Подводный крейсер стратегического назначения Князь Владимир

Ресей әскери-теңіз флотын күшейтеді

77
Әскери-теңіз флотын дамыту Ресейдің мемлекеттік басымдылықтарының бірі болып қала береді. Әскери кеме құрылысының тұрақты қарқыны теңіз бен мұхиттардағы заманауи қауіп-қатерлерге төзімді, әскери-теңіз флотының саны мен сапасы жағынан да тиімділігін көрсетуде

Ресейде ірі соғыс кемелерінің құрылысы артып, жаппай сериялы өндіріске көшуде. Мысалы, 9 мамырға дейін Ресей Федерациясында тағы алты кеменің құрылысы басталады: "Севмашта" – "Борей-А" стратегиялық мақсаттағы жобаның екі атомдық суасты крейсері ("Дмитрий Донской" мен "Князь Потемкин"), "Адмиралтеские верфи" – 636.3 жобасының "Можайск" және "Якутск" екі дизель-электрлі суасты қайығы, Амур кеме жасау зауытында – 20380 жобасының екі корветі (әзірше атау берілмеген).

 Адмирал флота Касатонов фрегаты
© Sputnik / Александр Гальперин
"Севмаштағы" "Борей-А" жобасының төрт стратегиялық субмаринасының дайындығы түрлі сатыда тұр. Сондай-ақ "Ясень-М" жобасына жататын "Воронеж" бен "Владивосток" көпнысаналы атомды суасты қайықтарының құрылысы да жалғасып жатыр. "Хбаравоск" субмаринасының аясындағы жұмыстар да қызу жүріп, "Белгород" атомды суасты крейсері сынақтан өтуде.

Еске салсақ, 2020 жылы Ресейдің әскери-теңіз флоты қырыққа жуық әскери кемемен және қамсыздандыру кемесімен толықты. "Князь Владимир" стратегиялық суасты зымыран тасымалдағышы, "Петропавловск-Камчатски" субмаринасы, "Адмирал флота Касатонов" алғашқы сериялы фрегаты, "Петр Моргунов" үшкен десантты кемесі, "Яков Баляев" минаға қарсы кемесі, "Гремящий" корветі, "Алдар Цыденжапов" корветі, "Одинцово" шағын зымыран кемесі жауынгерлік қатарда пайда болды. Сонымен қатар, 2020 жылдың соңына қарай Тынық мұхиты флоты үшін 636.3 жобасының "Варшавянка" суасты қайықтарының құрылысы басталды.

Стратегиялық мақсаттағы суасты зымыран крейсерлері "Дмитрий Донской" мен "Князь Потемкин" ресейлік ядролық триаданың теңіз құрылымын күшейтеді. Бұл кемелер 2026 және 2027 жылдары пайдалануға беріледі. "Борейлер" бортында 8 мың километр қашықтыққа ұша алатын "Булава" континентаралық баллистикалық зымырандарын тасымалдайды.

Ресейдің ӘТФ-да үш стратегиялық "Борей" бар. Олар – "Юрий Долгорукий", "Александр Невский" және "Владимир Мономах". Бұл кемелердің әрқайсысы 16 континентаралық баллистикалық зымыран тасымалдайды. Келесі сериядағы кемелер бортында бұдан да көп зымыран алып жүруі ықтимал.

"Варшавянка" дизель-электрлі суасты қайықтарын жоғары құпиялылығына байланысты "Әлем мұхитындағы қара саңылау" деп атайды. Заманауи "Варшавянкалар" бортында суасты және суүсті нысаналардың көзін жоюға арналған 18 торпеда мен 24 мина, "Калибр" қанатты зымырандарын алып жүреді. litary Watch басылымы да "Варшавянка" әлеуетіне жоғары баға беріп, ресейлік аймақтық суларды қорғауға сенімді техника екенін атап өтті.

636.3 жобасының субмариналары су астында 20 торапқа дейінгі жылдамдықта қозғала алады. Әрекет ету радиусы – 2000 миля. Дербестігі – 45 тәулік. Суасты қайығының көлемі – ұзындығы 73 метр, ені 10 метр, шөгуі – 6,2 метр. Бұл шағын суларда да жасырынуға мүмкіндік береді. Суға шөгу тереңдігі 300 метрден аспайды. Күш қондырғысы мен экипажға (52 адам) арналған ауа қоры бойынша "Варшавянка" 260 сағатқа дейін су астында бола алады.,

Ресейде шақын теңіз аймағының 3-дәрежедегі кемелердің жобалары (20380, 20385 және 20386) жүзеге асырылып жатыр. Бұл – су сыйымдылығы 2000-3000 тонна болатын корветтер. Жалпы 20385 пен 20386 жобалары 20380 жобасының әлдеқайда күрделі, бірақ жетілдірілген нұсқалары. Мысалы, 20385 жобасында "Редут" зениттік зымыран кешенінің қару-жарақ жиынтығы 12-ден 16 ұяшыққа дейін ұлғайтылды. Сол сияқты Х-35 "Уран" кемеге қарсы зымырандары "Калибр-НК" кешенінің 8 зымыранымен ауыстырылды және болашақта кеме "Циркон" гипердыбысты зымырандарымен жабдықталуы мүмкін.

Корветтер патрульдеуге, мемлекеттің жақын теңіз аймағында қарсыластың кеме және субмариналарымен шайқасуға, жағалаудағы нысаналарға зымыран-артиллериялық соққы жасауға, десанттық операциларға қолдау көрсетуге арналған. Мұндай кемелер балтық, Қара және басқа да теңіздерде әркез сұранысқа ие болады.

Бүгінгі таңда армия мен флотта заманауи қарудың үлесі 70%-тен асты. Ресейдің қорғаныс өнеркәсібі өзіндік ерекшелігі мен қолтаңбасы бар қару-жарақ дайындап келеді. Қазіргі көпполярлы әлемде жоғары технологиялық қару-жарақ жүйесі кез келген мемлекетті тәуелсіз әрі қуатты қарсыласқа айналдырады.

Ресей әскери-теңіз күштерінің жедел-стратегиялық құрылымдары: Солтүстік, Тынық мұхиты, Балтық және Қара теңіз флоттары, сондай-ақ Каспий флотилиясы тиісті өңірлік бағыттарда ұлттық теңіз саясатын орындап жатыр.

77
Америкалық әскерилер

Пентагон Орталық Азияға орныға ма?

85
Пентагон базаларының Таяу Шығыс пен Орталық Азияда болуы қауіпті. Ауғанстан, Ирак, Сириядағы соғыс әрекеттері осыған дәлел болады

АҚШ-тың Ауғанстандағы әскери аэродромдары мен басқа да нысандарын Тәжікстан, Өзбекстан, Қазақстан немесе Қырғызстанға көшіру саяси және басқа тұрғыдан алғанда да дұрыс емес. Себебі ол Ауғанстан Ислам Республикасындағы (АИР) соғыстың мәнін еш өзгертпейді және өңірдегі қауіпсіздікке қауіп төндіреді.

The Wall Street Journal газетінің ақпаратына сәйкес, АҚШ Ауғанстан аумағынан шығарылатын әскерді Орталық Азияға орналастыруды көздеп отыр. Бұл базалар Пентагонға жеке құрамды, ұшқышсыз ұшу аппараттарын, басқарылатын бомбалаушы ұшақтар мен артиллерияны орнықтыруға қажет екені жазылған.

Бұл мақсатты жүзеге асыру үшін Ауғанстанның солтүстігіне қарай орналасқан және Парсы шығанағындағы мемлекеттер қарастырылып отыр. Алайда Бішкек, Душанбе, Ташкент пен Нұр-Сұлтанға Вашингтоннан ресми сауал жеткен жоқ.

Өзбекстанның қорғаныс министрлігі елдегі қорғаныс доктринасы, Конституция, 2012 жылы қабылданған сыртқы саясат концепциясы Өзбекстан аумағында шет мемлекеттердің әскери базалары мен нысандарын орналастыруды қарастырмайтынын мәлімдеді. Қорғаныс министрлігінің бұл позициясы түсінікті. Бірақ шетелдік әскери базаны бірлескен оқу-жаттығу немесе логистикалық орталық деп атаса, онда мәселе бағыты да өзгеріп шыға келеді.

Тәжікстан президенті Эмомали Рахмонның 9 мамырдағы Ресейге сапарын РФ президенті Владимир Путинмен ауған мәселесін талқылау мүмкіндігі ретінде қарастыруға болады.

Ауғанстанмен ең үлкен шекара Тәжікстанға тиесілі. Сондықтан Пентагон үшін Пяндж өзенінің жағалауына база орнату қолайлы болар еді. Сонда Ислам республикасы қол созым қашықтықта болады. Бірақ Тәжікстан ҰҚШҰ-ға мүше болғандықтан ел аумағында Ресейдің 201-ші әскери базасы орналасқан. Сонымен қатар мұнда "Окно-М" ғарыш нысандарын анықтауға арналған ресейлік оптикалық-электронды кешені де бар.

Жеңіс парадының қарсаңында Владимир Путин Кремльде тәжік көшбасшысы Эмомали Рахмонды қабылдады. Қос мемлекеттің басшылары Ауғанстандағы жағдайға байланысты алаңдаушылық білдіріп, ауған жерінен шығарылатын америкалық әскер мен әскери техниканың жайын талқылады. Қандай шешім қабылданғаны әзірше белгісіз.

Жалпы The Wall Street Journal басылымының АҚШ-тың ауған жеріндегі әскери контингенті Өзбекстан немесе Тәжікстанға орын ауыстыруы ықтималдылығы туралы жазбасы Вашингтонның Орталық Азияға көз тігіп отырғанын болжауға себеп болды. Америкалық газеттің айтуынша, өңірде Ресей әскерінің орналасуы және Қытаймен көрші болуы "Орталық Азияға базалар орналастыруды күрделендіріп отыр".

The New York Times сәуірдің соңында Пентагон, америкалық барлау агенттіктері мен батыстағы одақтастар әскер мен соққы жасаушы авиацияны Ауғанстаннан көршілес Тәжікстан, Қазақстан және Өзбекстанға көшіруді талқылап жатқанын хабарлады. Алайда The Wall Street Journal Қазақстанды атамай отырғаны қызық. Жалпы көп мәселе "кадрдан тыс" қалып отыр.

Еске салсақ, сәуірдің басында Пентагон делегациясы Өзбекстанда жұмыс сапарымен болып қайтты. Оған АҚШ Қарулы күштері Орталық қолбасшылығының Стратегиялық жоспарлау және саясат басқармасы басшысының орынбасары бригадалық генерал Дюк Пирак жетекшілік етті. Пентагон көп уақыттан бері бұл елге жан-жақты қызығушылық танытып келеді. Бұрын Ханабадтағы АҚШ әскерімен өзара әрекеттестіктің жағымсыз салдарына қарамастан, Өзбекстан Вашингтон үшін әлдеқайда қолайлы пікірлес болуы ықтимал.

Пентагон мен оның одақтастары үкіметтік күштер мен тәлібтер арасындағы текетірес өршіп жатқан Ауғанстан Ислам республикасынан кететін болды. Моджахед содырларымен соғыс әлі аяқталған жоқ. АҚШ пен оның одақтастарының ауған жеріндегі соғысының алдағы уақытта салдары айқын білінетінін жақсы түсінеді. Сондықтан бұл мәселеде жауапкершілікті көршілес Орталық Азия елдеріне жүктегілері келеді.

Біраз бұрын АҚШ ҚК Штаб басшыларының біріккен комитетінің төрағасы Марк Милли америкалық әскерилер елден кеткеннен кейін Ауғанстандағы  жағдайдың дамуына қатысты пікір білдірді: "Елдегі жағдай нашарлайды немесе қатты нашарлайды". Енді бұл жорамал бүтіндей бір өңірге таралып кетпесіне кепіл жоқ.

Өткен аптада Ислам республикасында соғыс әрекеттері қарқын алып, соның салдарынан күш құрылымының 211 өкілі және 15 бейбіт тұрғын көз жұмды және 315 содырдың көзі жойылды.

"Талибан"* содырлары солтүстік Баглан провинциясының Баглани-Маркази ауданындағы шабуыл кезінде алты әскери база мен жеті үкіметтік бекетті басып алды. Бұл қақтығыс кезінде 100-ден астам әскери қызметші тәлібтерге өз еркімен берілді. Вардак, Газни, Гильменд және Кундуз провинцияларында да қақтығыс жиіледі. Әскердің саны мен сапасы моджахедтерге Ауғанстаннан тыс аймақтарда да операциялар жүргізуге мүмкіндік беріп отыр.

Пәкістан шекарашылары мен әскери қызметкерлеріне төрт күннің ішінде Ауғанстан аумағынан екі рет шабуыл жасалғаны туралы ақпарат тарады. Белуджистан провинциясындағы шабуыл кезінде пәкістандық үш шекарашы қаза тапты. Арнайы іздеу операциясы нәтиже берген жоқ. Пәкістан содырлардың белсенділігі Ауғанстаннан НАТО әскери күштерінің шығарылуымен байланысты деп санайды.

"Талибан"* – Қазақстан Республикасында тыйым салынған террористік ұйым

85
Ауғанстан

Ауғанстанда әскери-саяси ахуал қайта ушықты

91
АҚШ пен НАТО әскері елден кетуде, тәлібтер провинциялардың басым бөлігіне билік етіп отыр. Орталық Азияның басқа елдерімен бірлесіп Ресей мен Тәжікстан оңтүстік бағыттағы әскери қауіпке тойтарыс беруге дайындалып жатыр

Ресейдің қорғаныс министрі Сергей Шойгу 27 сәуірде Душанбеге жұмыс сапары кезінде көрші Ауғанстандағы жағдай шектен шығып жатқанын, сондықтан Ресей мен Тәжікстан оқу-жаттығулар кезінде оңтүстік бағыттағы қауіпке тойтарыс беруді пысықтап жатқанын жеткізді. Біраз бұрын шекара маңындағы Харб-Майдон, Самбули және Момирак полигондарында 201-ресейлік әскери базаның 3 500 әскери қызметкері мен Тәжікстан қарулы күштері қатысқан бірлескен маневрлер өтті. Сонымен қатар РФ тәжік әскерилердің оқу-жаттығуларын қамтитын бағдарламаны кеңейтті. Мәскеу мен Душанбе әуедегі шабуылдан қорғануға арналған бірлескен жүйе құру туралы келіссөздер жүргізіп жатыр. Сергей Шойгудың Тәжікстанға сапары мен әскери-техникалық өзара ынтымақтастыққа баса назар аударуы кездейсоқ емес.

АҚШ пен оның НАТО бойынша одақтастары 25 сәуірде өз әскерлерін Ауғанстан аумағынан шығара бастады. Құны 1 миллиард доллар тұратын шетелдік әскери базалар мен жабдықтар ауған армиясына беріледі. Ал тәлібтер үкімет әскерлерімен аяусыз шайқаста маңызды әскери нысандарды басып алуға ұмтылып жатыр. Олар солтүстік Балх провинциясында біраз жетістікке қол жеткізді. Ауғанстандағы қарулы қақтығыстар кезінде бір аптаның ішінде 90-нан астам сарбаз бен полиция қызметкері, 14 бейбіт тұрғын көз жұмып, 165 террорист өлтірілді.

АҚШ пен НАТО қару-жарағын Ауғанстанның үкімет күштеріне қалдыруы Орталық Азиядағы көрші мемлекеттер үшін қауіп тудырып отыр. Біраз жыл бұрын Америка 1 миллиард долларға Ирактың "оң" әскерін жабдықтаған болатын. Алайда көп ұзамай-ақ барлық қару-жарақ, танктер, артиллерия, зымыранға қарсы TOW кешендері мен Stinger ТЗЗК "Ислам мемлекеті"* содырларының қолына тиді. Егер бұл жағдай Ауғанстанда да қайталанса, онда бүкіл өңір үшін оның салдары ауыр болмақ. Қазірдің өзінде АҚШ-тың "Талибанмен"* бейбіт келісімі азаматтық соғыстың жаңа тармағына бастау болайын деп тұрғаны белгілі. Ауғанстанның ұлттық қауіпсіздік күштері қарулы террористік топтарға төтеп беруге қауқарсыз.

23 сәуірде тәлібтер Балх провинциясындағы үкімет әскерінің базасын басып алып, сегіз сарбазды өлтірді. Бір күн бұрын жиһадшылар Мазари-Шариф қаласының маңындағы ауған армиясының бақылау-өткізу бекетіне шабуыл жасаған кезде де сегіз әскери қаза тапты. Егер Ауғанстан армиясының базалары тәлібтерді қару-жарақ арсеналымен қызықтыратын болса, алдыңғы шептегі өткізу бекеттері үлкен магистральдердің "кілті" іспеттес. Солтүстіктегі Тахар провинциясында "Талибан"* содырлары  17 сәуірде үкіметтің бақылау бекетіне шабуылдап, төрт сарбазды өлтірді.

Ауғанстанның солтүстігі оттың ортасына айналып барады. Әзірше тәлібтер көршілес Орталық Азия елдерінде төбе көрсетпегенімен, Тәжікстаннан келген содырлар ауған жеріне жетіп, "Талибан"* жасақтарымен бірге әрекет етіп жүр. Сондықтан ауған соғысы көрші мемлекеттерге қарай ығысуының ықтималдылығы жоғары.

Шабуылдау кезіндегі аяусыздық әрекеттері де өршіп барады. Мысалы, 21 сәуірде тәлібтер Кабул маңындағы Вардак қаласында орналасқан полиция учаскесін басып алды. Қызметкерлер өз еріктерімен берілгеніне қарамастан содырлар бес тәртіп сақшысын өлтірді. Бұл қоғамда үлкен дүрбелең тудырды. Себебі  Ауғанстанда полициядан "Талибан"*, "ИМ"* құрамына ауысу жиі болады.

Қасым-Жомарт Тоқаев
© Photo : Официальный сайт президента Казахстана
Сол сияқты 17 сәуірде Ауғанстан әскери-әуе күштері солтүстіктегі Балх провинциясында орналасқан тәлібтердің лагеріне әуеден соққы жасап, 8 содырдың көзін жойды. Олардың қатарында командир де болатын. Нимроз провинциясындағы әуеден жасалған соққы тағы 22 жихадшының өмірін қиды. Ал Забульдегі үкімет күштері мен "Талибан"* арасындағы шайқаста 14 тәліб шейіт болды.

АҚШ Орталық қолбасшылығының басшысы генерал Фрэнк Маккензи ауғандық қауіпсіздік күштерінің елді өз бетінше қорғай алатынына күманданады. ОБҚ директоры Уильямс Бернс Кабулға сапармен барып, шетелдік контингент елден кеткен соң ауған күштерінің жауынгерлік дайындығын талқылады. Біраз бұрын Бернс әскерді елден шығару Ауғанстанда "Ислам мемлекеті"* мен "Әл-Каида"* ықпалының артуына алып келуі мүмкін екенін айтты. 24 сәуірде АҚШ Конгресі үшін Пентагон әзірлеген баяндамада "Әл-Каида" Ауғанстанда тәлібтермен өзара әрекеттесуді жалғастырып жатқанын және жаңа шабуылдар қаупі сақталып тұрғанын мәлімдеді.

РФ СІМ ресми өкілі Мария Захарованың айтуынша, Ауғанстанның 11 провинциясында "Әл-Каида" топтары бар, тәлібтер елдің жартысынан астам бөлігін бақылауда ұстап отыр және үкіметке қарсы күресті жалғастыруда. Ауғанстан елдегі 4 мыңға жуық содырдан тұратын және үнемі террористік актілер жасайтын жаһандық қауіп "Ислам мемлекетінің"* панасына айналды. Сонымен қатар НАТО әскері Ауғанстанда болған шақта апиын өсіру алаңы 20 есе өсіп, 163 мың гектарға дейін жетті. Бұл әлемдегі апиын нарығындағы сұраныстың  80%-ін қамтамасыз етеді. Жалпы есірткі Ауғанстан Ислам Республикасының 34 провинциясының 24-інде жаппай өндіріледі.

"Талибан"* ел билігіне келген тоқсаныншы жылдардың соңынан бері аса өзгере қойған жоқ. Оның Ауғанстанды босату және елде мемлекеттік құрылым ретінде ислам жүйесін енгізуді қамтитын мақсаты да сол қалпында. Біраз бұрын тәлібтер Ауғанстанда орнатқысы келетін Ислам Эмиратының принциптерін түсіндіріп берді. Олар жүйе негіздері Құранда, хадистер мен ислам заңнамасында жазылғанын айтты. Әйтсе де нақты мысал келтірмеді.

Олардың көксегені – елді "шетелдік идеология мен күштерден азат етіп, кез келген батыстық құқық жүйесін қолданыстан шығару" және барлық іс-әрекетті шариғатқа сәйкес жүргізу. Тәлібтер басқарып отырған тұрғындардың айтуынша, бұл жүйе іс жүзінде басқаша жұмыс істейді: қыз балалар мектепте оқи алмайды, емханаға баруға және дәрі-дәрмек сатып алуға рұқсат жоқ, әйелдер ер адамның ілесуінсіз көшеге шықпайды, қандай да бір көңіл көтеретін шараларға тыйым салынған, кінәлілерді таяқпен ұрады.

* Қазақстанда, Ресейде және басқа да елдерде тыйым салынған террористік ұйым

91
Иллюстративті фото

Сәтбаевтағы жаппай тәртіпсіздікке қатысқандарға сот үкімі шықты

13
(Жаңартылды 13:44 14.05.2021)
Бұған дейін сотталушылардың адвокаттары сот процесінде туындаған шиеленісті жағдайды ескеріп, істі қарауды тездетуді сұраған

АЛМАТЫ, 14 мамыр – Sputnik. Сот өткен жылы Сәтбаев қаласындағы жаппай тәртіпсіздікке қатысқандарға үкім шығарды, деп хабарлайды Sputnik Қазақстан.

Қарағанды облысының ювеналды сотында 55 адамға қатысты іс қаралды. Себебі, тәртіпсіздік кезінде сотталушылардың үшеуі 18 жасқа толмаған еді.

Сот алдына 49 ер адам мен 6 әйел келді. Оларды екі қылмыстық бап бойынша кінәлі деп таныды: 272-бап "жаппай тәртіпсіздік" және 380-бап "билік өкіліне қатысты зорлық-зомбылық".

Процесс барысында сотталушылар өздеріне тағылған айыпты мойындап, прокурордың соттан сұраған жазасына келісті.

14 мамырда судья Кенжебай Ысқақбаев сотталушыларға қатысты жазаны анықтады. Тоғыз адам үш жылға бас бостандығынан айырылды. Тағы 44 сотталушы төрт жылға шартты түрде жаза алды, қалған екі адам бір жарым жыл шартты түрде бас бостандығынан айырылды.

Тұрғындар педофилді беруді талап етті

Сәтбаев қаласында жаппай тәртіпсіздік 2020 жылдың 24 шілдесіне қараған түні бес жасар қызды ұрлап, зорлағаннан кейін басталды. Ашуланған жергілікті тұрғындар өздеріне педофилді беруді талап етті. Алайда, полиция күдіктіні үйден байқатпай алып шықты.

Содан жаппай тәртіпсіздік басталды, жағдай ұлттық ұлан жауынгерлері көмекке келгеннен кейін ғана бақылауға алынды. Оған дейін полиция бөлімшесі мен олардың қызметтік көліктері талқандалды. Іс бойынша елуге жуық полиция қызметкері, 13 азаматтық тұлға, облыстық полиция департаментінің бір өкілі жәбірленуші ретінде қатысты.

Оқи отырыңыз: Сәтбаевтағы жаппай тәртіпсіздік: адвокат сотталушылардың жүйкесі сыр бергенін айтты

Ал қызды зорлады деген күдікке ілінген ер адам сотқа дейін тергеу изоляторында қаза тапты. Ол өз-өзіне қол жұмсағаны хабарланды.

13
Кілт сөздер:
Сәтпаев қаласы, педофил
Тақырып бойынша
Қырғызстанда жаппай тәртіпсіздік ұйымдастырмақ болған экс-депутат ұсталды
Алматыда жаппай вакциналау қайта басталады – денсаулық басқармасы мерзімін атады
Қордайдағы жаппай тәртіпсіздік: бір адам тергеу изоляторында қайтыс болды
Түркістанда жаппай төбелестен соң қылмыстық іс қозғалды – видео
Сәтбаевтағы жаппай тәртіпсіздік: 54 адамға қатысты сот басталды