АҚШ-та жасалған Patriot зениттік-зымыран кешені

Хуситтер Сауд Арабиясына соққы жасады

65
Американың әуе шабуылына қарсы жүйесінің технологиялық және концептуалдық дағдарысы жаңа фактілермен расталып отыр. Үш тәуліктің ішінде Йемен Сауд Арабиясына баллистикалық зымырандармен соққы жасады

АҚШ өндірісінің Patriot зениттік зымыран кешендері бар позициялық аудандар кезекті рет хуситтердің зымырандық шабуылдарына жауап қатпады.

Саудтықтардың соққыларына йемендік көтерілісшілер 23 және 26 қаңтарда баллистикалық зымырандардан оқ ату арқылы жауап берді. Түрлі ақпарат көздері бойынша, бұл зымырандар жергілікті немесе ирандық өндіріс бұйымы болып саналады. Орташа қашықтыққа ұшуға арналған барлық төрт зымыран шамамен 1000 километрді, Patriot  кешендері орналасқан алты ауданды еңсеріп, соңғы сәтте ғана Эр-Рияддың шеткі аймағында THAAD жүйелерімен тосқауыл қойылды. 26 қаңтарда БАҚ ел астанасының аспанында баллистикалық зымырандардың бірі көзі жойылғанын және дипломатиялық орамда жарылыс болғаны туралы хабарлады. Осылайша, жақында ғана әуедегі шабуылға қарсы қорғаныс аудандарын қосымша Patriot ЗЗК-мен "нығайту" тиісті нәтиже берген жоқ.

2020 жылдың 23 қарашасында хуситтер Сауд Арабиясының Джидда қаласындағы Saudi Aramco мемлекеттік мұнай-газ компаниясының тарату станциясына Quds-2 зымырандарын бағыттады. 2019 жылдың желтоқсанында Йеменнен іске қосылған зымырандық шабуылмен Наджран провинциясындағы әскери лагерьді қиратты. Сол жылы қыркүйегінде көтерілісшілер Сауд Арабиясының бірқатар нысанына қанатты және шабуылдаушы зымырандармен соққы жасап, Сауд Арабиясын мұнай өндірісінің 60%-інен уақытша айырды. Хуситтер 2019 жылдың тамыз айында Джизан әскери әуежайына баллистикалық зымырандармен шабуыл жасады. Осы аталған оқиғалардың барлығында Patriot ЗЗК негізінде құрылған әуе шабуылына қорғаныс жүйесі Сауд Арабиясының нысандарын әуе шабуылдарынан қорғай алмады.

Көпнысанды (әмбебап) Patriotзениттік зымыран кешені позициялық аудандардың зымыранға қарсы қорғанысына, аэродинамикалық нысандарды анықтау және жоюға арналған. Нысанды соғыс жағдайында дөп тигізіп құлату ықтималдылығы – шамамен 50% (әрқайсысына кемінде екі зымыран керек). PAC-1 және PAC-2 модификациясындағы Patriot ЗЗК жарықшақты әскери бөлігі оқ тиген күннің өзінде де Р-17 немесе "Скад" сынды тозығы жеткен баллистикалық зымырандардың да көзін жоя алмайды. Patriot ЗЗК-ның бір батареясы шамамен 600 миллион доллар тұрады.

Өткен жылдардағы әскери қақтығыстарда Patriot кешені онымен америкалық мамандардың жұмыс істеуіне қарамастан жеңіліс тауып жатыр. Пентагонның мәліметінше, 2020 жылдың қаңтарында Иранның зымырандық соққыларынан Ирактағы америкалық 100-ден астам әскери көз жұмды. АҚШ-тың шетелдегі әскери базасында әуедегі шабуылға қарсы қорғаныс жүйесі мүлде жоқ дегенді елестету қиын. Біз технологиялық дағдарыстың куәсі болып отырмыз. Patriot ЗЗК-ны модернизациялау мүмкіндіктері таусылды, оның кострукциясы концептуалды тұрғыдан ескірді.

Израильдің зымыранға қарсы қорғаныс ұйымының экс-басшысы Узи Рубин америкалық зениттік зымыран жүйесінің Сауд Арабиясындағы бұл осалдығын Patriot көкжиек үстіндегі нысандарды ғана көретінін және төмен ұшатын жүйелерді анықтай алмауымен түсіндірді. Рубин төмен ұшатын, тіпті, жер бетіндегі нысандарды да тып-типыл етіп жоятын ресейлік "ПанцирьС-1" зениттік зымырандық-зеңбіректік кешенін сатып алуды ұсынды. Эр-Рияд бұл ақылға құлақ түріп, қазір АҚШ-тың тыйым салуына қарамастан, Сириядағы соғыс жағдайында сынақтан өткен ресейлік ЗЗЗК-ны сатып алу мәселесі қарастырылып жатыр.

АҚШ Мемлекеттік департаменті бұған дейін Сауд Арабиясына құны 15 миллиард долларды құрайтын THAAD жүйелерін (44 қондырғы, 360 зымыран және жеті радар) жеткізуді мақұлдаған. Бір кешенге радар, алты іске қосу қондырғысы және 48 зымыран кіреді. Алайда сатып алу қауіпсіздікке кепілдік бермейді.

Американың зымыранға қарсы заманауи THAAD әзірлемесі нысанның көзін жою үшін аппараттық блоктың кинетикалық энергиясын қолданады. Дәстүрлі оқтұмсығы жоқ, бір зымыранмен траекториясы берілген дәлдіктегі бір ғана нысанды жоюға болады. THAAD кешенінің дәлдеу қашықтығы 200 километрге дейінгі қашықтық. Бірақ ол аэродинамикалық нысандармен, яғни ұшқышсыз ұшу аппараттары және қанатты зымырандармен соғысуда тиімді емес.

2014 жылдан бері Йеменде үкіметтік күштер мен шейіттердің "Ансар Аллах" қозғалысынан шыққан хуситтік көтерілісшілері арасында азаматтық соғыс жүріп жатыр. 2015 жылдың наурыз айынан бері Сауд Арабиясы бастаған араб елдерінің әскери коалициясы үкімет күштеріне қолдау көрсетуде. Ал хуситтерге шейіттік Иран көмектесіп жатыр.

"Ансар Алла" шейіттік қозғалысының жоғарғы саяси кеңесі Йемен аумағының 20 %-не иелік етеді. Мұнда елдегі халықтың 70%-і тұрады. Хуситтердің тұрақты орын алмастыруға арналған әскери базалары жоқ. Араб коалициясының ұшақтары олардың көзін жоя алады. Көтерілісшілер жасағы таудағы үңгірлер мен жер асты түнелдеріне тұрақты орын ауыстырып тұрады. Хуситтердің қолдан жасаған жағалаудағы зымыран кешендері қарсыластың өз кемелерін елеулі қашықтықта ұстауына себепші болып отыр.

Сауд Арабиясы батыс өндірісінің заманауи қару-жарағын пайдаланса, йемендік көтерілісшілер ирандық қаруды кәдеге жаратуда. Сондай-ақ, оларды С-75 зениттік зымыран жүйелерінің модификациясы – баллистикалық Qaher M-1 мен Qaher M-2 бар.

Ауқымды қаражатқа сатып алған заманауи қаруы бар Сауд Арабиясы жеңіске жететініне сенім болғанымен, іс жүзінде йемендік көтерілісшілердің тұрақты әрі дөп тиген соққыларынан Эр-Риядты THAAD заманауи мобильдік жүйесі де қорғай алмай тұр.

65
суасты қайығы, архив

"Посейдон" Тынық мұхитқа шығуға дайындалып жатыр

55
Әскери-өнеркәсіптік кешендегі ақпарат көзі 5 сәуірде теңіздегі ұшқышсыз ұшу аппараттарының тасымалдаушысы "Посейдон" – 09852 жобасының эксперименттік атомдық суасты қайығы "Белгород" реакторы іске қосылғанын хабарлады

Субмарина сынағы қыркүйекте аяқталып, ол мұхиттағы қызметіне кіріседі. Қазір кеме құрылысының, монтаждау мен реттеу жұмыстарының сапасы, жүктеме кезіндегі бас энергетика қондырғысы, қауіпсіздік жүйесі тексеріліп жатыр.

"Посейдон" тасымалдағышы тұрақты үрде Тынық мұхиты флотындағы базалардың біріне орналастырылады. Алайда эксперименттік суасты қайығы әлем мұхитының кез келген нүктесіндегі міндеттерді орындай алады. Ресейдегі 2027 жылға дейінгі мемлекеттік қарулану бағдарламасы бойынша РФ осы сынды үш сүңгуір кеме салуды жоспарлап отыр.

Ресей президенті Владимир Путин "Посейдон" жүйесін әзірлеу туралы алғаш рет 2018 жылы жариялады ("Белгород" 2019 жылдың 23 сәуірінде суға жіберілді). Путин авиатасымалдағыш топтар, жағалау бекіністері мен қарсыластың инфрақұрылымы секілді мақсаттардың кең спектрін атап өтті. РФ президенті осындай құралдар арқылы "бірполярлы ойынның" ережелерін өзгертуге уәде берді. Сол шақта АҚШ шенеуніктері жаңа қаруға үреймен қарап, оны "техникалық тұрғыдан мінсіз" деп атады. Бүгінгі күні АҚШ-тың Мемлекеттік департаменті 2М39 "Посейдон" континентаралық ядролық торпеданың пайда болуына ерекше алаңдаушылық білдіруде. 

09852 жобасының "Белгород" көпнысанды атомды суасты қайығы "Посейдон" жүйесі үшін арнайы бейімделген үшінші буынға жататын "Антей" 949А жобасының эксперименттік "реинкарнациясы" болып отыр. "Антейлер" о баста "Гранит" кемелерге қарсы зымырандарының тасымалдағыштары болатын. "Посейдон" – ұстап тұруға және тосқауыл болуға арналған ауқымды құрал. Терең суларда жүзуге қабілетті және ядролық энергетикалық қондырғысы бар стратегиялық континентаралық аппарат 1000 метр тереңдікте 100 торапты жылдамдықпен (185 км/сағ астам) 10 мыңға дейінгі жылдамдықты еңсере алады. Сынақтар кеменің мінсіз сипаттамаларын растады. Автономды "Посейдон" ықтимал қарсыластың субмариналары, торпедалары мен зымырандары үшін қолжетімсіз тереңдік пен жылдамдықта қозғала алады. Мұндай торпеданы мұхитта анықтау мүмкін емес. Ол төмен жылдамдықта дыбыссыз жүзе алады.

Автономды басқару жүйесі суасты қайықтарына қарсы қорғаныс жүйелерін анықтауға және тойтарыс беруге қабілетті. Ол қарсылас нысандарына қатысты дәлдік пен жойқын зиян келтіруге кепілдік бере алады. Ұзындығы 24 метр және диаметрі шамамен 1,6 метр болатын ядролық қозғалтқышы бар аппарат қарапайым немесе мегатонналық оқтұмсықпен жабдықталуы мүмкін. Мұндай қару тек Ресейде бар. 

Біраз бұрын АҚШ бастаған ұжымдық АҚШ НАТО әскерін шығыс аймаққа орналастыру және Шығыс Еуропада ЗҚҚ жаһандық жүйелерін құру арқылы Ресейдің стратегиялық ядролық күштерінің әлеуетін жоққа шығаруға тырысты. Олар тіпті "Томагавктер" мен орташа қашықтыққа ұшатын басқа да зымырандарды Ресей шекарасына жақын орналастырды. "Посейдон" континентаралық жүйесі "әріптестердің" есін жиғызды. Сондықтан бұл торпеда Американың стратегиялық қолбасшылығын (STRATCOM) 2019 жылдың ақпанында жүргізілген ерте сынақтар кезінде-ақ алаңдатып үлгерді. Конгресс тыңдалымында STRATCOM басшысы Джон Хайтен "Посейдонды" қаруланудың жаңа жүйесі ретінде СШҚШ келісімшартымен шектелмейтінін мәлімдеп, АҚШ-та оның баламасы әзірленіп жатпағанын еске салды.

"Белгород" алғашқы эксперименттік аппаратқа айналады. Континентаралық ұшқышсыз ұшу аппараттарының қалыпты тасымалдағыштары тобы "Хабаровск" (098531 жобасы) атомды сүңгуір қайығы бастайды. Субмаринаның негізгі сипаттамалары құпия сақтаулы. Ащық дереккөздердегі мәліметке сүйенсек, кемеге жаңа ядролық энергетикалық қондырғы орнатылған және ол алты ұшқышсыз ұшу аппаратын тасымалдай алады. Су сыйымдылығы шамамен 10 мың тонна болатын кеменің экипажы кемінде 100 адамнан тұрады. Ол корпусы бойынша "Борей" стратегиялық зымыран тасымалдағышына ұқсас.

Еске салсақ, орта және шағын қашықтыққа ұшатын зымырандардың көзін жою туралы келісімшарттан Ресей емес АҚШ бірінші болып шығып кетті де, 2020 жылы әскери бюджетті 750 миллиард долларға дейін ұлғайтты. Бұл басқа елдердің қорғаныс саласыдағы шығындарын біріктіргенде ғана қол жететін көрсеткіш.

55
Қашықтық авиациясының перспективалы авиациялық кешенінің нобайы (ҚА ПАК)

Ресейлік "стратег" зымыран қашан пайдалануға берілетіні белгілі болды

76
Ресейдің жоғары технологиялы жауынгерлік авиациясы заман талабына сай дамуда. Жаңа буынға жататын стратегиялық бомбалаушы зымыран тасымалдағыш әлеуетті қарсыластың сын-қатеріне төтеп беруге қауқарлы

НҰР-СҰЛТАН, 6 сәуір – Sputnik. Ресейдің қорғаныс министрлігі "Туполев" әзірлемесі бойынша стратегиялық бомбалаушы-зымыран тасымалдағыштың соңғы кескінін бекітті. Мамандар ұшақтың көзге түсу деңгейін мейлінше төмендетуге тырысып, қуатты зымыран қаруына басымдық берді. Қашықтық авиациясының перспективалы авиациялық кешеніне (ҚА ПАК) дыбысқа дейінгі жылдамдық мүмкіндігі орнатылып, ұшу ұзақтығы арттырылады және фюзеляжішілік қарулану қарастырылады. Жаңа буын  "Стратегі" мемлекеттік қарулану бағдарламасы аяқталғанға дейін 2027 жылы қарулануға қабылданады деп жоспарланып отыр. ҚА ПАК Ту-160, Ту-95МС және Ту-22М3 сынды қашықтық авиациясының "ардагерлерінің" орнын басады.

Қорғаныс-өнеркәсіп кешеніндегі ақпарат көзіне сүйенсек, бомбалаушы-зымыран тасымалдағыш "ұшатын қанат" аэродинамикалық сызба бойынша дайындалған. Оның борттық жабдығы мейлінше автоматтандырылған. Ұшақ "әуе-әуе" зымырандарының кең спектрін қолдана алады және ұшқышсыз ұшу аппараттарының тобын басқара алады. Қазір Казань авиация зауытында бірнеше ҚА ПАК тәжірибелік үлгілерін құрастыру жалғасып жатыр.

Су жаңа "стратегтің" арнайы макеттері мен толық көлемді элементтері радиолокациялық көзге түсу деңгейі бойынша стендтік сынақтан сәтті өтті. Бұл сынақ ұшақтың НАТО елдерінің әуедегі шабуылынан қорғаныс жүйелерінен көзге түспей өтуге қабілетті екенін дәлелдеді.

Оқи отырыңыз: "Сармат" зымыранының сынағы қашан басталады

"Туполев" кәсіпорнының басшысы Александр Конюхов 2019 жылы ҚА ПАК-тың алғашқы үлгісін іске қосу 2021-2022 жылдарға белгіленіп отырғанын айтқан болатын. Сондай-ақ Ресейдің қорғаныс министрінің орынбасары (қазір вице-премьер) Юрий Борисов алғашқы ұшу 2025-2026 жылдарға, ҚА ПАК-тың сериялы өндірісі 2028-2029 жылдарға жоспарланып отырғанын мәлімдеді. Алайда ұшақты 2026 жылы қарулануға қабылдау туралы сөз қозғалғанына қарағанда жобаны іске асыру қарқынды жүріп жатыр. Бұл тездету әскери-саяси жағдайдың шиеленісуіне байланысты болып отыр.

Мызғымас беріктік

Ресейлік қашықтық авиациясы Сирияда конвенциялық оқ-дәрі мен дәлдігі жоғары қаруды қолдануды сәтті игерді. Әйтсе де стратегиялық бомбалаушы-зымыран тасымалдағыштардың басты міндеті – ядролық триаданың тиімділігін, сенімділігін және беріктігін арттыру. Дәл осы мақсатта Ту-160М2 зымыран тасымалдағышының өндірісі қайта жаңғыртылды. Ықтимал қарсылас ешқашан триаданың жердегі, теңіздегі және әуедегі компоненттерін алғашқы соққымен жоя алмайды. ҚА ПАК авиациясын қолдану ядролық ұстап тұру жүйесіне қандай жаңашылдықтар алып келеді?

Ресей Федерациясының қорғаныс министрлігіне қолданыстағы Ту-160 (1984 жылдан бері шығарылады), Ту-95МС (1958 жылдан бері өндірісте), Ту-22М3 (1969 жылдан бері шығарылады) сынды үш зымыран тасымалдағыштың функцияларын атқаратын, бірақ Ту-160 машинасынан қымбат тұрмайтын сапалы жаңа ұшақ қажет. Бұған дейін "ұшатын қанат" конструкциясы қашықтық мүмкіндіктерін едәуір арттыруға және жүк көтергіштігін ұлғайтуға мүмкіндік беретіні туралы ақпарат тарады.

Ұшудың максималды ұзақтығы 30 сағаттан асады. Қосымша жанармай құюсыз ұшу қашықтығы - 15 мың шақырым. Кейбір болжамдар бойынша, ҚА ПАК шамамен 35 тонна пайдалы жүкті көтере алады. Салыстыру үшін айтсақ, B-2 Spirit америкалық стратегтің жүк көтергіштігі 27 тоннаға дейін болса, ресейлік Ту-160 "Белый лебедь" 45 тоннаға дейін. Логикалық тұрғыдан алғанда жаңа "стратегтің" арсеналы Ту-160 ұшағынан кем түспеуі керек.

ҚА ПАК үшін арнайы жаңа турбореактивті қозғалтқыш дайындалып жатыр. Әзірлеу жұмыстарын 2018 жылдан бастап біріккен қозғалтқыш жасау корпорациясы жүргізіп келеді. БАҚ материалы бойынша, ұшу салмағы 125 тоннадан астам болуына баланысты бомбалаушы ұшаққа төрт қозғалтқыш орнатылады. Бұл бағыттағы сынақтар жақын уақытта стендте және Ил-76 ұшатын зертханасының базасында өтеді.

Конструкциясы бойынша ҚА ПАК қазір қолданыста бар қашықтықтан бомбалаушы ұшақтардан айтарлықтай ерекшеленеді. Мұнда заманауи және перспективалы материалдар, жаңа технологиялар қолданылған. Соның ішінде көзге түсу деңгейін төмендетуге ерешке назар аударылды: радио сигналын бөгеттейтін жабын, конструкция элементтері, планердің геометриялық пішіні, қару-жараққа арналған ішкі бөлімдер.

Машинаға архитектурасы ашық жаңа авионика орнатылады. Ол болашақта модернизацияны жеңілдетеді. Борт кешені мыналардан тұрады: зымыран қаруын, жаһандық навигациялық спутник жүйесінің спутниктік навигациясын, жергілікті аумақтағы жер бедерін автоматты түрде айналып өтуді, көпарналы байланысты басқару. Сондай-ақ бомбаларға төтеп беретін радиолокациялық станция мен оптика-электронды бомбалаушы нысана да қарастырылады.

Көптеген жүйені айналадағы кеңістікті автоматты шолуға арналған бірыңғай кешенге біріктіру ықтималдылығы жоғары. "Интеллект" ҚА ПАК қарсыластың кез-келген радиолокациялық станцияларын анықтайды және жіктейді де, РЭК құралдарын, пассивті ИҚ-тосқауылдарын тиімді қолдануды қамтамасыз етеді.

Ғылыми-зерттеу жұмыстарының басталуы мен тәжірибелік ҚА ПАК құрастыру басталуы арасында он жылға жуық уақыт өтті. Бұл күрделі жоба үшін қалыпты мерзім. Оның құрылысына шамамен екі жыл кетеді. Одан кейін жердегі және әуедегі сынақтар басталады. Егер жобаның алдында ескерілмеген қандай да бір қиындықтар туындамаса, сериялық өндіріс жоспарға сәйкес 2027 жылы басталады. Әйтсе де бұл істе асығыстық танытудың қажеті жоқ. Бастысы – сапа. Себебі ҚА ПАК бірнеше онжылдықтар бойы қолдану үшін дайындалып жатыр.

Немістердің Stern басылымы былай деп жазды: "Жаңа бомбалаушы ұшақтар кезең-кезеңмен шағын партиялармен шығарылады. Осылайша әр кезең сайын жаңа үлгіні жетілдіре отырып дайындауға болады. Кремль "Армата" Т-14 жауынгерлік танкіне қатысты осы қағиданы басшылыққа алып отыр. Ал АҚШ F-35 ұшағын құрастыру кезінде бірден ауқымды патрияға кірісіп, жобаның ақауларымен әлі де күресіп келеді".

Космостық тосқауыл

Ресейлік жаңа "стратегтің" қолдану аясы кең. ҚА ПАК ұзақ уақыт бойы бір ауданда жауынгерлік патрульдеу режимінде бола тұра он километр қашықтықтағы екінші ауданда қару қолдана алады. Кейбір сарапшылар қарсыластың әуедегі шабуылдан қорғану жүйесінен тыс аудандарда соққы жасауын жоғары бағалап отыр.

ҚА ПАК-ты соғыс кезінде қолдану тактикасы әлеуетті қарсыластың радардағы көріну деңгейіне және зымыран қаруының қашықтығына байланысты болады. Қазір қолданыстағы ұшақтардың гипердыбысты жылдамдығын есепке алсақ, онда "стелс" технологиясы ешқандай рөл ойнамайды. Себебі "стратег" әуедегі шабуылдан қорғану жүйесінің әрекет ету аумағынан тыс соққы жасай алады.

Бүгінде тек Ресей мен АҚШ-та ғана стратегиялық авиация түріндегі әскери-әуе күші бар. Қытай да қалыспай келеді. Америкалық Northrop Grumman компаниясы 2017 жылдан бері ҚА ПАК-қа ұқсас Б-21 "Рейдер" ұшағын құрастырып келеді. Пентагон бұл машина 2021 жылы жердегі сынақтан өтеді деп жоспарлап отыр. Алғашқы ұшу 2022 жылы орындалуы керек. Бір ұшақтың құны шамамен 600 миллион долларды құрайды. АҚШ қорғаныс министрлігінің болжамы бойынша қытай "ұшатын қанаты" – Н-20 2021 жылы сәйкес сынақтардан өтеді. Оның пайдалы жүк көтерімділігі 10 тонна және ұшу қашықтығы 8 500 шақырымды құрайды. Жалпы "стратегтердің" соғысы конструкторлық бюрода, жерде және әуеде де жалғасып жатыр.

76
Кілт сөздер:
қару-жарақ
Ақорда

Тоқаев ұлттық экономика министріне бірқатар тапсырма берді

177
(Жаңартылды 18:23 13.04.2021)
Кездесу барысында макроэкономикалық тұрақтылықты және өңірлік дамудың тепе-теңдігін қамтамасыз ету жөніндегі шараларға баса мән берілді

НҰР-СҰЛТАН, 13 сәуір — Sputnik. Президент Қасым-Жомарт Тоқаев ұлттық экономика министрі Әсет Ерғалиевті қабылдады, деп хабарлады Ақорда.

Мемлекет басшысына биылғы І тоқсандағы еліміздің экономикалық дамуының алдын ала қорытындылары, Экономикалық өсімді қалпына келтірудің кешенді жоспарының іске асырылуы туралы есеп берілді.

Президентке экономиканың нақты секторындағы ахуал және жалпы ішкі өнімге қатысты болжамдар жөнінде баяндалды. Әсет Ерғалиев Қасым-Жомарт Тоқаевқа ортамерзімді перспективадағы экономиканың сапалы әрі орнықты дамуын қамтамасыз етудің негізгі жолдарын ұсынды.

Сонымен қатар министр шағын және орта бизнесті қолдау жөніндегі президент тапсырмасының орындалуы туралы баяндады.

Кездесу барысында макроэкономикалық тұрақтылықты және өңірлік дамудың тепе-теңдігін қамтамасыз ету жөніндегі шараларға баса мән берілді.

Кездесу соңында мемлекет басшысы министрге бюджет саясатының тиімділігін арттыруға, өңірлік саясатты жетілдіруге және өңдеу өнеркәсібін дамытуға бағытталған бірқатар нақты тапсырма берді.

177
Тақырып бойынша
Ауыл әкімдерін сайлауға 17 миллиард теңге қажет - экономика министрлігі
Атырау зауытында жөндеу мерзімі созылды: бензин қанша күнге жетеді
300 мың теңгеге дейін төленеді - министрлік акцияның басталу уақытын жариялады
Зейнетақы қоры 1 мамырдан бастап қандай өзгеріс болатынын айтты
Қазақстандықтар бір айда 3 мыңға жуық алтын құйма сатып алған