Циркон зымыраны

"Циркон" зымыраны қандай мүмкіндіктерге ие

66
АҚШ әскери-теңіз күштері мен НАТО-да сағатына 10 мың шақырым жылдамдықпен ұшатын "Циркон" зымыранын анықтай алатын радиолокация құралдары жоқ

АҚШ әскери-теңіз күші мен НАТО-ның Заполярье және Солтүстік теңіз жолындағы қысым көрсету әрекеттеріне қатысты Ресей "Циркон" гипердыбысты зымырандарын іске қосты. Мұндай техникаға тойтарыс беруге қарсыластың қауқары жетпей тұр. Сондықтан олар Ресей Федерациясын түрлі "қылмысқа" айыпты етіп көрсететін даулы мәлімдемелер жасауға мәжбүр. Ал Ресей бар болғаны халықаралық құқық бойынша өз шекарасы мен ұлттық мүдделерін қорғап отыр.

22350 "Кеңес одағы флотының адмиралы Горшков" жобасының бас фрегаты 24 наурызда Баренц теңізіне шықты. Ол жауынгерлік дайындық тапсырмаларын орындап, зымыран-артиллериялық қарудан теңіздегі нысаналарға оқ ату және "Циркон" гипердыбысты зымыранының сынағын орындауы керек болды.

"Адмирал Горшковтан" 800 шақырымға дейінгі қашықтықта зымыранды оқ ату 25-27 наурызға белгіленіп отыр. Бұл Солтүстік атлантикалық альянстың үлкен қызығушылығын тудыруда. Жалпы АҚШ әскери-теңіз күштері мен НАТО-да сағатына 10 мың шақырым жылдамдықпен қозғалатын "Циркон" зымыранын анықтайтын радиолокация құралдары жоқ. Сол себепті альянстың Арктиканы өз бақылауында ұстауға деген ұмтылысына технологиялық мүмкіндіктері сай келмей тұр.

25 наурызда "Адмирал Горшков" төрт гипердыбысты зымыранмен сәтті оқ атты, барлығы нысанаға дәл тиіп, ұшу-конструкторлық сынақ аяқталды. Мамыр айында "Цирконның" мемлекеттік сынақтары басталады. Оның қатарында "Северодвинск" атомды суасты қайығынан іске қосу жоспарда бар. 2020 жылға белгіленген сынақ бағдарламасы орындалды: "Адмирал Горшков" фрегаты "Циркондармен" теңіз нысаналарына екі рет және жердегі нысаналарға бір рет оқ атты.

Сынақтар сериясы 2016 жылдан бері жалғасып келеді. Ресей қорғаныс министрлігі "Цирконды" 2022 жылдың бірінші жартысында қарулануға қабылдауды жоспарлап отыр. Кез-келген егемен ел секілді Ресей де өз шекарасына жақын аумақта НАТО-ның әскери базалары мен зымырандық позицияларының кеңеюіне жауап беруге мәжбүр. Мәскеу Солтүстік теңіз жолын "теңізде жүзу еркіндігі" мен Заполярьедегі Ресей шекараларына жақын жерде АҚШ пен НАТО әскери кемелерінің орналасуынан қатаң қорғауға дайын екенін паш етіп отыр. Циркон – Солтүстік флоттағы көп қарудың бірі ғана. Ресейді "нысанаға ала отырып" халықаралық өзара әрекеттестік орнату еш  мүмкін емес.

Қолға түспейтін әрі қуатты "Циркондар" әрбір қарсы әрекет үшін ықтимал жау жауап беретінін еске салу құралы іспеттес. НАТО-ны күллі адамзат баласының мүддесін қорғап отырған ұйым деп атау мүмкін емес. Әскери одақ ғаламшардағы халықтың 10%-інің ғана атынан сөйлеп отыр. Сондықтан ол біржақты тәртіпте көрші мемлекеттерге қандай да бір талап қоюға құқылы емес.

Батыстағы "серіктестер" тең дәрежеде диалог жүргізу ұсыныстарын қасақана елемей отыр. Олар экстерриториялық санкциялар енгізуден жалығар емес. НАТО елдері сыртқы істер министрлері кездесуінің қорытындысы бойынша мемлекеттік хатшы Йенс Столтенберг Ресей тарапынан зымыранды шабуыл қаупі артып жатқанын альянс көріп отырғанын және осы себепті оған тойтарыс беруге мәжбүр екенін мәлімдеді. Алайда Ресейдің зымыранына қарсы қоятын қару оларда әзірше жоқ. Пентагон гипердыбысты зымырандарды тек 2028 жылға қарай алады. Соған қарағанда, Брюссель мен Вашингтон арандатуға толы мәлімдемелер мен дәйексіз айыптаулар "Цирконды" қолдануға тосқауыл болып, Ресей дамуына кедергі келтіреді деп ойласа керек.

НАТО-ның Балтық және Қара теңіз аймағында әскери белсенділігін үдетуіне қарай Ресей Федерациясының қорғаныс қабілеті де алдағы жылдары тек арта түсетіні анық. Әйтсе де Мәскеу альянстың әскери қысымына мейлінше сабырмен жауап қатып келеді. Ол тіпті басқа елдерге жүздеген база орнатуға ұмтылып жатқан жоқ.

Ресейдің әскери-теңіз флотының соғыс кемелері мен суасты қайықтарының бортында орналасқан су жаңа гипердыбысты зымыран кешендері дәлдігі жоғары "Калибр" қанатты зымырандарының мүмкіндіктерін арттыра түседі. Бұл теңіздегі ұрыс тактикасын түбегейлі өзгертіп, Әлем мұхитындағы күш әлеуетін де толықтыра түседі.

Ашық дереккөзге сүйенсек, сериялық өндіріс бойынша дайындалатын "Циркондар" дыбыс жылдамдығынан тоғыз есе тез ұшып (сағатына 10 789 шақырымнан астам), 1 000 шақырым қашықтықта нысаналарға дөп тие алады. Зымыранның ұзындығы шамамен 6 метр, ал соғысу бөлігінің салмағы 300 келі. Зымыранды іске қосу үшін кемеге арналған 3С-14 әмбебап ату кешені қолданылады. Ол "Гранит" және "Оникс" сынды кемеге қарсы зымырандарында қолданылып жүр. Ресей Федерациясы қорғаныс министрлігінің ақпараты бойынша, "Адмирал Нахимов" крейсері, "Адмирал Горшков" түріндегі фрегаттар, 20385 жобасының корветтері ("Гремящий"), 22350, 23560 жобаларының суүсті кемелері және 885, 885M, 949AM жобаларының атомды субмариналары "Циркондармен" қаруланады.

Гипердыбысты зымырандарды қазір қолданыста бар зымыран шабуылынан қорғаныс жүйелері қолға түсіре алмайды. "Циркон" санаулы секунд ішінде қарсыластың әуедегі шабуылдан қорғаныс аумағын бұзып өте алады. Соққысы нысанаға дөп тиеді. Мысалы, британдық Корольдік флотына тиесілі әуедегі шабуылдан қорғаныс жүйесінің заманауи құралдары сағатына 3 700 шақырым жылдамдықта ұшатын әуе нысаналарын атып түсіре алады. Ал "Циркон" бір соққы арқылы құны алты миллиард фунт тұратын британдық авиатасымалдағыштың көзін жоя алады. Расында да гипердыбысты зымыранның кинетикалық энергиясы америкалық Arleigh Burke түріндегі эсминецті екіге қақ бөлуге қауқарлы.

Сол себепті "Циркон" зымыранының пайда болуы НАТО-ның әскери-теңіз күштерін тактикасын реттесуге және әуедегі шабуылдан қорғаныс технологияларын жетілдіруге мәжбүрлеп отыр. Соғыс жағдайында авиатасымалдаушы соққы жасау топтары "Цирконның" нысанасына ілікпеу үшін кемінде 1 000 шақырым қашықтықты сақтауына тура келеді.

Әйтсе де ресейлік "Циркон" бейбіт өмірге төнген қауіп емес. Бұл НАТО-ның антиресейлік әрекеттеріне тиісті берілген жауап.

66
суасты қайығы, архив

"Посейдон" Тынық мұхитқа шығуға дайындалып жатыр

54
Әскери-өнеркәсіптік кешендегі ақпарат көзі 5 сәуірде теңіздегі ұшқышсыз ұшу аппараттарының тасымалдаушысы "Посейдон" – 09852 жобасының эксперименттік атомдық суасты қайығы "Белгород" реакторы іске қосылғанын хабарлады

Субмарина сынағы қыркүйекте аяқталып, ол мұхиттағы қызметіне кіріседі. Қазір кеме құрылысының, монтаждау мен реттеу жұмыстарының сапасы, жүктеме кезіндегі бас энергетика қондырғысы, қауіпсіздік жүйесі тексеріліп жатыр.

"Посейдон" тасымалдағышы тұрақты үрде Тынық мұхиты флотындағы базалардың біріне орналастырылады. Алайда эксперименттік суасты қайығы әлем мұхитының кез келген нүктесіндегі міндеттерді орындай алады. Ресейдегі 2027 жылға дейінгі мемлекеттік қарулану бағдарламасы бойынша РФ осы сынды үш сүңгуір кеме салуды жоспарлап отыр.

Ресей президенті Владимир Путин "Посейдон" жүйесін әзірлеу туралы алғаш рет 2018 жылы жариялады ("Белгород" 2019 жылдың 23 сәуірінде суға жіберілді). Путин авиатасымалдағыш топтар, жағалау бекіністері мен қарсыластың инфрақұрылымы секілді мақсаттардың кең спектрін атап өтті. РФ президенті осындай құралдар арқылы "бірполярлы ойынның" ережелерін өзгертуге уәде берді. Сол шақта АҚШ шенеуніктері жаңа қаруға үреймен қарап, оны "техникалық тұрғыдан мінсіз" деп атады. Бүгінгі күні АҚШ-тың Мемлекеттік департаменті 2М39 "Посейдон" континентаралық ядролық торпеданың пайда болуына ерекше алаңдаушылық білдіруде. 

09852 жобасының "Белгород" көпнысанды атомды суасты қайығы "Посейдон" жүйесі үшін арнайы бейімделген үшінші буынға жататын "Антей" 949А жобасының эксперименттік "реинкарнациясы" болып отыр. "Антейлер" о баста "Гранит" кемелерге қарсы зымырандарының тасымалдағыштары болатын. "Посейдон" – ұстап тұруға және тосқауыл болуға арналған ауқымды құрал. Терең суларда жүзуге қабілетті және ядролық энергетикалық қондырғысы бар стратегиялық континентаралық аппарат 1000 метр тереңдікте 100 торапты жылдамдықпен (185 км/сағ астам) 10 мыңға дейінгі жылдамдықты еңсере алады. Сынақтар кеменің мінсіз сипаттамаларын растады. Автономды "Посейдон" ықтимал қарсыластың субмариналары, торпедалары мен зымырандары үшін қолжетімсіз тереңдік пен жылдамдықта қозғала алады. Мұндай торпеданы мұхитта анықтау мүмкін емес. Ол төмен жылдамдықта дыбыссыз жүзе алады.

Автономды басқару жүйесі суасты қайықтарына қарсы қорғаныс жүйелерін анықтауға және тойтарыс беруге қабілетті. Ол қарсылас нысандарына қатысты дәлдік пен жойқын зиян келтіруге кепілдік бере алады. Ұзындығы 24 метр және диаметрі шамамен 1,6 метр болатын ядролық қозғалтқышы бар аппарат қарапайым немесе мегатонналық оқтұмсықпен жабдықталуы мүмкін. Мұндай қару тек Ресейде бар. 

Біраз бұрын АҚШ бастаған ұжымдық АҚШ НАТО әскерін шығыс аймаққа орналастыру және Шығыс Еуропада ЗҚҚ жаһандық жүйелерін құру арқылы Ресейдің стратегиялық ядролық күштерінің әлеуетін жоққа шығаруға тырысты. Олар тіпті "Томагавктер" мен орташа қашықтыққа ұшатын басқа да зымырандарды Ресей шекарасына жақын орналастырды. "Посейдон" континентаралық жүйесі "әріптестердің" есін жиғызды. Сондықтан бұл торпеда Американың стратегиялық қолбасшылығын (STRATCOM) 2019 жылдың ақпанында жүргізілген ерте сынақтар кезінде-ақ алаңдатып үлгерді. Конгресс тыңдалымында STRATCOM басшысы Джон Хайтен "Посейдонды" қаруланудың жаңа жүйесі ретінде СШҚШ келісімшартымен шектелмейтінін мәлімдеп, АҚШ-та оның баламасы әзірленіп жатпағанын еске салды.

"Белгород" алғашқы эксперименттік аппаратқа айналады. Континентаралық ұшқышсыз ұшу аппараттарының қалыпты тасымалдағыштары тобы "Хабаровск" (098531 жобасы) атомды сүңгуір қайығы бастайды. Субмаринаның негізгі сипаттамалары құпия сақтаулы. Ащық дереккөздердегі мәліметке сүйенсек, кемеге жаңа ядролық энергетикалық қондырғы орнатылған және ол алты ұшқышсыз ұшу аппаратын тасымалдай алады. Су сыйымдылығы шамамен 10 мың тонна болатын кеменің экипажы кемінде 100 адамнан тұрады. Ол корпусы бойынша "Борей" стратегиялық зымыран тасымалдағышына ұқсас.

Еске салсақ, орта және шағын қашықтыққа ұшатын зымырандардың көзін жою туралы келісімшарттан Ресей емес АҚШ бірінші болып шығып кетті де, 2020 жылы әскери бюджетті 750 миллиард долларға дейін ұлғайтты. Бұл басқа елдердің қорғаныс саласыдағы шығындарын біріктіргенде ғана қол жететін көрсеткіш.

54
Қашықтық авиациясының перспективалы авиациялық кешенінің нобайы (ҚА ПАК)

Ресейлік "стратег" зымыран қашан пайдалануға берілетіні белгілі болды

71
Ресейдің жоғары технологиялы жауынгерлік авиациясы заман талабына сай дамуда. Жаңа буынға жататын стратегиялық бомбалаушы зымыран тасымалдағыш әлеуетті қарсыластың сын-қатеріне төтеп беруге қауқарлы

НҰР-СҰЛТАН, 6 сәуір – Sputnik. Ресейдің қорғаныс министрлігі "Туполев" әзірлемесі бойынша стратегиялық бомбалаушы-зымыран тасымалдағыштың соңғы кескінін бекітті. Мамандар ұшақтың көзге түсу деңгейін мейлінше төмендетуге тырысып, қуатты зымыран қаруына басымдық берді. Қашықтық авиациясының перспективалы авиациялық кешеніне (ҚА ПАК) дыбысқа дейінгі жылдамдық мүмкіндігі орнатылып, ұшу ұзақтығы арттырылады және фюзеляжішілік қарулану қарастырылады. Жаңа буын  "Стратегі" мемлекеттік қарулану бағдарламасы аяқталғанға дейін 2027 жылы қарулануға қабылданады деп жоспарланып отыр. ҚА ПАК Ту-160, Ту-95МС және Ту-22М3 сынды қашықтық авиациясының "ардагерлерінің" орнын басады.

Қорғаныс-өнеркәсіп кешеніндегі ақпарат көзіне сүйенсек, бомбалаушы-зымыран тасымалдағыш "ұшатын қанат" аэродинамикалық сызба бойынша дайындалған. Оның борттық жабдығы мейлінше автоматтандырылған. Ұшақ "әуе-әуе" зымырандарының кең спектрін қолдана алады және ұшқышсыз ұшу аппараттарының тобын басқара алады. Қазір Казань авиация зауытында бірнеше ҚА ПАК тәжірибелік үлгілерін құрастыру жалғасып жатыр.

Су жаңа "стратегтің" арнайы макеттері мен толық көлемді элементтері радиолокациялық көзге түсу деңгейі бойынша стендтік сынақтан сәтті өтті. Бұл сынақ ұшақтың НАТО елдерінің әуедегі шабуылынан қорғаныс жүйелерінен көзге түспей өтуге қабілетті екенін дәлелдеді.

Оқи отырыңыз: "Сармат" зымыранының сынағы қашан басталады

"Туполев" кәсіпорнының басшысы Александр Конюхов 2019 жылы ҚА ПАК-тың алғашқы үлгісін іске қосу 2021-2022 жылдарға белгіленіп отырғанын айтқан болатын. Сондай-ақ Ресейдің қорғаныс министрінің орынбасары (қазір вице-премьер) Юрий Борисов алғашқы ұшу 2025-2026 жылдарға, ҚА ПАК-тың сериялы өндірісі 2028-2029 жылдарға жоспарланып отырғанын мәлімдеді. Алайда ұшақты 2026 жылы қарулануға қабылдау туралы сөз қозғалғанына қарағанда жобаны іске асыру қарқынды жүріп жатыр. Бұл тездету әскери-саяси жағдайдың шиеленісуіне байланысты болып отыр.

Мызғымас беріктік

Ресейлік қашықтық авиациясы Сирияда конвенциялық оқ-дәрі мен дәлдігі жоғары қаруды қолдануды сәтті игерді. Әйтсе де стратегиялық бомбалаушы-зымыран тасымалдағыштардың басты міндеті – ядролық триаданың тиімділігін, сенімділігін және беріктігін арттыру. Дәл осы мақсатта Ту-160М2 зымыран тасымалдағышының өндірісі қайта жаңғыртылды. Ықтимал қарсылас ешқашан триаданың жердегі, теңіздегі және әуедегі компоненттерін алғашқы соққымен жоя алмайды. ҚА ПАК авиациясын қолдану ядролық ұстап тұру жүйесіне қандай жаңашылдықтар алып келеді?

Ресей Федерациясының қорғаныс министрлігіне қолданыстағы Ту-160 (1984 жылдан бері шығарылады), Ту-95МС (1958 жылдан бері өндірісте), Ту-22М3 (1969 жылдан бері шығарылады) сынды үш зымыран тасымалдағыштың функцияларын атқаратын, бірақ Ту-160 машинасынан қымбат тұрмайтын сапалы жаңа ұшақ қажет. Бұған дейін "ұшатын қанат" конструкциясы қашықтық мүмкіндіктерін едәуір арттыруға және жүк көтергіштігін ұлғайтуға мүмкіндік беретіні туралы ақпарат тарады.

Ұшудың максималды ұзақтығы 30 сағаттан асады. Қосымша жанармай құюсыз ұшу қашықтығы - 15 мың шақырым. Кейбір болжамдар бойынша, ҚА ПАК шамамен 35 тонна пайдалы жүкті көтере алады. Салыстыру үшін айтсақ, B-2 Spirit америкалық стратегтің жүк көтергіштігі 27 тоннаға дейін болса, ресейлік Ту-160 "Белый лебедь" 45 тоннаға дейін. Логикалық тұрғыдан алғанда жаңа "стратегтің" арсеналы Ту-160 ұшағынан кем түспеуі керек.

ҚА ПАК үшін арнайы жаңа турбореактивті қозғалтқыш дайындалып жатыр. Әзірлеу жұмыстарын 2018 жылдан бастап біріккен қозғалтқыш жасау корпорациясы жүргізіп келеді. БАҚ материалы бойынша, ұшу салмағы 125 тоннадан астам болуына баланысты бомбалаушы ұшаққа төрт қозғалтқыш орнатылады. Бұл бағыттағы сынақтар жақын уақытта стендте және Ил-76 ұшатын зертханасының базасында өтеді.

Конструкциясы бойынша ҚА ПАК қазір қолданыста бар қашықтықтан бомбалаушы ұшақтардан айтарлықтай ерекшеленеді. Мұнда заманауи және перспективалы материалдар, жаңа технологиялар қолданылған. Соның ішінде көзге түсу деңгейін төмендетуге ерешке назар аударылды: радио сигналын бөгеттейтін жабын, конструкция элементтері, планердің геометриялық пішіні, қару-жараққа арналған ішкі бөлімдер.

Машинаға архитектурасы ашық жаңа авионика орнатылады. Ол болашақта модернизацияны жеңілдетеді. Борт кешені мыналардан тұрады: зымыран қаруын, жаһандық навигациялық спутник жүйесінің спутниктік навигациясын, жергілікті аумақтағы жер бедерін автоматты түрде айналып өтуді, көпарналы байланысты басқару. Сондай-ақ бомбаларға төтеп беретін радиолокациялық станция мен оптика-электронды бомбалаушы нысана да қарастырылады.

Көптеген жүйені айналадағы кеңістікті автоматты шолуға арналған бірыңғай кешенге біріктіру ықтималдылығы жоғары. "Интеллект" ҚА ПАК қарсыластың кез-келген радиолокациялық станцияларын анықтайды және жіктейді де, РЭК құралдарын, пассивті ИҚ-тосқауылдарын тиімді қолдануды қамтамасыз етеді.

Ғылыми-зерттеу жұмыстарының басталуы мен тәжірибелік ҚА ПАК құрастыру басталуы арасында он жылға жуық уақыт өтті. Бұл күрделі жоба үшін қалыпты мерзім. Оның құрылысына шамамен екі жыл кетеді. Одан кейін жердегі және әуедегі сынақтар басталады. Егер жобаның алдында ескерілмеген қандай да бір қиындықтар туындамаса, сериялық өндіріс жоспарға сәйкес 2027 жылы басталады. Әйтсе де бұл істе асығыстық танытудың қажеті жоқ. Бастысы – сапа. Себебі ҚА ПАК бірнеше онжылдықтар бойы қолдану үшін дайындалып жатыр.

Немістердің Stern басылымы былай деп жазды: "Жаңа бомбалаушы ұшақтар кезең-кезеңмен шағын партиялармен шығарылады. Осылайша әр кезең сайын жаңа үлгіні жетілдіре отырып дайындауға болады. Кремль "Армата" Т-14 жауынгерлік танкіне қатысты осы қағиданы басшылыққа алып отыр. Ал АҚШ F-35 ұшағын құрастыру кезінде бірден ауқымды патрияға кірісіп, жобаның ақауларымен әлі де күресіп келеді".

Космостық тосқауыл

Ресейлік жаңа "стратегтің" қолдану аясы кең. ҚА ПАК ұзақ уақыт бойы бір ауданда жауынгерлік патрульдеу режимінде бола тұра он километр қашықтықтағы екінші ауданда қару қолдана алады. Кейбір сарапшылар қарсыластың әуедегі шабуылдан қорғану жүйесінен тыс аудандарда соққы жасауын жоғары бағалап отыр.

ҚА ПАК-ты соғыс кезінде қолдану тактикасы әлеуетті қарсыластың радардағы көріну деңгейіне және зымыран қаруының қашықтығына байланысты болады. Қазір қолданыстағы ұшақтардың гипердыбысты жылдамдығын есепке алсақ, онда "стелс" технологиясы ешқандай рөл ойнамайды. Себебі "стратег" әуедегі шабуылдан қорғану жүйесінің әрекет ету аумағынан тыс соққы жасай алады.

Бүгінде тек Ресей мен АҚШ-та ғана стратегиялық авиация түріндегі әскери-әуе күші бар. Қытай да қалыспай келеді. Америкалық Northrop Grumman компаниясы 2017 жылдан бері ҚА ПАК-қа ұқсас Б-21 "Рейдер" ұшағын құрастырып келеді. Пентагон бұл машина 2021 жылы жердегі сынақтан өтеді деп жоспарлап отыр. Алғашқы ұшу 2022 жылы орындалуы керек. Бір ұшақтың құны шамамен 600 миллион долларды құрайды. АҚШ қорғаныс министрлігінің болжамы бойынша қытай "ұшатын қанаты" – Н-20 2021 жылы сәйкес сынақтардан өтеді. Оның пайдалы жүк көтерімділігі 10 тонна және ұшу қашықтығы 8 500 шақырымды құрайды. Жалпы "стратегтердің" соғысы конструкторлық бюрода, жерде және әуеде де жалғасып жатыр.

71
Кілт сөздер:
қару-жарақ
Нұр-Сұлтан

Қазақстанда 12 сәуірде қандай маңызды оқиғалар болады

0
Sputnik Қазақстан 12-30 сәуірде өтетін негізгі іс-шаралар мен оқиғаларға шолу жасайды (ақпарат толықтырылып отырады)

12 СӘУІРГЕ ЖОСПАРЛАНҒАН ШАРАЛАР

НҰР-СҰЛТАН

09.00 – Үкімет отырысы. Күн тәртібінде Қазақстан республикасының 2021 жылғы қаңтар-наурыз айындағы әлеуметтік-экономикалық дамуының қорытындысы және республикалық бюджеттің атқарылуы талқыланады. Отырыс PrimeMinister.kz сайтында және әлеуметтік желілердегі ресми аккаунттарында онлайн режимде көрсетіледі.

11.00 – "Халықтан заңсыз сақтаулы қару-жарақты, оқ-дәріні және жарылғыш заттарды сатып алу бойынша кезекті акция өткізу туралы" ішкі істер министрлігінің брифингі. Спикерлер: ішкі істер министрлігінің әкімшілік полиция комитеті төрағасының орынбасары Милюк Алексей Казимирович, ішкі істер министрлігінің әкімшілік полиция комитетінің бөлім басшысы Ыдырысов Асылбек Түлкібекұлы. Брифинг тақырыбы бойынша сұрақтарды 9 сәуір сағат 18:30-ға дейін mvd_pr@mail.ru электронды поштаға немесе 8 705 440-83-65 нөміріне (WhatsApp) жолдауға болады.

11.00 – Елорданың оң жағалауындағы Елбасы кітапханасының музейінде "Адамға табын, жер, енді" халықаралық онлайн көрмесі өтеді. Көрме Қазақстан Республикасы Тәуелсіздігінің 30 жылдығын мерекелеу аясында өткізіліп отыр. Сондай-ақ бұл шара Юрий Гагариннің ғарышқа ұшуының 60 жылдығына және Тоқтар Әубәкіровтың ғарышқа ұшуының 30 жылдығына арналған (Бейбітшілік көшесі, 11).

12.00 - Қазақстан Ғылым қызметкерлері күні Л.Н. Гумилев атындағы Еуразия ұлттық университетінде "Функционалдық материалдар және нанотехнологиялар", сондай-ақ "Функционалдық материалдарды кванттық-химиялық модельдеу" атты екі инновациялық білім беру-ғылыми зертханасы ашылады. Университеттің 25 жылдық мерейтойына арналған іс-шара ЖОО басшылығы мен физика-техникалық факультетінің ғалымдары және шақырылған профессорлардың қатысуымен өтеді. Өтетін орны: Қажымұқан көшесі 13, Л.Н.Гумилев атындағы ЕҰУ, №3 ғимарат.

БАЙКОҢЫР

"Ғарыштағы алғашқы адамдар" мерекелік концерті. Шараға танымал музыканттар мен актерлер, симфониялық оркестр қатысады. Концерт Байқоңыр ғарыш айлағының №1 ұшу алаңындағы "Гагарин стартында" өтеді.

Концертті Ресей Федерациясының мәдениет министрлігі, Ресей Федерациясы президенті әкімшілігі және адамзаттың алғаш рет ғарышқа ұшуының 60 жылдығын атап өту бойынша ұйымдастыру комитетінің қолдауымен Бүкілресейлік мемлекеттік телевизиялық және радиотарату компаниясымен бірлесіп орыс концерт агенттігі ұйымдастырды. Жобаның көркемдік жетекшісі – ресейлік танымал музыкант Юрий Башмет.

Концерт сценографиясында заманауи айрықша технологиялық құралдар қолданылады. Салтанатты кеште әлемнің түрлі елінен келген танымал композиторлар ғарыш пен жаңа кеңістікті игеруге арналған музыкалық туындыларының таныстырылымын өткізеді.

30 СӘУІРГЕ ЖОСПАРЛАНҒАН ШАРАЛАР

Денсаулық сақтау министрі Алексей Цой есеп беру үшін халықпен кездеседі. Кездесуде министр ведомствоның 2020 жылғы жұмысын қорытындылайды және алдағы жоспарлар жайлы айтады, сондай-ақ азаматтардың сұрағына жауап береді. Есеп беру кездесуі министрліктің ресми сайтында тікелей эфирде көрсетіледі. Министрге сұрақты мына электронды мекенжайға жіберуге болады: s.kopeev@dsm.gov.kz.

Жоспарланған шаралар тізімі ашық дереккөзден алынды. Sputnik Қазақстан іс-шаралардың уақыты мен күнінің өзгеруіне жауапты емес.

0