Нұрсұлтан Назарбаев әуежайы

Нұр-Сұлтанда әуежайдың жұмыс уақыты қысқарады

56
Жұмыс уақытының қысқаруына жоспарлы жөндеу жұмыстары себеп болып отыр

НҰР-СҰЛТАН, 19 шілде – Sputnik. Нұрсұлтан Назарбаев халықаралық әуежайы 21 шілдеден бастап жұмыс уақытын қысқартады. Әуежайда ұшу-қону жолағы мен жарықпен ескерту жабдығының жоспарлы жөндеу жұмыстары басталады, деп хабарлайды әуежайдың баспасөз қызметі.

"Ұшу-қону жолағы және жарықпен ескерту жабдығының жоспарлы ағымдағы жөндеуіне байланысты 21 шілдеден 9 тамызға дейін Нұрсұлтан Назарбаев халықаралық әуежайында рейстердің ұшу және келу кестесі өзгереді. Әуежайдың жұмыс уақыты тәулігіне 24 сағаттан 17 сағатқа дейін қысқарады", - делінген хабарламада.

Жөндеу жұмыстары күн сайын жөндеу аяқталғанға дейін күндізгі 11-ден кешкі 18-ге дейін жүргізіледі. Жұмыстар 1 сәуірден барлық әуе компаниясымен алдын ала келісілген болатын, сол себепті олар да рейстердің кестесін өзгертті.

Ведомство барлық жолаушыдан әуежайға тіркеуге ертерек келуді және әуе компаниялардың колл-орталықтарынан рейстердің ұшу уақытын нақтылауды сұрады.

Бұған дейін Өскемен және Үржар әуежайлары жоспарлы жөндеуге жабылған болатын.

56
Кілт сөздер:
жөндеу жұмыстары, әуежай, Нұр-Сұлтан
Есіл өзеніндегі көпір

Нұр-Сұлтанда TikTok-қа түспек болған жас жігіттерді полиция ұстап әкетті видео

96
Үш жігіт таңғы сағат бесте Қабанбай батыр даңғылында орналасқан көпірдің аркасына мініп алған

НҰР-СҰЛТАН, 27 шілде – Sputnik. Нұр-Сұлтанда TikTok-қа видео түсірмек болған жас жігіттер "Қараөткел" көпірінің аркасына шықты, деп хабарлайды Sputnik Қазақстан полиция департаментіне сілтеме жасап.

Ресми мәліметке сәйкес, оқиға 26 шілде күні болған. Үш жігіт таңғы сағат бесте Қабанбай батыр даңғылында орналасқан көпірдің аркасына мініп алған. Осы уақытта оларды ешкім байқамайды деп ойлаған. Бірақ TikTok "жұлдыздарының" әрекеті бейнебақылау камерасына түсіп қалыпты.

Посмотреть эту публикацию в Instagram

Публикация от Sputnik Казахстан (@sputniknewskz)

Оқиға орнына бірден полиция экипажы аттанды. Тәртіп бұзғандар 19 және 21 жаста. Оларға айыппұл салынған жоқ. Полиция ондай әрекеттің қаншалықты қауіпті және тиісті жазаның бар екенін түсіндірді. Осыдан кейін үшеуі де босатылды.

Ал жас жігіттер көпірдің аркасына не үшін шыққанын түсіндірді. Олар TikTok-қа видео түсіргісі келген. Бірақ жоспары іске аспай қалды.

Айта кетейік, экстремалдар "Қараөткел" көпірінің аркасына жиі шығып тұрады. Мәселен, шілденің басында үш жасөспірім үстінде күнге қыздырынып жатқан. Оларды альпинистік құрал-жабдықтармен түсіруге тура келді.

96
Елорда тұрғындары

Нұр-Сұлтанда бас санитар дәрігердің қаулысы күшіне енді қалада не өзгерді

3227
(Жаңартылды 16:26 26.07.2021)
Мейрамханалар мен дәмханалар дүйсенбі-жұма күндері таңғы жетіден күндізгі он екіге дейін ғана жұмыс істейді

НҰР-СҰЛТАН, 26 шілде – Sputnik. Бүгін, 26 шілдеде елорданың бас санитар дәрігерінің карантинді қатаңдату туралы жаңа қаулысы күшіне енді.

Соған сәйкес, қалада қоғамдық тамақтану орындарының жұмыс уақыты қысқарды, деп хабарлайды әкімдік сайты.

Мейрамханалар мен дәмханалар

Енді мейрамханалар, дәмханалар, кофеханалар, соның ішінде далада орналасқандар дүйсенбі-жұма күндері таңғы сағат 7-ден 12:00-ге дейін жұмыс істейді. Ал сенбі және жексенбі күндері жұмыс істеуіне тыйым салынады.

Бұл ретте "Ashyq" жобасына қосылған мекемелер дүйсенбі-жұма аралығында сағат 07.00-ден 17.00-ге дейін істесе, сенбі-жексенбі жабық болады. Тамақты жеткізу және өзімен бірге алып кету штаттық режимде жүргізіледі.

Сол сияқты асханалардың жұмыс істеу уақыты да өзгерді. Оларға клиенттерді дүйсенбі-жұма күндері таңғы 7-ден 17:00-ге дейін ғана қабылдауға рұқсат етіледі.

Шаштараз, сұлулық салондары

Сұлулық салондары, шаштараз, "барбер шоп" дүйсенбі-жұма күндері сағат 08:00-ден 17:00-ге дейін жұмыс істей алады. Ал сенбі және жексенбі күндері жұмыс істеуіне тыйым салынады. Клиенттерді қабылдау қатаң түрде алдын-ала жазылу арқылы жүргізілуі керек.

Фитнес, сауна, СПА, караоке

Бұған қоса, қалада бірқатар кәсіпкерлік нысанының жұмыс режимі қысқартылды.

"Ashyq" жобасына қатысатын фитнес-орталықтар, спорт нысандары, бассейндер, сауналар, СПА-орталықтар сенбі және жексенбі күндері жабылады. Ал дүйсенбі-жұма күндері сағат 07:00-ден 17:00-ге дейін жұмыс істеуге рұқсат етілді.

Тағы оқыңыз: Цой карантинді бұзғандардың тізімін жариялауға не түрткі болғанын айтты

"Ashyq" жобасына қатысатын кәсіпкерлік субъектілері үшін караоке жұмысын ұйымдастыру күшейтілген санитарлық-профилактикалық шараларды сақтай отырып, сенбі және жексенбі күндері жұмыс істеуіне тыйым салынады. Ал дүйсенбі-жұма аралығында сағат 12.00-ден 18.00-ге дейін жұмыс істей алады.

Қала әкімдігі карантинді қатаңдату тұрақсыз эпидемиологиялық жағдаймен байланысты мәжбүрлі шара екенін атап өтті.

Қаулы Қазақстан аумағында коронавирустың пайда болуы мен таралуына жол бермеу жөніндегі ведомствоаралық комиссия отырысының хаттамасына сәйкес қабылданды.

3227
Кілт сөздер:
коронавирус, карантин, Нұр-Сұлтан
Тақырып:
Төтенше жағдай және карантин
Тақырып бойынша
4 өңірде карантин күшейтіледі – комиссия шешім қабылдады
Қарағанды ​​облысында да карантин күшейтіледі
Елордада карантин тәртібін бұзғандарға 159 миллион теңге айыппұл салынды
Алматыда карантин күшейтілді – Бекшин себебін түсіндірді
Қасым-Жомарт Тоқаев KazRost Engineering Ltd. компаниясына барды

Азық-түліктің бағасы 40 процентке қымбаттады Тоқаев

7
(Жаңартылды 14:44 27.07.2021)
Қазақстан өзін ауыл шаруашылығы өнімдерімен толық қамтамасыз ету қажет, деп атап өтті президент

НҰР-СҰЛТАН, 27 шілде – Sputnik. Мемлекет басшысы Қасым-Жомарт Тоқаев "KazRost Engineering Ltd." компаниясына барды, деп хабарлады Ақорданың баспасөз қызметі.

Қазақстан президентінің Ақмола облысына жұмыс сапары ресейлік "Ростсельмаш" компаниясымен арадағы ынтымақтастық аясында VECTOR410KZ және ACROS астық жинау комбайндарын құрастыратын "KazRost Engineering Ltd." кәсіпорнының жұмысымен танысудан басталды. Мемлекет басшысы ауыл шаруашылығы техникалары мен тракторлар құрастыратын цехты аралап көрді.

Компания директоры Қайрат Қалманбаевтың айтуынша, былтыр 29,5 миллиард теңгеге 504 комбайн шығарылған. Биыл жыл соңына дейін 598 комбайн және YTO маркалы 300 дөңгелекті трактордың төрт түрін шығару жоспарланып отыр. Қазіргі таңда кәсіпорында 162 адам еңбек етеді.

Мемлекет басшысы компанияның шығарып жатқан өнімі Қазақстанның солтүстік өңіріндегі тың жерлер үшін маңызды екенін атап өтті.

"Ауыл шаруашылығы машиналарын жасау біз үшін басым бағыт саналады. Үкімет ауыл шаруашылығы мәселелерімен айналысуы қажет. Әлемде не болып жатқанын көріп отырсыздар. Азық-түліктің бағасы 40 процентке қымбаттады. Біз еліміздегі бағаны ұстап тұруға тырысамыз. Бірақ бұл оңай емес. Аталған мәселелерді шешеміз. Әрине, Қазақстан ауыл шаруашылығы дамыған ел болуы тиіс. Біз іс жүзінде өзімізді ауыл шаруашылығы өнімдерімен толық қамтамасыз етуге көшуіміз керек. Қазір ірі компаниялармен және инвесторлармен жұмыс істеп жатырмыз", – деді президент.

7
Кілт сөздер:
азық-түлік, Қасым-Жомарт Тоқаев