F-35A Lightning II ұшағы

Көктегі қақтығыс: америкалық F-35 ұшағының олқылығы ойландыруы тиіс

180
(Жаңартылды 18:53 05.10.2020)
Американың көп мақсатқа қолданылатын жойғыш-бомбалаушы F-35 ұшағы "ғажайып кемшілігімен" және апаттарының жиілігімен мамандарды таңғалдырып, беделін одан сайын жоғалтып келеді

30 қыркүйекте АҚШ әскери-теңіз күштерінің институты жанармай құю кезінде Калифорниядағы Эль Сентро әскери базасының жанында жанармай құюшы KC-130J ұшағы мен АҚШ теңіз күштері корпусының F-35B Lightning II ұшағы соқтығысқанын хабарлады. Осының нәтижесінде F-35 ұшағы құлап, апатқа ұшыраған. Ұшқыш аман қалған, қазір госпитальде қалпына келу курсынан өтіп жатыр. Сегіз әскери қызметкерден құралған KC-130J танкерінің экипажы зардап шеккен жоқ және ұшақты сәтті қондыра алған.

Америкада жасалған жойғыш ұшақтардың апаттық деңгейінің көрсеткішін салыстырмалы түрде төмен деп есептеу дәстүрге айналған. Бірақ 2020 жылдың көктемі мен жазында АҚШ әскери-әуе күштері мен әскери-теңіз күштерінің жеті жойғыш ұшағы: F-35A – 19 мамыр және 9 маусым айында, F-22 Raptor – 15 мамырда, F-15C Eagle – 15 маусымда, F-18F Super Hornet – 18 маусымда, ал сәл кейінірек F-16C ұшағы апатқа ұшырады. Шоу әуе базасында 16C ұшағы апатқа ұшыраған кезде, оның соңы үлкен өртке ұласқан. Бұл объективті түрде соны оқиғалар болғандықтан, кейбір ұшақтардың "ұрысқа қабілеттігі" мен пайдаланылуында олқылықтар кездесіп жататынын көрсетеді.

"Бесінші буының" F-35 жойғыш ұшақтары үш модификацияға сәйкес жасалған: әуе күштері үшін F-35A (ұшу және қонудың стандартты режимімен), теңіз күштері корпусы үшін F-35B (қысқа ұшу және тік қону стандартымен), әскери-теңіз күштері үшін F-35C (ұшу кемесін катапульттеу және аэрофинишерді қолдану арқылы қону стандартымен). Бұл "көрінбейтін" ұшақ шоғыры аз уақыттың ішінде апат салдарынан үш ұшағынан айырылып үлгерді.

Естеріңізге сала кетейік, 2019 жылы Жапония әскери-әуе күштерінің F-35A ұшағы, ал 2018 жылы F-35B Lightning II жойғыш ұшағы америкалық теңіз күштерінің Бофорт (Оңтүстік Каролина штаты) әуе базасының жанында апатқа ұшырады және бұған дейін өрттен бүлінген F-35B ұшағы есептен шығарылды.

Сапа мен бағаның қарама-қайшылығы

F-35 Lightening II жойғыш ұшағын құрған Joint Strike Fighter (JSF) бағдарламасы өткен жылдың қазан айында өзінің жобалық қуатына жетті. Осыған байланысты Lockheed Martin компаниясы мен АҚШ қорғаныс министрлігі 478 F-35 ұшағын сатып алудың орта мерзімді жоспарын жариялады, оның 291-і АҚШ қарулы күштеріне, 127-сі JSF бағдарламасының халықаралық серіктестеріне және 60-ы халықаралық сатып алушыларға арналған. 478 бірліктің жалпы құны шамамен 34 миллиард долларды құрайды.

Сериялардың ұлғаюымен F-35A жойғышының құны (бүгінде бұл шамамен 100 миллион доллар мөлшерінде) біртіндеп төмендейді. Ал 13-ші партиядан бастап 80 миллион доллардан төмен болады. Алайда, мұндай ұшақ құнының төмендеуі сапаның жақсаруына кепілдік бермейді.

Бұған дейін Пентагонға жақын Defense News басылымы F-35 Lightning II ұшағына қатысты "өте қатал" бағалауын жариялады. Қысқаша айтқанда, F-35 ұшағы – 1 минуттан аспайтын уақытта жылдамдығын жеделдете алады. Ал 1 Мах-тан жоғары жылдамдықта 60 секундтан кейін корпусы қызып кететіндіктен, жойылып кетуі қаупі бар. 1,6 Мах-тан кейін ұшақтың артқы бөлігі опырлып түсуі мүмкін.

5-буын жойғыш ұшағының крейсерлік жылдамдығы 1.4 Мах-тан төмен бола алмайтындықтан, F-35 Lightening II ұшағы 4-ші буында тұрып қалды. Машинаның бес өрескел кемшілігі технологиялық тұрғыдан қалпына келтірілмейді және жалпы құны 1,7 триллион доллардан асатын өндірістік бағдарламаға салмақ түсіреді.

2020 жылдың қыркүйегінде F-35 өте қымбат ұшақ деп танылған. Ал бағдарлама алдағы бес жылда 10 миллиард доллар болатын қаржы жетіспеушілігіне тап болды. Қару-жарақ, жанармай, қосалқы бөлшектермен қамтамасыз ету және техникалық қызмет көрсетуді ұйымдастыру саласындағы мәжбүрлі "модернизацияның", қосымша зерттеулер мен әзірлемелердің арқасында F-35 өте қымбатқа түсіп тұр. Алайда, пайдаланылуы ауыр екі моторлы F-22 Raptor ұшағынан гөрі арзанырақ.

Бұл жерде F-22 ұшағының 187 бірлігі құрастырылғанын, ал F-35 ұшағының 3000-нан астам бірлігін шығару көзделіп отырғанын есте ұстаған жөн. Мұндай ұшақтар бейбіт уақытта АҚШ-пен серіктес елдердің және Пентагонның бюджетін орасан шығынға ұшыратады. Қауіп шындыққа жанасады, өйткені F-35 бағдарламасы құнының 75%-і оларды пайдалануға кеткен шығындарға жіберіледі. Олар техникалық қызмет көрсету мен жанармай шығыны бойынша шамадан тыс қойылатын талаптарға байланысты болжанған нәтижеден әлдеқайда жоғары. Яғни, технологиялық әлеуеті "шикілеу" F-35 ұшағының "ұрысқа даярлық" қабілетін үнемін сақтап отыру F-16 немесе F-18 жойғыш ұшақтарына қарағанда, әлдеқайда күрделі әрі қымбат. Оның үстіне жоғары технологиялық қарсыласымен ұрыс қолдану әдісі нөлге тең.

Әскери күшке еліктеу

АҚШ армиясы F-35 Lightening II ұшақтары үшін тиісті талаптарға сәйкес келмейтін 15 мыңға тарта қосалқы бөлшек алған. Бұған қоса, жақын арада туындайтын мәселелерді шешу үшін мұндай ұшақ түріне 70 миллион доллардан астам қаражат жұмсалмақ. F-35 ұшағын пайдалануға кететін шығындардың үнемі өсіп отыруы, "тұтынушының" өндіруші фирманың бағдарламалық қамтамасыз етуіне (жаңартуларына) тәуелділіктің артуы, қосалқы бөлшектерді жеткізуде турбуленттілік деңгейінде тұруы бұл ұшақтың ұрысқа дайын болмауына алып келеді.

Ұшақ тек, теориялық тұрғыда ғана радардан "жалтарып", жаудың қорғаныс тетігіне қатты соққы жасай алады. Шындығында, барлық модификациядағы F-35 жойғыштары қолжетімді биіктікте және жылдамдықта, кез-келген қару-жарақ жиынтығымен ықтимал қарсыластың радиолокациялық станцияларының экрандарында үлкен қашықтықта да "жарқырап" көрінеді. Демек, міндеттерді тұжырымдамалық-технологиялық тұрғыдан орындай алмайды. Соның нәтижесінде олар ұрыс аймағында төмен жылдамдықтағы осал нысанға айналады.

Иранның Ресейде жасалған радиолокациялық станцияларын қолдана отырып, Американың "көзге көрінбейтін" ұшақтарын – Парсы шығанағы аймағындағы екі F-35A эскадрильясының, тіпті Катардағы F-22 Raptor эскадрильясының орналасуын жақсы айқындайтыны белгілі. Тегеран үлкен қашықтықтағы С-300ПМУ-2 әуе қорғаныс жүйесін тиімді сатып алған, ол қуатты радарлар мен зымыран тасығыштарды қамтиды. Иран орналастырған "Резонанс-НЭ" әуе қорғаныс жүйесі де өте тиімді, ол F-35 жойғыштарын ел шекарасына жақын жерден анықтап, қадағалап отырады.

Ресейлік мамандардың радиолокация саласындағы соңғы жетістіктерді ескере отырып жасаған "Резонанс" ұшағы аэродинамикалық әуе нысандарын ("көзге көрінбейтін" жойғыштар мен гипердыбыстық зымырандарды қосқанда) 600 шақырымға дейінгі қашықтықта, 100 шақырымға дейінгі биіктікте анықтауға және "тапсырма беруге" қабілетті. Бұл ретте баллистикалық нысандар "Резонанс-НЭ"-нің көру аймағына 1 100 шақырымға дейінгі қашықтықта түседі. Іс жүзінде Иран Ислам республикасының бүкіл әуе қорғаныс жүйесі шамамен 2017 жылдан бастап Пентагон үшін үлкен "бас ауруына" айналды. Сол себепті ол Тегеран тарапынан бомбаланбайды.

180
Кілт сөздер:
ұшақ, америкалық
Трамп пен Путин

Трамп пен Путин "қазан тосын сыйын" әзірледі

56
Америкадағы президент сайлауы неғұрлым жақын бола түскен сайын, тосыннан шыға келетін факторлар да соншалықты маңызға ие бола бастады

АҚШ-та "қазан тосын сыйы" туралы, дәлірек айтқанда сайлау алдындағы келісімді өзгерте алатын, таразының басын үміткерлердің біреуінің пайдасына шешетін оқиғалар немесе ақпараттар туралы әңгімелескенді жақсы көреді, деп жазады РИА Новости.

"Тосын сый" алдын-ала немесе стихиялы түрде дайындалуы мүмкін. Олар: үміткердің айрықша іс-әрекеті, оны айыптайтын жаңа дәлелдер, табиғи катаклизмге қатысты реакция, сыртқы саяси қадам. Енді екі үміткерге де осындай "тосын сый" қажет – бірақ оларға қатысты айғақ-дәлелдердің тым көп болғаны соншалық, енді "қауіпті Трамп" немесе "жемқорлыққа белшесінен батқан отбасы бар ұйқылы-ояу Байденге" қатысты жаңа айғақтарды ешкім қоса алмайды.

Бірақ америкалықтар президент сайлауы кезінде сыртқы саясатты айтарлықтай деңгейде басшылыққа алмаса да, ол рейтингті толықтыра алады. Президент басқа елдердің басшыларымен, мысалы бітімгер болуға қатысты келіссөздер жүргізе алады. Өткен айда Трамп бұл тәсілді ең алдымен, араб-израиль татуласуына, содан кейін Сербия мен Косово арасындағы келісімге байланысты екі рет пайдаланды. Бірақ мұның бәрінің америкалық сайлаушыға тікелей қатысы жоқ – оларға шынымен, Балқан және Таяу Шығыс не үшін керек?

Дегенмен, Трамп барлық америкалықты көктемнің соңына дейін емес, Рождествоға дейін шығаруға уәде бере отырып, Ауғанстаннан да әскерлердің шығарылуын тездетіп отыр. Мұны орындау мүмкін емес, оның үстіне Рождество 3 қарашадан әлдеқайда кеш келеді. Алайда барлық америкалықты толғандыратын тағы бір нәрсе бар - ол қару-жарақтар, соның ішінде ядролық қару жарысына қатысу. Қауіпсіздік және ақша - ядролық соғыс қаупін және қару-жараққа көбірек қаражат жұмсау қажеттілігін туғызады. Бұл жерде сіз бейбіт аспанға деген алаңдаушылығыңызды көрсете аласыз - Трамп мұны да жақсы көреді, өйткені ол Ким Чен Ынмен кездесулерінің арқасында АҚШ ядролық қаруы бар Солтүстік Кореямен соғыспайтынын, бірақ президент Клинтон болған кезде жағдай басқаша болуы мүмкін екенін бірнеше мәрте айтты. Бірақ ойдан шығарылған "корей қаупі" қазірдің өзінде ұмытылды, енді "қазан тосынсыйы" үшін басқа нәрсе іздеу керек.

Трамп Путинмен келісім жасағысы келді. Алайда оны төрт жылдан бері "Путинмен байланыс орнатады" деп айыптап келе жатыр, соңғы апталарда "орыс ізіне" қатысты әңгіменің бәрі Ақ үйден және Клинтон штабынан шыққан демократтардың арнайы операциясы болғандығы туралы дәлелдерге көбірек тірелуде. Сонымен, қазір Трамп демократтар мен "Вашингтон батпағына" олардың өздерінің "орыс тақырыбын" тықпалап жатыр. Трамп нағыз Путинмен мәміле жасайды, өйткені ол мықты және Путин оны құрметтейді. Трамп орыстармен жасаған келісімшартын америкалықтарға осылай сатқысы келеді.

Біз не туралы айтып отырмыз? Іс жүзінде "жерлегеніне" қарамастан, төрт айға жетер-жетпес уақытта мерзімі аяқталатын СНВ-3 туралы – бірақ оны Трамп "жерледі" емес пе? Иә, Ресей СНВ-3-ті бес жылға дейін созуды әрдайым жақтап келді. Ал Вашингтон бұл оларға тиімді емес екенін және қайта жазу, толықтыру және жалпы үшжақты ету қажет деп мәлімдеді.

Яғни, дәл осы қару-жарақтың Ресей мен АҚШ-қа қарағанда аз екенін көрсете келе, оған стратегиялық шабуылдау қаруын одан әрі қысқарту және шектеу шаралары туралы келісімге қосылуға ниет білдірмеген Қытайды қосу осыны байқатты. Мәскеу Пекиннің бұл ұстанымын толықтай қолдады. АҚШ-тың Қытай туралы барлық ескертпелеріне ол аспанасты елі келіссөздерді мәжбүрлі түрде жүргізбейді деп жауап берді. 

Америкалықтардың екіжақты сипаттағы басқа да талаптары болды, олардың көпшілігі Ресей үшін мүлдем қолайсыз еді. Бірнеше ай бұрын ғана америкалықтар Ресеймен кеңесе бастағанына қарамастан, СНВ-3 келісімшарты ақырындап жойылып барады. Сонымен қатар, олар осы уақыт ішінде бұл келісімшарт олардан гөрі Ресейге көбірек қажет және жалпы, егер Мәскеу Американың талаптарын 3 қарашаға дейін қабылдауға асықпаса, онда оны ұзарту шарттары (яғни, жаңа келісімшарт жасау) одан да күрделі болады деген сыңай танытқан еді.

Ресей мұндай арзан қулықтарға сабырлықпен қарады, шынтуайтына келгенде, екі тарапқа да келісім қажет. Кремль Трампты қол қоюға итермелемеуге тырысқан жоқ, бірақ өткен аптада Владимир Путин Джо Байденнің СНВ-3-ті ұзартуға немесе жаңа келісімшарт жасасуға уәде бергенін еске алды, ал "бұл қазірдің өзінде болашақтағы ықтимал ынтымақтастық үшін өте маңызды элемент".

Осыдан кейін Ақ үйден және Конгресстен шыққан ақпарат бірнеше америкалық басылымдарда "АҚШ президенті Дональд Трамп сайлауға дейін СНВ келісімшартын жасау үшін Ресей тарапының келісіміне үміт артып отыр" деген сипатта жарияланды.

"Трамп әкімшілігі президент Владимир Путин мен Ресей қауіпсіздік кеңесінің төрағасы Николай Патрушевтен АҚШ пен Ресей арасындағы жаңа ядролық келісімшарт жасау туралы келісім алды деп санайды, келісім бойынша жұмыс бір апта ішінде аяқталуы мүмкін. Президент әкімшілігі қызметкерлерінің бірі ұлттық қауіпсіздік кеңесі мен мемлекеттік департаментте шешімдердің ең жоғары деңгейде қабылданғанын айтты. Оның айтуынша, сенаттың халықаралық қатынастар комитетінің кейбір мүшелері мен Капитолий төбесінде орналасқан ұлттық қауіпсіздік жөніндегі жұмыс тобы осы пікірталастардың қорытынды материалдарын алды". Басылым сайлау алдындағы ядролық келісім бойынша жаңа жұмыс кестесі "жоғары лауазымды республикашылдар мен Ақ үйдің кейбір өкілдері үшін тосын сый болғанын" деп атап өтті.

Кремль "Біз ақпарат көздеріне жауап бермейміз, жалған ақпараттар тым көп. Бұл тақырып айрықша өзекті, америкалықтармен байланыс орнатқан кезде бұл біз үшін басымдық болып саналады. Сарапшылар деңгейінде байланыс жалғасуда" дей келе, әрине, ұстамдылық танытты. Трамп айқын тосын сыйды дайындап жатыр. Ол – Путинмен келісім. Бұл ретте оған Мәскеуге ұшып барудың, ал Ресей президентінің керісінше Вашингтонға ұшып барудың қажеті жоқ.

Бәрі екі президенттің бірлескен мәлімдемесімен немесе америкалық келіссөз жүргізуші Маршалл Биллингслидің СНВ-3-ті ұзартудың алдында президенттік меморандумға қол қоюымен ғана шектеледі. Яғни, бұл болашақ келісімнің ауқымын анықтайтын және СНВ-3-ті белгілі бір мерзімге (бес жылдан аз, мүмкін екі-үш жылдық мерзімге) ұзартатынын жариялайтын негіздемелік келісім болады.

Вашингтон мұндай қадамға шынымен дайын ба? Өйткені Биллингсли Хельсинкиде 5 қазанда сыртқы істер министрінің орынбасары Сергей Рябковпен өткен келіссөзде "маңызды ілгерілеушілікке қол жеткізілді" және тараптар келісімге келді деп мәлімдегенде, Рябков америкалық оптимизмге таң қалды.

"Келіссөздер тәсілдерде осындай келісімнің орталық элементтеріне қатысты үлкен айырмашылықтың сақталғанын көрсетті. Негізінде, біз бұдан әрі қарайғы жұмыстың негізгі бағыттары мен параметрлерін анықтау туралы айтуға мүмкіндік беретін қандай да бір негіздемелік келісімге ғана қол жеткізгенімізді мойындаймыз. Бірақ тек осындай нұсқаның бар екенін ғана мойындаймыз. Себебі біз жақында АҚШ-пен келісімге келген жоқпыз, мен мұны айрықша атап өтемін. Америкалықтардың келісімнің табалдырығында тұрмыз деп көрсетуге тырысқаны және аз уақыттың ішінде келісімге қол жеткізіледі деп көрсеткісі келетіні және оларды неге негіздеп отырғаны түсініксіз?"

Алайда, Биллингсли мен Рябков арасындағы кездесу басқа бір кездесудің – 2 қазанда Женевада Ресей қауіпсіздік кеңесінің хатшысы Николай Патрушев пен АҚШ президентінің ұлттық қауіпсіздік жөніндегі кеңесшісі Роберт О'Брайен арасындағы келіссөздердің жалғасы болды. Бұл олардың алғашқы жеке кездесуі (бұған дейін Трамптың кеңесшісі Джон Болтон болатын) болды. Аталған кездесу америкалық оптимизмнің байқалуына оң ықпал етті. Бұл Ресейдің қандай да бір жеңілдіктермен байланысты емес екенін, керісінше екі ел президенттерінің бірлескен мәлімдемесінде СНВ-3-ті ұзарту туралы негіздемелік құжатқа қол қою туралы саяси, тұжырымдамалық келісімге қол жеткізілгендігімен байланысты деп болжауға болады.

Осыдан кейін, Биллингсли мен Рябковтың Хельсинкидегі келіссөздерінде америкалықтар (өздерінің әдеті бойынша) қысым жасау тактикасын жалғастырды. Ал олардың орыстардан біраз жеңілдіктер алуы мүмкін бе? Мүмкін емес. Қазірдің өзінде саяси келісім бар, бірақ ол нақты шарттармен жүзеге асырылады: оған Қытайдың да, келісімнің жаңасын әзірлеу үшін қажет мерзімге дейін ұзартудың да қатысы жоқ.

56
Мызғымас бауырластық оқу-жаттығуы

"Мызғымас бауырластық" жаттығуларының мазмұны мен алғышарттары қандай

27
12-16 қазанда Беларусьтің Витебск аймағындағы "Лосвидо" полигонында 700 әскери қызметшіден, 100-ден аса әскери және арнайы техникадан, оның ішінде тікұшақтар мен дрондардан тұратын "Мызғымас бауырластық-2020" командалық-штабтық жаттығулары өтіп жатыр

Беларусь жерінде Ұжымдық қауіпсіздік туралы шарт ұйымына (ҰҚШҰ) мүше алты мемлекеттің ішіндегі төрт елдің (Беларусь, Ресей, Қазақстан, Тәжікстан) әскери бөлімшелерінің жоспарланған "Мызғымас бауырластық" командалық-штабтық жаттығулары Батыстың әскери және саяси қысымының өсуіне қарамастан, қауымдастықтың бітімгершілік күштерінің ұлттық және ұжымдық мүдделерді тиімді қорғауға дайын екенін көрсетеді.

Жаттығуларға ішкі істер және төтенше жағдайлар министрліктерінің бөлімшелері де тартылды. 

103-ші жеке гвардиялық десанттық бригада полигонда екі негізгі міндетті шешуде. Олар: барлық деңгейдегі командирлер мен штабтардың бітімгершілік операциясының бейбітшілікті сақтау жолындағы жаттығулары және әскерлердің тәжірибелік іс-әрекеттері. ҰҚШҰ ұжымдық бітімгершілік күштері әлеуетінің 20%-і қатысады, олардың жалпы саны шамамен 3600 адамды құрайды. Оқу-жаттығуларға ҰҚШҰ біріккен штабының бастығы генерал-полковник Анатолий Сидоров пен ҰҚШҰ Бас хатшысы Станислав Зась тікелей басшылық етеді.

ҰҚШҰ-ның Беларусьтегі жоспарланған маневрлері одақтас мемлекеттің шекарасына жақын жерлерде НАТО-ның іс-әрекетін күшейту аясында қызығушылық туғызады. ҰҚШҰ-ға мүше кейбір елдерде батыстық "серіктестердің" қатысуымен ішкі саяси проблемалар жасанды түрде шиеленісіп, қызған кезде бітімгершілік жаттығулары ерекше маңызға ие болатыны белгілі.

Бейбітшілік операциясы

Беларусь жерінде "Мызғымас бауырластық" жаттығуын өткізу ҰҚШҰ мемлекеттерінің өздерінің ұлттық және ұжымдық мүдделерін қару-жарақ күшімен қорғауға саяси белсенділігі мен технологиялық жағынан дайын екендігін көрсетеді. Қатысушылардың шектеулі контингенті (700 адам) әскерлердің (ұжымдық күштердің) жауынгерлік ұрыс қимылдарының тиімділігіне күмән тудырмауы керек. Витебск аймағындағы бітімгершілік операциясы карталардағы ұрыс қимылдарына еліктеу емес, ол құрлықтағы және арнайы жасақтардағы қару-жарақтың барлық түрінің қолданылуын, полигон жағдайында соққы беретін авиацияны қамтиды.

Беларусь пен Ресей шекараларына жақын жерде қалыптасқан әскери-саяси конфигурацияда "командирлер мен штабтардың тәжірибелік дағдыларын жетілдіру", "ҰҚШҰ мемлекеттерінің бітімгершілік контингенттерінің жауынгерлік үйлестіруін жақсарту" тәрбиелік элементтері нақты және қолданбалы сипатқа ие. Бітімгершілік күштері атысты тоқтату және халықтың жауапкершілік аймағындағы іс-әрекеттерін бақылау, қақтығыстардан зардап шеккен аумақтарда бейбіт өмірді қалпына келтіруге көмектесу жөніндегі шараларды әзірлейтін болады. ҰҚШҰ-ның ұжымдық бітімгершілік күштері бөлімшелері милициямен (полициямен) бірлесіп, жаппай тәртіпсіздіктерге қарсы тұру міндеттерін де әзірлейтін болады.

Өздеріңіз білетіндей, 9 тамызда Беларусь Республикасында өткен кезекті президент сайлауының нәтижелері Беларусь оппозициясы мен НАТО елдерінің басшылығының көңілінен шықпады. Одақтың шекаралары маңындағы альянстың ішкі саяси толқулары мен жаттығуларының тетіктері толығымен қатар іске қосылды. Мысалы, 11 тамызда Польшада 500 америкалық әскери қызметшінің қатысуымен маневрлер басталды (штатты броньды техникаларда). Латвия аумағында осыған ұқсас жаттығуларды британиялық әскерлер ұйымдастырды. Литвада 3 қыркүйектен 20 қазанға дейін АҚШ-тың 3-ші жаяу әскер дивизиясы 2-ші танк бригадасы бөлімшелерінің жаттығулары өткізіледі, ал бұған дейін республикада "Tobruq Legacy – 2020" халықаралық жаттығулары (25 қыркүйекте аяқталды) өткізілді. Оған Литва, Эстония, Италия, АҚШ, Латвия, Польша, Франция, Словакия және Венгрияның 950-ге жуық әскери қызметшісі тартылды. Оның үстіне, одақтастар маневрге ұшуға тыйым салынған аймақта ұйымдастыруға арналған өздерінің әуе қорғанысы жүйелерін алып келді. АҚШ пен НАТО ашық түрде Беларусьтің қазіргі басшылығын қорқытуға, республикадағы оқиғаларды "түрлі-түсті" сценарийіне қарай бағыттауға тырысуда.

Өзара әрекеттестік күшеюде

"Мызғымас бауырластық" маневрлері тоғызыншы мәрте өткізілуде. Бір жыл бұрын олар Тәжікстан аумағында өтті. ҰҚШҰ құрамына алты мемлекет кіреді: Армения, Беларусь, Қазақстан, Қырғызстан, Ресей және Тәжікстан. Сондай-ақ, 2020 жылғы қазанда қатысушылардың құрамы толық болған жоқ. Армения бөлімшелері Таулы Қарабақтағы қақтығыстың шиеленісуіне байланысты келе алмады. Қырғызстандағы ішкі саяси дүрбелең де Беларуське әскерилерді жоспарлы түрде жіберуге мүмкіндік бермеді.

Сонымен қатар, бұған дейін Армения аумағында қазан айының соңында өткізуге жоспарланған ҰҚШҰ ұжымдық күштерінің "Өзара іс-қимыл-2020" жаттығулары және ҰҚШҰ қарулы күштері барлау бөлімшелерінің "Іздеу-2020" маневрлерінің мерзімі ауыстырылды. Қазіргі уақытта ҰҚШҰ-ға мүше мемлекеттер жаңа географиялық нүктелер мен аталған жаттығулардың өткізілу мерзімін талқылауда. Ұйымның әскерлері мен күштерінің өзара әрекеттестігі Батыстың дұшпандық жоспарлары мен әрекеттеріне қарамастан нығайып келеді.

Осылайша, 11 қазанда Беларусь әскери академиясының әуе қорғанысы бөлімшелерінің мамандары мен әуе шабуылына қарсы қорғаныс факультетінің курсанттары әскери әуе күштерінің және әуе қорғанысының жедел-тактикалық оқу-жаттығуларына қатысу үшін өздерінің С-300 зениттік-зымырандық кешенімен Ресейдің Ашулук полигонына келді.

Бұған дейін, 14-25 қыркүйекте Брест полигонында авиация, жауынгерлік және арнайы техниканың 150-ден астам бірлігін тарта отырып, Беларусьтің 600 әскери қызметкері мен Ресейдің аэроұтқыр әскерлері десанттық-шабуылдау дивизиясының 900 әскери қызметшісінің қатысуымен "Славян бауырластық-2020" Ресей-Беларусь антитеррорлық жаттығулары өткізілді.

Әрине, батыста "Славяндық бауырластық" сынға ұшырағаны анық. Литва айрықша алаңдаушылық танытты. Республиканың қарулы күштерінің жоғарғы бас қолбасшысы Вальдемарас Рупшис бұл шарадан "шабуылдық сипатты" байқаған. Литвада Солтүстік атлантикалық альянстың бірлескен жаттығулары үздіксіз өткізіліп тұратыны да қызық.

Ресей Федерациясының қорғаныс министрлігі бұл маневрлер басқа елдерге қарсы бағытталмаған деп жауап берді. Беларусь президенті Александр Лукашенко: "Олар бізбен санаспайды, біздің сақтық танытуымызға назар аудармайды. Олар қалаған уақытта жаттығу өткізе береді. Сондықтан, біз де айналамыздағы жағдайды шиеленістірмей, өз әскерімізді дайындайтын боламыз", деді.

Бұған дейін, 17-20 тамызда Астрахань облысында ҰҚШҰ ұжымдық күштерінің "Эшелон-2020" арнайы жаттығуына ұйымға мүше мемлекеттердің 1000-ға жуық әскери қызметшісі және ҰҚШҰ біріккен штабының жедел тобы қатысты. 250 техника тартылды.

Ұйымға мүше мемлекеттердің қорғаныс саласындағы өзара әрекеттесу географиясы кеңейіп, әскери топтардың жауынгерлік күш-қуаты артып келеді. Ал НАТО - бұл өте тиімді құрылым, ҰҚШҰ тек "бюрократиялық ұйым" деген қауесет тым әсіреленген.

27
Өрт сөндіруші

Павлодарда көпқабатты үйден өрт шықты

0
Жедел жәрдем көрші пәтердегі балаларды ауруханаға жеткізді. Өрттің алдын ала себебі - темекі шегу кезінде қауіпсіздікті сақтамау

ПАВЛОДАР, 30 қазан — Sputnik. Өрт сөндірушілер көпқабатты үйден егде жастағы әйел, баласы мен көрші пәтердегі балаларды қолға алып шығарды, деп хабарлады Павлодар облысы төтенше жағдайлар департаментінің өрт сөндіру қызметі.

"Жұма күні сағат 12.36-да Жаяу Мұса көшесіндегі 1-ші үйде өрт шыққаны туралы хабар түсті. Сегізінші қабаттағы екі бөлмелі пәтерде жиһаз бен киімдер отқа оранды. Өрт аумағы - 10 шаршы метр", - делінген хабарламада.

Өрт сөндірушілер пәтерден 65 жастағы әйел мен 45-тегі баласын қауіпсіз жерге шығарды. Әйел орта дәрежедегі газбен улану, арқасын күйік шалу және алкогольге улану диагнозымен терапия бөліміне жеткізілді.

Баласы да орта дәрежедегі улану диагнозымен жансақтау бөліміне жатқызылды. Жағдайы ауыр.

Жедел жәрдем көрші пәтердегі балаларды ауруханаға жеткізді. Жағдайлары жақса, үйлеріне жіберілді.

Өрттің алдын ала себебі - темекі шегу кезінде қауіпсіздікті сақтамау.

0
Кілт сөздер:
көпқабатты тұрғын үй, өрт сөндірушілер, Павлодар
Тақырып бойынша
Қала қызыл жалын құрсауында қалғандай: Петропавлда алапат өрт болды – видео
Нұр-Сұлтанда жаңа өрт сөндіру депосы ашылды
Нұр-Сұлтанда тұрғын үйден өрт шығып, екі адам көз жұмды
Түркістан облысында жойқын өрт видеоға түсіп қалды
"Бізді басып озбақ болды": Өрт сөндіру көлігі аударылып, жүргізуші көз жұмды