тонау, иллюстрация

16 рет пышақ сұққан: шымкенттік мұғалімді кім және не үшін өлтірді

8097
2015 жылдың көктемінде Шымкенттегі үйлердің бірінде Анжела Мун есімді 45 жастағы мұғалімнің денесі өз пәтерінен табылды. Қылмыскер әйелді асқан жауыздықпен өлтірген: 16 жерінен пышақ сұққан. Қарапайым мектеп мұғалімі кімнің жолын кесті?

Алғашқы болжамдар

2015 жылы 1 сәуірде Шымкент қаласының аудандық полиция бөлімшесіне кешкісін ер адамнан қоңырау түскен. Ол әйелін өлтіріп кеткенін хабарлайды. Жұмыстан келген отағасы 45 жастағы Анжела Мунның мәйітін тапқан.

Тергеу тобы қоңырау түскеннен кейін санаулы минуттарда оқиға орына жетеді. Марқұмның денесі кіреберісте жатқан. Полиция қызметкерлері қанжоса болған әйелдің пышақ жарақатынан көз жұмғанын көп уақыт өтпей-ақ анықтады.

Ең алдымен полиция пәтердің есігін тексерген. Құлыптың бұзылмағанын көрген тәртіп сақшылары әйел қылмыскерді өзі үйге кіргізген деген болжам жасайды. Яғни, ол Анжеланың танысы болуы мүмкін. Полиция бұл болжамның дұрыстығына Анжела Мунның күйеуімен сөйлескеннен кейін көз жеткізеді. Оның айтуынша, Анжела ешқашан бөтен адамды үйге кіргізбеген. Барлығына күмәнмен қарап, сақтанып жүретін адам еді.

Тергеу тобын таңғалдырған тағы бір жайт - үй іші ұрлық жасалғаннан кейінгі жағдайға ұқсамайды. Барлық зат өз орында тұр, қылмыскердің бағалы зат іздегені байқалмайды.

Сондықтан бірінші кезекте полиция қылмыс тұрмыстық жағдайға байланысты жасалған деген тұжырымға келеді. Ал марқұмның күйеуі басты күдіктіге айналды. Ерлі-зайыптының арасында жанжал шығып, соңы пышақ ала жүгірумен аяқталуы мүмкін.

Алайда полицейлер бұл болжамнан көп ұзамай бас тартты, өйткені отағасы қылмыс жасалған уақытта жұмыста болған және мұны ондаған адам растап отыр. Әрі көршілері мен туыстарының айтуынша, ол Анжеланы жақсы көрген. Тойды да жақында өткізген екен.

Әйтсе де, үйді мұқият тексерген кезде қылмыскердің бағалы заттарды алып кеткені анықталды: 13 мың теңге, ноутбук, планшет пен марқұмның ұялы телефоны. Дегенмен, полиция бұл заттарды қылмыскер тек ұрлық секілді көрсету үшін алуы мүмкін екенін естен шығармады.

Қылмыскерді мектеп оқушысы көрген

Көршілермен сөйлескеннен кейін бірнеше жайт анықталды. Осы үйде тұратын оқушы қыз кешкі уақытта Анжела Мунның бейтаныс жас жігітпен бірге кіргенін көрген.

Куәгер ол уақытта інілерімен бірге аулада жүрген. Әйелдің жұмыстан келгенін көрген, иығына асып алған ноутбуктың қызыл сөмкесін байқайды. Ал келіншектің соңынан 20-22 жастағы кәріс жігіт подъезге кірген. 20 минуттан кейін ер адам бірнеше сөмкемен шығады. Оның ішінде Анжеланың қызыл сумкасы да бар.

Тағы оқыңыз: Басын кесіп тастаған - Риддерде жас қыз жантүршігерлік қылмыс жасады

Оқушы қыз жігіттің шалбарындағы қанды көріп қалады. Ол бір сұмдықты сезеді де, жігітті аңдып, көлігінің мемлекеттік нөмірін қарап алады.

Полиция үшін көлік иесін табу қиындық тудыра қойған жоқ. Оның сол күні бизнес жұмыстарына байланысты басқа қалада болғаны анықталды. Көлігін сенімхатпен 20 жастағы ұлы Тимур Кимге тастап кеткен.

Полиция жігітті бірден қолға түсірді. Алайда ол 1 сәуірде достарымен бірге болғанын және қылмыс жайлы естімегенін айтты.

Қылмыскерге ұқсамайды

Тергеушілердің айтуынша, Тимур қылмыс жасайтын адамға мүлде ұқсамайды. Орта бойлы, көзілдірік тағатын, сырттай үнемі салмақты жүретін ол адамдарды өзіне бірден баурап алады.

Десек те, полиция жігітті жіті тексеруге міндетті, сондықтан оның үйінде тінту жүргізеді. Іздеу барысында марқұмның үйінен жоғалған заттар табылды. Әрі қарай ақталудың орынсыз екенін түсінген Тимур қылмысын мойындады.

Алайда келесі күні күдікті психикалық ауытқуы бар адамша сөйлей бастаған. Бұл жолды біреу айтты ма, әлде өзі ойлап тапты ма, ол жағы белгісіз. Күдікті тергеу барысында видео ойындардың әсерінен қылмысқа барғанын айтты. Ол сүйікті ойынының кезекті деңгейін өтіп жатыпты, ал ойын шарты бойынша өзі қалаған кез келген адамды өлтіре алады.

Айыпталушы бұл әрекетімен кімді алдамақ болды? Сот-психиатриялық сараптама нәтижесінде сарапшылар жігіттің есі дұрыс екенін бірден анықтады.

Анжела мен Тимурды не байланыстырды

Күдікті ұсталды, енді Анжела мен Тимурды не байланыстырғанын анықтау ғана қалды. Полиция екеуінің таныс болғанына сенімді еді.

Тимур Ким – ана-анасының махаббатына бөленіп өскен ерке бала. Жағдайы жақсы отбасыда ер жеткен. Мектепті бітірген соң ата-анасының көмегімен жоғарғы оқу орнына түседі. Жігіттің туыстары мен ата-анасы оған жалақысы жақсы жұмыс тапқан, бірақ Тимурдың жұмыс істеуге құлқысы болмады.

Туыстарының қонақүйінде ол өзін бастық санаған, жұмысқа үнемі кешігеді немесе мүлде келмейді. Қызметкерлермен сөйлескенде менмендік танытатыны тағы бар.

Сөйтіп, Тимур тез байып кетудің жолын ойластыра бастайды. Ақшаны тек еңбекпен ғана емес, ұрлап алуға немесе әлсіздеу біреуден тартып алуға болады емес пе?

Мұғалімдер

Әуелі Тимур Кимнің таңдауы қарындасының мұғаліміне түседі. Шетел азаматы Феона Шымкентке АҚШ-тан келген, қалада жалғыз тұрып жатқан. Жігіт америкалық бойжеткеннің үйінде бағалы заттар пен ақшаның көп екеніне сенімді болады.  

Тағы оқыңыз: "Балталап тастадым" - павлодарлық қанішердің өлер алдындағы ашық әңгімесі

Сондай-ақ Тимур Анжела Мунды да өз құрбаны ретінде қарастырады. Ол 45 жастағы мұғалімнің қызымен жақын таныс болған. Анжеланың астанадағы жақсы оқу орнында білім алып жатқан қызының оқу ақысын төлейтінін де хабардар. Содан бұл мұғалім де қалталы деген тұжырым жасайды.

Алайда ол марқұм әйел қарапайым өмір сүргенін білген жоқ. Ал елордадағы университетте оқитын қызы өз күшімен грантқа түскен.

Қаскөй Анжела жалғыз тұрады деп ойлайды. Оның бірнеше ай бұрын тұрмысқа шыққанын білмеген.

Қылмыскер әуелгі ойынан неге айнып қалды

1 сәуір таңертең Тимур Ким жеті жарымда оянып, қарындасын мектепке апарады. Үйге келген соң бұрыннан ойлап жүрген жоспарын іске асыратын уақыт келді деп шешеді.

Мұғалімдер жұмыстан кешке қарай қайтатынын білетін Ким америкалық Феонаның үйіне сағат төрт шамасында келеді. Мұғалімді қорқытпақ ниетпен үйінен пышағын ала шығады. Бірақ Тимур көп ұзамай бұл ойынан айнып қалды, өйткені үйдің кіреберісінде бейнебақылау камерасы орнатылғанын көріп тәуекел етпеген.

Десек те, қылмыскер жоспарын соңына дейін жеткізу керек деп шешеді. Сөйтіп, ол көлігіне мініп, екінші мұғалімнің үйіне барады.

Тимур Анжеланың үйіне кіру жолын мұқият ойластырып қойған. Ол марқұмның қызы Нұр-Сұлтан қаласында оқитынын, анасы ай сайын қызына сәлем-сауқат жіберетінін жақсы біледі. Осы жағдайды пайдалануға бел буған жігіт үйінен бос қорап пен мұздатылған ет салынған пакет ала шығады. Қызының танысы оған сыйлық алып келгенін көрсе, үйіне кіргізетініне сенімді болған. Ақыры ойлағаны іске асты.  

Анжеланы неге өлтірді

Құрбанын Тимур Ким көпқабатты үйдің алында күтеді. Сол күні мұғалім мектептен кеш шыққан. Тимурдың мазасы кете бастайды, сонда да арам ойынан айнымайды. Үйге жақындаған әйелді көрген кезде іске кіріседі.

Тимур Анжелаға жақындап келіп, қызының досы ретінде танысады. Үнемі сақ жүретін әйел осы жолы қылмыскерді үйіне кіргізеді. Тіпті қызының достары оны ұмытпағанына риза болған ол шайға шақырған. Дәл сол сәтте Тимур бірден өзгеріп сала береді.

Сөмкесінен пышағын шығарып, үйдегі бағалы заттарды бер деп қорқытады. Бірақ Анжела оған ештеңе бермейтінін айтып, үйден шығып кетуін талап етеді.

Бірақ Тимур пышағын ала әйелге ұмтылады. Осы кезде айғайға басқан келіншектің дауысын көршілері естіп қояды деп қорыққан қылмыскер оған қайта-қайта пышақ сұғады. Ол Анжела жерге құласа да, пышақ сұғуын тоқтатпайды. Керісінше жәбірленушінің үстіне отырып алып, пышақтай береді.

Әйелдің өлгеніне көз жеткізген соң ол пәтердің ішінен бағалы заттар іздей бастайды. Ал ер адамның костюмін көрген кезде Анжеланың жалғыз тұрмайтынын түсінеді. Сағат кешкі жетілер шамасы, әне-міне дегенше күйеуі үйге келуі тиіс. Тимур көзіне түскен бағалы заттарды алып, пәтерден тездетіп шығып кетеді. Асыққаны соншалық, аулада інілерімен ойнап жүрген қыздың оны көргенін байқамай қалады.

Сот шешімі

Күдіктінің пәтерінен табылған заттар оның Анжела Мунның өліміне қатысы бар екенін дәлелдеуге жеткілікті. Сондықтан тергеу барысында Тимур Ким кінәсін мойындап, әйелді қалай өлтіргенін айтып берді.

Бірақ сот-психиатриялық сараптаманың нәтижесі Тимурдың есі дұрыс екенін көрсетсе де, ол қылмысты видео ойынның әсерінен жасағанын айтудан жалықпады.

Әйтсе де, судья шешім шығарған кезде оның сөзіне емес, айғақтар мен сарапшылардың қорытындысына сүйенді.

Анжела Мунды асқан жауыздықпен өлтіргені үшін Тимур Ким 18 жылға бас бостандығынан айырылды.

Тағы оқыңыз: Күйеуін өлтіріп, анасының қабіріне көмген - елордалық әйелдің қылмысы

8097
Кілт сөздер:
Шымкент
Тақырып бойынша
"Тірідей көміп тастады": Алматыда екі таксисті не үшін қинап өлтірді?
Балалар үйіндегі қанды қырғын: павлодарлық үш жасөспірім 6 адамды қалай өлтірді
Әйелдерді зорлап, өлтірген: Шымкентті дүрліктірген екі маньяк қалай ұсталды
Трамп пен Путин

Трамп пен Путин "қазан тосын сыйын" әзірледі

56
Америкадағы президент сайлауы неғұрлым жақын бола түскен сайын, тосыннан шыға келетін факторлар да соншалықты маңызға ие бола бастады

АҚШ-та "қазан тосын сыйы" туралы, дәлірек айтқанда сайлау алдындағы келісімді өзгерте алатын, таразының басын үміткерлердің біреуінің пайдасына шешетін оқиғалар немесе ақпараттар туралы әңгімелескенді жақсы көреді, деп жазады РИА Новости.

"Тосын сый" алдын-ала немесе стихиялы түрде дайындалуы мүмкін. Олар: үміткердің айрықша іс-әрекеті, оны айыптайтын жаңа дәлелдер, табиғи катаклизмге қатысты реакция, сыртқы саяси қадам. Енді екі үміткерге де осындай "тосын сый" қажет – бірақ оларға қатысты айғақ-дәлелдердің тым көп болғаны соншалық, енді "қауіпті Трамп" немесе "жемқорлыққа белшесінен батқан отбасы бар ұйқылы-ояу Байденге" қатысты жаңа айғақтарды ешкім қоса алмайды.

Бірақ америкалықтар президент сайлауы кезінде сыртқы саясатты айтарлықтай деңгейде басшылыққа алмаса да, ол рейтингті толықтыра алады. Президент басқа елдердің басшыларымен, мысалы бітімгер болуға қатысты келіссөздер жүргізе алады. Өткен айда Трамп бұл тәсілді ең алдымен, араб-израиль татуласуына, содан кейін Сербия мен Косово арасындағы келісімге байланысты екі рет пайдаланды. Бірақ мұның бәрінің америкалық сайлаушыға тікелей қатысы жоқ – оларға шынымен, Балқан және Таяу Шығыс не үшін керек?

Дегенмен, Трамп барлық америкалықты көктемнің соңына дейін емес, Рождествоға дейін шығаруға уәде бере отырып, Ауғанстаннан да әскерлердің шығарылуын тездетіп отыр. Мұны орындау мүмкін емес, оның үстіне Рождество 3 қарашадан әлдеқайда кеш келеді. Алайда барлық америкалықты толғандыратын тағы бір нәрсе бар - ол қару-жарақтар, соның ішінде ядролық қару жарысына қатысу. Қауіпсіздік және ақша - ядролық соғыс қаупін және қару-жараққа көбірек қаражат жұмсау қажеттілігін туғызады. Бұл жерде сіз бейбіт аспанға деген алаңдаушылығыңызды көрсете аласыз - Трамп мұны да жақсы көреді, өйткені ол Ким Чен Ынмен кездесулерінің арқасында АҚШ ядролық қаруы бар Солтүстік Кореямен соғыспайтынын, бірақ президент Клинтон болған кезде жағдай басқаша болуы мүмкін екенін бірнеше мәрте айтты. Бірақ ойдан шығарылған "корей қаупі" қазірдің өзінде ұмытылды, енді "қазан тосынсыйы" үшін басқа нәрсе іздеу керек.

Трамп Путинмен келісім жасағысы келді. Алайда оны төрт жылдан бері "Путинмен байланыс орнатады" деп айыптап келе жатыр, соңғы апталарда "орыс ізіне" қатысты әңгіменің бәрі Ақ үйден және Клинтон штабынан шыққан демократтардың арнайы операциясы болғандығы туралы дәлелдерге көбірек тірелуде. Сонымен, қазір Трамп демократтар мен "Вашингтон батпағына" олардың өздерінің "орыс тақырыбын" тықпалап жатыр. Трамп нағыз Путинмен мәміле жасайды, өйткені ол мықты және Путин оны құрметтейді. Трамп орыстармен жасаған келісімшартын америкалықтарға осылай сатқысы келеді.

Біз не туралы айтып отырмыз? Іс жүзінде "жерлегеніне" қарамастан, төрт айға жетер-жетпес уақытта мерзімі аяқталатын СНВ-3 туралы – бірақ оны Трамп "жерледі" емес пе? Иә, Ресей СНВ-3-ті бес жылға дейін созуды әрдайым жақтап келді. Ал Вашингтон бұл оларға тиімді емес екенін және қайта жазу, толықтыру және жалпы үшжақты ету қажет деп мәлімдеді.

Яғни, дәл осы қару-жарақтың Ресей мен АҚШ-қа қарағанда аз екенін көрсете келе, оған стратегиялық шабуылдау қаруын одан әрі қысқарту және шектеу шаралары туралы келісімге қосылуға ниет білдірмеген Қытайды қосу осыны байқатты. Мәскеу Пекиннің бұл ұстанымын толықтай қолдады. АҚШ-тың Қытай туралы барлық ескертпелеріне ол аспанасты елі келіссөздерді мәжбүрлі түрде жүргізбейді деп жауап берді. 

Америкалықтардың екіжақты сипаттағы басқа да талаптары болды, олардың көпшілігі Ресей үшін мүлдем қолайсыз еді. Бірнеше ай бұрын ғана америкалықтар Ресеймен кеңесе бастағанына қарамастан, СНВ-3 келісімшарты ақырындап жойылып барады. Сонымен қатар, олар осы уақыт ішінде бұл келісімшарт олардан гөрі Ресейге көбірек қажет және жалпы, егер Мәскеу Американың талаптарын 3 қарашаға дейін қабылдауға асықпаса, онда оны ұзарту шарттары (яғни, жаңа келісімшарт жасау) одан да күрделі болады деген сыңай танытқан еді.

Ресей мұндай арзан қулықтарға сабырлықпен қарады, шынтуайтына келгенде, екі тарапқа да келісім қажет. Кремль Трампты қол қоюға итермелемеуге тырысқан жоқ, бірақ өткен аптада Владимир Путин Джо Байденнің СНВ-3-ті ұзартуға немесе жаңа келісімшарт жасасуға уәде бергенін еске алды, ал "бұл қазірдің өзінде болашақтағы ықтимал ынтымақтастық үшін өте маңызды элемент".

Осыдан кейін Ақ үйден және Конгресстен шыққан ақпарат бірнеше америкалық басылымдарда "АҚШ президенті Дональд Трамп сайлауға дейін СНВ келісімшартын жасау үшін Ресей тарапының келісіміне үміт артып отыр" деген сипатта жарияланды.

"Трамп әкімшілігі президент Владимир Путин мен Ресей қауіпсіздік кеңесінің төрағасы Николай Патрушевтен АҚШ пен Ресей арасындағы жаңа ядролық келісімшарт жасау туралы келісім алды деп санайды, келісім бойынша жұмыс бір апта ішінде аяқталуы мүмкін. Президент әкімшілігі қызметкерлерінің бірі ұлттық қауіпсіздік кеңесі мен мемлекеттік департаментте шешімдердің ең жоғары деңгейде қабылданғанын айтты. Оның айтуынша, сенаттың халықаралық қатынастар комитетінің кейбір мүшелері мен Капитолий төбесінде орналасқан ұлттық қауіпсіздік жөніндегі жұмыс тобы осы пікірталастардың қорытынды материалдарын алды". Басылым сайлау алдындағы ядролық келісім бойынша жаңа жұмыс кестесі "жоғары лауазымды республикашылдар мен Ақ үйдің кейбір өкілдері үшін тосын сый болғанын" деп атап өтті.

Кремль "Біз ақпарат көздеріне жауап бермейміз, жалған ақпараттар тым көп. Бұл тақырып айрықша өзекті, америкалықтармен байланыс орнатқан кезде бұл біз үшін басымдық болып саналады. Сарапшылар деңгейінде байланыс жалғасуда" дей келе, әрине, ұстамдылық танытты. Трамп айқын тосын сыйды дайындап жатыр. Ол – Путинмен келісім. Бұл ретте оған Мәскеуге ұшып барудың, ал Ресей президентінің керісінше Вашингтонға ұшып барудың қажеті жоқ.

Бәрі екі президенттің бірлескен мәлімдемесімен немесе америкалық келіссөз жүргізуші Маршалл Биллингслидің СНВ-3-ті ұзартудың алдында президенттік меморандумға қол қоюымен ғана шектеледі. Яғни, бұл болашақ келісімнің ауқымын анықтайтын және СНВ-3-ті белгілі бір мерзімге (бес жылдан аз, мүмкін екі-үш жылдық мерзімге) ұзартатынын жариялайтын негіздемелік келісім болады.

Вашингтон мұндай қадамға шынымен дайын ба? Өйткені Биллингсли Хельсинкиде 5 қазанда сыртқы істер министрінің орынбасары Сергей Рябковпен өткен келіссөзде "маңызды ілгерілеушілікке қол жеткізілді" және тараптар келісімге келді деп мәлімдегенде, Рябков америкалық оптимизмге таң қалды.

"Келіссөздер тәсілдерде осындай келісімнің орталық элементтеріне қатысты үлкен айырмашылықтың сақталғанын көрсетті. Негізінде, біз бұдан әрі қарайғы жұмыстың негізгі бағыттары мен параметрлерін анықтау туралы айтуға мүмкіндік беретін қандай да бір негіздемелік келісімге ғана қол жеткізгенімізді мойындаймыз. Бірақ тек осындай нұсқаның бар екенін ғана мойындаймыз. Себебі біз жақында АҚШ-пен келісімге келген жоқпыз, мен мұны айрықша атап өтемін. Америкалықтардың келісімнің табалдырығында тұрмыз деп көрсетуге тырысқаны және аз уақыттың ішінде келісімге қол жеткізіледі деп көрсеткісі келетіні және оларды неге негіздеп отырғаны түсініксіз?"

Алайда, Биллингсли мен Рябков арасындағы кездесу басқа бір кездесудің – 2 қазанда Женевада Ресей қауіпсіздік кеңесінің хатшысы Николай Патрушев пен АҚШ президентінің ұлттық қауіпсіздік жөніндегі кеңесшісі Роберт О'Брайен арасындағы келіссөздердің жалғасы болды. Бұл олардың алғашқы жеке кездесуі (бұған дейін Трамптың кеңесшісі Джон Болтон болатын) болды. Аталған кездесу америкалық оптимизмнің байқалуына оң ықпал етті. Бұл Ресейдің қандай да бір жеңілдіктермен байланысты емес екенін, керісінше екі ел президенттерінің бірлескен мәлімдемесінде СНВ-3-ті ұзарту туралы негіздемелік құжатқа қол қою туралы саяси, тұжырымдамалық келісімге қол жеткізілгендігімен байланысты деп болжауға болады.

Осыдан кейін, Биллингсли мен Рябковтың Хельсинкидегі келіссөздерінде америкалықтар (өздерінің әдеті бойынша) қысым жасау тактикасын жалғастырды. Ал олардың орыстардан біраз жеңілдіктер алуы мүмкін бе? Мүмкін емес. Қазірдің өзінде саяси келісім бар, бірақ ол нақты шарттармен жүзеге асырылады: оған Қытайдың да, келісімнің жаңасын әзірлеу үшін қажет мерзімге дейін ұзартудың да қатысы жоқ.

56
Мызғымас бауырластық оқу-жаттығуы

"Мызғымас бауырластық" жаттығуларының мазмұны мен алғышарттары қандай

27
12-16 қазанда Беларусьтің Витебск аймағындағы "Лосвидо" полигонында 700 әскери қызметшіден, 100-ден аса әскери және арнайы техникадан, оның ішінде тікұшақтар мен дрондардан тұратын "Мызғымас бауырластық-2020" командалық-штабтық жаттығулары өтіп жатыр

Беларусь жерінде Ұжымдық қауіпсіздік туралы шарт ұйымына (ҰҚШҰ) мүше алты мемлекеттің ішіндегі төрт елдің (Беларусь, Ресей, Қазақстан, Тәжікстан) әскери бөлімшелерінің жоспарланған "Мызғымас бауырластық" командалық-штабтық жаттығулары Батыстың әскери және саяси қысымының өсуіне қарамастан, қауымдастықтың бітімгершілік күштерінің ұлттық және ұжымдық мүдделерді тиімді қорғауға дайын екенін көрсетеді.

Жаттығуларға ішкі істер және төтенше жағдайлар министрліктерінің бөлімшелері де тартылды. 

103-ші жеке гвардиялық десанттық бригада полигонда екі негізгі міндетті шешуде. Олар: барлық деңгейдегі командирлер мен штабтардың бітімгершілік операциясының бейбітшілікті сақтау жолындағы жаттығулары және әскерлердің тәжірибелік іс-әрекеттері. ҰҚШҰ ұжымдық бітімгершілік күштері әлеуетінің 20%-і қатысады, олардың жалпы саны шамамен 3600 адамды құрайды. Оқу-жаттығуларға ҰҚШҰ біріккен штабының бастығы генерал-полковник Анатолий Сидоров пен ҰҚШҰ Бас хатшысы Станислав Зась тікелей басшылық етеді.

ҰҚШҰ-ның Беларусьтегі жоспарланған маневрлері одақтас мемлекеттің шекарасына жақын жерлерде НАТО-ның іс-әрекетін күшейту аясында қызығушылық туғызады. ҰҚШҰ-ға мүше кейбір елдерде батыстық "серіктестердің" қатысуымен ішкі саяси проблемалар жасанды түрде шиеленісіп, қызған кезде бітімгершілік жаттығулары ерекше маңызға ие болатыны белгілі.

Бейбітшілік операциясы

Беларусь жерінде "Мызғымас бауырластық" жаттығуын өткізу ҰҚШҰ мемлекеттерінің өздерінің ұлттық және ұжымдық мүдделерін қару-жарақ күшімен қорғауға саяси белсенділігі мен технологиялық жағынан дайын екендігін көрсетеді. Қатысушылардың шектеулі контингенті (700 адам) әскерлердің (ұжымдық күштердің) жауынгерлік ұрыс қимылдарының тиімділігіне күмән тудырмауы керек. Витебск аймағындағы бітімгершілік операциясы карталардағы ұрыс қимылдарына еліктеу емес, ол құрлықтағы және арнайы жасақтардағы қару-жарақтың барлық түрінің қолданылуын, полигон жағдайында соққы беретін авиацияны қамтиды.

Беларусь пен Ресей шекараларына жақын жерде қалыптасқан әскери-саяси конфигурацияда "командирлер мен штабтардың тәжірибелік дағдыларын жетілдіру", "ҰҚШҰ мемлекеттерінің бітімгершілік контингенттерінің жауынгерлік үйлестіруін жақсарту" тәрбиелік элементтері нақты және қолданбалы сипатқа ие. Бітімгершілік күштері атысты тоқтату және халықтың жауапкершілік аймағындағы іс-әрекеттерін бақылау, қақтығыстардан зардап шеккен аумақтарда бейбіт өмірді қалпына келтіруге көмектесу жөніндегі шараларды әзірлейтін болады. ҰҚШҰ-ның ұжымдық бітімгершілік күштері бөлімшелері милициямен (полициямен) бірлесіп, жаппай тәртіпсіздіктерге қарсы тұру міндеттерін де әзірлейтін болады.

Өздеріңіз білетіндей, 9 тамызда Беларусь Республикасында өткен кезекті президент сайлауының нәтижелері Беларусь оппозициясы мен НАТО елдерінің басшылығының көңілінен шықпады. Одақтың шекаралары маңындағы альянстың ішкі саяси толқулары мен жаттығуларының тетіктері толығымен қатар іске қосылды. Мысалы, 11 тамызда Польшада 500 америкалық әскери қызметшінің қатысуымен маневрлер басталды (штатты броньды техникаларда). Латвия аумағында осыған ұқсас жаттығуларды британиялық әскерлер ұйымдастырды. Литвада 3 қыркүйектен 20 қазанға дейін АҚШ-тың 3-ші жаяу әскер дивизиясы 2-ші танк бригадасы бөлімшелерінің жаттығулары өткізіледі, ал бұған дейін республикада "Tobruq Legacy – 2020" халықаралық жаттығулары (25 қыркүйекте аяқталды) өткізілді. Оған Литва, Эстония, Италия, АҚШ, Латвия, Польша, Франция, Словакия және Венгрияның 950-ге жуық әскери қызметшісі тартылды. Оның үстіне, одақтастар маневрге ұшуға тыйым салынған аймақта ұйымдастыруға арналған өздерінің әуе қорғанысы жүйелерін алып келді. АҚШ пен НАТО ашық түрде Беларусьтің қазіргі басшылығын қорқытуға, республикадағы оқиғаларды "түрлі-түсті" сценарийіне қарай бағыттауға тырысуда.

Өзара әрекеттестік күшеюде

"Мызғымас бауырластық" маневрлері тоғызыншы мәрте өткізілуде. Бір жыл бұрын олар Тәжікстан аумағында өтті. ҰҚШҰ құрамына алты мемлекет кіреді: Армения, Беларусь, Қазақстан, Қырғызстан, Ресей және Тәжікстан. Сондай-ақ, 2020 жылғы қазанда қатысушылардың құрамы толық болған жоқ. Армения бөлімшелері Таулы Қарабақтағы қақтығыстың шиеленісуіне байланысты келе алмады. Қырғызстандағы ішкі саяси дүрбелең де Беларуське әскерилерді жоспарлы түрде жіберуге мүмкіндік бермеді.

Сонымен қатар, бұған дейін Армения аумағында қазан айының соңында өткізуге жоспарланған ҰҚШҰ ұжымдық күштерінің "Өзара іс-қимыл-2020" жаттығулары және ҰҚШҰ қарулы күштері барлау бөлімшелерінің "Іздеу-2020" маневрлерінің мерзімі ауыстырылды. Қазіргі уақытта ҰҚШҰ-ға мүше мемлекеттер жаңа географиялық нүктелер мен аталған жаттығулардың өткізілу мерзімін талқылауда. Ұйымның әскерлері мен күштерінің өзара әрекеттестігі Батыстың дұшпандық жоспарлары мен әрекеттеріне қарамастан нығайып келеді.

Осылайша, 11 қазанда Беларусь әскери академиясының әуе қорғанысы бөлімшелерінің мамандары мен әуе шабуылына қарсы қорғаныс факультетінің курсанттары әскери әуе күштерінің және әуе қорғанысының жедел-тактикалық оқу-жаттығуларына қатысу үшін өздерінің С-300 зениттік-зымырандық кешенімен Ресейдің Ашулук полигонына келді.

Бұған дейін, 14-25 қыркүйекте Брест полигонында авиация, жауынгерлік және арнайы техниканың 150-ден астам бірлігін тарта отырып, Беларусьтің 600 әскери қызметкері мен Ресейдің аэроұтқыр әскерлері десанттық-шабуылдау дивизиясының 900 әскери қызметшісінің қатысуымен "Славян бауырластық-2020" Ресей-Беларусь антитеррорлық жаттығулары өткізілді.

Әрине, батыста "Славяндық бауырластық" сынға ұшырағаны анық. Литва айрықша алаңдаушылық танытты. Республиканың қарулы күштерінің жоғарғы бас қолбасшысы Вальдемарас Рупшис бұл шарадан "шабуылдық сипатты" байқаған. Литвада Солтүстік атлантикалық альянстың бірлескен жаттығулары үздіксіз өткізіліп тұратыны да қызық.

Ресей Федерациясының қорғаныс министрлігі бұл маневрлер басқа елдерге қарсы бағытталмаған деп жауап берді. Беларусь президенті Александр Лукашенко: "Олар бізбен санаспайды, біздің сақтық танытуымызға назар аудармайды. Олар қалаған уақытта жаттығу өткізе береді. Сондықтан, біз де айналамыздағы жағдайды шиеленістірмей, өз әскерімізді дайындайтын боламыз", деді.

Бұған дейін, 17-20 тамызда Астрахань облысында ҰҚШҰ ұжымдық күштерінің "Эшелон-2020" арнайы жаттығуына ұйымға мүше мемлекеттердің 1000-ға жуық әскери қызметшісі және ҰҚШҰ біріккен штабының жедел тобы қатысты. 250 техника тартылды.

Ұйымға мүше мемлекеттердің қорғаныс саласындағы өзара әрекеттесу географиясы кеңейіп, әскери топтардың жауынгерлік күш-қуаты артып келеді. Ал НАТО - бұл өте тиімді құрылым, ҰҚШҰ тек "бюрократиялық ұйым" деген қауесет тым әсіреленген.

27
Қоңыр аю

Аю 50 жастағы әйелге тап берді видео

0
(Жаңартылды 10:58 30.10.2020)
Зардап шеккен әйел жануарлар үйінде жұмыс істеген, ол көптеген дене жарақатымен ауруханаға жеткізілді  

НҰР-СҰЛТАН, 30 қазан – Sputnik. Ресейдің Курск облысында жануарлар үйіндегі аю қызметкерге тап берді, деп хабарлады РИА Новости.

Әлеуметтік желіде тараған видеодан әйелдің тордың жанынан өтіп бара жатқанын көруге болады. Ол жолда тұрған таяқтан аттаймын деп, жыртқыш отырған торға тым қатты жақындап кеткен. Дәл сол кезде аю оны қолынан ұстап алып, ішке қарай тартқылайды, бір табанымен арқасынан да ұстап тұрады. Оны көрген қызметкерлер жүгіріп келіп, оны таяқпен ұра бастайды. Алайда аю қайтпайды. Ақырында әйелдің күрткесін жыртып тынады.  

Оқиға Фатежск ауданында орналасқан Новые дворы ауылында болған. Осы аймақтағы тергеу басқармасының мәліметіне сәйкес, зардап шеккен әйел жануарлар үйінде жұмыс істейді. Ол жерде үй жануарларымен бірге жабайы аңдарды да ұстайды.

Қостанай облысында 11 жастағы баланы қасқыр талап тастады

"Әйел аю отырған тордың жанынан өтіп бара жатқанда жыртқыштың шабуылына тап болды. Аю оны қолынан ұстап алып, өзі отырған торға тартқан. 50 жастағы әйел көптеген дене жарақатымен Курск облысының клиникалық ауруханасына жеткізілді", - дейді тергеушілер.

Тергеушілер тексеріс шараларын бастады. Соның нәтижесінде процессуалдық шешім қабылданады. "Фатежские будни" басылымының мәліметінше, әйелге гималай аюы тап берген.

Ал әлеуметтік желілерде тараған ақпаратта аюдың өлгені туралы айтылады. Тордың ішінде үшкір таяқ қалып қойған. Аю соған өкпесін тілгізіп алған.

0
Кілт сөздер:
жануарлар әлемі, аю
Тақырып бойынша
Көжекке тұтқиылдан қаршыға шабуылдады: оқиғаның соңын ешкім күтпеген еді - видео
Буйвол туристердің көлігіне тап беріп, оны мүйізімен көтерді – видео
Лақ бір топ жыртқышқа тойтарыс берді – қызықты видео
Кішкентай ит арыстандармен айқасты, оқиғаның соңын ешкім күтпеді – видео