Максим Акбаров , Санжар Мәди және Артур Төлепов

Қазақстанның ең келбетті 10 актері

4818
(Жаңартылды 16:36 22.08.2018)
Не десек те, адамның сырт келбеті өмірде де, кинода да ерекше маңызды

АСТАНА, 21 тамыз — Sputnik. Sputnik халықтың жүрегін жаулап алған Қазақстанның ең әдемі актерлерінің топтамасын жасады. Олардың әрқайсысы көрермен көзайымы болған.

Асанәлі Әшімов 

1937 жылы 8 мамырда дүниеге келген. "Атаманның ақыры", "Транссібір экспресі", "Сіз кімсіз, Ка мырза?" сынды көптеген фильмде басты рөлді сомдап, кең танымалдыққа ие болған. Әуезов атындағы Қазақ драма театрының сахнасында еңбек еткен жылдары 50-ден астам рөлде ойнады.

Асанәлі Әшімов Астанадағы Еуразия кинофестивалінің қызыл кілемінде
© Sputnik / Айгөзел Қадыр
Асанәлі Әшімов Астанадағы "Еуразия" кинофестивалінің қызыл кілемінде

Арыстан Мырзагереев

1987 жылы 22 ақпанда дүниеге келген. Бұл сырбаз жігіт актерлік мансабын 2010 жылы бастады. "Рывок" фильмінде батыл спортшының рөлімен халыққа танылған. Сонымен бірге, "Жаным" телехикаясында басты кейіпкерлердің бірі болды.

Саят Исембаев 

1975 жылы 14 қазанда дүниеге келген. "Рэкетирде" басты рөлді сомдап, көпшілікке танылды. 2005 жылы осы фильмнің жалғасы түсірілді. 

"Әркім голгофқа шығады", "Десант", "Қызғылт қоян туралы ертегі" фильмдеріне түсіп, "Ағайындылар", "Құрбылар" телехикаяларында әртүрлі рөлдерде ойнаған.

Санжар Мәдиев

1986 жылы 4 тамызда дүниеге келді. Бұл жігіт талай арудың арманына айналған. Орда бұзар жастан енді асса да, 10-нан астам кинокартинаға түсіп үлгерді. Шетелдік фильмдері де бар, ханнан бастап нашақорға дейін неше түрлі рөлдерді сомдаған. "Елки 2" және "Қызғылт қоян туралы ертегі" фильмдерінен кейін ерекше танымалдыққа ие болды.

Актер Санжар Мәдиев
© Photo : Орталық коммуникациялар қызметі
Актер Санжар Мәдиев

Баходир Джалметов

1963 жылы 7 қаңтарда өмірге келген. Кәсіпқой каскадер және қазақтың келбетті актері. Каскадерлер арасында әлем чемпионы. "Көшпенді", "Уран тайфуны" фильмдерінде ойнаған.

Берік Айтжанов 

1979 жылы 11 наурызда дүниеге келген. Қазіргі заманғы секс-символ. Мансабында әртүрлі фильмдерде 15-тен астам рөл сомдаған. "Ликвидатор" фильмі шыққан соң, айрықша танымалдыққа ие болды.

Нұрлан Әлімжанов 

1984 жылы 29 сәуірде дүниеге келген. Қазақстанның еңбек сіңірген қайраткері, табысты әрі сымбатты театр және кино актері. "Ағайындылар" телехикаясы шыққан бойда қыздардың көбі оған ғашық болған еді. Бірақ ең бір айшықты рөлі "Елбасы жолы" картинасында президентті сомдауы болды.

Дастан Оразбеков

1982 жылы 5 ақпанда дүниеге келген. Алғаш рет "Астана – махаббатым менің!" толықметражды телехикаясында жағымсыз кейіпкерді сомдап, сыншылардың оң пікірін алды. Кейін "Период" телехикаясына түсті. "Орда" тобының әншісі, нағыз сері жігіт.

http://t.co/Agi8ZPwwhk Друзья,прошу вашего внимания!!! Новое видео) в надежде что понравиться 😴

Дастен Шәкіров

1987 жылы 27 қыркүйекте өмірге келген. Қазақстанның ең келбетті актерлерінің бірі. Алғаш рет "Жаным" телехикаясына түсіп, кейін бірнеше фильмде рөлдерді сомдады: "Параллельные миры", "Вопреки всему". Қазақстанның аруларының жүрегін жаулаған Дастен қазір ең сұранысқа ие актер болып саналады.

Тұңғышбай Жаманқұлов

1948 жылы 2 қазанда дүниеге келген. 1992 жылдан бері Қазақстанның халық әртісі. "Қазақфильм" киностудиясының 20-дан астам фильміне түскен. Ең танымал рөлдері — "Қан мен тер", "Абай", "Көшпенділер", "Нева шайқасы" фильмдерінде.

Актер Тұңғышбай Жаманқұловтың архивтегі фотосы
© Sputnik / Анатолий Устиненко
Актер Тұңғышбай Жаманқұловтың архивтегі фотосы

4818
Кілт сөздер:
Қазақстан, Асанәлі Әшімов, Арыстан Мырзагереев, Саят Исембаев, Санжар Мәдиев, Баходир Джалметов, Берік Айтжанов, Нұрлан Әлімжанов, Дастан Оразбеков, Дастен Шәкіров, Тұңғышбай Жаманқұлов, ең келбетті актерлер, кино саласы, Атаманның ақыры, Рэкетир, Ағайындылар
Тақырып бойынша
Кино көрудің үкімі қандай?
Қазақстан мен Қытай бірлесіп кино түсіреді
Мұхамедиұлы: Қазақстан Қытайдың кино нарығына шықпақшы
Джеки Чан кино өнеріне қосқан үлесі үшін "Оскар" сыйлығына ие болды
Берлинде Абайдың ескерткіші ашылды

Берлинде Абайдың ескерткіші ашылды

9822
Министр Германия халқы мен үкіметіне Абайға ескерткіш орнату жөніндегі ұсынысты қолдап, демеу көрсеткені үшін алғыс білдірді

НҰР-СҰЛТАН, 23 қазан – Sputnik. Тәуелсіздіктің 30 жылдығы аясында Берлин қаласында ұлы ақын Абай Құнанбайұлының ескерткіші ашылды, деп хабарлады мәдениет және спорт министрлігінің баспасөз қызметі.

Ескерткіштің ашылу рәсіміне министр Ақтоты Райымқұлова мен Қазақстан Республикасының Германиядағы төтенше және өкілетті Елшісі Дәурен Кәріпов қатысты.

Ақтоты Райымқұлова Германия халқы мен үкіметіне Абайға ескерткіш орнату жөніндегі ұсынысты қолдап, демеу көрсеткені үшін алғыс білдірді.

"Абай Құнанбайұлы мен Германия халқының ұлы ақыны Гете поэзиясы арасында таңғаларлық үндестікті байқамау мүмкін емес. Абай аудармасының арқасында біз Иоганн Гетенің біршама туындысымен етене таныстық. Соның бірі, әрі бірегейі хакім ана тілімізде сөйлеткен "Қараңғы түнде тау қалғып" өлеңі. Осылайша, Абай екі халықтың әдебиеті мен мәдениетін байланыстырушы берік көпірге айналды",-деді мәдениет және спорт министрі.

Айта кетейік, Абай Құнанбайұлы мүсінінің авторы "Әлем халықтарының өнері" халықаралық ассоциациясының лауреаты Болат Мекебаев.

Ақтоты Райымқұлова былтыр ұлы ақынның 175 жылдық мерейтойы аясында Сингапурда, Болгарияда, Мажарстанда, Біріккен Араб Әмірліктерінде, Пәкстанда, Эфиопияда, Чехияда Абай орталығы ашылғанын айтты.

Сондай орталық Мажарстан, Оңтүстік Корея Республикасы, Франция, Түркия, Өзбекстан, Мысыр, Ресей Федерациясын да ашылғанын атап өтті.

Оқи отырыңыз: 

9822
Кілт сөздер:
Германия, Абай, ескерткіш
Тақырып бойынша
Тоқаев Сеулде Абай мүсінінің ашылуына қатысты – фото
Нұр-Сұлтанда Абай бейнеленген алып пазл құрастырылды – видео
Абай шығармаларын шетелде де насихаттауымыз керек – Тоқаев
Абай, Ыбырай, Міржақыпты танитын 2 жасар балақайдың анасы: қолынан кітап түспейді
Ты супер!  шоуы

Қазақстан зейнеткерлері "Ты супер! 60+" байқауына қатыса алады

715
(Жаңартылды 14:24 23.10.2021)
Шоуға жасы 60-тан асқан, жақындары мен туғандарының қамқорлығынсыз қалған зейнеткерлер қатыса алады

НҰР-СҰЛТАН, 22 қазан – Sputnik. НТВ арнасы, Sputnik Халықаралық ақпарат агентті мен радиосы жалғыз қалған зейнеткерлерге арналған "Ты супер! 60+" халықаралық байқауының жаңа маусымы ашылғанын жариялайды.

"Ты супер! 60+" шоуы ТМД елдеріндегі талантты адамдарға миллиондаған көрермен алдында өзінің вокалдық қабілетін танытуға мүмкіндік береді.

Жобаға жасы 60-тан асқан, жақындарының қамқорлығынсыз (қарттар, ардагерлер үйі, әлеуметтік қорғауға алынған арнайы интернат тұрғындары) немесе жалғыз қалған зейнеткерлер қатыса алады.

Жоба қатысушылары қашықтан өткізілетін кастинг арқылы таңдалатын болады. Байқаудың өзі Мәскеуде өтеді. Жол, тұратын жер, тамақтану шығындарын НТВ телеарнасы өзі көтерді.

Өтінішті қалай жіберуге болады

  • Байқау қатысушысы өзі туралы айтып беретін видео түсіруі қажет (мобильдік телефонға да түсіруге болады). Ол видеода қатысушы аты-жөні, жасы, қай қалада тұратыны мен өзінің статусы туралы айтады. Мысалы, мен Ахметов Ахмет Ахметұлы, Алматы қаласында тұрамын, жасым 60-та, 10 жасымнан бері ән айтамын, одан кейін өзі жайлы қысқаша ақпарат.
  • Келесі бейнежазбада ән орындау қажет. Бірнеше ән орындаса да болады. Бұрын-соңды қатысқан ән байқауының видеосын да жіберуге рұқсат.
  • Анкетаны толтырып, видеоның сілтемелерін көрсету қажет.
  • Дайын видеоны Sputnik Қазақстан редакциясының astana@sputniknews.com электрондық поштасына жіберу керек. Ол жерде үміткермен кері байланыс үшін аты-жөні, қаласы мен телефон нөмірі көрсетілуге тиіс.  

Байқауға өтініш 15.12.2021 жылға дейін қабылданады.

Кастинг қашықтан өткізіледі. Байқаудың өзі Мәскеуде өтеді. Барлық шығынды НТВ арнасы көтереді. Жобада психологтар мен медициналық қызметкерлер бар.

Сауалдарды Sputnik Қазақстан редакциясына қоңырау шалып қоюға болады. Тел: +7 (7172) 47-26-73, astana@sputniknews.com.

"Ты супер!" шоуы туралы

Вокалдық "Ты супер!" шоуының алғашқы шығарылымы НТВ телеарнасында 2017 жылдың 11 ақпанда өтті. "Ты супер!" жобасы ата-анасының қамқорлығынсыз қалған дарынды балаларға өздерін көрсетуге мүмкіндік сыйлады.  

Ол алғашқы эфирден бастап таланттарға арналған танымал шоуға айналды. Содан бері байқау жүздеген өнерпаздың жұлдызын жақты, музыкалық карьерада алғашқы қадамын жасауға мүмкіндік берді.

Кейбір балалар тіпті ата-ана қамқорлығына бөленіп, армандарына жетті.

Биыл "Ты супер!" шоуы қамқорлықсыз қалған зейнеткерлерге арналған "Ты супер! 60+" арнайы жобасын қолға алды. Оның алғашқы маусымында ТМД мен Ресейден 45 үміткер қатысты. Оның ең жасы 60-та болса, үлкені 87 жаста болды. Байқауда түрлі мамандық иелері бақ сынады. Бірі ұзақ жылдар бойы ішкі істер саласында істесе, бірі дәрігер болған. 

Қазылар құрамында Ресей әртісі Игорь Крутой, "Ночные снайперы" рок-группасының мүшесі Диана Арбенина мен танымал орындаушылар, "Маска" шоуның жеңімпаздары Неваляшка мен Единорог — Стас Пьеха және Ирина Дубцова болды.

"Ты супер!" жобасы НТВ арнасы, Sputnik Халықаралық ақпарат агентті мен радиосы және Ресей Федерациясының оқу-ағарту министрлігінің қолдауымен өтеді.

Оқи отырыңыз: 

715
Кілт сөздер:
зейнеткерлер, әндер байқауы
Түрікменстан президенті Тоқаевқа арғымақ аттарын көрсетті

Түрікменстан президенті Тоқаевқа арғымақ аттарын көрсетті

143
(Жаңартылды 21:03 24.10.2021)
Бүгін Қасым-Жомарт Тоқаев Гурбангулы Бердімұхамедовтің шақыруы бойынша мемлекеттік сапармен Ашхабадқа барды

НҰР-СҰЛТАН, 24 қазан – Sputnik. Түрікменстанға мемлекеттік сапармен келген Қасым-Жомарт Тоқаев Президент Гурбангулы Бердімұхамедовпен бірге Ахалтеке жылқысына арналған кешеннің ипподромын аралап көрді, деп хабарлайды Ақорда.

Түрікменстан президенті Тоқаевқа арғымақ аттарын көрсетті
Іс-шара барысында президенттер шабандоздардың өнерін тамашалады

Мемлекет басшысына Түрікменстан президенті арғымақ аттарын көрсетті. 

Іс-шара барысында олар шабандоздардың өнерін тамашалады.

Түрікменстан президенті Тоқаевқа арғымақ аттарын көрсетті
Мемлекет басшысына Түрікменстан президенті арғымақ аттарын көрсетті

Бүгін Қасым-Жомарт Тоқаев Гурбангулы Бердімұхамедовтің шақыруы бойынша мемлекеттік сапармен Ашхабадқа барды.

Сапар барысында екі ел делегациясының шағын және кеңейтілген құрамдағы келіссөздері өтеді, деп жазды президенттің баспасөз хатшысы Берік Уәли әлеуметтік желідегі парақшасында.

Токаев прибыл в Ашхабад с государственным визитом
Қасым-Жомарт Тоқаев Гурбангулы Бердімұхамедовтің шақыруы бойынша мемлекеттік сапармен Ашхабадқа барды

Тараптар қазақ-түрікмен стратегиялық серіктестігінің жағдайы мен даму перспективаларын, сондай-ақ күн тәртібіндегі өңірлік және халықаралық мәселелерді қарастырады.

143