І Халықаралық Almaty Film Festival кинофестивалі

Француз режиссер Шымкенттен шабыт алып кітап жазғанын айтты

210
(Жаңартылды 09:33 19.09.2018)
Алматылықтар І Халықаралық Almaty Film Festival кинофестивалі аясында "Айка" фильмін тамашалай алады

АЛМАТЫ, 15 қыркүйек — Sputnik, Айгерім Таубай. Осы жолы төрт күнге ғана келгендіктен, Түркістанға жолым түспеуі мүмкін. Десе де Қазақстан маған ерекше ұнайды. Осылай деді франциялық продюсер Марк Рускар Алматыда өтіп жатқан І Халықаралық Almaty Film Festival кинофестивалі кезінде.

Аталған фестиваль Алматы қаласы әкімдігінің тапсырмасымен ұйымдастырылып отыр. Ол 15-19 қыркүйек аралығында өтеді.

Шара аясында бүлдіршіндер қазақ тіліне аударылған Disney мультфильмдерін тамашалайды. Ал сағат 20:00-де қала тұрғындары мен қонақтары Самал Еслямова ойнайтын "Айка" фильмін көре алады. Аталған туындының режиссері — ресейлік Сергей Дворцевой.

Фестивальге Қазақстан, Франция, Ресей, АҚШ және т.б. елдер түсірген 10 туынды қатысады. Кейін жеңімпаздар бес аталым бойынша марапатталады. Олар — "гран при", "үздік режиссер", "үздік актер", "үздік актриса", "қазылар алқасының арнайы сыйлығы".

Ұйымдастырушылардың айтуынша, конурсқа қатысқан фильмнің барлығы 2017 — 2018 жылдары түсірілген.

Төреғали Төреәлі комедиялық фильмде басты рөлді сомдады

"Бұл кино фестивальдің пайдасы мол және ол жаңа есімдердің халыққа танылуына көп көмегін тигізеді. Кезекті фестивальдің басталғанына ерекше қуаныштымын. Ол әрі қарай да өз жалғасын табады деп сенемін. Сондай-ақ, фестиваль аясында талантты жастардың өнерін тамашалаймыз деп үміттенемін", — деді ресейлік режиссер Сергей Бодров.

Фестивальге қатысып жатқан туындыларды әлемдік деңгейдегі кинематографтар бағалайды. Олардың арасында неміс актрисасы Настасья Кински, француз продюсер Марк Рускар мен Пьер Спенглер, қазақстандық продюсер Гулнәр Сәрсенова бар. Ал қазылар алқасына ресейлік режиссер Сергей Бодров төрағалық етеді.

Франциялық продюсер Марк Рускар денсаулығының сыр беріп жүргеніне қарамастан, Алматыдағы шараға қуана келгенін айтады. Сондай-ақ, ол бір кездері Түркістан қаласынан ерекше шабыт алып, кітап жазған күндерін еске алды.

"Бұрын-соңды Қазақстанға келгенмін. Шымкентте 4-5 апта болып кітап та жазған едім. Қасиетті Түркістан мен Алматы қаласында да бірнеше рет болдым. Бұл жолы 4 күнге ғана келгендіктен, Түркістанға жолым түспеуі мүмкін. Десе де, Қазақстанның маған ұнайтыны сөзсіз. Сол себепті дәрігер тыйым салса да келген жайым бар. Сондай-ақ, осы шарада Сергей Бодров пен Пьер Спенглердің де болатынын білгендіктен келдім", — деді франциялық продюсер Марк Рускар.

210
Кілт сөздер:
кинофестиваль, кино, актриса, режиссер, актер, Алматы
Тақырып бойынша
Күйеу жігіттің қолынан ажал құшқан қалыңдық туралы фильм түсірілді
"Оскар" жүлдесі:"Үздік фильм" анықталды
Елімізде ырым-тыйымдарды түсіндіретін анимациялық фильм түсірілді
Стивен Сигал Шыңғысхан туралы фильм түсіруді армандайды
Әлемнің 8 еліндегі қазақтар туралы фильм түсіріледі
Би-би-сиге Үндістанда жолбарыстар туралы фильм түсіруге тыйым салынды
Қазақстандық фильм "Аманат" "Оскар" лонг-листіне енді
Микрофон

Қазір иттің итақайы әнші болып жүр Рамазан Стамғазиев

1709
Рамазан Стамғазиев карантинге байланысты той-томалақ тоқтаса да, дәстүрлі әншілер студенттерге сабақ беріп, табыс тауып отырғанын айтты

Алматы, 4 қазан – Sputnik. Қазақстанның еңбек сіңірген әртісі Рамазан Стамғазиев шәкірт тәрбиелеп жүрген ұстаз ретінде баланың көзіне қарап отырып білім бергенге ештеңе жетпейді дейді. Өзі мұғалім болып қызмет атқаратын Темірбек Жүргенов атындағы өнер академиясы студенттерінің басым бөлігі онлайн білім алып жүр. Дәстүрлі әнді насихаттап жүрген әнші Sputnik Қазақстан тілшісіне берген сұқбатында онлайн білім беру мен дәстүрлі әншілердің табысы жайлы айтты. Сондай-ақ, эстрадада фонограммаға тыйым салуға қатысты пікір білдірді.

Қашықтан оқытудың қиындығы жайлы

Стамғазиев жұмыс істейтін Құрманғазы атындағы консерваторияның бірінші курс студенттері оқу ордасында білім алып жатыр. Ал қалған курстың студенттері қашықтан, түрлі платформаны пайдаланып оқып жүр.

"Былтыр онлайн оқу цифрлық Қазақстанның көпірік сөзбен ғана іс атқарғанын, жалпы бұл жағынан әлсіздігін көрсетті. Биыл оқу жылында 30-40 минуттың ішінде мың өшіп, мың қосылып, арасында Whatsapp-қа көшіп, оқытып жатырмыз. Бір жақсысы, дәстүрлі әншілердің барлығы оқулық жазған. Электронды нұсқасы студенттерге қолжетімді", - дейді дәстүрлі әнші.

Әңгіме барысында онлайн оқу мен дәстүрлі оқу форматының да айырмашылығын сұрадық. Айтуынша, баланың көзіне қарап сабақ бергенге ештеңе жетпейді.

Тағы оқыңыз: "Тыңдайтын құлақ жоқ": Мейрамбек Бесбаев Алматы басшылығына ренішін айтты

"Айырмашылық көп. Баланың көзіне қарап, адамның арғы дүниесін танып оқыту керек қой. Сабақ кезінде нотаны айғайлап көрсету, домбыра тарту техникаларын көрсету керек. Себебі домбыраны бұғып қағу, көсіп қағу, шертіп қағу, іліп қағу деген түрі болады. Соны қасында отырып көрсеткенге жетпейді. Бұрын сабақ елу минут өтсе, қазір қырық минут зыр етіп өте шығады", -  дейді ол.

Дәстүрлі әншінің табысы

Дәстүрлі әншілер карантинге дейін арасында тойға, концертке шығып табыс табатын. Стамғазиевтің айтуынша, дәстүрлі әншілердің негізгі табыс көзі – тұрақты жұмысы. Сол себепті той тоқтағанымен, табысы азайған жоқ.

"Дәстүрлі әншілердің бақыты – мемлекеттік, білім беру орындарында табан тіреп, орнығуы. Той-томалақтың ақшасына күні қарап қалған жоқ. Сабақ беріп, жанын бағып отыр. Айдың соңында айлығын алатынына сенімді. Сабағын беріп, табыс тауып отыр", - дейді әнші әріптестерінің табысы жайлы.

"Фонограмманы жою керек"

"Мәдениет саласы жөніндегі заң жобасымен танысқан жоқпын. Дәстүрлі әншілер жайында ішінде не айтылғанын білмеймін. Алайда қазір телеарналарда фонограммаға тыйым салу жайлы айтып жатыр. Иә, фонограмманы жоғалту керек. Жалпақ шешен болып, оны кейінге қалдырудың қажеті жоқ. Себебі олай жасаса, баяғы "ертегі" қайтып келеді. Өнер әлемінде осы бағыт өлі қалпында жатыр. Әншілердің кәсіби деңгейі өсуі үшін фонограмманы жоғалту керек", - дейді Стамғазиев.

Арам шөпті де қайта өспеуі үшін тамырынан жұлып тастайтынын мысал ретінде келтірген әнші фонограмманы да солай тоқтату керек деп санайды.

"Сонда ғана әншінің деңгейі мен халықтың талғамы өседі. Әншінің репертуары да түзеледі. Сол кезде ғана өсу басталады. Жабайы тілмен айтқанда, қазір иттің итақайы әнші болып жүр. Жазып алып сахнаға шығады, ел оны әнші екен деп ойлайды. Біріншіден, әншінің қадірі кетті. Екіншіден, кәсіби әнші мен әуесқой әншінің арасын ажырата алмай қалды", - дейді ол.

Стамғазиевтің пікірінше, заңды қабылдаған соң кім де кім сахнада яки тойда фонограммамен ән салатын болса, ірі көлемде айыппұл салып, жаза қолдану керек.

"Кәсіби әнші музыкалық техникаға қарамайды. Ал жанды дауыста ән айту үшін мықты аппаратура қажет дейтіндер – қаланың ішінде жүріп ән салатындар. Аудандарға, ауылдарға барып көрмеген әншілер солай айтады. Ауылдық жерде жақсы техника жоқ екені рас, алайда барлық жерде олай емес. Әншілер шетелдегі аппараттың ауылдарда тұрғанын армандайды", - дейді Стамғазиев.

Айтуынша, дәстүрлі әнші Жұбаныш Жексенұлы, "Заман" тобы, Саят Медеуовтің шығармашылығын ұнатады.

"Ал әуесқой әнші деген – "әуестенбей, қой" дегенде қоймайтын адамдар. Олар халық қабылдамағанын біліп, көріп тұрса да қоймайды", - дейді ол.

Сахнада отыз жылдан бері жүрген дәстүрлі әнші әуесқойлар ақша мен техниканың күшімен әнші болып жүр деп санайды.

1709
Кілт сөздер:
фонограмма, әнші, Рамазан
Тақырып бойынша
Полиция әнші Кенталдың видеосын адамдардың қайғы-қасіретін мазақ ету деп атады
Хасанғалиевтің әніне неге тыйым салынды – сексенге толған әнші жайлы қызық деректер
Әлемге әйгілі әнші карантиннің қандай пайдасы бар екенін айтты
Әнші Мирас Бекжанов: Құралай сәбиіміз қыз екенін айтқанда қатты ұрыстым
MTV логотипі

MTV USA тарихында тұңғыш рет қазақ тіліндегі клип көрсетіледі

80
(Жаңартылды 09:31 01.10.2020)
Премьера жұма күні кешкі уақытқа жоспарланып отыр. Әнші тағы бір арманы орындалғанын айтып, жанкүйерлеріне алғыс білдірді

НҰР-СҰЛТАН, 1 қазан - Sputnik. Димаш MTV USA экранына шығады. Ол бұл арнада клипі қазақ тілінде көрсетілетін тұңғыш әнші, деп хабарлайды dimashnews.com сайты.

Видео MTV USA арнасында шығады. Ал АҚШ-тан тыс тұратын жанкүйерлер MTV-дің YouTube ресми каналынан тамашалай алады. 

"Менің тыңдармандарыма, әлемнің әр түпкіріндегі менің өнерімді бағалайтын жанкүйерлеріме шын жүрегіммен алғыс айтамын. Олар менің бала арманымның орындалуына себепкер болды. Қазақстан ғана емес төрткүл дүниедегі Dear-ларымның қолдауына разымын. Құрметім мен алғысым шексіз", - деп жазды Димаш.

Бейнеклип жұма күні Нью-Йорк уақыты бойынша сағат 17.00-20.00 аралығында экранға шығады (Нұр-Сұлтан уақыты бойынша түнгі 3.00- 6.00). Бұл Америкадағы жұма күнгі прайм-тайм. Америкалық MTV-ды бұл уақытта ең көп көрермен тамашалайды.

80
Кілт сөздер:
Димаш Құдайберген
Тақырып бойынша
"Ненің құрметіне?!": Димаш шенеуніктерге неге шүйлікті
"Үндемедім": Димаш Құдайберген неден ұялғанын айтты
"Олар мені Димаш деп атайды": науқастарға ән салған санитар сұхбат берді
Димаш Джеки Чанның жаңа фильміндегі басты әнді шырқады
"Бұл неткен қасірет еді": Димаш Құдайберген желіде жазба жариялады
Жандарбек Бекшин

Алматыда карантин күшейтіле ме Бекшин жауабы

0
Қаланың бас санитар дәрігері топтасып жиналмауға, отбасылық іс-шара өткізбеуге шақырып, тұрғындарға шетелге шықпауға кеңес берді

АЛМАТЫ, 16 қазан – Sputnik. Алматының бас санитар дәрігері Жандарбек Бекшин қалада карантиннің күшейтілуіне байланысты пікір білдірді, деп хабарлайды Sputnik Қазақстан.

Айтуынша, егер тұрғындар медициналық масканы тағып, әлеуметтік арақашықтықты сақтайтын болса, адам көп жиналатын жерге бармаса, карантин күшейтілмейді.

"Қалада коронавирустың таралуына жол бермеу үшін шаралар қабылданып жатыр. Ең қауіпті нысан – жабық мекемелер, оның ішінде түнгі клуб, бильярд, караоке секілді жерлер. Оларға әлі де тыйым салынған. Барлығы қалыптасқан эпидемиологиялық жағдайға байланысты болады", – деді Бекшин.

Қаланың бас санитар дәрігері локдаун енгізілмеуі үшін қала басшылығы тексеру жүргізіп, халықты ақпараттандырумен айналысып жатқанын айтты.

"Жастарға түнгі клуб, мейрамханаға бармауға кеңес беремін. Ал мейрамхана иелері залдың 30%-нен артық адамды қабылдауға болмайтынын ескеруі қажет. Егер санитарлық талаптарды сақтайтын болсақ, локдаун мен төтенше жағдайды айналып өте аламыз", – деді ол.

Сонымен қатар қаланың бас санитар дәрігері топтасып жиналмауға, отбасылық іс-шара өткізбеуге шақырды, тұрғындарға шетелге шықпауға кеңес берді.

"Инфекция жұқтырған азаматтарымыздың басым бөлігі Түркия, БАӘ мен Мысырдан келіп жатқаны байқалады. Қазір Ресейде, Түркияда жағдайдың қаншалықты күрделене түскенін көріп отырмыз", – деді ол.

Оқи отырыңыз: Қазақстандағы карантин: комиссия жаңа шешімді жариялады

Айта кетейік, шетелден келген азаматтардың қолында анықтама болмаса, коронавирустың бар-жоғы анықталғанша екі күн карантинге жатқызылады.

0
Кілт сөздер:
Алматы, коронавирус, карантин
Тақырып:
Төтенше жағдай және карантин
Тақырып бойынша
Қатаң карантин енгізілсе, халық әлеуметтік төлем ала ма?  
Карантин күшейтіледі – облыстың бас санитар дәрігерінің жаңа қаулысы шықты
Қазақстандағы COVID-19: тағы бір облыста карантин күшейтілді
Қазақстанның облыстары мен қалаларында карантин күшейтілді: неге тыйым салынды
Коронавирус індеті: Нұр-Сұлтанда карантин күшейтіледі