F-35A Lightning II ұшағы

АҚШ-тың жойғыш ұшағы үмітті ақтамады

119
АҚШ-тың ең жаңа, қымбат әрі пайдасыз F-35 Lightning II жойғышы өзінің кезекті "келеңсіздіктері" және сәтсіздіктерімен бақылаушыларды таң-тамаша етуін тоқтатар емес. Кейде "көзге түспейтін" бұл ұшақ өз-өзіне соққы жасап жүр

Аризона штатындағы "Юма Рэйндж" полигонының үстінен ұшып бара жатқан АҚШ Теңіз жаяу әскері корпусының (ТЖК) F-35B бомбалаушы жойғыш ұшағына өз оғынан залал келтірілді. Себебі аспанға көтеріле салысымен-ақ авиациялық зеңбірек оқпанынан жарықшақты-фугасты оқ-дәрі жарылып кетті. Ұшақ фюзеляжына зиян келтірілді. Ұшқыш зардап шеккен жоқ. Бірақ ол үлкен қиындықпен әуе кемесін авиабазаға жеткізді. Алдын ала бағалау бойынша келтірілген шығын көлемі 2,5 миллион долларды құрайды. Адам айтса сенгісіз оқиға. Бірақ шынайы.

Теңіз жаяу әскеріне арналған F-35B конфигурациясы 25 мм калибрлі GAU-22/A Gatling (GPU-9/A) авиациялық зеңбірегімен жабдықталады. Ол корпустың төменгі бөлігінде орналасқан. "Юма Рэйндж" полигонының аумағында PGU-32/B SAPHEI-T жартылай броньді бұзар жарықшақты-фугасты тұтандырғыш-жарқырағыш оқ-дәрісі қолданылды. Әдетте ондағы жарғыш зат нысанға тигеннен кейін біршама уақыттан соң іске қосылады. Теңіз жаяу әскері корпусының ресми өкілі капитан Эндрю Вуд тергеу жүріп жатқанын мәлімдеді. Алдын ала болжам бойынша жойғыш арсеналында кездейсоқ пайда болған сапасыз оқ-дәрі де себеп болуы мүмкін.

Lockheed Martin кәсіпорны әзірлеген көзге түсу мүмкіндігі төмен бесінші буынға жататын F-35 Lightning II бомбалаушы жойғыш ұшағы ықтимал қарсыластың радарында тез көзге түседі. 4+ буынына жататын жылдамдығы мен маневрлігі жоғары жойғыштар оны әуеде тез-ақ құлата алады. Бұл жойғыш ұшақ осы күнге дейін бірде-бір рет соғыс жағдайындағы тиімділігін көрсеткен емес. F-35 конструкциясындағы олқылықтар мен кемшіліктердің көп болғаны соншалық, 2000 жылдың қазанында осы ұшақ алғаш рет аспанға көтерілген уақыттан бері Пентагон 20 жыл ішінде оның F-35А (ӘӘК үшін), F-35В (ТЖК үшін), F-35С (ӘТФ үшін) модификацияларының жаппай өндірісіне келісім бермей отыр. АҚШ-тың Еуропадағы одақтастарының сынықты сылтау етіп, орайы келген уақытта осы жойғыштарды сатып алудан бас тартуға деген ұмтылысы да осы себепті. Мысалы, Ұлыбритания наурызда "экономикалық дағдарысқа байланысты" F-35В тапсырыстарының көлемін 65%-ке қысқартты.

Алайда Жапония Нагоядағы Mitsubishi Heavy Industrie зауытында F-35A жойғыштарын құрастыруды жалғастырып жатыр. Ұшақтарды өз аумағында құрастыру мен АҚШ-тан дайын машинаны сатып алудың қаражат жағынан айырмашылығы айтарлықтай үлкен емес. Мысалы, "жапон" F-35 ұшағы – 86,3 миллион доллар болса, америкалық – 86,76 миллион доллар тұрады. Жалпы сомасы 13 миллиард долларға 147 ұшаққа тапсырыс берілді. АҚШ Жапонияға F-35-тің кейбір технологиялары бойынша толық қолжетімділік бермеуіне байланысты жапон ұшқыштары түрлі жайсыздықтарға тап болып отыр.

2019 жылдың көктемінде Мисава авиабазасының жанындағы жаттығулық ұшу кезінде төрт жапониялық F-35A ұшағының бірі сағатына 1 000 шақырым жылдамдықта Тынық мұхитына құлады. Тәжірибелі ұшқыш, майор Акинори Хосоми катапульталану немесе сигнал жолдауды орындай алмады. Жойғыш қараптан-қарап жоқ боп кетті. Кейінірек апат орнын анықтап, ұшақ қирандылары мен ұшқыштың мәйіті табылды. F-35A Lightning II ұшағының қирап қалғаны соншалық, қайғылы оқиғаға не себеп болғанын анықтау қиынға соқты. Ал Жапонияның ресми жауабы тіпті күлкілі: ұшақтың апатқа ұшырауына ұшқыштың басы айналуы себеп болды. Кез-келген армиядағы ең таңғажайып құбылыс – бұл басы айналатын сырқаты бар ұшқыш.

Сол сияқты АҚШ Әскери-әуе күштерінің 58-ші жойғыштар эскадрильясының құрамындағы F-35A бомбалаушы жойғышы Флоридадағы Эглин базасының жанында өткен жаттығулық ұшу кезінде апатқа ұшырады. Тірі қалған ұшқыш ұшақты басқару мүмкін болмағанын айтты. Ақауы көп машина. Сонымен қатар ұшақтың кабинасы мен басқару құралдары ұшқыш үшін "тым жоғары технологиялы" деген пікір де бар. Бір ғана ұшу дулығасының өзі не тұрады (бағасы 400 мың доллар).

Lockheed Martin қысымына қарамастан Пентагон 2021 жылдың қаңтарында ұшақтың технологиялық проблемаларына байланысты F-35 машинасының жаппай өндірісін белгісіз уақытқа кейінге шегерді. АҚШ әскери-әуе күштерінің бұл қарсылығы 2017 жылдан бері жалғасып келеді.

АҚШ әскери-әуе күштері үшін әр ұшақтың құны 80 миллион долларға дейін арзандатылды. Алайда F-35-тің "сенімсіздігі, техникалық қызмет көрсетудің өте жоғары талаптары және пайдалану шығындарының жоғарылығы" үшін Пентагоның ұшаққа көңілі толмай отыр. Бомбалаушы-жойғыш ұшақ соғысқа дайын деп танылғанмен және 2014 жылы АҚШ әскери-әуе күштерінің қарулануына қабылданғанына қарамастан, ол әлі де қарқындылығы жоғары соғысқа дайын емес және 2025 жылға дейін дайын болуы екіталай.

Пентагон мәліметі бойынша F-35  ұшағының америкалық паркінің үштен екісі F135 қозғалтқышындағы проблемаларға байланысты ұшуларды орындай алмайды.

О баста америкалықтардың физика заңдарын елемей, бір ұшақтың конструкциясында үш салаға бірдей бейімделген (әскери-әуе күштеріне арналған қарапайым ұшақ, әскери-теңіз флотына арналған палубалы ұшақ, теңіз жаяу әскері корпусына арналған тік ұшып-қона алатын ұшақ) машинаға қол жеткізудің ақыры F-35 Lightning II үшін оңайға соқпай тұр.

119
Патрульный корабль Страж (Border and Offshore Submersible Sentry, BOSS)

Ресей бағасы қолжетімді BOSS субмаринасын экспортқа шығармақ

47
Ресейлік кеме құрастыру саласының ғылыми және технологиялық деңгейі стандарттардан тыс конструкторлық шешімдерді қолдануға мүмкіндік береді. Суүсті кемесі және субмарина функциялары бар "Страж" патрульдік су көлігі түрлі ел мамандарын таңғалдыра алады

Бұл жаңа кеме BOSS (Border and Offshore Submersible Sentry) атауымен экспортталады.

"Рубин" теңіз техникасының орталық конструкторлық бюросы субмарина мен су үстіндегі кеме қабілетін үйлестірген "Страж" патрульдік кемесін таныстырды. Озық техникалық сипаттамаларына, жоғары сенімділігіне, бортына зымыран-торпедалық қарудың кең түрін орналастыру мүмкіндігіне қарамастан салыстырмалы түрде арзан бағасы мен шағын көлемі BOSS-ты қорғаныс бюджеті аса үлкен емес көп мемлекет үшін тартымды етеді.

 Адмирал флота Касатонов фрегаты
© Sputnik / Александр Гальперин
"Рубин" КБ – субмариналарды жобалау ісінде әлемдегі көшбасшы мекемелердің бірі. Ол суасты кемелері мен түрлі топтағы аппараттарды құрастыру бойынша 120 жылдық тәжірибесі бар Ресейдегі суасты кемелерін құрастырудың конструкторлық бюросына жетекшілік етеді.

BOSS сыртқы пішіні бойынша 613-ші жобадағы дизельді-электрлі субмаринаны еске түсіреді. Ол конструкциясы сәтті шыққан және әлемде көп сатылған су көлігінің бірі. BOSS сипаттамалары да оған ұқсас: комплектациясына қарай ұзындығы 60-70 метр, су сыйымдылығы шамамен 1000 тонна, экипажы 42 адам. Ол басқарылатын зымырандармен, торпедалармен, ұшқышсыз ұшу аппараттарымен, артиллериялық қондырғылармен, тексеру топтарына арналған шағын көлемді жылдамдығы жоғары жүзу құралдарымен жабдықталуы мүмкін. Қару жүйесі, аспаптары мен жабдықтарын таңдау кезінде "Рубин" КБ мамандары субмариналар, суасты қайықтары мен ұшақтардағы сынақтан өткен және сенімді техникаға басымдық берді.

Технологиялық деңгейі жоғары қарсыластың кемелері мен жағалаудағы нысандары, жабдықталуы төмен пираттар, контрабандистер, браконьерлер су үстіндегі және астындағы жаңа патрульдік кеменің ықтимал нысаналары болуы мүмкін. Кеме барлау жүргізетін немесе ғылыми-зерттеу көлігі ретінде тиімді қолданылады.

Жаңа кеменің мүмкіндіктері мен міндеттерінің спектрін түсіну үшін 613 жобасына (НАТО жіктемесі бойынша – "Whiskey") қайта оралу керек. Қарапайым әрі сенімді субмаринаның су сыйымдылығы 1347 тонна, ұзындығы 76 метр болды және ол 200 метрге дейінгі тереңдікте 18,5 торапқа дейінгі жылдамдықта қозғала алды. Су астындағы максималды қашықтығы – 8500 миля (15 мың километрден астам). Негізгі қаруы: 533 милиметр калибрлі алты торпедалы аппарат. Оның төртеуі тұмсығында, екеуі артқы жақта орналасқан. Торпедалар ядролық жауынгерлік бөліктермен жабдықталуы мүмкін. Жауынгерлік жинақ 12 торпедадан немесе 22 минадан тұрды. Дербестігі – 30 тәулік. Экипажы – 52 адам.

613-ші жоба торпедалық ретінде әзірленгенімен зымыран қаруы бар алты модификацияланған субмарина құрастырылды. 613-ші жобаға жататын кемелерінің сериялық өндірісі кезінде құрастырудың ағынды-секциялық әдісі, автоматты дәнекерлеу және дәнекерленген тұстарды рентгенографиялық бақылау кеңінен қолданылды.

Кеңес флотына бес күн сайын ір субмаринадан беріліп тұрды. Жеті жыл (1950-1957) ішінде жалпы саны су сыйымдылығы орташа 215 дизель-электрлік суасты қайығы құрастырылды. Олар біруақытта торпедалық соққы жасап, барлыу жүргізіп, қарсылас орналасқан аумақта жедел және жайғасымдық қызмет атқара алды. Бұл 613-ші жобаның кемелері Кеңес Одағы ыдырағанға дейін қолданыста болуы оның сапасының мінсіздігін паш етеді.

613-ші жобаның көп нысаналы суасты қайықтары (шамамен 40 бірлік) шет мемлекеттерге –  Болгария, Куба, Индонезия, Мысыр, Сирия, Солтүстік Корея, Польша әскери-теңіз күштеріне жеткізілді. Қытайға техникалық құжаттарды тапсырылып, Шанхай мен Ханькоудағы зауыттарда 20-дан астам сүңгуір қайық құрастырылды.

Теңіздегі классикалық жауынгерлік патрульдеу – бұл белгілі бір аймақта суүсті кемелері мен сүңгуір қайықтардың ұзақ уақытқа созылатын маневрі. Олар кез келген уақытта соғыс жағдайында қарсыластың кемелеріне немесе жердегі нысандарына соққы жасауға дайын болуы керек. Патрульдік кеме өз елінің жағалауларынан қашықта зымыран, артиллерия немесе торпедалық соққыларға әрдайым дайын күйде жүреді. Сондықтан Ресей Федерациясы Қара, Беринг немесе Жапония теңіздеріндегі өз жағалауларында америкалық эсминецтердің пайда болуына тиісті түрде қатаң жауап береді.

Су астында партуль жүргізу қарсыласты, шекараны бұзғандарды немесе контрабандамен айналысатындары жасырын түрде бақылауға, тосыннан соққы жасауға мүмкіндік береді. Су тереңдігінде қарсыластың басым күштерін айналып өтуге болады және ешқандай дауылдан қауіп жоқ. Ал оның су үстіне көтерілу мүмкіндігі экипаждың таза ауамен тыныстауына мүмкіндік береді. Сонымен қатар экипаждар мен жағалау инфрақұрылымын дайындауға арналған оқу-жаттығу құралы бола алады.

47
суасты қайығы, архив

"Посейдон" Тынық мұхитқа шығуға дайындалып жатыр

56
Әскери-өнеркәсіптік кешендегі ақпарат көзі 5 сәуірде теңіздегі ұшқышсыз ұшу аппараттарының тасымалдаушысы "Посейдон" – 09852 жобасының эксперименттік атомдық суасты қайығы "Белгород" реакторы іске қосылғанын хабарлады

Субмарина сынағы қыркүйекте аяқталып, ол мұхиттағы қызметіне кіріседі. Қазір кеме құрылысының, монтаждау мен реттеу жұмыстарының сапасы, жүктеме кезіндегі бас энергетика қондырғысы, қауіпсіздік жүйесі тексеріліп жатыр.

"Посейдон" тасымалдағышы тұрақты үрде Тынық мұхиты флотындағы базалардың біріне орналастырылады. Алайда эксперименттік суасты қайығы әлем мұхитының кез келген нүктесіндегі міндеттерді орындай алады. Ресейдегі 2027 жылға дейінгі мемлекеттік қарулану бағдарламасы бойынша РФ осы сынды үш сүңгуір кеме салуды жоспарлап отыр.

Ресей президенті Владимир Путин "Посейдон" жүйесін әзірлеу туралы алғаш рет 2018 жылы жариялады ("Белгород" 2019 жылдың 23 сәуірінде суға жіберілді). Путин авиатасымалдағыш топтар, жағалау бекіністері мен қарсыластың инфрақұрылымы секілді мақсаттардың кең спектрін атап өтті. РФ президенті осындай құралдар арқылы "бірполярлы ойынның" ережелерін өзгертуге уәде берді. Сол шақта АҚШ шенеуніктері жаңа қаруға үреймен қарап, оны "техникалық тұрғыдан мінсіз" деп атады. Бүгінгі күні АҚШ-тың Мемлекеттік департаменті 2М39 "Посейдон" континентаралық ядролық торпеданың пайда болуына ерекше алаңдаушылық білдіруде. 

09852 жобасының "Белгород" көпнысанды атомды суасты қайығы "Посейдон" жүйесі үшін арнайы бейімделген үшінші буынға жататын "Антей" 949А жобасының эксперименттік "реинкарнациясы" болып отыр. "Антейлер" о баста "Гранит" кемелерге қарсы зымырандарының тасымалдағыштары болатын. "Посейдон" – ұстап тұруға және тосқауыл болуға арналған ауқымды құрал. Терең суларда жүзуге қабілетті және ядролық энергетикалық қондырғысы бар стратегиялық континентаралық аппарат 1000 метр тереңдікте 100 торапты жылдамдықпен (185 км/сағ астам) 10 мыңға дейінгі жылдамдықты еңсере алады. Сынақтар кеменің мінсіз сипаттамаларын растады. Автономды "Посейдон" ықтимал қарсыластың субмариналары, торпедалары мен зымырандары үшін қолжетімсіз тереңдік пен жылдамдықта қозғала алады. Мұндай торпеданы мұхитта анықтау мүмкін емес. Ол төмен жылдамдықта дыбыссыз жүзе алады.

Автономды басқару жүйесі суасты қайықтарына қарсы қорғаныс жүйелерін анықтауға және тойтарыс беруге қабілетті. Ол қарсылас нысандарына қатысты дәлдік пен жойқын зиян келтіруге кепілдік бере алады. Ұзындығы 24 метр және диаметрі шамамен 1,6 метр болатын ядролық қозғалтқышы бар аппарат қарапайым немесе мегатонналық оқтұмсықпен жабдықталуы мүмкін. Мұндай қару тек Ресейде бар. 

Біраз бұрын АҚШ бастаған ұжымдық АҚШ НАТО әскерін шығыс аймаққа орналастыру және Шығыс Еуропада ЗҚҚ жаһандық жүйелерін құру арқылы Ресейдің стратегиялық ядролық күштерінің әлеуетін жоққа шығаруға тырысты. Олар тіпті "Томагавктер" мен орташа қашықтыққа ұшатын басқа да зымырандарды Ресей шекарасына жақын орналастырды. "Посейдон" континентаралық жүйесі "әріптестердің" есін жиғызды. Сондықтан бұл торпеда Американың стратегиялық қолбасшылығын (STRATCOM) 2019 жылдың ақпанында жүргізілген ерте сынақтар кезінде-ақ алаңдатып үлгерді. Конгресс тыңдалымында STRATCOM басшысы Джон Хайтен "Посейдонды" қаруланудың жаңа жүйесі ретінде СШҚШ келісімшартымен шектелмейтінін мәлімдеп, АҚШ-та оның баламасы әзірленіп жатпағанын еске салды.

"Белгород" алғашқы эксперименттік аппаратқа айналады. Континентаралық ұшқышсыз ұшу аппараттарының қалыпты тасымалдағыштары тобы "Хабаровск" (098531 жобасы) атомды сүңгуір қайығы бастайды. Субмаринаның негізгі сипаттамалары құпия сақтаулы. Ащық дереккөздердегі мәліметке сүйенсек, кемеге жаңа ядролық энергетикалық қондырғы орнатылған және ол алты ұшқышсыз ұшу аппаратын тасымалдай алады. Су сыйымдылығы шамамен 10 мың тонна болатын кеменің экипажы кемінде 100 адамнан тұрады. Ол корпусы бойынша "Борей" стратегиялық зымыран тасымалдағышына ұқсас.

Еске салсақ, орта және шағын қашықтыққа ұшатын зымырандардың көзін жою туралы келісімшарттан Ресей емес АҚШ бірінші болып шығып кетті де, 2020 жылы әскери бюджетті 750 миллиард долларға дейін ұлғайтты. Бұл басқа елдердің қорғаныс саласыдағы шығындарын біріктіргенде ғана қол жететін көрсеткіш.

56
Әскери оқу-жаттығу

Жағдай шиеленісіп барады: Ресей мен Украина қатынасы қалай өрбиді

0
Британдық және америкалық радиоэлектронды барлау ұшақтары мен кемеге қарсы ұшақтар Қара теңіздің бейтарап аумағында тынымсыз ұшып жүр

НҰР-СҰЛТАН, 16 сәуір – Sputnik. Соңғы күні Солтүстікатлантикалық альянс шығыс Еуропада күрт белсенділік танытып жатыр. Бұл Киевтің Донбаспен шекараға қосымша бөлімшелер мен техника жеткізуіне қатысты жауапты әрекет екені ешкімге жасырын емес, деп жазады РИА Новости.

Донбастағы жағдайдың кезекті рет өршуіне байланысты НАТО елдерінің авиациясы бұл аймақта жиі төбе көрсетіп жүр. Түйісу орнында RQ-4 Global Hawk барлаушы дрондары тұрақты күзетте тұр. Олар ДХР мен ЛХР әскерінің қорғанысқа даярлығын назардан тыс қалдырмауда. Ұшқышсыз ұшу аппараттары түсірген суреттер сол мезетте киевтік әскери қолбасшылардың үстеліне жететініне еш күмән жоқ.

Украина қарулы күштері де әуе барлауын күшейтті. Сарбаздар Түркиядан сатып алған Bayraktar TB2 соққы жасаушы дрондарын байқаған. УҚК-де мұндай алты дрон бар. Қосымша ұшқышсыз ұшу аппараттарын жеткізу туралы келісімшарт жақында Украина президенті Владимир Зеленскийдің Түркияға сапары кезінде жасалғаны мәлім болды.

Сонымен қатар, батыс авиациясы Қырым жағалауына күн сайын мониторинг жүргізіп отыр. Британдық және америкалық Boeing RC135W және Lockheed P-3COrion радиоэлектронды барлау ұшағы мен P-8APoseidon кемеге қарсы ұшағы Қара теңіздің бейтарап аумағында тынымсыз ұшып жүр. Олардың басты міндеті – Қара теңіз флоты кемелерінің әрекетін қадағалау және түбекте орналасқан әскери топтың әуе шабуылынан қорғаныс жүйелерінің позицияларын анықтау.

НАТО өңірдегі әскери-теңіз қатысуын да күшейтіп жатыр. Сәуірдің соңына дейін АҚШ ӘТК-нің екі зымыран эсминеці Қара теңізге шығуы керек. Пентагонның ресми мәлімдемесі бойынша, кемелерді бағыттау қалыпты сипатқи ие. Алайда Кремль жағдайды назарда ұстап отыр. Себебі бұл эсминецтер елуден астам "Томагавк" қанатты зымыранын тасымалдайды.

"Америка Құрама Штаттарының әскери белсенділігіне, соның ішінде Қара теңізге кеме кіргізуіне келсек, бұл тұрақты болып жатыр. Қазір бұл әсіресе агрессивті қарқында орындалуда", – дейді Ресей СІМ басшысы Сергей Лавров.

Тағы бір қызық жағдай: АҚШ ӘӘК әскери-көлік авиациясының ұшақтары Киевке қандай жүк жеткізіп жатыр?

Мамандар FlightRadar интернет сервисінің көрсеткішіне назар аударып, АҚШ, Германия мен Балтық маңы елдерінен ұшып шыққан америкалық С-17 мен С-30 Борисполь әуежайына тоқтап, жүк түсіріп, кері қайтып жатқанын анықтады.

Әскери сарапшы Алексей Леонковтың пікірінше, Вашингтон Украинаға радиоэлектронды күрес кешендерін жеткізіп жатыр. Бұл жақын уақытта УҚК шабуыл жасайды дегенді білдіреді. Ресей де қол қусырып отырмайтыны анық.

"Егер жағдай ушығатын болса, онда біз өзіміздің және қай жерде жүрсе де, өз азаматтарымыздың қауіпсіздігін қамтамасыз ету үшін барлығын жасаймыз. Мұндай өршуге Киев пен оның Батыстағы кураторлары толық жауапты болады. Сондай-ақ біз Қырымнан, Қара теңіздегі жағалаудан аулақ болу туралы АҚШ-қа ескертеміз", – деді СІМ басшысының орынбасары Сергей Рябков.

Батыс елдерінің ресейлік шекара маңында белсенділігінің артуына тағы бір себеп – НАТО әскерлерінің мамырдың ортасында өтетін ең ауқымды Defender Europe 2021 оқу-жаттығуына дайындығы.

Өткен жылмен салыстырғанда 2021 жылғы әскери шара кезінде Шығыс емес, Оңтүстік Еуропаға көп көңіл бөлінеді. Маневрлер Черногория, Косово және Албанияда жоспарланған. Болгария мен Румынияда әуедегі шабуылдан қорғаныс жүйелері мен "жер – жер" тобындағы зымырандардың жаттығуы өтеді. Ал Венгрия тыл қызметін атқарады. Маневрлерге украин әскери қызметшілері де қатысады.

Еуропадағы АҚШ Құрлық әскерінің ресми сайтында жарияланған баспасөз релизіне сәйкес, оқу-жаттығулар "АҚШ, НАТО бойынша одақтастар мен серіктестері арасындағы стратегиялық және жедел дайындық пен өзара әрекеттесуді күшейтуге бағытталған". Бұл маневрлер үшінші мемлекеттер үшін ешқандай қауіп төндірмейтіні жазылған. Алайда Defender Europe 2021 антиресейлік бағытта өрбитіні айдан анық.

Сондықтан Ресей мен Белоруссия қыркүйекте "Батыс-2021" маневрлерін өткізеді. Белоруссияның қорғаныс министрі Виктор Хренин атап өткендей, "бірлескен оқу-жаттығулар жоғары урбанизацияланған елді мекендерде шабуылдау бөлімшелерінің бірлескен іс-қимылдарының жаңа әдістерін сынауға мүмкіндік береді" деп санайды.

0
Кілт сөздер:
Украина, Ресей