Адмирал Горшков запустил Циркон: испытания новейшей российской гиперзвуковой ракеты в Белом море

Ресейдің "Адмирал Горшков" фрегаты сынақтан сәтті өтті

39
Ресей Солтүстік флотындағы 22350 жобасына тиесілі "Адмирал Горшков" фрегаты 350 километр қашықтықта жатқан Баренц теңізінің жағалауындағы нысандарға Ақ теңіз акваториясынан "Циркон" зымыранымен атуды сәтті орындады 

Старттан кейін шамамен 150 секунд өткен соң ол нысанаға дөп тиді. Ұшу жылдамдығы 7 Махты (8575 км/сағ) құрады. Зымыранның кинетикалық энергиясы Defender немесе Arleigh Burke тектес эсминецтерді екіге қақ бөлуге қауқарлы.

22350 жобасының фрегаттары бортында "Циркон", "Калибр-НК" немесе "Оникс" сынды 16 зымыранды алып жүре алады. "Полимент-Редут" кешенінің 32 зымыраны мен "Палаш" екі  артиллериялық қондырғысы әуе шабуылына қарсы қорғанысты қамтамасыз етіп отыр. Қарсылас субмариналарынан 12 айрықша торпедаға қарсы аппараты бар "Пакет-НК" кешені қорғайды. Ресейдің әскери-теңіз флотындағы ондаған суүсті кемесі мен субмаринасын "Циркон" кешенімен жабдықтау жоспарланып отыр.

Ресей қорғаныс министрінің орынбасары Алексей Криворучко біраз бұрын "Циркондардың" мемлекеттік сынағы 2021 жылы субмарина бортынан зымыранды ұшырумен аяқталатынын, ал РФ әскери-теңіз флотына арналған сериялық өндіріс 2022 жылы басталатынын мәлімдеген болатын.

Батыс ресейлік гипердыбысты зымырандардың қашықтықтан нысанаға дөп тиетіндігіне және теңіз бен құрлықта әрекет ету қабілетіне қызығушылық танытып отыр. Пентагонның ресми өкілі Джон Кирби 19 шілдеде ресейлік зымыран америкалық техникаға қарағанда әлдеқайда үлкен қауіп төндіріп отырғанын мәлімдеді.

АҚШ Әскери-теңіз күштері министрінің міндетін атқарушы Томас Модлидің пікірінше, ресейлік гипердыбысты зымырандардың нарыққа шығуына байланысты АҚШ енді ядролық емес бірсәттік жедел соққыға арналған қару-жарақты дамытуға мәжбүр. Америка конгресінің зерттеу қызметі шілдеде ұсынған есепте АҚШ гипердыбысты қаруды дайындау ісінде Ресей мен Қытайдан бірнеше жылға кейін қалып қалғаны жазылған. Сонымен қатар америкалықтардың қару-жарақ саласындағы барлық дерлік бағдарламасы қолдануға жарамсыз екені және болашақтағы 3,2 миллиард доллар көлеміндегі қаржыландыру бұл жағдайды күрт өзгерте алмайтыны да айтылған.

22350 жобасының "Адмирал Флота Советского Союза Горшков" бас фрегаты жағалаудағы нысанға "Циркон" қанатты зымыранымен бірінші рет оқ атып отырған жоқ. 2020 жылдың желтоқсанындағы сынақ кезінде Архангельск облысындағы Чижа полигонында да оқ нысанаға дәл тиген болатын. Яғни кемеге қарсы зымыран соғыс әрекеттері сценарийіне сәтті бейімделіп, 350 километрден астам қашықтықты да игеруге дайын тұр.

Military Watch Magazine басылымы 20 шілдеде "Циркон" 1000 километр қашықтықтағы қарсылас нысандарын 9 Махқа дейінгі жылдамдықпен жоя алатынын жазды.

Пентагонның қолында қазір гипердыбысты қару да, ресейлік гипердыбысты зымыранның сигналын анықтайтын зымыран шабуылына қарсы қорғаныс жүйесі де жоқ. Сондықтан америкалық конгресс өкілдерінің АҚШ гипердыбысты техниканы дамытуға назар аударатын уақыт жетті деп дабыл қағуы орынды.

Әскери қақтығыс туындаған жағдайда Ресей Әскери-теңіз флотының субмариналары АҚШ немесе басқа да НАТО елінің жағалауына жасырын жетіп, бірнеше минут ішінде су астында орналасқан күйде-ақ әскери-стратегиялық инфрақұрылымды жоя алады.

39
Автомат, архивтегі фото

Биыл Ауғанстандағы қақтығыстан 3 мыңнан астам бейбіт тұрғын жараланды БҰҰ

23
Ауғанстан Ислам Республикасындағы ірі әскери-саяси қақтығыс салдарынан халық пен мемлекет зардап шегіп отыр

АҚШ-тың әскери-әуе күштері ауған қалаларын бомбалап, тәлібтер шабуылды үдетіп жатыр. Екі тараптың әрекетінен де зардап шегіп отырған бейбіт халық. Ауған босқындары Орталық Азияға қарай ығысып жатыр. Тәжікстан 100 мың адамды қабылдауға дайын екенін мәлімдеді. Ауқымды маневрлер сериясын жүргізу үшін Өзбекстан, Тәжікстан, Қырғызстан мен Ресей әскері Ауғанстан шекарасына қарай жақындады.

Дүйсенбіде Ауған армиясының әскери-әуе күштері Тәжікстан шекарасынан 46 километр қашықтықта орналасқан Талукан қаласының аумағындағы тәлібтерге соққы жасап, нәтижесінде 20-дан астам содырдың көзін жойды. Зардап шеккен бейбіт тұрғындар жайлы ақпарат жоқ. Алайда мұндай шабуылда қарапайым халықтың да құрбан болуы ықтимал.

БҰҰ (UNAMA) миссиясының мәліметінше, 2021 жылдың бірінші жартысында Ауғанстанда бейбіт халық арасындағы құрбандардың саны 5 183 адамға (1 659 мерт болған және 3 254 жараланған) жеткен. Бұл 2020 жылдың маусымындағы көрсеткіштен 47%-ке жоғары. Соның ішінде көз жұмғандар мен жараланғандардың 46%-і әйелдер мен балалар болса, құрбандардың 25%-і – үкімет күштерінің өкілдері.

АҚШ Әскери-әуе күштері Ауған армиясына қолдау ретінде авиасоққылар санын арттырды. Америкалық генерал Кеннет Маккензи алдағы аптада да әуеден жасалатын соққы еселене түсетінін мәлімдеді. Біраз бұрын Пентагон 21 және 22 шілдеде америкалықтар Ауғанстанда 4 әуе соққысын жасағанын хабарлады.

Ал тәлібтер АҚШ Әскери-әуе күштерінің бұл шабуылына қатысты наразылық танытып, Кандагар мен Гильмендтегі бомбалау салдарынан содырлар ғана емес, бейбіт тұрғындар да қаза тапқанын мәлімдеді. "Талибан"* "өз аумағын мейлінше қорғап", соғыс жалғасқан жағдайда шабуылдау операциясын қарқындатуды жоспарлап отыр.

Соғыстың аяқталатын түрі жоқ. Нангархар, Пактика, Логар, Газни, Кандагар, Герат, Балх, Джаузджан, Саманган, Сари-Пуль, Гильменд, Бадахшан, Кундуз бен Баглан провинцияларында соғыс қимылдары белсенді жүріп жатыр. Ауғанстан үкіметі содырлардың түнгі жорығына кедергі болу мақсатында 34 провинцияның 31-інде комендант сағатын жариялады.

Алайда Пәкістанның әскери қызметкерлері тәлібтердің бақылауында тұрған Ауғанстанның шекараға жақын аудандарында еркін қозғалып жүр. Нангархар шығыс провинциясының губернаторы Зия-уль-Хак Амархейль мерт болған содырлардың қатарында Пәкістаннан шыққан 39 азамат бар кенін айтты.

Тәлібтер өз бақылауындағы аумақты кеңейтіп жатыр. Жергілікті халыққа қысым көрсетіп, басып алған аудандардағы әйелдер мен балаларды күң мен құл деп санап отыр. Бейбіт тұрғындар енгізілген жаңа қатаң ережелер, күштеп некеге тұру, кәмелетке толмағандарды жихадшыға айналдыру фактілеріне қатысты алаңдаушылық танытуда.

Содырлар АҚШ-пен ынтымақтастық орнатқан "сатқындарды" іздеп тауып, олардың көзін жойып жатыр. Біраз бұрын Хост провинциясында тәлібтер 32 жастағы аудармашы Сухайля Пардистің басын шапты. Сондықтан 20 мың ауған аудармашысының иммиграцилық визаға өтініш жолдауы кездейсоқ емес.

22 шілдеде The Wall Street Journal газеті АҚШ 35 мың ауған аудармашысы мен олардың отбасыларын Катар мен Кувейттегі америкалық базаға орналастыруға дайын екенін жазды.

Ауған президенті Ашраф Гани тәлібтер "Әл-Каида", пәкістандық "Джаиш-е-Мұхаммед", "Лашкар-е-Тайба"* топтарымен тығыз байланыс орнатып, елді террористердің тұрағына айналдыруды көздеп отырғанын айтты. Расында да Ауғанстанда отызға жуық террористік топ бар. Ал "Әл-Каида"* 15 ауған провинциясында өз содырларын орналастырған. Бұл топтардың өзара қақтығысы мен үкімет күштеріне қарсы соғысы ауған жеріндегі соғыстың жақын болашақта аяқталмайтынын аңғартады. Себебі Ауғанстандағы халықаралық терроризм жайдан-жай жойыла қоймайды.

Осы жағдайдың барлығын есепке алсақ, ауған босқындарының саны арту қаупі жоғары болып отыр. Еске салсақ, 1996-2001 жылдары тәлібтердің бақылауынан тыс Панджшер провинциясында 500 мыңға жуық босқын бас сауғалады. Олар ас-судан тарылып, ашығып жатты. Егер "ислам эмираты" ығыстырған жүз мыңдаған ауған Орталық Азияға қарай ығысса, Тәжікстан, Өзбекстан мен Түрікменстандағы гуманитарлық дағдарыс шынайы қауіпке айналады.

Тәжікстан төтенше жағдайлар комитеті басшысының орынбасары Эмомали Иброхимзода республика 100 мыңнан астам ауған босқынын қабылдауға және Тәжікстан қорғаныс министрлігінің полигондарына орналастыруға дайын екенін мәлімдеді. Бірақ бұл нақты сан емес. Себебі 2021 жылдың соңына қарай ол көрсеткіш он есе көп болуы мүмкін. Ал бұл Орталық Азияның барлық еліне әсер етеді.

Тәлібтер іргелес жатқан елдердің шекарасын бұзбауға уәде етті, бірақ Ауғанстанның солтүстігіндегі жағдай өз бағытында өршіп, бәрібір Орталық Азия аумағына қарай ығысып жатыр. Сондықтан Ресей мен оның одақтастары бірқатар әскери шара қабылдап жатыр.

Ресей Қарулы күштерінің арнайы құралымдары тамыз және қыркүйекте Өзбекстан, Тәжікстан және Қырғызстан әскерімен бірлескен тоғыз маневр өткізеді. Ол ауқымы жағынан Ресейдің бірнеше дивизиялсы мен бригадасын 2021 жылы сәуірде Украина шекарасына орналастырумен тең болады. Бұл он мыңдаған әскери қызметші мен жүздеген әскери техниканы қамтиды.

2 шілдеде Ресей мен Тәжікстанның қорғаныс министрлері Сергей Шойгу мен Шерали Мирзо тәжік-ауған шекарасындағы жағдай мен бірлескен іс-шаралар жайын талқылады. 23 шілдеден бері Ташкент 230 мың әскери қызметшіні жұмылдыру арқылы оңтүстік бағытта оқу-жаттығулар өткізіп жатыр.

30 шілде - 10 тамыз аралығында Ресей мен Өзбекстанның бірлескен әскері өзбек жеріндегі Сурхандария облысында Ауғанстанмен шекаралас аумақта маневр жүргізеді. Тәжікстан Республикасының Хатлон облысындағы Харб-Майдон полигонында 5-10 тамыз аралығында Ресей, Өзбекстан және Тәжікстан әскерінің террористерге қарсы операциялардың элементтерін пысықтайтын бірлескен маневрлер өтеді. Осы секілді Оралық Азия елдерінің аумағына "Талибан"*, "Әл-Каида"*, ИМ* секілді террористік топ содырларының кіруіне төтеп беру операциясы жүргізіледі.

* – Қазақстан Республикасында жәнеи бірқатар мемлекетте тыйым салынған террористік ұйым

23
Ауғанстан, архивтегі фото

Ауғанстандағы әскери қимылдар Орталық Азияға қарай ығыса бастады