Физулиде жарамсыз күйге түскен әскери техника

Ресей мен Түркияның Қарабақты бақылауы қандай нәтиже береді

61
Оңтүстік Кавказдағы жағдай әскери-саяси шиеленістің сақталуымен, милитаризацияға, ұлттық әскерді қайта қаруландыруға және сыртқы әскери күштерді тартуға негізделген тұрақтылыққа қарама-қайшы ұмтылыспен сипатталады

Ресей мен Түркияның Әзербайжанның Агдам ауданындағы бірлескен мониторинг орталығы аймақтық тұрақтылықты нығайту үшін құрылғанымен ымыраға негізделген бейбітшілік әлі де тұрақсыз.

2020 жылдың 11 қарашасында Ресей мен Түркияның қорғаныс ведомстволарының басшылары қол қойған меморандумға сәйкес, Қарабақтағы бітімге мониторинг жүргізу бойынша ресейлік-түркиялық орталық сенбі күні Әзербайжанның Агдам ауданында жұмысын бастады. Әзербайжан мен Ресей президенті Ильхам Әлиев мен Владимир Путин 30 қаңтарда телефон арқылы сөйлескенде, бұл орталық "аймақтағы ұзақ мерзімді бейбітшілік пен қауіпсіздікті қамтамасыз етуге қызмет ететініне" сенім білдірді.

Бұған дейін Режеп Тайып Ердоған Түркияның Таулы Қарабақтағы тұрақтылықты ұстап тұруға қомақты үлес қосатынын айтқан болатын. Әзербайжан мен Түркияның қорғаныс министрлері Закир Гасанов пен Хулуси Акар 29 қаңтарда "екі мемлекеттің бір ұлты" тұжырымдамасы аясында өзара әрекеттесудің келешегі зор деп бағалады.

Ресй Қауіпсіздік кеңесі төрағасының орынбасары Дмитрий Медведев түріктердің Оңтүстік Кавказда болуын түсіндіре отырып: "Түркия – біздің көршіміз және маңызды серіктесіміз. Ол Әзербайжан үшін өте жақын ел. Бұл факторды ескермеуге болмайды", – деді.

Таулы Қарабақтағы жағдайды бақылау бойынша бірлескен орыс-түрік орталығы аймақтағы ұзақ мерзімді саясаттың емес, жалпы тұрақтандырудың элементі болып табылады.

Қалай болғанда да, бірлескен орталықтың штаб-пәтері тепе-теңдік негізінде құрылды. Мұнда әр тарап өкілдерінің саны тең дәрежеде. Анкараның мәліметі бойынша, қазіргі уақытта орталықта түріктерден 39 әскери қызметші жұмыс істеп жатыр. Генерал-майор Виктор Федоренко ресейлік мамандарға, ал түріктерге генерал-майор Абдулла Гатырчы жетекшілік етуде. Орталық атысты тоқтату режимінің сақталуы және келісімдердің бұзылуы туралы ақпаратты жинақтайды, тексереді және қорытындылайды. Бақылау ұшқышсыз ұшу аппараттарын және басқа да техникалық құралдарды қолдану арқылы жүзеге асырылады.

БАҚ мәліметі бойынша, бастапқыда орталықты Гянджа немесе Бардада орналастыру талқыланған. Бірақ түріктер бұл аудандардың Ресейдің бітімгершілік операциясы аймағынан алыс орналасуына наразылық білдірген. Ресей Федерациясының өкілдері Таулы Қарабақ аумағында түрік бітімгершілік күштері қатыспайтын бірлескен орталық құруға қарсы болды. Қызу талқылаулардан кейін қос тарап та Әзербайжанның Агдам ауданындағы Марзили ауылына тоқтады.

Орталықтың орналасқан жері тараптардың түйісу желісінен 8 шақырым қашықтықта, мойындалмаған Таулы Қарабақ Республикасының (ТҚР) астанасы – Степанокерттен (Ханкенди) түзу жолмен 30 километр, ал автожол бойымен 41 километр қашықтықта орналасқан. Марзили аулы 1990 жылдардың ортасынан бері өткен жылдың күзіне дейін ТҚР билігінің бақылауында болды. Атысты тоқтату туралы үшжақты келісімге сәйкес, Агдам ауданы мен басқа төрт ауданның аумағын Әзербайжанға берді.

Орыс-түрік орталығының қызметтік және тұрмыстық бөлмелері модульдік принцип бойынша ашық алаңда салынған және жұмыс жүргізу және демалу үшін барлық қажеттіліктермен жабдықталған. Нысанның шамамен төрт гектар болатын аумағын Әзербайжан әскері күзетеді. Тараптардың келісімі бойынша бірлескен орталықтағы түрік әскерилері патрульдеуге шықпайды.

Нысанның ашылу салтанатында Әзербайжанның қорғаныс министрі Закир Гасанов Ресей мен Түркия әскери қызметшілері арасында жақсы қарым-қатынас орнайтынына сенім білдірді. Ресей қорғаныс министрінің орынбасары Александр Фомин әскери қызметшілерге сәттілік тіледі.

Әзербайжанның көпбағыттылығы мен Қарабақтағы жағдай аясында орыс пен түріктердің мәжбүрлі түрде өзара әрекеттестігі қаншалықты тиімді болатынын уақыт көрсетеді. Әзірше, бірлескен орталық мамандарының міндеттері мен құзыреттерін бөлу туралы айту қиын. Сирияның солтүстігінде пысықталған өзара ымыралар алгоритмі Оңтүстік Кавказда көзделген нәтиже бермеуі мүмкін.

Ресей-Түркия бірлескен орталығының орналасқан орны мен алдындағы міндеттері барлық қажетті техникалық бақылау құралдарымен қамтылған және бақылауға арналған 27 посты бар ресейлік бітімгершілік топтың баламасы. Орталықты ашу Әзербайжанда Түркияның әскери қатысуы артқанын білдіреді.

Таулы Қарабақ: қақтығыстың ушығуына қатысты әлем елдері не дейді?
Ruptly, Sputnik, Әзербайжанның қорғаныс мнистрлігі
30 қаңтарда Әзербайжанның қорғаныс министрі Закир Гасанов Түркия Республикасы қорғаныс министрінің орынбасары Юнус Эмре Қараосманоғлымен кездескенде Түркиямен әскери ынтымақтастықты сәтті дамыту және нығайту мәселелерін талқылады. Тараптар әскери-техникалық ынтымақтастық саласындағы күш-жігерді біріктіру және бірлескен жаттығулар өткізу қажеттілігін атап өтті.

Түрік бөлімшелерінің Әзербайжандағы оқу-жаттығуларға тұрақты қатысуы көршілерді алаңдатып отыр. Себебі, Түркия НАТО-ға мүше. Сол күні Закир Хасанов Баку мен Мәскеу арасындағы қарым-қатынастың барлық салаларда, соның ішінде әскери және әскери-техникалық саладағы қарқынды дамуын дипломатиялық түрде атап өткенімен, көңілде күдік қалды.

Түркия Қорғаныс министрінің орынбасары Юнус Эмре Қараосманоғлы бірлескен орталықтың ашылу салтанатында мекеменің міндеттерін нақтылап атады: "Оқ атуды тоқтату режимін бақылау, атысты тоқтату режимін бұзу жағдайларын тіркеу, бұл заң бұзушылықтардың алдын алу бойынша шаралар қабылдау".

Түркияның әскери қолбасшысы Қарабақтағы күдікті нысандарға Bayraktar TB2 ұшқышсыз ұшу аппараттары арқылы соққы жасауды меңзеп тұр ма? Мысалы, Сирияда түрік серіктестер өз әрекеттері мен ниеттері жайлы ресейлік тарапқа айта бермейді.

Агдам ауданындағы ресейлік-түркиялық орталық өңірлік тұрақтылықтың қосымша кепілі болуы мүмкін. Сол сияқты, түрік әскерінің Әзербайжанда тұрақты болуын және НАТО-ның одан арғы экспансиясына негіз болуы да ғажап емес. Сондықтан, Түркияның Таулы Қарабақтағы міндеті мен мақсаттарына ашық баға беру керек.

61
ҰҚШҰ оқу-жаттығуы

ҰҚШҰ-ға әскери оқу-жаттығулар не үшін қажет?

16
Ұжымдық қауіпсіздік туралы шарт ұйымы халықаралық терроризм мен НАТО-ның деструктивті әскери белсенділік қаупі артып келе жатқан қазіргі жағдайда өзінің қорғаныс әлеуетін сәтті дамытып, бірлескен жаттығуларды тұрақты өткізіп келеді

ҰҚШҰ-ның жауапкершілік аясындағы әскери-саяси ахуал әлі де күрделі болып отыр. АҚШ-тың Еуропадағы әскери күшінің кеңеюі, бірқатар батыс мемлекетінің коалициялық және ұлттық әскери әлеуетінің күшеюі, Ауғанстан мен Сириядағы қарулы қақтығыстардың өршуі, халықаралық терроризм мен діни экстремизм ұйым мүшелеріне қауіп төндіруде. Ұжымдық қауіпсіздік жүйесі қауіп-қатерлерге бірлескен әскери дайындық шаралары арқылы жедел жауап беріп отыр. Бұл туралы 25 ақпанда Мәскеуде өткен баспасөз конференциясында ҰҚШҰ Біріккен штабының басшысы генерал-полковник Анатолий Сидоров мәлімдеді.

Американың жаңа әкімшілігі "Стратегиялық шабуылдау қаруын шектеу туралы шартты" ұзартты. Дегенмен, Шығыс Еуропада АҚШ-тың зымыранға қарсы қорғаныс жүйесі дамып жатыр. Румыниядағы (Девеселу) зымыранға қарсы қорғаныс базасына қосымша ретінде 2022 жылы Польшада (Редзиково) осы тектес тағы бір нысан пайда болады. Дәл осы позицияда ұшу қашықтығы 2000 километрден асатын "Томагавк" қанатты зымырандарын қолдану басталуы мүмкін.

Польшадағы, Балтық жағалауындағы елдердегі, Болгариядағы және Румыниядағы әскери базаларда Пентагонның қару-жарақтарын, әскери техникасы және материалдарын жүйелі түрде жинақтау жалғасуда. Вашингтон мен Варшава арасындағы қорғаныс саласындағы кеңейтілген ынтымақтастық туралы келісім поляктердің жерінде 20 мыңға дейін америкалық әскерді тұрақты орналастыруға арналған инфрақұрылым нысандарын салуды көздейді.

ҰҚШҰ елдері Шығыс Еуропа, Орталық Азия және Кавказ бағыттарындағы сын-қатерлерге жауап беруге мәжбүр. 2021 жылғы әскери оқу-жаттығулар антитеррористік бағытта ұйымдастырылып, жауынгерлік дағдыларды жетілдіруге және ҰҚШҰ қорғаныс әлеуетін арттыруға бағытталған.

Тәжікстан Республикасының аумағында өтетін "Мызғымас бауырластық-2021" бірлескен жедел-стратегиялық оқу-жаттығулары маңызды шараға айналмақ. Бұл шара ҰҚШҰ Ұжымдық күштерінің түрлі компоненттерін даярлауды біріктіретін болады.

Орталық Азия аймағындағы оқу-жаттығулар кезінде Ұжымдық күштер тобы алдын ала жоспарға сәйкес ҰҚШҰ аумағына халықаралық террористік ұйымдардың содырлары кіруіне кедергі келтіріп, оқ-дәрі мен қару тасымалдау жолын кеседі. Одан кейін РФ аумағында ҰҚШҰ Бітімгерлер күшімен "Мызғымас бауырластық-2021" бірлескен оқу-жатығулары өтеді.

Сондай-ақ, Мәскеуде Ұйымның дағдарыстық әрекет ету орталығында ҰҚШҰ Бас хатшысының жетекшілік етуімен ұйымға мүше мемлекеттердің министрліктері және ведомсвтолары қатысқан бірлескен іскерлік "ойын" өтеді. ҰҚШҰ әскери дайындығы мен оқужатығулары үшін бұл шаралар тым көп емес пе?

Америкалық топтың Шығыс Еуропа бағытындағы шабуыл күшінің өсуі Беларусь пен Ресей үшін нақты қауіп-қатер болып отыр. Мұнда "Күшейтілген озық қатысу", "Атлантикалық батылдық" және Балтық елдерінің әуе кеңістігін қорғау миссиясында бір уақытта 12 мыңнан астам НАТО әскері жұмылдырылған.

Сонымен қатар, "Солтүстік" (Латвия), "Солтүстік-Шығыс" (Польша), "Оңтүстік-Шығыс" (Румыния) көпұлтты дивизиялар штабы құрылды. Румынияда көпұлтты корпустың штабын орналастыру бойынша келіссөздер жүріп жатыр. 2020 жылдың қарашасында Кентукки штанынан келген АҚШ құрлықтағы әскерінің 5-ші армия корпусы штабының жұмысы Польшада қайта жаңғыртылды. Литва қарулы күштерінің "Пабраде" полигонында Беларусь Республикасының мемлекеттік шекарасына жақын маңда америкалық танк батальоны орналастырылды.

НАТО барлау мүмкіндіктерін арттырап, ядролық әлеуетті соғыс жағдайында қолдануға дайын ұстап отыр.

НАТО қызметінің негізгі бағыттары Вашингтонның тікелей бақылауымен орындалады. Аййта кету керек, "ресейлік агрессияны ұстап тұруға" дайындық ұйымның барлық дерлік доктриналық құжаттарында бекітілген. Ақ үйдің сыртқы саясатының басты бағыты әскери күш қолдану арқылы әлемдік көшбасшылықты қамтамасыз ету екеніне күмән жоқ.

Орталық Азия аймағында ҰҚШҰ елдеріне негізгі қауіп-қатерлер террористік исламшыл топтар тарапынан болып отыр. Генерал-полковник Анатолий Сидоровтың айтуынша, "Талибан" қозғалысының (Қазақстан Республикасында тыйым салынған террористік ұйым) қатарындаға содырлар саны  70 мыңға жуықтайды және олардың шамамен 15 мыңы Тәжікстан мен Өзбекстанға іргелес солтүстік аймақтарда әрекет етеді. Тәлібтер Ауғанстан Ислам Республикасының ауқымды бөлігін бақылауда ұстап, елдің қазіргі билігін құлатуға және "Ауғанстан Ислам Эмиратын" қайта құруды көздейді.

Аймақтағы қауіпсіздікке "Ислам мемлекетінің" Ауғанстандағы филиалы – "Вилаят Хорасан" (Қазақстан Республикасында тыйым салынған террористік ұйым) да қауіп төндіруде. Оның құрамында 4 мыңға жуық содыр бар. Бұл жасақтар шығыс және солтүстік провинцияларда аса белсенді. Лаңкестер Тәжікстан және Пәкістанмен шекаралас аудандарға бақылау орнатып, ыңғайлы плацдарм құруды және одан әрі Орталық Азия мемлекеттерін басып алуды көздейді.

Ауғанстанда сонымен қатар "Өзбекстан ислам қозғалысы", "Әл-Каида", "Шығыс Түркістанның ислам қозғалысы" террористік топтары бар. Оның құрамындағы содырлар саны барлығы 2 500-ге жуық.

Кавказ аймағындағы ұжымдық қауіпсіздікте Грузияның НАТО-мен әскери ынтымақтастығының артуы, өңірдегі АҚШ-тың әскери қатысуы байқалады. Жақында Брюссельде өткен кездесулер нәтижесінде ел билігі мен Солтүстік Атлантикалық Альянс "НАТО – Грузия шараларының маңызды пакеті" толықтырылды. Тараптар 2021 жылы бірлескен жедел және әскери дайындық іс-шараларын арттыру жөнінде келісті.

16

Армения ресейлік қаруға неге күмәнмен қарап отыр

55
(Жаңартылды 12:19 26.02.2021)
Жоғары технологиялық және жоғары дәлдіктегі қару-жарақ жүйелерін жауынгерлік қолдану үшін арнайы оператор мамандарды даярлау, сенімді барлау мен соққы жасауды ұйымдастыру, сондай-ақ, саяси даналық пен қабылданған шешімдер үшін жауапкершілік қажет

Әйтпесе, ең жетілдірілген зымырандардың өзі "дұрыс емес жүйенікі" болып шығуы, ұша алмауы, нысандардың жанынан ұшып өтуі немесе 10 проценті ғана жарылуы мүмкін.

Армения Республикасының премьер-министрі Никол Пашиня 1in.am басылымына берген сұқбатында Таулы Қарабақта жақында өткен соғыс әрекеттеріне баға бере отырып, ресейлік қарудың сенімділігі және соғысқа жарамдылығына күмән келтірді. Оның айтуынша, "Искандер" зымырандары біресе мүлде жарылмады, біресе тек "10 проценті ғана жарылды". Сондай-ақ, мемлекет басшысы әскер саласында құрылымдық және қару-жараққа қатысты реформалар жүргізуге ниетті екенін мәлімдеді.

Армения Республикасының қорғаныс министрлігі премьер-министрдің "Искандерлер" туралы екіұдай ойына қатысты пікір білдіруден бас тартты.

Ресейдің әлемдік қару-жарақ нарығының үштен бірін бақылауда ұстап отыруы кездейсоқ емес. Оның қару-жарақ экспортының көлемі 2020 жылы 13 миллиард долларды құрады. Бұл цифрлар мен фактілер көптеген ел өзіндік құнына сатып алатын қорғаныс өнімдерінің сапасының айшығы болса керек.

"Искандер" жедел-тактикалық зымыран кешендері ебі бар қол басқарса, Кавказ тауларында да, теңізде де, ал соғыс жағдайында Сирия аумағы мен Африканың солтүстігінде де нысандарға дәл тие алады. Мұндай қаруды көп мемлекет сатып алғысы келгенімен, "Искандер-Э" экспорттық модификациясына қол жеткізетіндер қатары санаулы ғана.

Ресей жоғары технологиялық мүмкіндіктерін оңды-солды кез-келген мемлекетпен бөлісіп жатқан жоқ. Сондықтан, Пашинянның сұқбаты төбеден қойып қалғандай болды. "Искандер-М" кешені Ресей қару-жарағының қатарына 2006 жылы қабылданды. Осы орайда оны "80-ші жылдардың қаруы" деп атаған жөн емес.

Ресейлік ЖТЗК қатысты Армения премьер-министрінің ашық айыптауы бірнеше болжамды тұжырымдар жасауға итермелеп отыр. Ресей қаруын кемсітудің астарында армян әскерін сапалы реформалаудың алғышарттары жатқан жоқ па деген ой туады. Олай болса, Ереван алдағы келешекте қандай қару сатып алмақ және қорғаныс қабілетін қандай стандарттар бойынша нығайтпақшы?

Әрине, Таулы Қарабақтағы қақтығыстан кейін бірқатар тұжырым жасалып, жоспарлар құрылғаны анық. Пашинянның сұқбатынан қорғаныс министрлігі мен бас штабта "соғыс туралы шындықты анықтау, дәлелдеу, білу" үшін аналитикалық жұмыстар жүріп жатқаны белгілі. Сондай-ақ, мыңнан астам қылмыстық іс қозғалған. 

Көлемді сұқбатта ҰҚШҰ атауы тек бір ғана тұста аталған: ұйымның міндеттемелері Арменияның халықаралық деңгейде мойындалған шекарасында қалыптасқаны туралы сөйлемде. Алайда, ҰҚШҰ Қарабақтағы аумалы-төкпелі жағдай мен тұрақсыздық кезіндегі Арменияның арқа сүйер жалғыз тірегі емес пе. Жиі қолданылатын "революция" мен "конституция" сөздері өздігінен ештеңені реттемейді, ел қауіпсіздігіне кепілдік бермейді. Кез келген мемлекеттің тұрақтылығының негізі – әскер. Бірақ, нақты іс-әрекет жоспары болмай, қандай да бір ауқымды реформалар жайлы айту бос сөз. 

"Искандер-М" зымыран кешені жаудың маңызды нысандарын жоғары дәлдікпен 500 километрге дейінгі қашықтықта жоюға арналған. Мысалы, әскери базалар, командалық пункттер мен байланыс тораптары, зымыран кешендері, аэродромдардағы ұшақтар мен тікұшақтар. Армения иелігінде 300 километрге дейінгі қашықтықта оқ ата алатын "Искандер-Э" ЖТЗК бар. Кешеннің негізгі артықшылықтары: стратегиялық мобильділігі, жауынгерлік кезекшілікті жасырынды түрде өтеу және зымыранды соққылар жасау мүмкіндігі, ұшу тапсырмасын автоматты түрде есептеу және іске қосу, оқ ату және радиоэлектронды қарсы әрекеттер кезінде жауынгерлік тапсырманы орындау ықтималдылығы жоғары.

Зымырандардың екі түрін - баллистикалық және қанатты зымырандарды пайдалану есебінен оның жауынгерлік тиімділігі жоғары. Зымыранды ұшыру уақыты бірнеше минутты құраса, іске қосу арасындағы аралық бір минутты құрайды.

"Искандердің" әрбір іске қосу қондырғысы мобильді әрі дербес. Ол кез-келген жерде және уақытта әрекет ете алады. Зымырандарды ұшу кезінде қайта бағыттауға болады. Бұл қозғалыстағы нысандарды көздеуге мүмкіндік береді. Соңғы сәтте айрықша дәлдікті қамтамасыз ететін өздігінен бағыттаудың ақылды оптикалық бастиегі іске қосылады. 9М728 немесе Р-500 бастиектері нысаннан небәрі 1 метрге ғана ауытқуы мүмкін.

"Искандер-М" ЖТЗК дәлдігі, зымырандарды дайындау жеделдігі және басқа да сипаттамалары бойынша LORA, Lance, ATACMS, Pluton сынды шетелдік жедел-тактикалық зымыран кешендерінен асып түседі. Ресейлік кешенге қатты ұқсас израильдік LORA зымыранының өзі қашықтығы мен дәлдігі жағынан осалдау. 2020 жылы ATACMS кешенін модернизациялаудан бас тартқан америкалықтар да кейіндеп келеді.

55
Қазақстан халқы Ассамблеясының форумы

Қазақстанда 1 наурызда қандай маңызды оқиғалар болады

0
Sputnik Қазақстан 1 наурызда болатын негізгі іс-шаралар мен оқиғаларға шолу жасайды (ақпарат толықтырылып отырады)

1 НАУРЫЗҒА ЖОСПАРЛАНҒАН ШАРАЛАР

НҰР-СҰЛТАН

11.00 –"Мал ұрлығымен күрес" тақырыбында ішкі істер министрлігінің онлайн брифингі. Спикер: Таев Думан Ашкенұлы – Қазақстан ІІМ криминалдық полиция департаментінің бастығы.

11.00 – Алғыс айту күніне арналған "Қазақ еліне мың алғыс!" монументінің жанында салтанатты түрде алғыс айту рәсімі. Іс-шараға Қазақстан халқы Ассамблеясының мүшелері, Қазақстан парламенті мәжілісінің депутаттары, этномәдени бірлестіктердің өкілдері, қоғам қайраткерлері, жастар, елорда тұрғындары мен қонақтары қатысады. Салтанатты шара аясында ҚХА жастар қанатының өкілдері сөз сөйлейді. Журналистер аккредитациядан өтуі керек: Ботагөз Жақсымбетова 8771 555 44 89, Данагүл Амантай 8747 688 09 62 (Түркістан көшесі – Бұқар жырау көшесінің бұрышы).

11:00 - Алғыс айту күніне арналған "Мың алғыс саған, ұлы далам!" халықаралық дөңгелек үстелі. Іс-шараға отандық және шетелдік ғалымдар, ұлтаралық қатынастар саласындағы зерттеушілер, сарапшылар, этно-мәдени бірлестіктердің өкілдері қатысады. Дөңгелек үстел Қазақстан Республикасының Тұңғыш Президенті – Елбасы кітапханасы музейінің жаңа ғимаратында (Ә. Бөкейхан к-сі, 1А) өтеді. Аккредитация бойынша мына нөмірлерге хабарласу керек: +7 /7172/ 69 30 53, +7 /7172/ 69 30 57.

15.00 – "Қазақконцерт" мемлекеттік концерттік ұйымы әртістерінің Алғыс айту күніне орай "Мейірімді болайықшы, бауырлар!" атты қайырымдылық концерті өтеді.  

Мерекелік іс-шара ұстаздар мен дәрігерлердің, ардагерлердің шақырылуымен өткізіледі. Концерттің мақсаты – ақ халатты абзал жандар мен ұстаздарға, еңбек ардагерлеріне рухани қолдау көрсету және ерен еңбектері үшін алғыс білдіру.

Концертте "Қазақконцерт" ұйымының өнер ұжымдары мен белгілі әншілері өнер көрсетеді. Көрермен қауым "Астана сазы" қазақ мемлекеттік фольклорлық ансамблінің, Құрмаш Махан, Гүлнәр Көшенова, Күнсұлу Түрікпен, Айдана Қаржаубаева, Аяулым Қамажан, Нұркен Якиев, Әлихан Дүйсенбай сынды әншілердің өнерін тамашалай алады. Концерт бағдарламасына белгілі халық әндері мен қазіргі танымал музыкалық туындылар енген. ("Қазақстан" орталық концерт залы, Мәңгілік даңғылы 10/1).

АЛМАТЫ

12.00 – "COVID-19 пандемиясы кезінде Алматы қаласының тұрғындары мен медицина қызметкерлерінен өтініш қабылдау үшін "Қауырт желі" телефонының жұмысын ұйымдастыру" тақырыбында баспасөз конференциясы. Баспасөз конференциясының спикерлері: Бақыт Түменова, "Аман-саулық" ҚҚ президенті, Зүлфия Байсақова, Алматы қаласы Қоғамдық кеңесі жанындағы әлеуметтік әл-ауқат мәселелері жөніндегі комиссияның төрағасы. Баспасөз конференциясына жеке қатысу үшін журналистер Қазақстан баспасөз клубына шақырылады (карантиндік шектеу 10 адам. Алдын ала аккредиттеу арқылы ғана кіруге болады). Аккредитация мәселелері бойынша мына телефонға хабарласыңыз: 87017490200, Әсел Берімжарова (Самал-2 ықшам ауданы, 58 үй, бірінші кіреберіс, 2-қабат. Трансляция: https://www.facebook.com/KazakhstanPressClub).

Жоспарланған шаралар тізімі ашық дереккөзден алынды. Sputnik Қазақстан іс-шаралардың уақыты мен күнінің өзгеруіне жауапты емес.

0