Көзілдірік пен газеттер

Жаңалыққа қарсы насихат: батыс БАҚ-ының позициясы қандай?

21
(Жаңартылды 18:24 10.07.2020)
Аудиторияға мейлінше кең әрі әрқилы жаңалықтарды жинақтау мен жеткізу төртінші билік өкілдерінің бір міндеті десек , батыстық БАҚ өз қызметін уақыт өткен сайын нашар атқарып келеді

"Россия сегодня" ХАА "Осьминог 2.0. Ресейдегі коронавирус" атты зерттеу ұсынды. Аталған жұмыс батыс (басқа да) БАҚ-тарындағы Ресейдің бет-бейнесіне арналған. Бұл жолы пандемия нысанға алынғанымен, "Үлкен жетілік" қана емес, ауру бастау алған Қытай медиасы да қамтылды.

Себебі, қытайлық медиа бойынша статистика батыс басылымдары жариялайтын ақпарат аясында өзгеше сипат алып келді.

Жалпы, "Осьминог 2.0" айтарлықтай жаңалық ашқан жоқ: батыстық БАҚ COVID-19 ауруын антиресейлік насихатты жалғастыруға арналған кезекті ақпараттық сылтау ретінде қолданған.

Бұл жолы да америкалықтар көш бастап тұр – қамтылатын аудиториясы бойынша жетекші америкалық БАҚ-тағы аталған тақырып бойынша жарияланымдардың 58%-і негативті сипатта болған. Одан кейінгі орында тұрған германиялық медиадағы көрсеткіш – 44%, канадалықтарда – 41%, британдықтарда – 38% құрап отыр.

"Жетіліктің" қалған үш мемлекетіндегі Ресейге қатысты негатив бойынша бұл көрсеткіш айтарлықтай төмен: Жапонияда – 33%, Италияда – 28%, Францияда – 21%.  

Оң сипаттағы ақпараттар үлесі тіпті нашар – 1-ден 5%-ке дейін. Бұл сатыда Италия ерекшеленіп тұр. Мұнда Ресей мен коронавирус жайлы позитивті сипаттағы жарияланымдар үлесі 9% құрап отыр. Алайда, пандемиямен күресте италиялықтарға Ресей көрсеткен көмектің (медициналық ресурстар мен дәрігерлер жөнелту) рөл ойнағанын түсіну қиын емес. Сол себепті БАҚ беттеріндегі жағымды мақалалардың құрауышы салыстырмалы түрде артық.

Брақ, бұл сандардағы басқа аспект қызықты болып тұр: олар ағымдағы жағдайдың ең өзекті геосаяси трендтерін айқындап тұр. Бір жағынан, ағылшын-сакстар антиресейлік шабуылдың шебінде тұрып, оның қозғаушы күші болып отырса, екінші жағынан, орыс фобиясына қатысты бейтараптылықты ұстануға тырысатын өз одақтастарын жоғалтуда. Әрине, бұл ақылға қонымды. Себебі, 2014 жыл алысқа ұзағалы қашан.

Сандар көрсеткендей, Германия ең алдымен өзі үшін қиын жағдайда тұр. Немістердің жетекші БАҚ-тарының антиресейлік белсенді позициясы мемлекеттік-саяси бағытқа қарсы келуде. Олай дейтініміз, Берлин Мәскеумен бірлескен жобаларды қорғап әрі дамытып қана қоймай, сатылы түрде АҚШ-тың жартылай басқыншылығынан құтылуға әрекет етіп жатыр. Алайда, медиа саласында жетекші басылымдардың ұлттық мүдде емес, вашингтондық "басшылардың" мүддесі үшін әрекет етіп жатқаны байқалады.

Нақты тақырыптарға келсек, антиресейлік-ковидтік насихат өз мазмұнымен ерекшеленбеді. Мұнда да бәз баяғы "хикая желісі" қолданылған. Яғни, Ресей кезекті рет құрдымға кетіп жатыр және ол бұрынғыдай әлем үшін үлкен қауіп төндіруде.

Негізінен, бұл елдегі жалпы жағдайға, отандық денсаулық сақтау саласына, пандемиямен күресте ресейлік билік әрекеттеріне қатысты сын сипатында болды. Жағдай ушығып, кез келген уақытта Ресейдің шаңырағы ортасына түсуі мүмкін деген болжамдар да жасалды. Ал, ғаламшарға қатысты қауіпке келсек, онда бұған қатысты да еш жаңалық ойлап таппаған: басты айыптау – Мәскеу пандемия туралы жалған ақпарат тарататын науқандар өткізуінен басталып, Ресейдің қол жуу аурудан сақтамайтыны туралы ақпарат таратып, адамзатты адастырып жатқанына дейін қамтылған.

Қытайлық БАҚ-та проблеманы жариялау сипаты өзгеше. Мұнда мәселе Ресейдегі коронавирус туралы позитивті жарияланымдардың 20% үлесінде немесе негативті жаңалықтардың жоқтығында емес. Басты ерекшелік аталған тақырыпта жазылған мақалалар санында болып тұр. Қарастырылған мерзім – наурыздан маусым айына дейінгі аралықта Қытайдың жетекші 5 медиаресурсында эпидемияға қарсы ресейлік әрекеттер жайлы 1 200-ден астам мақала шыққан. Салыстыру үшін айтар болсақ, бұл көрсеткіш Канадада – 238, Италияда – 371, Жапонияда 470 болса, америкалықтар 428 мақаласымен жалпы тізімнің бесінші орнында тұр.

Анықталғандай, үш айдың ішінде қытайлық БАҚ "Ресейдегі коронавирус" тақырыбы бойынша ғаламшардағы ең қуатты әрі мықты саналатын америкалық медиадан үш есе көп мақала жариялаған. Айта кету керек, қытайлық жарияланымдардың 80%-і бейтарап ақпараттық сипатта болған. Яғни, ақпараттық хабарламалар жайлы сөз болып отыр.

Бұл Қытайдың Ресей ісіне ерекше назар аударуынан болып отыр десек жаңылысқан болар едік. Мәселе қытайлық БАҚ-тың батыстағы әріптестеріне қарағанда әлдеқайда көп ақпараттар легін өткізетін тиімді жұмысы жайында болып отыр.

Бұл батыстағылардың ақпараттық көшбасшы мәртебесінен айырылып қалу үрейін растайды. Әрине, аудиторияға жеткізу үшін олар анекдотқа тән үлгіде болғанымен, астарында негіз бар.

Бір кездері батыс өз түсінігінде мінсіз көшбасшы әрі өзгелерге үлгі боларлықтай бұқаралық ақпарат құралдарын құрды. Идеологиялық және геосаяси қарсыластарына қарсы жүргізілген күресте сөз бен ақпаратты тарату еркіндігі батыстың басты артықшылығына айналды.

Бірақ, қазіргі жағдай мүлде басқаша. Уақыт өткен сайын батыс БАҚ-тарына мейлі ол Қытай болсын, Ресей болсын, ақиқатты айтатын медиамен тайталасу қиын болып барады. Америкалық және еуропалық саясаткерлердің "Кремль медиақармауы" туралы дүрлігуіне тоқтаусыз күлуге болады. Бірақ, RT пен Sputnik жаңалықтары Еуропаның танымал ақпараттық ресурстарына қарағанда оқырман тарапынан жиі байланыс алуда. Қытайлық 1 200 хабарламаға бір ғана бағдарда жазылған америкалық 450 мақаланың қарсыластығы да жоғарыда аталған процестің айқындығын растап тұр.

 

21
Трамп пен Путин

Трамп пен Путин "қазан тосын сыйын" әзірледі

56
Америкадағы президент сайлауы неғұрлым жақын бола түскен сайын, тосыннан шыға келетін факторлар да соншалықты маңызға ие бола бастады

АҚШ-та "қазан тосын сыйы" туралы, дәлірек айтқанда сайлау алдындағы келісімді өзгерте алатын, таразының басын үміткерлердің біреуінің пайдасына шешетін оқиғалар немесе ақпараттар туралы әңгімелескенді жақсы көреді, деп жазады РИА Новости.

"Тосын сый" алдын-ала немесе стихиялы түрде дайындалуы мүмкін. Олар: үміткердің айрықша іс-әрекеті, оны айыптайтын жаңа дәлелдер, табиғи катаклизмге қатысты реакция, сыртқы саяси қадам. Енді екі үміткерге де осындай "тосын сый" қажет – бірақ оларға қатысты айғақ-дәлелдердің тым көп болғаны соншалық, енді "қауіпті Трамп" немесе "жемқорлыққа белшесінен батқан отбасы бар ұйқылы-ояу Байденге" қатысты жаңа айғақтарды ешкім қоса алмайды.

Бірақ америкалықтар президент сайлауы кезінде сыртқы саясатты айтарлықтай деңгейде басшылыққа алмаса да, ол рейтингті толықтыра алады. Президент басқа елдердің басшыларымен, мысалы бітімгер болуға қатысты келіссөздер жүргізе алады. Өткен айда Трамп бұл тәсілді ең алдымен, араб-израиль татуласуына, содан кейін Сербия мен Косово арасындағы келісімге байланысты екі рет пайдаланды. Бірақ мұның бәрінің америкалық сайлаушыға тікелей қатысы жоқ – оларға шынымен, Балқан және Таяу Шығыс не үшін керек?

Дегенмен, Трамп барлық америкалықты көктемнің соңына дейін емес, Рождествоға дейін шығаруға уәде бере отырып, Ауғанстаннан да әскерлердің шығарылуын тездетіп отыр. Мұны орындау мүмкін емес, оның үстіне Рождество 3 қарашадан әлдеқайда кеш келеді. Алайда барлық америкалықты толғандыратын тағы бір нәрсе бар - ол қару-жарақтар, соның ішінде ядролық қару жарысына қатысу. Қауіпсіздік және ақша - ядролық соғыс қаупін және қару-жараққа көбірек қаражат жұмсау қажеттілігін туғызады. Бұл жерде сіз бейбіт аспанға деген алаңдаушылығыңызды көрсете аласыз - Трамп мұны да жақсы көреді, өйткені ол Ким Чен Ынмен кездесулерінің арқасында АҚШ ядролық қаруы бар Солтүстік Кореямен соғыспайтынын, бірақ президент Клинтон болған кезде жағдай басқаша болуы мүмкін екенін бірнеше мәрте айтты. Бірақ ойдан шығарылған "корей қаупі" қазірдің өзінде ұмытылды, енді "қазан тосынсыйы" үшін басқа нәрсе іздеу керек.

Трамп Путинмен келісім жасағысы келді. Алайда оны төрт жылдан бері "Путинмен байланыс орнатады" деп айыптап келе жатыр, соңғы апталарда "орыс ізіне" қатысты әңгіменің бәрі Ақ үйден және Клинтон штабынан шыққан демократтардың арнайы операциясы болғандығы туралы дәлелдерге көбірек тірелуде. Сонымен, қазір Трамп демократтар мен "Вашингтон батпағына" олардың өздерінің "орыс тақырыбын" тықпалап жатыр. Трамп нағыз Путинмен мәміле жасайды, өйткені ол мықты және Путин оны құрметтейді. Трамп орыстармен жасаған келісімшартын америкалықтарға осылай сатқысы келеді.

Біз не туралы айтып отырмыз? Іс жүзінде "жерлегеніне" қарамастан, төрт айға жетер-жетпес уақытта мерзімі аяқталатын СНВ-3 туралы – бірақ оны Трамп "жерледі" емес пе? Иә, Ресей СНВ-3-ті бес жылға дейін созуды әрдайым жақтап келді. Ал Вашингтон бұл оларға тиімді емес екенін және қайта жазу, толықтыру және жалпы үшжақты ету қажет деп мәлімдеді.

Яғни, дәл осы қару-жарақтың Ресей мен АҚШ-қа қарағанда аз екенін көрсете келе, оған стратегиялық шабуылдау қаруын одан әрі қысқарту және шектеу шаралары туралы келісімге қосылуға ниет білдірмеген Қытайды қосу осыны байқатты. Мәскеу Пекиннің бұл ұстанымын толықтай қолдады. АҚШ-тың Қытай туралы барлық ескертпелеріне ол аспанасты елі келіссөздерді мәжбүрлі түрде жүргізбейді деп жауап берді. 

Америкалықтардың екіжақты сипаттағы басқа да талаптары болды, олардың көпшілігі Ресей үшін мүлдем қолайсыз еді. Бірнеше ай бұрын ғана америкалықтар Ресеймен кеңесе бастағанына қарамастан, СНВ-3 келісімшарты ақырындап жойылып барады. Сонымен қатар, олар осы уақыт ішінде бұл келісімшарт олардан гөрі Ресейге көбірек қажет және жалпы, егер Мәскеу Американың талаптарын 3 қарашаға дейін қабылдауға асықпаса, онда оны ұзарту шарттары (яғни, жаңа келісімшарт жасау) одан да күрделі болады деген сыңай танытқан еді.

Ресей мұндай арзан қулықтарға сабырлықпен қарады, шынтуайтына келгенде, екі тарапқа да келісім қажет. Кремль Трампты қол қоюға итермелемеуге тырысқан жоқ, бірақ өткен аптада Владимир Путин Джо Байденнің СНВ-3-ті ұзартуға немесе жаңа келісімшарт жасасуға уәде бергенін еске алды, ал "бұл қазірдің өзінде болашақтағы ықтимал ынтымақтастық үшін өте маңызды элемент".

Осыдан кейін Ақ үйден және Конгресстен шыққан ақпарат бірнеше америкалық басылымдарда "АҚШ президенті Дональд Трамп сайлауға дейін СНВ келісімшартын жасау үшін Ресей тарапының келісіміне үміт артып отыр" деген сипатта жарияланды.

"Трамп әкімшілігі президент Владимир Путин мен Ресей қауіпсіздік кеңесінің төрағасы Николай Патрушевтен АҚШ пен Ресей арасындағы жаңа ядролық келісімшарт жасау туралы келісім алды деп санайды, келісім бойынша жұмыс бір апта ішінде аяқталуы мүмкін. Президент әкімшілігі қызметкерлерінің бірі ұлттық қауіпсіздік кеңесі мен мемлекеттік департаментте шешімдердің ең жоғары деңгейде қабылданғанын айтты. Оның айтуынша, сенаттың халықаралық қатынастар комитетінің кейбір мүшелері мен Капитолий төбесінде орналасқан ұлттық қауіпсіздік жөніндегі жұмыс тобы осы пікірталастардың қорытынды материалдарын алды". Басылым сайлау алдындағы ядролық келісім бойынша жаңа жұмыс кестесі "жоғары лауазымды республикашылдар мен Ақ үйдің кейбір өкілдері үшін тосын сый болғанын" деп атап өтті.

Кремль "Біз ақпарат көздеріне жауап бермейміз, жалған ақпараттар тым көп. Бұл тақырып айрықша өзекті, америкалықтармен байланыс орнатқан кезде бұл біз үшін басымдық болып саналады. Сарапшылар деңгейінде байланыс жалғасуда" дей келе, әрине, ұстамдылық танытты. Трамп айқын тосын сыйды дайындап жатыр. Ол – Путинмен келісім. Бұл ретте оған Мәскеуге ұшып барудың, ал Ресей президентінің керісінше Вашингтонға ұшып барудың қажеті жоқ.

Бәрі екі президенттің бірлескен мәлімдемесімен немесе америкалық келіссөз жүргізуші Маршалл Биллингслидің СНВ-3-ті ұзартудың алдында президенттік меморандумға қол қоюымен ғана шектеледі. Яғни, бұл болашақ келісімнің ауқымын анықтайтын және СНВ-3-ті белгілі бір мерзімге (бес жылдан аз, мүмкін екі-үш жылдық мерзімге) ұзартатынын жариялайтын негіздемелік келісім болады.

Вашингтон мұндай қадамға шынымен дайын ба? Өйткені Биллингсли Хельсинкиде 5 қазанда сыртқы істер министрінің орынбасары Сергей Рябковпен өткен келіссөзде "маңызды ілгерілеушілікке қол жеткізілді" және тараптар келісімге келді деп мәлімдегенде, Рябков америкалық оптимизмге таң қалды.

"Келіссөздер тәсілдерде осындай келісімнің орталық элементтеріне қатысты үлкен айырмашылықтың сақталғанын көрсетті. Негізінде, біз бұдан әрі қарайғы жұмыстың негізгі бағыттары мен параметрлерін анықтау туралы айтуға мүмкіндік беретін қандай да бір негіздемелік келісімге ғана қол жеткізгенімізді мойындаймыз. Бірақ тек осындай нұсқаның бар екенін ғана мойындаймыз. Себебі біз жақында АҚШ-пен келісімге келген жоқпыз, мен мұны айрықша атап өтемін. Америкалықтардың келісімнің табалдырығында тұрмыз деп көрсетуге тырысқаны және аз уақыттың ішінде келісімге қол жеткізіледі деп көрсеткісі келетіні және оларды неге негіздеп отырғаны түсініксіз?"

Алайда, Биллингсли мен Рябков арасындағы кездесу басқа бір кездесудің – 2 қазанда Женевада Ресей қауіпсіздік кеңесінің хатшысы Николай Патрушев пен АҚШ президентінің ұлттық қауіпсіздік жөніндегі кеңесшісі Роберт О'Брайен арасындағы келіссөздердің жалғасы болды. Бұл олардың алғашқы жеке кездесуі (бұған дейін Трамптың кеңесшісі Джон Болтон болатын) болды. Аталған кездесу америкалық оптимизмнің байқалуына оң ықпал етті. Бұл Ресейдің қандай да бір жеңілдіктермен байланысты емес екенін, керісінше екі ел президенттерінің бірлескен мәлімдемесінде СНВ-3-ті ұзарту туралы негіздемелік құжатқа қол қою туралы саяси, тұжырымдамалық келісімге қол жеткізілгендігімен байланысты деп болжауға болады.

Осыдан кейін, Биллингсли мен Рябковтың Хельсинкидегі келіссөздерінде америкалықтар (өздерінің әдеті бойынша) қысым жасау тактикасын жалғастырды. Ал олардың орыстардан біраз жеңілдіктер алуы мүмкін бе? Мүмкін емес. Қазірдің өзінде саяси келісім бар, бірақ ол нақты шарттармен жүзеге асырылады: оған Қытайдың да, келісімнің жаңасын әзірлеу үшін қажет мерзімге дейін ұзартудың да қатысы жоқ.

56
Мызғымас бауырластық оқу-жаттығуы

"Мызғымас бауырластық" жаттығуларының мазмұны мен алғышарттары қандай

27
12-16 қазанда Беларусьтің Витебск аймағындағы "Лосвидо" полигонында 700 әскери қызметшіден, 100-ден аса әскери және арнайы техникадан, оның ішінде тікұшақтар мен дрондардан тұратын "Мызғымас бауырластық-2020" командалық-штабтық жаттығулары өтіп жатыр

Беларусь жерінде Ұжымдық қауіпсіздік туралы шарт ұйымына (ҰҚШҰ) мүше алты мемлекеттің ішіндегі төрт елдің (Беларусь, Ресей, Қазақстан, Тәжікстан) әскери бөлімшелерінің жоспарланған "Мызғымас бауырластық" командалық-штабтық жаттығулары Батыстың әскери және саяси қысымының өсуіне қарамастан, қауымдастықтың бітімгершілік күштерінің ұлттық және ұжымдық мүдделерді тиімді қорғауға дайын екенін көрсетеді.

Жаттығуларға ішкі істер және төтенше жағдайлар министрліктерінің бөлімшелері де тартылды. 

103-ші жеке гвардиялық десанттық бригада полигонда екі негізгі міндетті шешуде. Олар: барлық деңгейдегі командирлер мен штабтардың бітімгершілік операциясының бейбітшілікті сақтау жолындағы жаттығулары және әскерлердің тәжірибелік іс-әрекеттері. ҰҚШҰ ұжымдық бітімгершілік күштері әлеуетінің 20%-і қатысады, олардың жалпы саны шамамен 3600 адамды құрайды. Оқу-жаттығуларға ҰҚШҰ біріккен штабының бастығы генерал-полковник Анатолий Сидоров пен ҰҚШҰ Бас хатшысы Станислав Зась тікелей басшылық етеді.

ҰҚШҰ-ның Беларусьтегі жоспарланған маневрлері одақтас мемлекеттің шекарасына жақын жерлерде НАТО-ның іс-әрекетін күшейту аясында қызығушылық туғызады. ҰҚШҰ-ға мүше кейбір елдерде батыстық "серіктестердің" қатысуымен ішкі саяси проблемалар жасанды түрде шиеленісіп, қызған кезде бітімгершілік жаттығулары ерекше маңызға ие болатыны белгілі.

Бейбітшілік операциясы

Беларусь жерінде "Мызғымас бауырластық" жаттығуын өткізу ҰҚШҰ мемлекеттерінің өздерінің ұлттық және ұжымдық мүдделерін қару-жарақ күшімен қорғауға саяси белсенділігі мен технологиялық жағынан дайын екендігін көрсетеді. Қатысушылардың шектеулі контингенті (700 адам) әскерлердің (ұжымдық күштердің) жауынгерлік ұрыс қимылдарының тиімділігіне күмән тудырмауы керек. Витебск аймағындағы бітімгершілік операциясы карталардағы ұрыс қимылдарына еліктеу емес, ол құрлықтағы және арнайы жасақтардағы қару-жарақтың барлық түрінің қолданылуын, полигон жағдайында соққы беретін авиацияны қамтиды.

Беларусь пен Ресей шекараларына жақын жерде қалыптасқан әскери-саяси конфигурацияда "командирлер мен штабтардың тәжірибелік дағдыларын жетілдіру", "ҰҚШҰ мемлекеттерінің бітімгершілік контингенттерінің жауынгерлік үйлестіруін жақсарту" тәрбиелік элементтері нақты және қолданбалы сипатқа ие. Бітімгершілік күштері атысты тоқтату және халықтың жауапкершілік аймағындағы іс-әрекеттерін бақылау, қақтығыстардан зардап шеккен аумақтарда бейбіт өмірді қалпына келтіруге көмектесу жөніндегі шараларды әзірлейтін болады. ҰҚШҰ-ның ұжымдық бітімгершілік күштері бөлімшелері милициямен (полициямен) бірлесіп, жаппай тәртіпсіздіктерге қарсы тұру міндеттерін де әзірлейтін болады.

Өздеріңіз білетіндей, 9 тамызда Беларусь Республикасында өткен кезекті президент сайлауының нәтижелері Беларусь оппозициясы мен НАТО елдерінің басшылығының көңілінен шықпады. Одақтың шекаралары маңындағы альянстың ішкі саяси толқулары мен жаттығуларының тетіктері толығымен қатар іске қосылды. Мысалы, 11 тамызда Польшада 500 америкалық әскери қызметшінің қатысуымен маневрлер басталды (штатты броньды техникаларда). Латвия аумағында осыған ұқсас жаттығуларды британиялық әскерлер ұйымдастырды. Литвада 3 қыркүйектен 20 қазанға дейін АҚШ-тың 3-ші жаяу әскер дивизиясы 2-ші танк бригадасы бөлімшелерінің жаттығулары өткізіледі, ал бұған дейін республикада "Tobruq Legacy – 2020" халықаралық жаттығулары (25 қыркүйекте аяқталды) өткізілді. Оған Литва, Эстония, Италия, АҚШ, Латвия, Польша, Франция, Словакия және Венгрияның 950-ге жуық әскери қызметшісі тартылды. Оның үстіне, одақтастар маневрге ұшуға тыйым салынған аймақта ұйымдастыруға арналған өздерінің әуе қорғанысы жүйелерін алып келді. АҚШ пен НАТО ашық түрде Беларусьтің қазіргі басшылығын қорқытуға, республикадағы оқиғаларды "түрлі-түсті" сценарийіне қарай бағыттауға тырысуда.

Өзара әрекеттестік күшеюде

"Мызғымас бауырластық" маневрлері тоғызыншы мәрте өткізілуде. Бір жыл бұрын олар Тәжікстан аумағында өтті. ҰҚШҰ құрамына алты мемлекет кіреді: Армения, Беларусь, Қазақстан, Қырғызстан, Ресей және Тәжікстан. Сондай-ақ, 2020 жылғы қазанда қатысушылардың құрамы толық болған жоқ. Армения бөлімшелері Таулы Қарабақтағы қақтығыстың шиеленісуіне байланысты келе алмады. Қырғызстандағы ішкі саяси дүрбелең де Беларуське әскерилерді жоспарлы түрде жіберуге мүмкіндік бермеді.

Сонымен қатар, бұған дейін Армения аумағында қазан айының соңында өткізуге жоспарланған ҰҚШҰ ұжымдық күштерінің "Өзара іс-қимыл-2020" жаттығулары және ҰҚШҰ қарулы күштері барлау бөлімшелерінің "Іздеу-2020" маневрлерінің мерзімі ауыстырылды. Қазіргі уақытта ҰҚШҰ-ға мүше мемлекеттер жаңа географиялық нүктелер мен аталған жаттығулардың өткізілу мерзімін талқылауда. Ұйымның әскерлері мен күштерінің өзара әрекеттестігі Батыстың дұшпандық жоспарлары мен әрекеттеріне қарамастан нығайып келеді.

Осылайша, 11 қазанда Беларусь әскери академиясының әуе қорғанысы бөлімшелерінің мамандары мен әуе шабуылына қарсы қорғаныс факультетінің курсанттары әскери әуе күштерінің және әуе қорғанысының жедел-тактикалық оқу-жаттығуларына қатысу үшін өздерінің С-300 зениттік-зымырандық кешенімен Ресейдің Ашулук полигонына келді.

Бұған дейін, 14-25 қыркүйекте Брест полигонында авиация, жауынгерлік және арнайы техниканың 150-ден астам бірлігін тарта отырып, Беларусьтің 600 әскери қызметкері мен Ресейдің аэроұтқыр әскерлері десанттық-шабуылдау дивизиясының 900 әскери қызметшісінің қатысуымен "Славян бауырластық-2020" Ресей-Беларусь антитеррорлық жаттығулары өткізілді.

Әрине, батыста "Славяндық бауырластық" сынға ұшырағаны анық. Литва айрықша алаңдаушылық танытты. Республиканың қарулы күштерінің жоғарғы бас қолбасшысы Вальдемарас Рупшис бұл шарадан "шабуылдық сипатты" байқаған. Литвада Солтүстік атлантикалық альянстың бірлескен жаттығулары үздіксіз өткізіліп тұратыны да қызық.

Ресей Федерациясының қорғаныс министрлігі бұл маневрлер басқа елдерге қарсы бағытталмаған деп жауап берді. Беларусь президенті Александр Лукашенко: "Олар бізбен санаспайды, біздің сақтық танытуымызға назар аудармайды. Олар қалаған уақытта жаттығу өткізе береді. Сондықтан, біз де айналамыздағы жағдайды шиеленістірмей, өз әскерімізді дайындайтын боламыз", деді.

Бұған дейін, 17-20 тамызда Астрахань облысында ҰҚШҰ ұжымдық күштерінің "Эшелон-2020" арнайы жаттығуына ұйымға мүше мемлекеттердің 1000-ға жуық әскери қызметшісі және ҰҚШҰ біріккен штабының жедел тобы қатысты. 250 техника тартылды.

Ұйымға мүше мемлекеттердің қорғаныс саласындағы өзара әрекеттесу географиясы кеңейіп, әскери топтардың жауынгерлік күш-қуаты артып келеді. Ал НАТО - бұл өте тиімді құрылым, ҰҚШҰ тек "бюрократиялық ұйым" деген қауесет тым әсіреленген.

27
Иллюстративті фото

Қазақстанда бала туудан қай өңір көш бастап тұр

38
Бала туу және халықтың табиғи өсімі бойынша республикада Түркістан облысы көш бастап тұр. Қазір өңірде екі миллионнан астам адам тұрады

АЛМАТЫ, 29 қазан – Sputnik. Қазақстанда бала туудан көшбасшы өңір анықталды. Алдыңғы қатарда Түркістан облысы тұр, деп хабарлайды Sputnik Қазақстан.

Түркістан облысы өңірлік коммуникациялар қызметінің ақпаратына сәйкес, 2020 жылдың бірінші қыркүйегінде өңірдегі халық саны 2 036 029 адамды құрады.

Оқи отырыңыз: Танымал қазақ әншісі алтыншы сәбиін дүниеге әкелді 

Оның ішінде қалалық жерде 412 819 адам (20,3%), ауылдық жерде 1 623 210 адам (79,7%) тұрады. Өткен жылдың дәл осы уақытымен салыстырғанда халық саны 1,4%-ке өскен.

"Республика бойынша Түркістан облысы туу мен табиғи өсім көрсеткіштері бойынша бірінші орында тұр", - деді  облыстық статистика департаментінің басшысы Айдар Әбілдабеков.

Облыс тұрғындарының табысы қандай

2020 жылдың екінші тоқсанында Түркістан облысы бойынша бір қызметкердің орташа айлық атаулы жалақысы 168 301 теңгені құрады.

Ең жоғары орташа айлық жалақы Созақ ауданында 243 324 теңге болып белгіленсе, ең төмен жалақы Сарыағаш ауданында  тіркелді – 137 498 теңге.

Сонымен қатар облыста азық-түлік тауарларының бағасы 7,1%-ке, азық-түлік емес тауарлар 3%-ке, ақылы қызметтер 5,5%-ке қымбаттаған.

2020 жылдың қаңтар-маусым айы бойынша Түркістан облысының жалпы өңірлік өнім көлемі 770 миллиард теңгені құрап, нақты көлем индексі бойынша республикада бірінші орынға шықты.

Жалпы өңірлік өнімнің құрылымында өнеркәсіптің үлесі – 19,7%, ауыл, орман және балық шаруашылығы – 14,6%, білім беру – 12,7%.

38
Кілт сөздер:
Түркістан облысы, бала туу
Тақырып бойынша
Министр Нұрымбетов депутаттардың зейнет жасын төмендету туралы ұсынысына жауап берді
Депутат қанша қытай Қазақстан азаматтығын алғанын айтты 
Зейнетақы жинағын беру халыққа шынайы көмек пе?
Коронавирустың екінші толқыны басталса, 2,2 млн адам қиын жағдайда қалуы мүмкін