Жәрмеңке, архивтегі фото

Қостанай облысының тауар өндірушілері елордаға 270 тонна азық-түлік әкеледі

42
Облыс кәсіпорындары 270 тонна көлемінде 100-ден астам өнім түрін сатады

НҰР-СҰЛТАН, 13 қазан – Sputnik. Нұр-Сұлтанда осы демалыс күндері өтетін ауыл шаруашылығы жәрмеңкесіне Қостанай облысының кәсіпорындары қатысады, деп хабарлады елорда әкімдігінің ресми сайты.

Жәрмеңке "Хан Шатыр" сауда және ойын-сауық орталығының жанында ұйымдастырылады.

16-17 қазанда елордада облыстың 14 ауданы мен 3 қаласынан 50-ден астам кәсіпорын өз өнімдерін сатады. Оның ішінде Алтынсарин, Әулиекөл, Денисов, Жітіқара, Қарабалық, Қарасу, Қамысты, Қостанай, Меңдіқара, Наурызым, Сарыкөл, Таран, Федоров, Ұзынкөл аудандары және Арқалық, Рудный, Қостанай қалалары бар.

"Облыс кәсіпорындары 270 тонна көлемінде 100-ден астам өнім түрін: 50 тонна ет, 31 тонна сүт өнімдері, 20 тонна шұжық өнімдері мен жартылай фабрикаттар, 27 тонна жарма мен макарон өнімдері, 60 тонна картоп пен көкөніс, 20 тонна ұн өнімдерін сатылымға шығарады", - делінген хабарламада. 

Сондай-ақ сатылатын өнімдердің ассортиментіне нан-тоқаш, кондитерлік өнімдер, бал және басқалар кіреді.

Жәрмеңкеде "Милх" ЖШС, "ДЕП" ЖШС, "Лидер-2010" ЖШС, "Баян Сұлу" АҚ, "Тэрра" ШҚ, "Промбаза 7" ЖШС, "Торғай Ет" ЖШС және т.б. брендтері республика бойынша және одан тыс жерлерде танымал сүт және ет кәсіпорындары өнімдерін ұсынады.

Оқи отырыңыз: Ауыл шаруашылығы министрлігі картоп пен сәбіз бағасына қатысты болжам жасады 

Айта кетері, баға нарықтан 10-15%-ке төмен болады. Жәрмеңке Нұр-Сұлтан қаласының тауарлар мен көрсетілетін қызметтердің сапасы мен қауіпсіздігін бақылау департаменті ұсынған санитарлық нормаларды сақтай отырып өткізіледі.

Биыл елордада әлеуметтік маңызы бар азық-түлік өнімдерінің бағасын тұрақтандыру мақсатында көкөністер мен жемістердің пісу мерзімін ескере отырып, 14 жәрмеңке өткізу жоспарланған. Ауыл шаруашылығы өңірлік жәрмеңкелерінің маусымы Нұр-Сұлтанда 31 қазанға дейін жалғасады.

21 тамыздан бастап елордадағы жәрмеңкелерде Түркістан, Батыс Қазақстан, Шығыс Қазақстан, Қызылорда, Алматы, Атырау, Жамбыл, Ақтөбе, Қарағанды, Павлодар және Маңғыстау облыстарының ауылшаруашылық тауар өндірушілері өз өнімдерін ұсынды.

42
Кілт сөздер:
жәрмеңке
Вакцина ампуласы

Елордада тұмауға қарсы екпе алу рекордтық көрсеткішке жетті

16
Тұмауға қарсы екпе алу науқаны 15 қыркүйекте басталды. Нұр-Сұлтанда медицина саласының қызметкерлері, жүкті әйелдер, балалар мен медициналық-әлеуметтік мекеме қызметкерлері екпе салғызды

НҰР-СҰЛТАН, 19 қазан — Sputnik. 160 мың астаналық тұмауға қарсы екпе алды. Осылайша жыл сайынғы тұмауға қарсы вакциналау науқаны жергілікті халықтың осал тобын толықтай қамтыды, деп хабарлады елорда әкімдігі.

"Тұмауға қарсы вакциналаудың арқасында халықтың осал топтары арасында қалыптасқан иммунитет бар. Бұл топқа балалар, жүкті әйелдер, созылмалы ауруы барлар, медицина қызметкерлері, сондай-ақ жабық үлгідегі мекемелер (балалар үйі, мектеп интернаттары, мүгедек балаларға арналған интернаттарғ, қарттар және мүгедектер үйіндегі адамдар) жатады", – деді қалалық денсаулық сақтау басқармасы алғашқы медициналық-санитарлық көмек бөлімінің басшысы Айнұр Төлеуова.

Тұмауға қарсы вакциналау 15 қыркүйекте басталды. Бір ай қорытындысы бойынша 28 мыңнан астам бала, 6 мыңнан астам жүкті әйел, медицина қызметкерлерінің 100%-і тұмауға қарсы екпе алды. Бұл санаттағы адамдарға екпе егу тегін жүргізілді.

Айнұр Төлеуова бұл жолы қала тұрғындары вакцина алу мәселесінде жоғары белсенділік танытқанын айтты. Мамандар мұны пандемия кезінде адамдар өз денсаулығына алаңдай бастағанымен байланыстырып отыр.

Төлеуованың айтуынша, кез келген вакциналау адамдардың асқыну жағдайында ауруханаға түсуін мейлінше азайту үшін қажет.

Тағы оқыңыз: 

16
Кілт сөздер:
елорда, тұмау, екпе, рекорд
Тақырып бойынша
20 қазаннан бастап карантин жеңілдейді – Цой
Қазақстанда эпидемиологиялық жағдай бірқалыпты – Мамин
Тұмау мен коронавирусты қалай ажыратуға болады - дәрігер жауабы
Ғалымдар коронавирус қашан жай тұмау болып кететінін анықтады
Вакциналау жоспарын орындамаған шенеуніктер жазалануы мүмкін
Ақылы тұрақ, паркомат

Астаналық мәслихат жаңа ақылы тұрақтар туралы ақпаратты жоққа шығарды

71
(Жаңартылды 08:12 19.10.2021)
БАҚ-та қала шетіндегі аудандарда бір сағатының құны 100 теңге болатын тұрақтар енгізіледі деген ақпарат жарияланып жатыр

НҰР-СҰЛТАН, 19 қазан — Sputnik. Жаңа ақылы тұрақтар қою туралы жоба астаналық мәслихат қарауына ұсынылған жоқ. 

"БАҚ-та қала шетіндегі аудандарда құны сағатына 100 теңге болатын тұрақтар енгізіледі деген ақпарат жарияланып жатыр. Депутаттар  ақылы тұрақтар орнатуға қатысты жобаны мақұлдады деген мәлімет шындыққа жанаспайды. Бұл ұсыныс бүгін мәслихатқа емес, қалалық қоғамдық кеңес мүшелеріне ұсынылды. Мәселе Нұр-Сұлтан қаласы мәслихаты депутаттарының қарауына шығарылған жоқ", - делінген мәслихат хабарламасында.

"Астананың көлік тұрағы кеңістігі" ЖШС басшысы Шыңғыс Досыбаев жуырда Нұр-Сұлтанда жаңа ақылы тұрақтар ашылатынын айтқан болатын.

"Біз мемлекеттік-жекешелік әріптестік келісімшарты негізінде 10 мың тұрақ орнын іске қосуды жоспарланған болатынбыз. Бүгінде соның 487-сі дайын, бәрін іске қосуға болады. Нұржол бульвары бар. Сосын Сарыарқа ауданында Бөгенбай батыр, Республика мен Сарыарқа даңғылдарында, сондай-ақ, жағалаудың бойында қосымша орындар дайындалды", - деді ол қоғамдық кеңес отырысында.

Бұдан бөлек, ақылы тұрақтар Алматы ауданының Тәуелсіздік даңғылы, Қажымұқан Мұңайтпасов, Мағжан Жұмабаев мен Бауыржан Момышұлы көшелерінде, Байқоңыр ауданының "Астаналык" (бұрынғы "Артем"), "Шапағат" мен "Әсем" базарлары маңайында, Есіл ауданының Сығанақ, Сарайшық, Тұран мен Мәңгілік ел даңғылында ашылады.

Қоғамдық кеңес мүшелері мектеп, аурухана сияқты әлеуметтік нысандардың жанында ақылы тұрақтарды орнатпауға ұсыныс жасады.

Айта кетері, астанадағы ақылы тұрақтардың қазіргі тарифі сағатына 100 теңгені құрайды.

71
Кілт сөздер:
Астана, мәслихат
Тақырып бойынша
Нұр-Сұлтанда ақылы тұрақтар қай жерде ашылады
Ер адам тұраққа кедергі болған "Жигулидің" бір бөлігін кесіп алды – видео
Павлодарда көлік дүкенге кіріп кете жаздады – апат фотосы
Сағаты 5 мың: Нұр-Сұлтан әуежайы "қымбат тұраққа" қатысты түсініктеме берді
Тұрақта тұрған КамАЗ үш адамды басып өлтірді
азық-түлік

"Жемқорлыққа жол беріп алдық": Тоқаев азық-түлік бағасына қатысты пікір білдірді

9
Оның айтуынша, азық-түлік бағасының өсімі әлем нарығындағы күрделі мәселе

НҰР-СҰЛТАН, 20 қазан — Sputnik. Мемлекет басшысы Қасым-Жомарт Тоқаев азық-түлік бағасының қымбаттауына қатысты пікір білдірді, деп хабарлады Ақорда. 

Президент жұмыс сапарымен Қарағанды облысына барды. Ол жерде мемлекет басшысы "Қазақмыс корпорациясы" жауапкершілігі шектеулі серіктестігінің жоспарымен танысты.

Оның айтуынша, азық-түлік бағасының өсімі әлем нарығындағы күрделі мәселе. 

Әлемде барлық тауардың бағасы шамамен 40-50 пайызға қымбаттады. Елде азық-түлік бағасы қордаланған мәселелердің салдарынан қымбаттап отыр.

"Бұл мәселені шұғыл шешуге қанша тырыссақ та, жағдайды өздеріңіз де көріп отырсыздар. Аталған мәселені жүйелі түрде шешуіміз қажет. Ауыл шаруашылығы саласына қыруар қаржы бөлсек те, азық-түліктің басым бөлігін сырттан аламыз. Өзге елдер субсидияның не екенін де білмейді. Білсе де, дәл осындай мол қаржы бөлінбейді. Бір жағынан адамдарды босаңсытып жібердік, екінші жағынан сыбайлас жемқорлыққа жол беріп алдық", – деді президент.

Президент бұл мәселемен түбегейлі айналысу керек екенін, үкіметке, ауыл шаруашылығының жаңа министріне міндет жүктегенін атап өтті.

Оқи отырыңыз: 

9
Кілт сөздер:
президент, азық-түлік, баға
Тақырып бойынша
"Әрбір 10-шы тұрғын зардап шегеді": президент азық-түлік тапшылығы туралы айтты
Азық-түлік қымбаттады: Үкіметте баға өсімін тежеу мәселесі талқыланды
Қостанай облысының тауар өндірушілері елордаға 270 тонна азық-түлік әкеледі
Нұр-Сұлтандағы жәрмеңке: Қарағанды облысы 600 тонна азық-түлік әкеледі