ЗРК Викинг

Абу-Дабидегі технологиялық жетістік: қорғаныс кешенінің келешегі

33
21-25 ақпан аралығында Біріккен Араб Әмірліктерінің астанасында өтетін IDEX 2021 халықаралық қорғаныс көрмесінде қорғаныс-өнеркәсіптік кешенідегі басты жаңашылдықтар таныстырылады

IDEX 2021 қару-жарақ салонындағы бірыңғай ресейлік экспозиция аумағы шамамен 1200 шаршы метрді құрайды. Мұнда 400-ден астам әскери техника қойылады.

Тұңғыш рет Абу-Дабиде соғыстан кейінгі үшінші буынға жататын әлемдегі жалғыз танк - Т-14 "Армата" танкінің шетелдік презентациясы өтеді. Көлік жоғары дәлдіктегі қарудан жоғары дәрежеде қорғаныс дәрежесіне ие. Ол тактикалық буынды автоматты басқару жүйесіне біріге алады және ұшқышсыз ұшу режимінде сынақтан өтті. Бұған дейін Sputnik Т-14 танкі экспортының әлеуеті туралы жазған болатын. Шетелдік сарапшылар Үндістан, Қытай, Біріккен Араб Әмірліктері, Египет пен Алжирді "Арматаның" ықтимал сатып алушылары деп атады. "Уралвагонзавод" концерні IDEX-2021 көрмесінде бұл танктен басқа тағы бір тұсаукесер жоспарлап отыр. Бұл - броньдалған әмбебап инженерлік машина (БӘИМ).

Аймақта алғаш рет броньды тасымалдаушы және "Бумеранг" бірыңғай дөңгелекті платформасы базасындағы жаяу әскерге арналған жауынгерлік машина, үлкен қашықтыққа арналған "Антей-4000" зениттік зымыран кешені және орташа қашықтыққа арналған "Викинг" зениттік зымыран кешені көрермен назарына ұсынылады.

Ресейдің қорғаныс-өнеркәсіп кешені ұшқышсыз ұшу аппараттарын қарқынды дамытып келеді. "Рособоронэкспорт" "Орион-Э" барлау және шабуылдау кешенін әлемдік нарықта сәтті таныстыруда. Бұл шетелдік мамандардың қызығушылығын тудырып жатыр. Әбу-Дабиде ресейлік танымал "Орлан-10Е" ұшқышсыз ұшу кешені туралы материалдар да ұсынылған.

Таяу Шығыс пен Солтүстік Африка қару-жарақ нарығының негізгі тапсырыс берушілері болып саналады. Бұл мемлекеттердің үлесі жалпы нарықтың шамамен үштен бір бөлігін құрайды. Мұнда ресейлік қару-жарақ жақсы танымал және жоғары сұранысқа ие. "Ростех" бас директоры Сергей Чемезовтің айтуынша, аталған аймақ елдерінің тапсырысы 2020 жылғы "Рособоронэкспорт" мекемесінің барлық жеткізулерінің 50%-тен астамын құраған. IDEX – тәжірибе және технологиялар алмасуға, жаңа серіктестік басланыстар орнатуға арналған маңызды халықаралық алаң.

Абу-Дабиде көрерменге таныстырылатын ресейлік броньді техниканың қатарында заманауи Т-90МС танкі, модернизацияланған Т-72 танкі және танкті қолдайтын ұрыс машинасы (ТҚҰМ), "Тайфун" және "Торнадо" броньді машиналарының үлгілері бар. "Уралвагонзавод" концернінің экспозициясына ТОС-1A ауыр отшашар жүйесі, 155 миллиметр калибрлі 2С19M1-155 өздігінен жүретін гаубица, калибрі 7,62-57 миллиметр аралығындағы қашықтықтан басқарылатын ұрыс модульдері кіреді.

Бұған дейін аталған БӘИМ машинасы соғыс жағдайында және қарсылас жаппай қырып-жою қаруын қолданған жағдайда инженерлік жұмыстар жүргізуге арналған. Бұл жаңашылдық бірден үш инженерлік машинаның мүмкіндіктерін өз бойына біріктірді. Олар: броньдалған жөндеу-эвакуациялау машинасы, инженерлік жол ашу машинасы және мина тазалайтын броньдалған машина.

"Уралвагонзавод" өнімдері халықаралық қару-жарақ нарығында жоғары сұранысқа ие. Бір күн бұрын концерннің бас директоры Александр Потапов былай деді: "Көрмеде ұсынылған техникаларға Таяу Шығыс, Африка және Азия-Тынық мұхиты аймағының елдері үлкен қызығушылық танытады деп күтеміз. Қорғаныс саласындағы барлық компаниялар үшін IDEX маңызды көрмелердің бірі екені сөзсіз".

Қорғаныс министрлігі
© Photo : пресс-служба министерства обороны Казахстана
Бүгінде Ресейдің барлау және шабуыл жасауға арналған тиімді ұшқышсыз ұшу аппараттарының бүтіндей бір желісі қалыптасқан. Әлемнің қару-жарақ нарығында мұндай өнімдерге деген қызығушылық үлкен. Ресей өндірушілері "тосқауыл жасаушы оқ-дәрілер" дайындауда көзге ілінерліктей табысқа жетіп отыр. Олар кейбір сипаттамалары бойынша шетелдік бәсекелестерден озып кетеді.

Сириядағы соғыс жағдайында сынақтан өткен "КУБ және "Ланцет" ұшқышсыз ұшу аппараттары басқарылатын зымырандардан әлдеқайда арзан тұрады және радарлардың көзіне түспейді. "Корсар" аппараты да тәжірибелік пайдалану сатысында тұр.  

Абу-Дабиде "Рособоронэкспорт" алғаш рет "Антей-4000" ЗЗЖ, "Викинг" ЗЗК және "Тор-Э2" ЗЗК ұсынады. Сондай-ақ, әуедегі шабуылға қарсы қорғаныс С-400 "Триумф" пен "Тор-М2КМ" ЗЗК, "Купол-ПРО" ұшқышсыз ұшу аппараттарына қарсы әрекет ету кешені де көрмеге бірінші рет қойылып отыр. Сонымен қатар, Су-35 жойғышы мен Ми-38Т тікұшағының авиациялық техника үлгілері де қойылады.

IDEX 2021 барысында "Рособоронэкспорт" мамандары Таяу Шығыс пен Солтүстік Африканың әскери-саяси басшылығы және бизнес қауымдастық өкілдерімен келіссөздер жүргізеді. Пәкістан мен Ресей көрменің ашылуы қарсаңында қорғаныс саласында бірқатар келісімшартқа қол қойды. Исламабад ресейлік әуе қорғанысы мен танкке қарсы жүйелерді алады. "Рособоронэкспорт" концернінің тапсырыс портфелінде жалпы құны 50 миллиард доллар болатын келісімшарттар бар.

33
ҰҚШҰ оқу-жаттығуы

ҰҚШҰ-ға әскери оқу-жаттығулар не үшін қажет?

22
Ұжымдық қауіпсіздік туралы шарт ұйымы халықаралық терроризм мен НАТО-ның деструктивті әскери белсенділік қаупі артып келе жатқан қазіргі жағдайда өзінің қорғаныс әлеуетін сәтті дамытып, бірлескен жаттығуларды тұрақты өткізіп келеді

ҰҚШҰ-ның жауапкершілік аясындағы әскери-саяси ахуал әлі де күрделі болып отыр. АҚШ-тың Еуропадағы әскери күшінің кеңеюі, бірқатар батыс мемлекетінің коалициялық және ұлттық әскери әлеуетінің күшеюі, Ауғанстан мен Сириядағы қарулы қақтығыстардың өршуі, халықаралық терроризм мен діни экстремизм ұйым мүшелеріне қауіп төндіруде. Ұжымдық қауіпсіздік жүйесі қауіп-қатерлерге бірлескен әскери дайындық шаралары арқылы жедел жауап беріп отыр. Бұл туралы 25 ақпанда Мәскеуде өткен баспасөз конференциясында ҰҚШҰ Біріккен штабының басшысы генерал-полковник Анатолий Сидоров мәлімдеді.

Американың жаңа әкімшілігі "Стратегиялық шабуылдау қаруын шектеу туралы шартты" ұзартты. Дегенмен, Шығыс Еуропада АҚШ-тың зымыранға қарсы қорғаныс жүйесі дамып жатыр. Румыниядағы (Девеселу) зымыранға қарсы қорғаныс базасына қосымша ретінде 2022 жылы Польшада (Редзиково) осы тектес тағы бір нысан пайда болады. Дәл осы позицияда ұшу қашықтығы 2000 километрден асатын "Томагавк" қанатты зымырандарын қолдану басталуы мүмкін.

Польшадағы, Балтық жағалауындағы елдердегі, Болгариядағы және Румыниядағы әскери базаларда Пентагонның қару-жарақтарын, әскери техникасы және материалдарын жүйелі түрде жинақтау жалғасуда. Вашингтон мен Варшава арасындағы қорғаныс саласындағы кеңейтілген ынтымақтастық туралы келісім поляктердің жерінде 20 мыңға дейін америкалық әскерді тұрақты орналастыруға арналған инфрақұрылым нысандарын салуды көздейді.

ҰҚШҰ елдері Шығыс Еуропа, Орталық Азия және Кавказ бағыттарындағы сын-қатерлерге жауап беруге мәжбүр. 2021 жылғы әскери оқу-жаттығулар антитеррористік бағытта ұйымдастырылып, жауынгерлік дағдыларды жетілдіруге және ҰҚШҰ қорғаныс әлеуетін арттыруға бағытталған.

Тәжікстан Республикасының аумағында өтетін "Мызғымас бауырластық-2021" бірлескен жедел-стратегиялық оқу-жаттығулары маңызды шараға айналмақ. Бұл шара ҰҚШҰ Ұжымдық күштерінің түрлі компоненттерін даярлауды біріктіретін болады.

Орталық Азия аймағындағы оқу-жаттығулар кезінде Ұжымдық күштер тобы алдын ала жоспарға сәйкес ҰҚШҰ аумағына халықаралық террористік ұйымдардың содырлары кіруіне кедергі келтіріп, оқ-дәрі мен қару тасымалдау жолын кеседі. Одан кейін РФ аумағында ҰҚШҰ Бітімгерлер күшімен "Мызғымас бауырластық-2021" бірлескен оқу-жатығулары өтеді.

Сондай-ақ, Мәскеуде Ұйымның дағдарыстық әрекет ету орталығында ҰҚШҰ Бас хатшысының жетекшілік етуімен ұйымға мүше мемлекеттердің министрліктері және ведомсвтолары қатысқан бірлескен іскерлік "ойын" өтеді. ҰҚШҰ әскери дайындығы мен оқужатығулары үшін бұл шаралар тым көп емес пе?

Америкалық топтың Шығыс Еуропа бағытындағы шабуыл күшінің өсуі Беларусь пен Ресей үшін нақты қауіп-қатер болып отыр. Мұнда "Күшейтілген озық қатысу", "Атлантикалық батылдық" және Балтық елдерінің әуе кеңістігін қорғау миссиясында бір уақытта 12 мыңнан астам НАТО әскері жұмылдырылған.

Сонымен қатар, "Солтүстік" (Латвия), "Солтүстік-Шығыс" (Польша), "Оңтүстік-Шығыс" (Румыния) көпұлтты дивизиялар штабы құрылды. Румынияда көпұлтты корпустың штабын орналастыру бойынша келіссөздер жүріп жатыр. 2020 жылдың қарашасында Кентукки штанынан келген АҚШ құрлықтағы әскерінің 5-ші армия корпусы штабының жұмысы Польшада қайта жаңғыртылды. Литва қарулы күштерінің "Пабраде" полигонында Беларусь Республикасының мемлекеттік шекарасына жақын маңда америкалық танк батальоны орналастырылды.

НАТО барлау мүмкіндіктерін арттырап, ядролық әлеуетті соғыс жағдайында қолдануға дайын ұстап отыр.

НАТО қызметінің негізгі бағыттары Вашингтонның тікелей бақылауымен орындалады. Аййта кету керек, "ресейлік агрессияны ұстап тұруға" дайындық ұйымның барлық дерлік доктриналық құжаттарында бекітілген. Ақ үйдің сыртқы саясатының басты бағыты әскери күш қолдану арқылы әлемдік көшбасшылықты қамтамасыз ету екеніне күмән жоқ.

Орталық Азия аймағында ҰҚШҰ елдеріне негізгі қауіп-қатерлер террористік исламшыл топтар тарапынан болып отыр. Генерал-полковник Анатолий Сидоровтың айтуынша, "Талибан" қозғалысының (Қазақстан Республикасында тыйым салынған террористік ұйым) қатарындаға содырлар саны  70 мыңға жуықтайды және олардың шамамен 15 мыңы Тәжікстан мен Өзбекстанға іргелес солтүстік аймақтарда әрекет етеді. Тәлібтер Ауғанстан Ислам Республикасының ауқымды бөлігін бақылауда ұстап, елдің қазіргі билігін құлатуға және "Ауғанстан Ислам Эмиратын" қайта құруды көздейді.

Аймақтағы қауіпсіздікке "Ислам мемлекетінің" Ауғанстандағы филиалы – "Вилаят Хорасан" (Қазақстан Республикасында тыйым салынған террористік ұйым) да қауіп төндіруде. Оның құрамында 4 мыңға жуық содыр бар. Бұл жасақтар шығыс және солтүстік провинцияларда аса белсенді. Лаңкестер Тәжікстан және Пәкістанмен шекаралас аудандарға бақылау орнатып, ыңғайлы плацдарм құруды және одан әрі Орталық Азия мемлекеттерін басып алуды көздейді.

Ауғанстанда сонымен қатар "Өзбекстан ислам қозғалысы", "Әл-Каида", "Шығыс Түркістанның ислам қозғалысы" террористік топтары бар. Оның құрамындағы содырлар саны барлығы 2 500-ге жуық.

Кавказ аймағындағы ұжымдық қауіпсіздікте Грузияның НАТО-мен әскери ынтымақтастығының артуы, өңірдегі АҚШ-тың әскери қатысуы байқалады. Жақында Брюссельде өткен кездесулер нәтижесінде ел билігі мен Солтүстік Атлантикалық Альянс "НАТО – Грузия шараларының маңызды пакеті" толықтырылды. Тараптар 2021 жылы бірлескен жедел және әскери дайындық іс-шараларын арттыру жөнінде келісті.

22

Армения ресейлік қаруға неге күмәнмен қарап отыр

59
(Жаңартылды 12:19 26.02.2021)
Жоғары технологиялық және жоғары дәлдіктегі қару-жарақ жүйелерін жауынгерлік қолдану үшін арнайы оператор мамандарды даярлау, сенімді барлау мен соққы жасауды ұйымдастыру, сондай-ақ, саяси даналық пен қабылданған шешімдер үшін жауапкершілік қажет

Әйтпесе, ең жетілдірілген зымырандардың өзі "дұрыс емес жүйенікі" болып шығуы, ұша алмауы, нысандардың жанынан ұшып өтуі немесе 10 проценті ғана жарылуы мүмкін.

Армения Республикасының премьер-министрі Никол Пашиня 1in.am басылымына берген сұқбатында Таулы Қарабақта жақында өткен соғыс әрекеттеріне баға бере отырып, ресейлік қарудың сенімділігі және соғысқа жарамдылығына күмән келтірді. Оның айтуынша, "Искандер" зымырандары біресе мүлде жарылмады, біресе тек "10 проценті ғана жарылды". Сондай-ақ, мемлекет басшысы әскер саласында құрылымдық және қару-жараққа қатысты реформалар жүргізуге ниетті екенін мәлімдеді.

Армения Республикасының қорғаныс министрлігі премьер-министрдің "Искандерлер" туралы екіұдай ойына қатысты пікір білдіруден бас тартты.

Ресейдің әлемдік қару-жарақ нарығының үштен бірін бақылауда ұстап отыруы кездейсоқ емес. Оның қару-жарақ экспортының көлемі 2020 жылы 13 миллиард долларды құрады. Бұл цифрлар мен фактілер көптеген ел өзіндік құнына сатып алатын қорғаныс өнімдерінің сапасының айшығы болса керек.

"Искандер" жедел-тактикалық зымыран кешендері ебі бар қол басқарса, Кавказ тауларында да, теңізде де, ал соғыс жағдайында Сирия аумағы мен Африканың солтүстігінде де нысандарға дәл тие алады. Мұндай қаруды көп мемлекет сатып алғысы келгенімен, "Искандер-Э" экспорттық модификациясына қол жеткізетіндер қатары санаулы ғана.

Ресей жоғары технологиялық мүмкіндіктерін оңды-солды кез-келген мемлекетпен бөлісіп жатқан жоқ. Сондықтан, Пашинянның сұқбаты төбеден қойып қалғандай болды. "Искандер-М" кешені Ресей қару-жарағының қатарына 2006 жылы қабылданды. Осы орайда оны "80-ші жылдардың қаруы" деп атаған жөн емес.

Ресейлік ЖТЗК қатысты Армения премьер-министрінің ашық айыптауы бірнеше болжамды тұжырымдар жасауға итермелеп отыр. Ресей қаруын кемсітудің астарында армян әскерін сапалы реформалаудың алғышарттары жатқан жоқ па деген ой туады. Олай болса, Ереван алдағы келешекте қандай қару сатып алмақ және қорғаныс қабілетін қандай стандарттар бойынша нығайтпақшы?

Әрине, Таулы Қарабақтағы қақтығыстан кейін бірқатар тұжырым жасалып, жоспарлар құрылғаны анық. Пашинянның сұқбатынан қорғаныс министрлігі мен бас штабта "соғыс туралы шындықты анықтау, дәлелдеу, білу" үшін аналитикалық жұмыстар жүріп жатқаны белгілі. Сондай-ақ, мыңнан астам қылмыстық іс қозғалған. 

Көлемді сұқбатта ҰҚШҰ атауы тек бір ғана тұста аталған: ұйымның міндеттемелері Арменияның халықаралық деңгейде мойындалған шекарасында қалыптасқаны туралы сөйлемде. Алайда, ҰҚШҰ Қарабақтағы аумалы-төкпелі жағдай мен тұрақсыздық кезіндегі Арменияның арқа сүйер жалғыз тірегі емес пе. Жиі қолданылатын "революция" мен "конституция" сөздері өздігінен ештеңені реттемейді, ел қауіпсіздігіне кепілдік бермейді. Кез келген мемлекеттің тұрақтылығының негізі – әскер. Бірақ, нақты іс-әрекет жоспары болмай, қандай да бір ауқымды реформалар жайлы айту бос сөз. 

"Искандер-М" зымыран кешені жаудың маңызды нысандарын жоғары дәлдікпен 500 километрге дейінгі қашықтықта жоюға арналған. Мысалы, әскери базалар, командалық пункттер мен байланыс тораптары, зымыран кешендері, аэродромдардағы ұшақтар мен тікұшақтар. Армения иелігінде 300 километрге дейінгі қашықтықта оқ ата алатын "Искандер-Э" ЖТЗК бар. Кешеннің негізгі артықшылықтары: стратегиялық мобильділігі, жауынгерлік кезекшілікті жасырынды түрде өтеу және зымыранды соққылар жасау мүмкіндігі, ұшу тапсырмасын автоматты түрде есептеу және іске қосу, оқ ату және радиоэлектронды қарсы әрекеттер кезінде жауынгерлік тапсырманы орындау ықтималдылығы жоғары.

Зымырандардың екі түрін - баллистикалық және қанатты зымырандарды пайдалану есебінен оның жауынгерлік тиімділігі жоғары. Зымыранды ұшыру уақыты бірнеше минутты құраса, іске қосу арасындағы аралық бір минутты құрайды.

"Искандердің" әрбір іске қосу қондырғысы мобильді әрі дербес. Ол кез-келген жерде және уақытта әрекет ете алады. Зымырандарды ұшу кезінде қайта бағыттауға болады. Бұл қозғалыстағы нысандарды көздеуге мүмкіндік береді. Соңғы сәтте айрықша дәлдікті қамтамасыз ететін өздігінен бағыттаудың ақылды оптикалық бастиегі іске қосылады. 9М728 немесе Р-500 бастиектері нысаннан небәрі 1 метрге ғана ауытқуы мүмкін.

"Искандер-М" ЖТЗК дәлдігі, зымырандарды дайындау жеделдігі және басқа да сипаттамалары бойынша LORA, Lance, ATACMS, Pluton сынды шетелдік жедел-тактикалық зымыран кешендерінен асып түседі. Ресейлік кешенге қатты ұқсас израильдік LORA зымыранының өзі қашықтығы мен дәлдігі жағынан осалдау. 2020 жылы ATACMS кешенін модернизациялаудан бас тартқан америкалықтар да кейіндеп келеді.

59
ЕуроОдақ туы

Еуропада вакциналау сертификаты енгізіледі

0
Солтүстікатлантикалық Pfizer/BioNTech, Moderna, AstraZeneca үштігіне қатысты бюрократиялық кедергілер болмауы керек. Алайда, Ресей мен Қытай вакцинасына қатысты қиындықтар бар

ЕО дипломатиялық ведомстволары басшыларының селекторлық кеңесінің қорытындысы бойынша сөз сөйлеген фрау канцлерин Ангела Меркель вакциналау сертификатын енгізу қажеттілігі туралы келіскенін мәлімдеді. Оның айтуынша, мұндай сертификаты жоқ азаматтарға ЕО аумағына кіруге тыйым салынады.

Әзірше тек сөз жүзінде келісім бар. Жоба шамамен үш айдан кейін талқылауға ұсынылады, деп хабарлайды РИА Новости.

Негізгі мәселе – вакциналауға қарсы көрсетілімі бар адамдардың жайы не болмақ? Уақытша қарсы көрсетілімдер жайы түсінікті. Мысалы, жақында ғана коронавирусты инфекциямен ауырып шыққан болса. Мұндай жағдайда біршама уақыт өтуін күтіп, содан кейін ғана екпе салғызу керек болады. Алайда, созылмалы ауруы бар адамдар ше?

Іс мұнымен де бітіп тұрған жоқ. Қазір әлемде вакцина көп. Оның саны арта түсетіні анық. Сонда ЕО серификатын алу құқығы нақты қай препараттарға беріледі?

Солтүстікатлантикалық Pfizer/BioNTech, Moderna, AstraZeneca үштігіне қатысты бюрократиялық кедергілер болмауы керек.

Бірақ, ресейлік ("Спутник V" және "ЭпиВакКорона") және қытай (Sinovac Biotech, CanSino Biologics, CNBG — Sinopharm) вакциналарына қатысты біршама қиындық туындайтын секілді. Олар өте жоғары деңгейде тиімді әрііаурудың жалғыз емі болса да, брюссеельдік бақылау органдарымен мақұлданбаған. Сондықтан, осы екі елдің препаратын салғызған азаматтар шекарадан асуы үшін қажетті сертификатқа қол жеткізбеулері ықтимал.

Осы тұста вакцинаның әлемдегі адамдарға тиімділігі емес, оның саяси маңызы жоғары тұрғаны анық. Ал, жаһандық мәселеге саясат араласқан кезде, оның ақыры ешқашан жақсылыққа алып келмеген. Осы сияқты жағдай "Солтүстік ағын – 2" жобасының төңірегінде де белең алып жатыр. Вакцинасы альянс аумағында мойындалмаған елді дәл осы вакцина арқылы қыспаққа алу мүмкін болса, ЕО мұны қалт жібермеуге бел буды.

Жақында ғана Еурокомиссия басшысы Усула фон дер Ляйеннің мәлімдемесі де осыған сәйкес келеді: "Ресейдің кокронавирусқа қарсы вакциналау стратегиясы ақылға қонымсыз. Басқа елдерге вакцинаның миллиондаған дозасын ұсынып отырған Ресей неге өз халқын екпемен толық қамтамасыз ете алмай отыр? Неге өз тұрғындарын вакциналауда тиісті ілгерілеу жоқ? Бұл сұраққа жауап беру керек".

Тиісті ілгерілеу деп нені меңзеп тұрғаны белгісіз. Оның үстіне, ілгерілеу мүлде байқалмайтын Еуропа бұл жайында сөз қозғауы қаншалықты орынды? Әйтпесе, Венгрия "Спутник" вакцинасын сатып алмас еді. Чехия, Австрия, Италия да осы ойда болмас еді.

Сол себепті, елге кіру визасына рұқсатнама ретінде қай вакциналар айқындалатыны туралы дау әлі талай ақиқаттың бетін ашатын секілді.

0