оқу-жаттығу

Ресей мен Қытай арандатушыларға қарсы әрекет етпек 

52
Ресей мен Қытай 2025 жылға дейінгі әскери ынтымақтастық жоспарын рәсімдеді. Сейсенбі күні екі елдің қорғаныс министрлері Сергей Шойгу мен Вэй Фэнхэ бейнеконференция арқылы байланысқа шығып, 2021-2025 жылдарға арналған әскери ынтымақтастықтың жол картасына қол қойды

Осы құжатқа сәйкес, Ресей Федерациясы мен Қытай Халық Республикасы стратегиялық маневрлерді күшейтеді, әуе кеңістігінде бірлескен патрульдер де көбейеді. Осылайша, Пентагон, НАТО мен AUKUS-тың (АҚШ, Австралия мен Ұлыбританияның әскери одағы) арандатушылық әрекеттеріне тосқауыл қойылады.

Соңғы кезде АҚШ-тың стратегиялық авиациясы Ресей мен Қытайдың шекарасына жиі жақындап, арандатуды қоятын емес. Мәселен, осы айда он бірдей бомбалаушы ұшақ Ресей Федерациясына қарсы ядролық қаруды қолдану әдістерін орындаған. Олар батыс пен шығыс жақтан бір уақытта шабуыл жасап көрді. Бір жылдың ішінде ондай арандатушылық әрекеттер көбейіп кетті. 2019 жылы Ресейдің шығыс шекарасында үш ұшақ қана көрінсе, 2020 жылы олар 22 рет ұшып өткен.

Бүгінде Ресей мен Қытай бірлескен әскери дайындық шараларын жиі өткізе бастады. Тамыз айында алғаш рет "Сибу/Өзара іс-қимыл-2021" шұғыл стратегиялық оқу-жаттығулар ұйымдастырылса, екі елдің зымыран тасушы мен бомбалаушы ұшақтары Жапон теңізіне ғана, Шығыс Қытай теңізіне де патруль жасап отырады. Ал өткен айда әскери кемелер Жапонияға жақын Цугару мен Осуми бұғаздарын аралап шықты.

Енді, осы әскери ынтымақтастыққа кеңінен тоқталайық, Қытай жерінде өткен стратегиялық оқу-жаттығулар кезінде Ресейдің әуе-ғарыш әскері Ауғанстанға жақын полигондарда әуе соққыларын да жасап көрді. Жалпы, екі алаңда өткен әскери шараға 13 мың сарбаз бен 500 әскери техника қатысты. Осылайша, екі елдің әскері батыс пен шығыста бір уақытта әрекет ете алатынын көрсетті.

17-23 қазанда Ресей мен Қытайдың он әскери кемесі Жапон теңізіне, Тынық мұхиттың батыс жағына және Шығыс Қытай теңізіне патруль жасап қайтты. Зымыран таситын кемелер 1 700 мильді артқа тастап, Жапонияға жақын жерде кемелерге қарсы маневрлер мен атыстарды сәтті орындап келді.

Бұған дейін Жапон теңізінде "Теңіздегі өзара іс-қимыл – 2021" бірлескен оқу-жаттығулары да ұйымдастырылған болатын. Осылайша, Ресей мен Қытай әскерлері арандатушылық әрекеттердің қаншалықты қауіпті екенін ашық көрсетті.

Осы орайда 19 қараша күні ұйымдастырылған бірлескен патрульді де атап өткен жөн. Ту-95МС мен "Хун-6К" стратегиялық бомбалаушы ұшақтары, Су-35С жойғыш ұшақтары мен А-50 ұшағы Жапон теңізін, сондай-ақ Шығыс Қытай теңізін айналып шықты. Бірлескен стратегиялық мақсат толығымен орындалды. Кейбір учаскеде Жапония қарулы күштерінің F-16 мен F-15 жойғыш ұшақтары қатар жүрді.

Ресей мен Қытайдың қорғаныс министрлері 2021 жылғы әскери ынтымақтастықтың даму қарқынын жоғары бағалап отыр. Алдағы уақытта барлық келісімді орындауға мүдделі екенін де растады. Себебі екі жақтың мақсаты бір. Ол – халықаралық терроризм қаупін төмендету, тәліптердің мемлекет құраушы қозғалысына айналуын азайту, Пентагон мен НАТО-ның Азиядағы барлық базасын тарату.

Ресей әлемде әскери күші жағынан екінші орында тұр. Ал Қытай бұрынның бері ядролық держава мәртебесіне ие. Бүгінде ғарышты сәтті игеріп, гипердыбыстық зымырандар мен көзге көрінбейтін жойғыш ұшақтардың бесінші буынын шығарып жатыр. Осылайша, біртіндеп бірінші орында тұрған АҚШ-ты да ығыстырады. 

Ресей мен Қытайдың әскери ынтымақтастығы Ұжымдық қауіпсіздік шарт ұйымына мүше мемлекеттердің қауіпсіздігіне де оң ықпалын тигізеді.

Әскери шолушы Александр Хроленконың Telegram арнасына жазылыңыз

52
Архивтегі фото

АҚШ Балтық елдеріне ядролы зымырандар орналастыруды көздеп отыр

85
(Жаңартылды 08:45 04.12.2021)
30 қараша – 1 желтоқсан аралығында Латвия астанасында өткен НАТО сыртқы істер министрлерінің саммитінде Ресеймен күресудегі "Балтық майдананың" маңыздылығы айтылып, Еуропадағы термоядролы даудың аражігін анықталды

Саммит кезінде Солтүстікатлантикалық альянстың бас хатшысы Йенс Столтенберг ең назар аударарлық мәлімдемелер жасады. Бұл Шығыс Еуропада ядролық қару орналастыру ықтималдылығына, НАТО елдері Украина үшін Ресеймен соғыспайтынына, Ресейдің ешқандай ықпал ету аясы жоқ екеніне қатысты.

Осы мәлімдемелермен қатар Латвияның Адажи полигонында артиллериялық аппараттан оқ атылып, соққы жасаушы авиация әуеге көтерілді, Албания, Чехия, Италия, Исландия, Канада, Черногория, Польша, Словакия, Слоевения, Испанияның 1500-ден астам әскери қызметкері НАТО-ның Winter Shield 2021 оқу-жаттығуы (22 қараша – 4 желтоқсан) аясында қызу әрекет етіп жатты. Дәл осы уақытта Латвияның Ұлттық әскери күштеріне қарасты 3 000 әскери The Decisive Point оқу жаттығуы аясында (14 қараша – 12 желтоқсан) шекара маңында ірі ауқымды маневрларды орындап жатты.

Альянстың Балтық маңындағы театрландырылған әскери іс-әрекеті аясында Ұлыбританияның сыртқы істер министрі Лиза Трасс Санкт-Петербургтан шамамен танкпен 200 километр қашықтықта жүріп өтті. Қалай дегенмен, ресейлік министр Сергей Лавровтың да дәл осындай әрекетке баруын елестетудің өзі мүмкін емес.

АҚШ эсминецтері Украинаға көмекке келе ме

Сонымен қатар Вашингтон Донбастағы "Ресейдің жаулық қадамдарына жауап ретінде" Мәскеуге қатысты қаржы-экономикалық шаралар қабылдауға шақыруы да саммит аясында айтылды. Бұл мәлімдемені Ақ үйдің баспасөз хатшысы Джен Псаки жасады. Айта кету керек, Ресей Федерациясы Қарулы күштерін Украинада қолдану-қолданбау Киев режимінің шешімдеріне байланысты болады.

Бас хатшы Йенс Столтенбергтің жоғарыда айтылған мәлімдемесінің артында Вашингтон сілтемесі тұрғаны белгілі. Сондықтан оның америкалық ядролық қаруды "Германиядан шығысқа қарай" орналастыру туралы ойы да алдын ала жоспарланған. Біраз бұрын Столтенберг "Германияның Әскер-әуе күштері қолбасшылығы осы ел аумағында сақтаулы тұрған америкалық ядролық қаруды қажеттілік итуындаған жағдайда қолдануға Пентагон рұқсатын алды" деген мәлімдеме жасады.

АҚШ 480-ге жуық В61-12 модернизацияланған термоядролы авиабомбасын шығарса, оның 150-і Еуропа арсеналында жатыр. Пентагонның ол бомбаларды тарихи отанына алып шығатын түрі жоқ. Керісінше, термоядролы арсенал мейілінше Ресей шекарасына жақын орналасуын көздеп отыр. Грузия мен Украинаның реті келмесе, онда F-35А тасымалдағыштарын қабылдай алатын авиабазалар және В61-12 жерасты қоймалары бар Польша мен Балтық елдеріне үміт артуда.

АҚШ Украинаны соғысқа итермелеп отыр ма

Әйткенмен 2008 жылдың тамызында Оңтүстік Кавказда және 2014 жылдың көктемінде Украинадағыдай ауқымды әскери-саяси сын-тәуекел кезінде Ресейдің де қарап жатпасы анық. Сондықтан Ресей президенті Владимир Путиннің 1 желтоқсанда Мәскеу НАТО-ның РФ шекарасына жақын аумақта қауіпті техника орналастыру арқылы шығысқа қарай жылжуына жол бермейтін келісімдердің жасалуын талап ететінін мәлімдеді.

НАТО-ның таусылмайтын көпұлтты маневрлер сериясы мен Латвия, Литва және Эстонияда шетелдік әскери базалардың құрылысы, Ресейге қарсы Украина мен Грузияны белсенді түрде қаруландыру және "игеру", Вашингтон мен Брюссельдің ойдан шығарылған ресейлік қауіп туралы дәйексіз мәлімдемелері Мәскеуді қарсыластың көзін жылдам әрі тиімді жоятындай деңгейде арттыруға мәжбүрлеп отыр.

Осыған байланысты Ресейде Ту-160М модернизацияланған стратегиялық зымыран тасымалдағыштардың сериялық өндірісі басталады. Сонымен қатар Шығыс Еуропадағы қауіпке жауап ретінде Ресей Куба, Иран, Сирия, ҚХДР және басқа да елдермен өзара ынтымақтастық негізінде стратегиялық қанатты зымырандарды орналастыру шарасын қарастырады. Мысалы, 30 қарашада Беларусь президенті Александр лукашенко ресейлік ядролық қаруды орналастыруы ықтимал екенін жариялады.

Батыс әскери округінің барлық зымыран бригадалары біраз бұрын "Искандер-М" зымыран кешендерімен қайта жасақталды. Олар Шығыс Еуропадағы кез келген әскери нысанды жоюға мүмкіндік береді. Үлкен қашықтыққа ұшатын С-400 зениттік зымыран кешендері және Су-30СМ, Су-35 ауыр жойғыш ұшақтары Беларусь пен Ресейдің әуе шекараларын сенімді түрде қорғап отыр. Балтық теңізінде Ресей әскери-теңіз күштері сан жағынан да, сапа жағынан да басым.

Әскери шолушы Александр Хроленконың Telegram арнасы

85
Кілт сөздер:
АҚШ, зымырандар

Ресейлік Су-35С ұшағы қуатты зымыранмен интеграцияланды