F-35A Lightning II ұшағы

АҚШ неге F-35 өндірісін кейінге қалдырды?

24
АҚШ қорғаныс министрлігі F-35 Lightning II жойғышының сериялы өндірісін кезекті рет кейінге қалдырды. Жойғыш осыдан төрт жыл бұрын бағындыруы тиіс болған әскери сынақтарға әлі дайын емес

Америка Құрама Штаттары өзінің технологиялық мүмкіндіктерін асыра бағалаған секілді. Сол себепті 2021 жылдың қаңтарында "құны шамамен 1,6 триллион доллардан асатын әлем тарихындағы ең ірі қару-жарақ бағдарламасы модификацияланған F-35 "бесінші буын" жойғыштарының ақауларына байланысты тұралап қалды.

АҚШ-тың қорғаныс министрінің сатып алу және қамтамасыз ету жөніндегі орынбасары Эллен Лорд F-35 Lightning II аппаратының 2021 жылдың наурыз айындағы жоспарланған жаппай өндірісін кейінге қалдырды. Оның басты себебі - техникалық ақаулар. Жойғыштың бірқатар елеулі кемшіліктері бар және ол әуе шабуылына қарсы заманауи қорғаныс жүйелерімен күресте өзінің тиімділігін дәлелдей алған жоқ.

2011 жылдан бастап F-35-тің әртүрлі модификациялары шығарылды да, жойғыш аппарат 2014 жылы ресми түрде қарулануға қабылданды. Бүгінгі күні жоспарланған 3 200 жойғыштың 600-ден астамы құрастырылды. Бірақ Пентагонның F-35 сериялы өндірісі туралы ресми шешімі – бұл күрделі мәселелерді шешуге арналған жойғыштың жауынгерлік дайындығының кепілі, шетелдік тапсырыс берушілер мен америкалық салық төлеушілер үшін "сапа белгісі", сондай-ақ өндіріс тиімділігі мен сатудан кейінгі техникалық қызмет көрсетуді растау болып табылады. АҚШ қорғаныс министрлігінің шешімі мұнда жоқ.

F-35-тің болашағы бұлыңғыр, Пентагон оң шешімін бірнеше жыл қатарынан кейінге қалдырып келеді. Жаңа сайланған президент Джо Байденнің әкімшілігі тағайындаған жаңа мамандар тобы тәуелсіз техникалық сараптама жүргізуге және F-35 сериялы өндірісі туралы шешім қабылдауға әлі бірнеше ай жұмсайды. Айта кету керек, бұл қаруды пайдаланудан шығару 2070 жылға жоспарланған. Фантастикалық жоспар. Тәжірибеде қолдану мамандардың көңілінен шықпай отыр. F-35 Lightning II көп параметрі бойынша бесінші буын аппараты деуге сәйкес келмейді: дыбысқа дейінгі крейсерлік жылдамдық, радарларда көріну дәрежесі, апаттың жоғары деңгейі. Ядролық қаруды тасымалдаушы ұшақты сертификаттау 2023 жылдың қаңтарына жоспарланған. Бірақ, F-35 жойғышының бұған дейінгі барлық сәтсіздіктерінен кейін бұл мерзімді де кейінге шегеруі мүмкін.

F-35 Lightning II ұшағын пайдалану шығындары төртінші буын жойғыштарымен салыстырғанда әлдеқайда жоғары. Бұл мемлекеттік шенеуніктерді "көзге түспейтін қаруды"»көптеп сатып алу қажеттілігінің барына күмәндануға мәжбүрлеп отыр. Алайда F-35 бағдарламасына салынған инвестицияның ауқымдылығы соншалық, оны тоқтату мүмкін емес.

Бұл мақсатқа АҚШ-тан басқа Бельгия, Ұлыбритания, Польша, Италия және басқа елдер де ақша салған. Америкалық Military Watch журналы 3 қаңтарда былай деп хабарлады: батыс әлеміндегі F-35 жалғыз бесінші буын жойғышы "толық жауынгерлік дайындық "аулынан әлі алыс" және ол 2025 жылға дейін жоғары қарқынды соғыс әрекеттері үшін жарамсыз болып қалуы мүмкін".

F-35 өндіріс бағдарламасына жауапты ресми тұлғалар төрт жылдан бері жойғыштың жауынгерлік сынақтарға дайын болатын күнін дәл анықтай алмай отыр. Тіпті "Молния" қарулануының күрделі жүйесін тексеруге арналған симуляциялық орталық та дайын емес. Қосалқы бөлшектердің жетіспеушілігі салдарынан 2020 жылы мердігер өндірісті баяулатқан. Бұған дейін АҚШ Қорғаныс министрлігі екі жүз бірлік "бесінші буын" машиналарынан табылған технологиялық ақауларға (корпустың тат басуынан бастап бағдарламалық жасақтамаға дейін) жаңа F-35 ұшақтарын қабылдаудан бірнеше рет бас тартқан. Пентагон өз баяндамасында F-35-тің қызмет ету мерзімі "2 100 ұшу сағатын құрауы мүмкін" деп атап көрсетті. Бастапқыда бұл жойғыш машина 8 000 ұшу сағаты (қызмет ету мерзімі қырық жылға дейін) есебімен құрастырылған болатын.

Осындай кемшіліктер жиынтығы бар әртүрлі модификациядағы ондаған F-35 жойғыштары шетелдік серіктестерге сатылып, оны сегіз елдің қарулы күштері (соның ішінде АҚШ) пайдаланып жатыр. Ұлыбритания, Греция, Дания, Израиль, Біріккен Араб Әмірліктері, Катар және Жапонияның әуе күштері өздеріне тиесілі "көзге түспейтін" машинаны әлі де күтуде. Мысалы, бір ғана Израиль әскери-әуе күштері 50 бірлік F-35 жойғышына тапсырыс беріп, тағы да жиырма шақтысын сатып алғысы келеді. "Молнияны" басқаруды 1200-ден астам ұшқыш үйренсе, F-35-ке қызмет көрсетуді 10 000 техник оқып шықты. Бұл үшін Lockheed Martin фирмасы F-35A модификациясы үшін бағаны бастапқы 250 миллионнан 80 миллион долларға дейін төмендетуге тура келді. Америкалық маркетинг АҚШ-тағы технология деңгейінен айтарлықтай асып түседі. Сондықтан, "қанатты арман" немесе "Молнияға" жақсы ұшудың қажеті жоқ. Сәтті сатылса болғаны...

F-35 Lightning II машинасының ақаулар топтамасы аппараттың алдағы жылдарда тағдыры ауыр болады деп болжауға мүмкіндік береді. Егер америкалық су жаңа жойғыш технологиялық тұрғыдан бейбіт өмір жағдайында осалдық танытса, соғыс кезінде, мысалы, ресейлік бесінші буындағы Су-57 жойғышымен, С-400 зениттік-зымыран кешенімен немесе радиоэлектронды күрес құралдарымен бетпе-бет келу ол үшін жақсы аяқталмайтыны анық. F-35 Lightning II ащы шындыққа бейімделуі керек.

Америкалық "бесінші буын" жойғышының негізгі кемшіліктерінің саны беске дейін азайды. Дегенмен, бұл құны 80 миллион доллардан 130 миллион долларға дейін баратын машина үшін әлі де көп. Жоғары дыбыс планераны, стелс-жабынды және ұшақтың артқы жағындағы антенналарды жою қаупін тудырады. Алайда, Пентагон Lockheed Martin компаниясыға жау емес. Сондықтан, F-35 жойғышының пайдалану сипаттамаларына аса жұмсартып түзетулер енгізді. Арнайы нұсқаулық әскери-теңіз күштері (F-35B) және теңіз жаяу әскерлеріне (F-35C) арналған модификация үшін 1.2 Махқа дейін жылдамдықты үдету секундтарының санын анықтайды. Конструкциядағы кемшіліктерді осылайша жоюға да болады екен.

Еске салсақ, бұған дейін америкалық F-22 Raptor бесінші буын жойғышын жасау сәтсіз деп танылған болатын. Радио сигналдарды тұншықтыратын жабынның сенімсіздігі, F-22 аппаратының метрлік радарларда көзге түсуі, 750 км дейінгі әрекет ету радиусы, сериялық машинаның өте қымбат бағасы (350 миллион доллар) 2009 жылы жоспардың 25% көрсеткіште бағдарламаны тоқтатуға алып келді. Бұл уақыт ішінде бар-жоғы 187 жойғыш шығарылды. F-22 бағдарламасының "қысқа ғұмыры" қымбат техникалық қызмет көрсетуге де тосқауыл болды. АҚШ Үкіметінің есеп палатасының (GAO) 2020 жылдың 29 қарашасындағы мәліметі бойынша, АҚШ әскери-әуе күштеріндегі F-22 Raptor бесінші буынға жататын негізгі жойғыш ұшағы пайдалану дайындығы жағынан өте нашар ұшақ болып қала берді. Егер, бейбіт уақытта бұл машиналар паркінің жартысына жуығы жұмыс істеп тұрса, соғыс кезінде не болмақ?

F-35 Lightning II жаңа жойғышына қатысты жағдай да дәл осылай қайталанып жатыр. АҚШ үкіметінің есеп палатасы бұған дейін F-35-ке техникалық қызмет көрсету нашар екенін және Пентагонның F-35 аппаратын жөндеу мүмкіндіктері кесте бойынша алты жылға кешігіп келе жатқанын атап өткен. Қорғаныс министрінің орынбасары Эллен Лордтың айтуынша, әскери күш F-35 жойғышын күтіп-баптауға арналған шығындарды көтере алмайды: "Қарулы күштер саласындағы жап-жаңа әрі күрделі жойғышты баптау алдағы жылдардағы басты проблемаға айналады ... және ол әскери дайындыққа кедергі бола беруі де ықтимал".

24
сүңгуір қайық, архив

Ресейдің жаңа субмаринасы жайлы не білеміз?

13
Арнайы мақсаттағы атомдық суасты қайығы корпусының құрылысы аяқталуға жақын. Мұнда гидравликалық сынақтар жақын арада басталуы керек. 2027 жылға дейін Ресей әскери-теңіз флоты бұл кемені алады деп жоспарланып отыр

"Ульяновск" субмаринасы 2017 жылы Севмашта құрастырыла бастады. Оның көлемі "Хабаровск" сұңгуір қайығыныкімен бірдей. Алайда конструкциясында заманауи жүйелер мен механизмдер қолданылды. Military Watch Magazine журналының мәліметі бойынша, бұл кемелер - стратегиялық мақсатта қолданылатын "Борей" зымырандық сүңгуір крейсерлерінің көлемі кішірейтілген конструкциялық "ізбасарлары".

 Адмирал флота Касатонов фрегаты
© Sputnik / Александр Гальперин
"Ульяновсктың" "Хабаровск" пен "Белгородтан" (949А жобасының тәжірибелі тасымалдаушысы) арасындағы түбегейлі айырмашылық су жаңа сүңгуір қайық Әскери-теңіз күштерінің қарауаны бортындағы "Посейдон" термоядролық торпедаларымен бірге қабылдануында болып отыр. Жақын болашақта Ресей Солтүстік және Тынық мұхиты флотының жауынгерлік құрамында екі "Посейдон" тасымалдаушысы болуын жоспарлап отыр. 

Көп нысанды "Посейдон" мұхит жүйесі – НАТО әскерлерінің кеңеюіне және Пентагонның Шығыс Еуропадағы соққы жасау әлеуетінің қауіпті түрде артуына, орыстардың қорғаныс әлеуетін жоюға мүмкіндік беретін АҚШ-тың зымыранға қарсы қорғаныс жүйесінің қалыптасуына Ресей Федерациясының жауабы.

"Посейдон" - бұл Ресейдің Әскери-теңіз күштерінің ең құпия жобаларының бірі. Алайда, бұрын жарияланған болжамды сипаттамалар бірегей ядролық тосқауыл жасау жүйесінің мүмкіндіктерін толық елестетуге мүмкіндік береді.

"Хабаровск" тұжырымдамасының жалғасы және дамуы болып табылатын "Ульяновск" сериялы субмаринасы екі корпусты етіп құрастырылуы мүмкін, оның ұзындығы шамамен 113 метр, толық су сыйымдылығы - 10 мың тоннаға жуық, суға бату тереңдігі 500 метрге дейін жетеді, су астындағы жылдамдығы 30 түйіннен асады. Автономдылығы - 120 күн. Ядролық энергетикалық жаңа қондырғы шексіз қашықтыққа жүзуін қамтамасыз етеді. Экипажы100-ге жуық адамды құрайды. "Ульяновсктың" тұмсық тұсына "Посейдон" термоядролық торпедалары орналастырылуы мүмкін. Сонымен қатар, сүңгуір қайыққа "Калибр-ПЛ" қанатты зымырандары, гипердыбысты "Циркондар" және жаудың торпедалық шабуылын тойтаруға арналған "Пакет-ПЛ" өзін-өзі қорғау жүйесін қабылдай алады.

Көп нысанды мұхиттық жүйе авиатасымалдағыш соққы жасаушы топтардың көзін жоюға, ірі әскери базаларды және қарсыластың жағалау аймағындағы стратегиялық экономика нысандарына соққы жасауға арналған. Сондай-ақ, агрессор елдің аумағына орны толмас зиян келтіргені үшін де қызмет етеді.

09851 және 09853 жобаларының ядролық торпедаларын суасты тасымалдаушылары құпия әрі қуатты, төрт айға дейін үлкен тереңдікте жауынгерлік тапсырмаларды орындай алатын жүйе. Олар дүниежүзілік мұхиттың кез-келген нүктесінде әрекет ете алады. Өз кезегінде, "Посейдон" ұшқышсыз ұшу аппараттары одан бетер қуатты және автономды, соғыс кезінде қолдануда бір міні жоқ қару техникасы.

"Посейдон" ядролық қозғалтқышы бар ұшқышсыз ұшу аппаратының ұзындығы шамамен 20 метр, диамтері 1,8 м, салмағы 100 тонна. Әрекет ету қашықтығы шектелмеген десе де болады. Суға бату тереңдігі 1 000 метр болса, жылдамдығы 100 торап (185 км / сағ). Бұл ықтимал жаудың барлық заманауи торпедалары үшін қол жетпейтін параметрлер. Сонымен қатар, термоядролық оқтұмсықты суасты көліктің компьютерлік интеллекті бар және тасымалдаушыдан бірнеше мың шақырым қашықтықта дербес әрекет етуге қабілетті. Ұшқышсыз ұшу аппараты жағдайға қарай тереңдікті және жылдамдықты таңдай алады. Сондай-ақ, максималды жылдамдық кез-келген қауіптен қашып құтылуға мүмкіндік береді. Мұндай нысанды гидроакустика арқылы іздеп табу мүмкін емес.

"Посейдон" теңіз түбіндегі рельефті басшылыққа ала отырып, 10 мың шақырымға дейін қозғала алады. Ал белгіленген нүктеде су түбіне тоқтап, бірнеше ай бойы жауынгерлік пайдалану туралы сигналды немесе базаға оралуды күте алады. "Посейдонның" жауынгерлік бөлігінің қуаты тротильді эквивалентте 100 мегатоннаны құрайды. Сонымен қатар, кобальт секциясы бар оқтұмсық аумақты максималды радиоактивті ластауға арналған.

Мұндай мәліметтер Ресеймен күш сынаспақ болған "серіктестер" үшін арнайы ашық дереккөзде таралғаны белгілі. Атомдық тасымалдаушы субмариналар мен стратегиялық торпедалардың мүмкіндіктері жауап ретінде жойқын ядролық соққы жасауға мүмкіндік береді.

Жоспарға сәйкес дүниежүзілік мұхитта орналастырылған төрт тасымалдағыш субмарина кез-келген қарсыластың жағалаудағы қорғанысын тып-типыл етіп жоя алатын, әскери-теңіз флотының авиатасымалдағыш соққыларына төтеп бере алатын және Forbes бағалауы бойынша, "Американың шығыс немесе батыс жағалауын жермек-жексен ете алатын" 24 "Посейдонды" білдіреді.

Вашингтон өзінің агрессияға толы сыртқы саясатына сүйеніп, әскери-теңіз күштеріне басымдық беріп отыр, ол шетелдік базалардың үлкен желісіне сеніп, ғаламшарды басқаруға тырысуда. Ресей де бұл әрекеттерден теңізде тек стратегиялық және көпнысанды субмариналармен ғана қорғанайын деп отырған жоқ.

Жалпы, америкалықтар сарапшылар да "Посейдон" зымыран шабуылына қарсы қорғаныс жүйелері мен крейсерлердің тоқтаусыз құрылысына, АҚШ-тағы сүңгуір қайықтардың жаппай шығарылуына Ресейдің жауабы екенін жақсы түсініп отыр.

Америкалықтар "Посейдонның" пайда болғанына біршама алаңдап қалды. Әскери қақтығыс кезінде бұл қаруды қолдану халықаралық құқық нормаларына сәйкес келеді ме деген сауал оларды қатты толғандырып жүр. Бұл риторикалық сауал.

Ресейлік "Посейдондар" АҚШ-ты қос мұхит кепілдендіріп тұрған қауіпсіздіктен ажыратып отыр. Термоядролық қондырғымен жабдықталған "ақылды" суасты дрондары кез-келген қарсыласты бейбітшілікке мәжбүрлеп, келіссөздер жүргізуге "ынталандырады". Алайда, америкалықтар қомақты бюджет қаражатын жұмсап, бұл крейсерлерге қарсы төтеп бере алатын жаңа субмаринаны әзірлей алады. БІРАҚ, Ресей Федерациясынан көш кейін қалып келе жатқан АҚШ әскери технологиясы бұл жоспарды орындауы екіталай.

Қалай болғанда да, ядролық энергетикалық қондырғысы бар ресейлік стратегиялық құрлықаралық терең суларға арналған аппараттың болашағы зор. Ал, Мәскеу өзінің гуманистік ұстанымымен ең "қолайсыз" серіктестерімен де тең және бейбіт келіссөздерге жүргізуге дайын.

13
С-400 зениттік зымыран кешені

Тағы бір мемлекет С-400 кешенімен қайта қаруланбақ

31
С-400 зениттік зымыран кешендерінің бейбіт экспанциясы Еуразияның жаңа елдерін "жаулап" жатыр. Қытай, Түркия, Үндістаннан кейін Беларусь Республикасының әскери-әуе күштері мен әуе шабуылына қарсы қорғанысы "Триумфтармен" қайта қаруланады

Ирак, Катар және Марокко да (Африка құрлығының солтүстік-батысы) С-400 жүйелерін сатып алуға кірісіп жатыр. С-400 зениттік зымыран жүйелерін ғаламшардың әрбір елінде сәтті ілгерілетудің негізі – оған ұқсас баламаларының болмауы, бірегей соғыс сипаттамалары.

14 қаңтарда Беларусь Республикасы Қарулы Күштері әскери-әуе күштері мен әуедегі шабуылға қарсы қорғаныс күштерінің қолбасшысы генерал-майор Игорь Голуб әуе шабуылына қарсы қорғаныс бөлімшелері АҚШ ӘӘК F-22 және F-35 бесінші буын жойғыштарының әскери мүмкіндіктерін ескере отырып әзірленген С-400 "Триумф" жүйелерімен қайта қаруланатыны туралы мәлімдеді.

Сонымен қатар, әскерлерде "Панцирь-С" зениттік зымыран-зеңбірек кешенін (ЗЗЗК) игеру бойынша келісімшартқа дейінгі жұмыстар жүргізіліп жатыр. Ресейде шығарылған СУ-30СМ жойғыштарының екінші партиясын және МИ-35 көп нысанды шабуылдаушы тікұшақтарын жеткізуге арналған келісімшарттар жасалды.

Беларусь әскері 2021 жылы "Противник-Г" и "Восток" жаңа радарларын қабылдайды. Бұған дейін Ресей Федерациясында әзірленген үш координатты трассалық S-диапазонды радиолокациялық кешен елдің әуе кеңістігін қорғау үшін жауынгерлік кезекшілікті қабылдады. Батыс санкциялары мен экономикалық қиындықтар Ресейді Беларусь әскерінің жалғыз қару-жарақ жабдықтаушысына айналдырды.

Беларусь Республикасының аспаны кез-келген агрессор үшін алынбас қамалға айналғалы отыр. ӘӘК мен ӘШҚ әскерлері Сирияда, Ливияда және Таулы Қарабақта қарсыластың зымыран қару мен ұшқышсыз ұшу аппараттарын қолданған жағдайларды ескере отырып, күрделі әәскери мәселелерді шешуге дағдыланып жатыр.

Ресеймен арадағы белсенді әскери-техникалық ынтымақтастық әлемнің 50 елінің, оның ішінде жеті ТМД елінің қауіпсіздігі мен егемендігін нығайтып отыр. Шетелдік мамандар Ресей Федерациясында шығарылған әскери ұшақтар мен әуе шабуылына қарсы қорғаныс жүйелерін жау әрекеттерінен қорғанудың ең тиімді құралы деп санайды.

Қытай С-400 "Триумф" зениттік зымыран жүйелеріне тапсырыс берген алғашқы шет мемлекет болды. С-400 ЗЗК екі полк жиынтығын жеткізуге арналған Ресей-Қытай келісімшарты туралы 2014 жылдың қарашасында белгілі болды. Мұндай бір жиынтықтың құрамында мобильдік басқару пункті, іске қосу қондырғыларының екі дивизионы, радиолокациялық станциялар және 120-дан астам екі түрлі зениттік басқарылатын жаңа зымырандар бар. Қытайда "Триумфтардан" алғаш рет сәтті оқ ату 2018 жылдың желтоқсанында жүзеге асты. Осы кезде аталған жүйе 250 шақырым қашықтықтағы 3000 м/с жылдамдықпен ұшқан баллистикалық нысанды дәл көздей алды.

2019 жылдың желтоқсанында Қытай ЗЗК жүйелерінің екінші полк жиынтығын алды. Қытайлықтар Ресей "Триумфтарының" басты артықшылығы олардың 400 шақырымға дейінгі қашықтықта әрекет ете алуы деп санайды. Сондай-ақ, жаудың қашықтықтан радиолокациялық анықтау ұшақтарын жою мүмкіндігі де ерекше назарға ілінген. С-400 жүйелері ҚХР айналасындағы даулы аймақтарды сенімді басқаруға мүмкіндік береді.

Ресей мен Түркия 2017 жылы С-400 Триумф" ЗЗЖ жеткізу туралы келісімге келді. Келісімшарт бағасы 2,5 миллиард долларды құрады. Бұл АҚШ-Түркия қарым-қатынасында күрделі шиеленіс тудырды. Анкараны санкциялармен қорқытып, Түркияны америкалық F-35 жойғыштарының өндірістік бағдарламасынан шығарып тастаймын деп қоқан-лоқы жасаған Вашингтон түріктердің осы келісімшарттан бас тартып, оның орнына америкалық Patriot кешендерін сатып алуды талап етті. Алайда, Анкара АҚШ-тың бұл талаптарын орындаған жоқ және 2019 жылдың жазында С-400 зениттік зымыран жүйелерінің төрт дивизиясын алды (бірінші жиынтық).

Түркия екінші жиынтықты да алуға және елдегі маңызды нысандарды қорғаудың сенімді ӘШҚ жүйесін қалыптастыруға ниеттеніп отыр. Анкараның маңына орналастырылған С-400 жүйесі сынақ барысында радиолокациялық жүйе әрекет ететін аумақта F-16 Fighting Falcon жойғышын анықтай алды. Яғни, әуедегі нысандарды анықтау және олардың көзін жою автоматты режимде орындалатын соғыс кезінде ресейлік "Триумф" Анкарадан 400 километр қашықтықта F-16 Fighting Falcon жойғыштарының күл-паршасын шығаруға қабілетті. 2020 жылдың маусымында аталған кешеннің екінші жиынтығын жеткізуді көздейтін кезекті келісімшарта қол қойылды.

Ресей мен Үндістан С-400 бес полк кешенін жеткізуді қарастыратын және құны 5,43 миллиард долларды құрайтын келісімшарт жасасты. Делидегілер АҚШ-тың наразылығына көңіл аударатын кейіпте емес. The Times of India басылымының мәліметі бойынша, ресейлік "Триумфтер" Үндістанның батыс, солтүстік және шығыс өңірлеріне орналастырылады. Бұл елдің әуедегі шабуылға қарсы қорғаныс жүйесіндегі революцияға айналмақ.

С-400 зениттік зымыран кешенін пайдалану мен соғыста қолдануды үйрену үшін үнділік 100 маманның бірінші тобы 2021 жылдың қаңтар айының аяғында Ресейге келеді. Үндістан "Триумфтардың" алғашқы полк жиынтығын 2021 жылдың соңында пайдалануға қабылдайды деп жоспарлануда. 2025 жылға дейін Ресей С-400 ЗЗК жүйелерінің барлық бес полк жиынтығын жеткізеді деп көзделіп отыр.

Қазір Марокко, Катар, Ирак "Триумфты" сатып алу туралы келіссөздер жүргізіп жатыр. Бұған дейін Алжир, Вьетнам, Египет, Сауд Арабиясы және тағы 12 ел Ресейдің С-400 зениттік зымыран кешенін сатып алуға қызығушылық білдірген болатын.

31
Құбырдан аққан су

Қостанай облысында су мұнарасы опырылып құлады

0
(Жаңартылды 09:31 27.01.2021)
Нысанның не себепті ортасынан опырылып түскені әзірге белгісіз. Аудан басшысы су желісін қайта қалпына келтіру үшін кемінде екі ай қажет дейді

НҰР-СҰЛТАН, 27 қаңтар – Sputnik. Қостанай облысының Аманкелді ауданындағы Байғабыл елді мекенінде су мұнарасы құлап, ауыл тұрғындары сусыз сергелдеңге түсіп отыр, деп хабарлайды AstanaTV арнасы.

Ал нысанның тұрғызылғанына алты-ақ жыл болған екен.

Ауылға орталықтандырылған су желісін тартуға 156 миллион теңге жұмсалған. 2014 жылдан бері тәулік бойы тоқтаусыз ауыз су пайдаланып келген бұқара енді тығырыққа тірелді.

Қазір ауылда тәулігіне 4 сағат қана су беріледі. Жергілікті билік осылайша тұрғындарды мүлдем сусыз қалдырмаудың қамына кіріскен.

Оқи отырыңыз: Қостанайда су құрамы қауіпті бұлақ көздері анықталды

Ал су мұнарасы құлаған күні қатты жел болмаған. Нысанның не себепті ортасынан опырылып түскені әзірге белгісіз. Аудан басшысы су желісін қайта қалпына келтіру үшін кемінде екі ай қажет дейді.

"Арнайы комиссия келіп тексеріп қарады. Бірақ ешқандай тұжырым жасаған жоқ. Не себепті құлағанын ешкім айта алмайды. Қазір оның себебін білу үшін темірін кесіп алып сараптамаға береміз. Содан кейін ғана белгілі болады. Біз үшін қазір халықты сумен қамтамасы зету басты мақсат. Сол бағытта жұмыс істеп жатырмыз", – деп атап көрсетті аудан әкімі Әмірхан Асанов.  

0
Кілт сөздер:
Қостанай облысы, су
Тақырып бойынша
Ауылдағы ауыз су бағасы өзгереді – заң президентке жіберілді
Қапшағай мұз құрсауында – су қоймасының таңғажайып видеосы
Нұр-Сұлтанда көпір құлады – фото
Су кодексіне түзету енгізілді: Тоқаев заңға қол қойды
Оралда шомылатын ойықтан су алмақ болған ер адам көз жұмды