚазТрансГаз Аймақ" АҚ Күйгенжар, Мичурино, Интернациональный елді мекендерінде газбен жабдықтау желілерінің құрылысын жүргізуде. Аталған елді мекендердің тұрғындары жаңа жылыту маусымында газға қосыла алады. 

Өткен жылыту маусымында Теміржолшылар, Көктал-2, Агроқалашықтың (бір бөлігі) тұрғындары газға қосылды. 345 километр кварталішілік желі салынды.

Биыл барлығы 317 километр газ тарату желісі салынады, оның 220 шақырымнан астамы салынды.

62
Новый модульный инфекционный стационар в Алматы рассчитан на 300 коек

Нұр-Сұлтан "қою қызыл" аймақтан шықты - қаланың бас санитар дәрігері

96
Ауруханаларда төсек-орын жүктемесінің 70%-тен асуына байланысты қала "қою қызыл" аймаққа өткен болатын

НҰР-СҰЛТАН, 4 тамыз – Sputnik. Нұр-Сұлтан "қою қызыл" аймақтан "қызылға" өтті. Бұл туралы қаланың бас санитар дәрігер Сархат Бейсенова мәлімдеді. 

Оның айтуынша, инфекциялық стационарларға түсіп жатқан адам саны сәл азайған.

"Қаладағы эпидемиологиялық жағдай әлі де нашар. Бес айдан бері қала "қызыл" аймақтан шықпай келеді. Ал соңғы 13 күнде инфекциялық ауруханалардағы төсек-орын жүктемесінің 70%-тен асуына байланысты "қою қызыл" аймаққа өтті. Кешегі күннен бері төсек-орын жүктемесі 69 процентті құрады. Осылайша елорда қайтадан "қызыл" аймаққа өтті", - деді ол Нұр-Сұлтан қаласы әкімдігінде өткен брифингте.

Сархат Бейсенова қаладағы эпидемиологиялық жағдай маусымның екінші жартысында коронавирустың "дельта" штамы тарала бастағанда күрт төмендегенін атап өтті.

"Жыл басынан бері вирус жұқтырудың 55 проценті маусым-шілде аралығында тіркелді. Шілде айындағы вирус жұқтырудың көрсеткіші мамыр айынан 2,4 есе, маусым айынан 2,3 есе асып түсті. Шілде айында пандемия басталғалы бері ең көп вирус жұқтыру көрсеткіші тіркелді. Ол 100 мың адамға шаққанда 915,9 құрады.  Тәулігіне вирус жұқтырудың орташа көрсеткіші шілде айында 1200 адамға дейін жетті. Соңғы 19 күнде 1500 жағдай тіркелді", - деді ол.

Тұрғындар вирусты саябақ, сауда орталығы, базар сияқты қоғамдық орындарда жұқтырып алып жатыр.

Оқи отырыңыз: Бір тәулікте 149 қазақстандық коронавирус пен пневмониядан көз жұмды

 

96
Кілт сөздер:
аурухана, коронавирус, Нұр-Сұлтан
Тақырып бойынша
Қазақстанда коронавирус жұқтырғандар саны 600 мыңнан асты
Уханьда қайтадан коронавирус анықталды – 11 миллион адам тексерістен өтеді
"Төсек-орындар лезде толып жатыр": Нұр-Сұлтан дәрігерлері үндеу жасады
Цой тамыз-қыркүйектегі эпидемиологиялық ахуалға болжам жасады
Дезинсекция, архивтегі фото

"Халықты уламаңдар!": елорда әкімдігі желіде тараған видеоға түсініктеме берді

5955
Нұр-Сұлтан әкімдігі видеодағы арнайы киім киген адамдар маса мен шыбын-шіркейді улау жұмыстарын жүргізгенін атап өтті

НҰР-СҰЛТАН, 3 тамыз – Sputnik. Әлеуметтік желілер мен мессенджерлерде Нұр-Сұлтан қаласының тұрғыны түсірген видео таралып жатыр. Онда қорғаныс құралдарын киген адамдар жекеменшік үйлердің маңында жүр. Қала әкімдігі осы оқиғаға қатысты түсініктеме берді, деп хабарлады Stopfake.kz сайты.

Видео авторы қорғаныс құралдарын киіп жүрген адамдарды түсірген. Олар цистерналарды көлікке тиеп жатыр.

"Өздерің қорғанып, халықты улап жүрсіңдер! Халық жаулары! Түнде жасырынып келді. Сендер халықты қырып жатқан айуансыңдар! Қазақты қырып жатырсыңдар! Өздерің қазақсыңдар!", - дейді видео авторы.

Ер адам көршілерді де көмекке шақырған. Одан кейін көлікпен келген жұмысшылардан қорғаныс құралын шешуді талап етті. "Неге күндіз істемейсіңдер?", - деп сұрағанда жас жігіттер ол уақытта масаның болмайтынын айтқан. Бірақ ер адам сенбейді. Бірнеше минуттан кейін жұмысшылар көлікке мініп, кетіп қалады.    

Нұр-Сұлтан қаласының әкімдігі осы оқиғаға қатысты түсініктеме берді

"Маса мен шыбын-шіркейді улау жұмыстары видеоға түсірілген. Дезинсекциялық жұмыстарды "Столичная дезинфекция" ЖШС қоршаған ортаны қорғау және табиғатты пайдалану басқармасымен бірлесіп жүргізіп жатыр. Зиянкестерді жою жұмыстары кезінде дезинсекторлар адамдар, жануарлар мен өсімдіктер үшін мүлдем қауіпсіз ерітіндіні қолданады. Жұмыс түнгі уақытта және таңертең жүргізіледі", – дейді әкімдік мамандары.  

Елорда әкімдігі жалған ақпарат таратқандар заң алдында жауап беретінін еске салды.

5955
Архивтегі фото

"Ұйықтатамын деп бөлмеге кіргізген": Алматыда педофил сотталды

0
Қаскүнем ішімдік ішіп, үйге кеш келген. Ол қызды өзім ұйықтатамын деген сылтаумен бөлмеге кіргізіп, зорлап тастаған

НҰР-СҰЛТАН, 4 тамыз – Sputnik. Алматыда кәмелеттік жасқа толмаған қызға жыныстық зорлық жасаған ер адам 20 жылға бас бостандығынан айырылды, деп хабарлайды Polisia.kz.

Сотталушы Қазақстан Қылмыстық кодексінің 121-бабы 4-бөлігі бойынша айыпталды. Істі қылмыстық істер жөніндегі мамандандырылған ауданаралық соты қарады.

Бұл оқиға өткен жылдың қараша айында Алматының Наурызбай ауданындағы "Премьера" тұрғын үй кешені үйлерінің бірінде болған.

Қаскүнем ішімдік ішіп, үйге кеш келген. Ол қызды өзім ұйықтатамын деген сылтаумен бөлмеге кіргізіп, зорлап тастаған. Оған ешкім кедергі жасай алмаған.

Тергеу де, сот та бұл іс бойынша жеңілдететін мән-жайларды таба алмады.

Сот жоғарыда айтылғандарды ескере отырып, Б.есімді ер адамды 20 жылға бас бостандығынан айырды.

0