Аққу бейнесіндегі суретшілер Кіші Талдкөлді құрғатуға қарсы шықты

Аққу кейпіндегі суретшілер Кіші Талдыкөлді құрғатуға қарсылық білдірді - фото

51
(Жаңартылды 08:58 15.09.2021)
Киелі құс кейпіндегі суретшілер Кіші Талдыкөлге құм төсеуді дереу тоқтатып, көлдің биоалуандылығы мен экожүйесін қорғауға шақырады

НҰР-СҰЛТАН, 15 қыркүйек — Sputnik. Елордалық суретшілер  Кіші Талдыкөл көлін қорғау мақсатында Şalqyma перформансын өткізді, деп хабарлады SosTaldykol бастамашыл тобы.

Художницы в образе белых лебедей выступили в защиту Малого Талдыколя
© Photo : Анастасия Живая
Аққу кейпіндегі суретші қыздар Кіші Талдыкөлді құрғатуға қарсы наразалық білдірді

KADMII QYZYL шығармашылық тобының мүшелері Әлия Қаныбекова, Гүлмарал Тәттібаева, Наталья Лигай шараны Artcom қауымдастығының қолдауымен өткізді.

Махаббат пен сұлулықтың символы, қазақ халқы үшін киелі құс аққу кейпінде киінген суретшілер Кіші Талдыкөлге құм төсеуді дереу тоқтатып, көлдің биоалуандылығы мен экожүйесін қорғауға шақырады.

Участницы перформанса призвали остановить засыпку
© Photo : Анастасия Живая
Суретшілер Кіші Талдыкөлге құм төселуіне наразы.

Олар ортақ шаңырақтың символындай ақ матадан ұя жасап, табиғи көлдер – халықтың байлығы мен игілігі екенін, ортақ үйіміз бен болашағымызды қорғау үшін бізге бірігудің маңызды екенін еске салды.

Строители осушают озеро Малый Талдыколь в Нур-Султане
© Sputnik / Абзал Калиев
Құрлысшылар Кіші Талдыкөлді құрғатып жатыр, 12.09.2021

"Экология министрлігінің құрылыс компанияларының қызметі заңсыз екенін растағанына қарамастан, Нұр-Сұлтан қаласы әкімдігінің әрекетсіздігі салдарынан көлді құммен жабу көз алдымызда жалғасып жатыр. Қала тұрғындары, арт-қауымдастық, экологтар, белсенділер көлді құрғатып, табиғи экожүйені жоюға қарсы! Әсіресе су тапшылығы, жаһандық жылыну, пандемия кезінде бізге қоршаған ортаны қорғау өте маңызды. Қала тұрғындарына, оның ішінде балаларымыздың бойында экологиялық саналылықты қалыптастыру үшін таза ауа, серуендеуге арналған орындар, табиғатпен сырласып, құстарды тамашалайтын орындар қажет", - деп жазды бастамашыл топ.

Жуықта елорда әкімдігі көлдің өте лас екенін айтып, болашағына қатысты мәлімдеме жасаған болатын.

"Жақын маңдағы аудандардың тұрғындары үшін қауіпсіздік пен жайлы өмір сүру мақсатында Кіші Талдыкөл зиянды заттардан тазартылмақ. 20 гектарға жайылған Кіші Талдыкөл су айдыны (Сығанақ көшесінің солтүстігі, Е22 көшесінің оңтүстігі, Тұран даңғылының шығысы және Ш.Айтматов көшесінің батыс жағы) сақталатын болады. Сондай-ақ су деңгейін арттыру үшін түбін тереңдету жұмыстары жүргізіледі. Осылайша, батпақты жер тазартылған тоғанға, ал маңайы саябаққа айналады", - деді әкімдіктегілер.

 

51
Кілт сөздер:
көл, экология, суретшілер
Тақырып бойынша
Жаңа Талдыкөл: жағымсыз иістің орнына аққулар
Нұр-Сұлтанда қоқиқаздар пайда болды
Нұр-Сұлтанда қобызшы қыз наразылық акциясына шықты - видео
"Өте лас": Нұр-Сұлтан әкімдігі Кіші Талдыкөлдің болашағы туралы айтты
Лесная поляна

Нұр-Сұлтанда қала маңына қатынайтын автобус іске қосылады

10
Жаңа бағыттағы автобустар аптаның барлық күні қатынайтын болады, бұл Қосшы қаласының қоғамдық көлігінің жұмысын жеңілдетуге мүмкіндік береді

НҰР-СҰЛТАН, 23 қыркүйек – Sputnik. Елордада "Лесная поляна" елді мекені – Назарбаев Университеті" бағытында қала маңына қатынайтын жаңа маршрут іске қосылады, деп хабарлайды қала әкімдігінің ресми сайты.

"25 қыркүйектен бастап Қосшы қаласы тұрғындарының өтініші бойынша "Лесная поляна" елді мекені – Назарбаев Университеті" бағытындағы №323 қала маңына қатынайтын жаңа маршрут іске қосылады", - делінген хабарламада.

Маршруттың қозғалысы "ЭКО-Маркет "Минимаркеті" аялдамасынан басталады, ары қарай Қарқаралы тасжолы – Қабанбай батыр даңғылының бойы, ал соңғы пункт – "Назарбаев Университеті".

Жаңа бағыттағы автобустар аптаның барлық күні қатынайтын болады, бұл Қосшы қаласының қоғамдық көлігінің жұмысын жеңілдетуге мүмкіндік береді.

"Жолаушылар қоғамдық көлікте маска режимін сақтауды ұмытпауы керек. Автобусқа бетпердесіз кіруге тыйым салынады. Жолақысы қолма-қол ақшасыз жүзеге асырылады", - деді әкімдіктегілер.

Оқи отырыңыз:

10
Кілт сөздер:
автобус, Нұр-Сұлтан, қоғамдық көлік
Тақырып бойынша
Нұр-Сұлтанда тағы 100 электрлі автобус пайдалануға беріледі
Нұр-Сұлтанда тағы бір автобус жолағы іске қосылады
Нұр-Сұлтанда көлік қозғалысы тәртібіне өзгеріс енгізіледі
Автомобильное движение

Нұр-Сұлтанда көлік қозғалысы тәртібіне өзгеріс енгізіледі

30
(Жаңартылды 08:05 23.09.2021)
Бірнеше көше қиылысында солға бұрылуға тыйым салу жоспарланып отыр. Сонымен қатар бағдаршамда қосымша секциялар пайда болады

НҰР-СҰЛТАН, 23 қыркүйек – Sputnik. Нұр-Сұлтанның бірнеше көшесінде көлік қозғалысы тәртібі өзгереді. Бұл туралы қала әкімдігінің ресми сайты хабарлайды. 

"Қаланың 5 учаскесінде көліктің кері бұрылуына арналған алаңдар іске қосылады. Оның үшеуі Оңғарсынова көшесі бойынша, біреуі Назарбаев орталығы ауданында Бөкейхан көшесі бойында, тағы бірі №76 мектебі ауданында Керей-Жәнібек хандар көшесі бойында болады", - делінген хабарламада.

Мәңгілік Ел даңғылы – Ұлы дала даңғылы (Бөкейхан көшесінен қозғалыс кезінде), Тәуелсіздік даңғылы – Нәжімеденов көшесі (Қалдаяқов көшесінен), Түркістан көшесі – Керей Жәнібек хандар көшесі (Алматы көшесінен) қиылыстарында солға бұрылуға тыйым салу жоспарланып отыр.

"Сондай-ақ бағдаршамның қосымша секцияларын орнату бойынша жұмыстар белгіленген: Қорғалжын тас жолы бағытында оңға жылжу кезінде Айтматов көшесі – Мұхамедханов көшесінің қиылысы, Мәңгілік Ел даңғылының қиылысы – Бұқар Жырау көшесінің қиылысы солға Түркістан көшесіне қарай, Сарыарқа даңғылы-Сейфуллин көшесінің қиылысы қолданыстағы "+" жарық сигналы қосымша секцияға солға ауыстырылады", - деп хабарлады әкімдіктегілер.

Жоғарыда аталған жоспарланған іс-шаралар қыркүйек айының соңына дейін іске асырылатын болады.

Айта кетейік, аталған өзгерістерді Нұр-Сұлтан қаласының әкімдігі полиция департаментімен бірлесіп жолдардың өткізу қабілетін арттыру және қозғалыс қауіпсіздігін қамтамасыз ету үшін жоспарлап отыр.

Жаяу жүргіншілер мен көлік жүргізушілері қырағы болып, қозғалыс бағытын алдын ала жоспарлауы қажет.

30
Кілт сөздер:
Нұр-Сұлтан, жол, жаңа тәртіп
жолдағы шұңқырлар

Министрлік ресейлік актердің "Атырау-Астрахань" жолына қатысты сынына жауап берді

0
(Жаңартылды 12:18 23.09.2021)
Орталық Азия елдерінен келетін транзиттік көліктің артуына байланысты жолдың жағдайы нашарлады

НҰР-СҰЛТАН, 23 қыркүйек – Sputnik. Ресейлік актер, шоумен Станислав Ярушиннің "Астрахань-Атырау" жолы туралы "мұндай нашар жолды өмірімде бірінші рет көріп тұрмын" деген сөзінен кейін индустрия және инфрақұрылымдық даму министрлігі жолдың сапасына қатысты түсініктеме берді. 

"Жалпы ұзындығы 277 шақырымдық "Атырау-Астрахань" автожолы өткен ғасырдың 70-ші жылдары салынған. 8 тоннаға дейінгі салмақты көтеретін III техникалық санаттағы республикалық маңызы бар жол. Жолдың техникалық жағдайы ағымдағы және орташа жөндеу жұмыстары есебінен сақталды. Орталық Азия елдерінен келетін ауыр жүк тасымалдайтын транзиттік көлік құралдарының артуына байланысты жолдың жағдайы нашарлады", - делінген хабарламада.

Министрлік мәліметіне сүйенсек, 2018-2019 жылдары "Атырау-Астрахань" жолының барлық шақырымына жобалау-сметалық құжат әзірленді.

2019 жылы Ресей Федерациясы шекарасынан Ганюшкино кентіне дейін ұзындығы 60 шақырымдық бірінші учаскені қайта жаңарту басталды.

"Ұзындығы 217 шақырым болатын қалған учаскелерде құрылыс-монтаждау жұмыстары 2020 жылы басталды. Биыл ұзындығы 92 шақырымдық учаске пайдалануға беріліп, қалған 185 шақырымындағы жұмыстарды келесі жылы аяқтау жоспарланып отыр", - деді ведомстводағылар.

Оқи отырыңыз: 

 

0
Кілт сөздер:
жол, Атырау, сын
Тақырып бойынша
1 қарашадан бастап Қазақстанда қандай жолдар ақылы болады
Ақылы жолдар мәселесі: көлік жүргізушілерінің наразылығы немен аяқталды
Нұр-Сұлтаннан Балқашқа дейінгі жаңа жол қашан ашылады