Самал Еслямова Almaty Film Festival ашылуында

Самал Еслямова: Мені Мәскеу жақсы қабылдады

306
(Жаңартылды 10:59 01.10.2018)
Самал Еслямова мен "Айка" фильмінің ұжымы түсірілімнің қалай өткенін айтып берді

АЛМАТЫ, 16 қыркүйек — Sputnik, Айгерім Таубай. AYKA фильмінде басты рөлді сомдаған қазақстандық актриса Самал Еслямова түсірілім барысында қаншама күн ұйықтамай жүргенін, әр күнді жоспарлағанын айтты. 

І Халықаралық Almaty film festival кинофестивалі аясында алматылықтар мен қала қонақтары "Айка" фильмін тамашалаған еді. 

Фильмнің режиссері – Сергей Дворцевой. Ал сценарий авторы – Геннадий Осторвский. Продюсер  — Гулнәр  Сәрсенова. 

"Басты рөлді сеніп тапсырғаны үшін режиссерға көп рахмет"

"Ең алғаш Сергей  фильмнің сценарийін көрсеткен кезде маған ұнады. Себебі бұл фильм ана мен баланың арасындағы жақындық пен махаббат жайында болатынын айтты. Менің әзірге балам жоқ, Аллаға шүкір анам бар. Мен Мәскеуге оқуға кетер кезде анамның шығарып салғаны, құрақ ұшып жағдайымды жасағаны, бәрі-бәрі есімде. Сол кезде ана мен баланың байланысы  қатты сезілетін. Бұл тақырып маған қызық болды.  Маған осы рөлді сеніп тапсырғаны үшін режиссерға көп рахмет",  — деді өз сөзінде Самал Еслямова.

Ал фильмнің продюсері Гүлнәр Сәрсенованың айтуынша, Сергей Дворцевоймен жұмыс істеп жүргеніне 12 жыл болған.

"Фильмде продюсердің еңбегі көріне бермейді. Сергеймен 12 жылдан бері бірге жұмыс істеп келеміз. Сергей Дворцевой секілді талантты режиссерлар қазір аз. Дворцевой хронологиялық ретпен жұмыс істейді. Қазіргі режиссерлар мұны түсінбеуі мүмкін, себебі бір айда фильм түсіріп, ақша табуды ойлайтындар көп. Ал  "Айка" фильмінің түсірілімі кезінде теңге құлдырады, сондықтан маған қиын болды. Сол себепті қытайлық продюсерлерді қостық", — дейді Гүлнәр Сәрсенова. 

Режиссердің айтуынша, фильм бір ұлтты өзге ұлттан артық немесе кем етіп көрсетуді көздемейді.

Айка фильмінің ұжымы баспасөз мәслихатында
© Sputnik /
"Айка" фильмінің ұжымы баспасөз мәслихатында

"Біз әр күн сайын түсірілімнің алдында жоспар құрдық, бір-бірімізбен ақылдастық. Содан кейін ғана түсірілімге кірістік. Барлық эпизод алдын ала дайындықтан өткен соң ғана түсірілді. Қырғыз қыздың Мәскеудегі тағдырын екі сағатқа сыйдыру керек болды. Ол үлкен еңбекті талап етеді", — деді режиссер.

"Айка" фильмі  Мәскеудің Орта Азия халықтарын қалай қабылдайыты жайында. Ал мені Самал Еслямованы мәскеу жақсы қабылдады", — дейді Самал Еслямова.

Almaty Film Festival кинофестивалі

Бүгін Алматыдағы Республика сарайында І Халықаралық Almaty Film Festival кинофестивалінің салтанатты ашылуы болды. Кешке алыс-жақын шетел мен отандық кино саласының жұлдыздары қатысты.

Олардың қатарында Ақан Сатаев, Настасья Кински, Марк Рускар, Пьер Спенглер, Гулнәр Сәрсенова, Сергей Бодров секілді кино майталмандары бар. Отандық кино саласындағы жұлдыздар қызыл кілеммен жүріп өтті. Олардың қатарында Нұртас Адамбаев, Нұрлан Қоянбаев, Асылхан Төлепов, Тәуекел Мүсілім, Гүлназ Жоланова, Сая Оразғали мен Жания Джуринская, Әсел Сағатова, Айнұр Ильясова, Санжар Мәдиев, Құралай Анарбекова, Дәстен Шәкіров, Әділ Ахмет, Альмра Тұрсын және т.б әртістер бар.

Қонақтардың арасында қазақстандық жазушы әрі кинодраматург Смағұл Елубай да бар. 

Салтанатты жиынға Канн кинофестивалінде жүлде алған отандасымыз Самал Еслямова мен "Айка" фильмінің режиссері Сергей Дворецский мен сценарий авторы, продюсер қатысты. "Айка" фильмінің аяқталған, соңғы нұсқасы алғаш рет көрсетілді.

Айка фильмінің тұсаукесері
© Sputnik / Тимур Батыршин
"Айка" фильмінің тұсаукесері

Бұл — қазақстандық киноның жеңісі

Өз сөзінде Сергей Дворецский "Айка" фильмінің толық аяқталған нұсқасы алғаш рет көрсетіліп отырғанын айтты. Канн кинофестивалінде фильмнің аяқталмаған нұсқасы көрсетілген.

"Қазақ қызы алғаш рет Канн кинофестивалінде жүлде алды. Менің өзім де Шымкенттенмін. 28 жыл Шымкентте тұрғанмын. Сондықтан бұл қазақстандық киноның жеңісі", — деді Дубровский өз сөзінде.

Алматы қаласының әкімі Бауыржан Байбек өз сөзінде фестивальдің алғаш рет ұйымдасырылып отырғанын айтып, фестивальді ұйымдастыру барысында түрлі ойдың болғанын айтты. 

"Бүгін –  тарихи күн. Тұңғыш рет мың бояулы қаламызда Алматы кино фестивалі өтіп отыр. Фестивальді өткізерде логотипі мен келетін қонақтар жайында ұзақ ойлаандық. Алматы – тарихи қала. 80 жыл бұрын "Амангелді" фильмі Алматыдан шыққан. Сондықтан фестивальдің дәл осы қалада өтуі – заңдылық", – деді Алматы әкімі Бауыржан Байбек. 

Сөз соңында қала әкімінің шетелден келген қонақтарға өз алғысын білдірді.

306
Кілт сөздер:
кинофестиваль, актриса, "Айка" фильмі, Almaty film festival, Самал Еслямова, Алматы
Тақырып бойынша
Самал Еслямоваға Петропавлдан пәтер сыйға берілді
"Актер болуды армандаған емеспін". Самал Еслямова қазақстандық журналистермен кездесті
Самал Еслямованың жетпістегі әкесі: Қызым атқа мініп, мал бағып өсті
Микрофон

Қазір иттің итақайы әнші болып жүр Рамазан Стамғазиев

1752
Рамазан Стамғазиев карантинге байланысты той-томалақ тоқтаса да, дәстүрлі әншілер студенттерге сабақ беріп, табыс тауып отырғанын айтты

Алматы, 4 қазан – Sputnik. Қазақстанның еңбек сіңірген әртісі Рамазан Стамғазиев шәкірт тәрбиелеп жүрген ұстаз ретінде баланың көзіне қарап отырып білім бергенге ештеңе жетпейді дейді. Өзі мұғалім болып қызмет атқаратын Темірбек Жүргенов атындағы өнер академиясы студенттерінің басым бөлігі онлайн білім алып жүр. Дәстүрлі әнді насихаттап жүрген әнші Sputnik Қазақстан тілшісіне берген сұқбатында онлайн білім беру мен дәстүрлі әншілердің табысы жайлы айтты. Сондай-ақ, эстрадада фонограммаға тыйым салуға қатысты пікір білдірді.

Қашықтан оқытудың қиындығы жайлы

Стамғазиев жұмыс істейтін Құрманғазы атындағы консерваторияның бірінші курс студенттері оқу ордасында білім алып жатыр. Ал қалған курстың студенттері қашықтан, түрлі платформаны пайдаланып оқып жүр.

"Былтыр онлайн оқу цифрлық Қазақстанның көпірік сөзбен ғана іс атқарғанын, жалпы бұл жағынан әлсіздігін көрсетті. Биыл оқу жылында 30-40 минуттың ішінде мың өшіп, мың қосылып, арасында Whatsapp-қа көшіп, оқытып жатырмыз. Бір жақсысы, дәстүрлі әншілердің барлығы оқулық жазған. Электронды нұсқасы студенттерге қолжетімді", - дейді дәстүрлі әнші.

Әңгіме барысында онлайн оқу мен дәстүрлі оқу форматының да айырмашылығын сұрадық. Айтуынша, баланың көзіне қарап сабақ бергенге ештеңе жетпейді.

Тағы оқыңыз: "Тыңдайтын құлақ жоқ": Мейрамбек Бесбаев Алматы басшылығына ренішін айтты

"Айырмашылық көп. Баланың көзіне қарап, адамның арғы дүниесін танып оқыту керек қой. Сабақ кезінде нотаны айғайлап көрсету, домбыра тарту техникаларын көрсету керек. Себебі домбыраны бұғып қағу, көсіп қағу, шертіп қағу, іліп қағу деген түрі болады. Соны қасында отырып көрсеткенге жетпейді. Бұрын сабақ елу минут өтсе, қазір қырық минут зыр етіп өте шығады", -  дейді ол.

Дәстүрлі әншінің табысы

Дәстүрлі әншілер карантинге дейін арасында тойға, концертке шығып табыс табатын. Стамғазиевтің айтуынша, дәстүрлі әншілердің негізгі табыс көзі – тұрақты жұмысы. Сол себепті той тоқтағанымен, табысы азайған жоқ.

"Дәстүрлі әншілердің бақыты – мемлекеттік, білім беру орындарында табан тіреп, орнығуы. Той-томалақтың ақшасына күні қарап қалған жоқ. Сабақ беріп, жанын бағып отыр. Айдың соңында айлығын алатынына сенімді. Сабағын беріп, табыс тауып отыр", - дейді әнші әріптестерінің табысы жайлы.

"Фонограмманы жою керек"

"Мәдениет саласы жөніндегі заң жобасымен танысқан жоқпын. Дәстүрлі әншілер жайында ішінде не айтылғанын білмеймін. Алайда қазір телеарналарда фонограммаға тыйым салу жайлы айтып жатыр. Иә, фонограмманы жоғалту керек. Жалпақ шешен болып, оны кейінге қалдырудың қажеті жоқ. Себебі олай жасаса, баяғы "ертегі" қайтып келеді. Өнер әлемінде осы бағыт өлі қалпында жатыр. Әншілердің кәсіби деңгейі өсуі үшін фонограмманы жоғалту керек", - дейді Стамғазиев.

Арам шөпті де қайта өспеуі үшін тамырынан жұлып тастайтынын мысал ретінде келтірген әнші фонограмманы да солай тоқтату керек деп санайды.

"Сонда ғана әншінің деңгейі мен халықтың талғамы өседі. Әншінің репертуары да түзеледі. Сол кезде ғана өсу басталады. Жабайы тілмен айтқанда, қазір иттің итақайы әнші болып жүр. Жазып алып сахнаға шығады, ел оны әнші екен деп ойлайды. Біріншіден, әншінің қадірі кетті. Екіншіден, кәсіби әнші мен әуесқой әншінің арасын ажырата алмай қалды", - дейді ол.

Стамғазиевтің пікірінше, заңды қабылдаған соң кім де кім сахнада яки тойда фонограммамен ән салатын болса, ірі көлемде айыппұл салып, жаза қолдану керек.

"Кәсіби әнші музыкалық техникаға қарамайды. Ал жанды дауыста ән айту үшін мықты аппаратура қажет дейтіндер – қаланың ішінде жүріп ән салатындар. Аудандарға, ауылдарға барып көрмеген әншілер солай айтады. Ауылдық жерде жақсы техника жоқ екені рас, алайда барлық жерде олай емес. Әншілер шетелдегі аппараттың ауылдарда тұрғанын армандайды", - дейді Стамғазиев.

Айтуынша, дәстүрлі әнші Жұбаныш Жексенұлы, "Заман" тобы, Саят Медеуовтің шығармашылығын ұнатады.

"Ал әуесқой әнші деген – "әуестенбей, қой" дегенде қоймайтын адамдар. Олар халық қабылдамағанын біліп, көріп тұрса да қоймайды", - дейді ол.

Сахнада отыз жылдан бері жүрген дәстүрлі әнші әуесқойлар ақша мен техниканың күшімен әнші болып жүр деп санайды.

1752
Кілт сөздер:
фонограмма, әнші, Рамазан
Тақырып бойынша
Полиция әнші Кенталдың видеосын адамдардың қайғы-қасіретін мазақ ету деп атады
Хасанғалиевтің әніне неге тыйым салынды – сексенге толған әнші жайлы қызық деректер
Әлемге әйгілі әнші карантиннің қандай пайдасы бар екенін айтты
Әнші Мирас Бекжанов: Құралай сәбиіміз қыз екенін айтқанда қатты ұрыстым
MTV логотипі

MTV USA тарихында тұңғыш рет қазақ тіліндегі клип көрсетіледі

80
(Жаңартылды 09:31 01.10.2020)
Премьера жұма күні кешкі уақытқа жоспарланып отыр. Әнші тағы бір арманы орындалғанын айтып, жанкүйерлеріне алғыс білдірді

НҰР-СҰЛТАН, 1 қазан - Sputnik. Димаш MTV USA экранына шығады. Ол бұл арнада клипі қазақ тілінде көрсетілетін тұңғыш әнші, деп хабарлайды dimashnews.com сайты.

Видео MTV USA арнасында шығады. Ал АҚШ-тан тыс тұратын жанкүйерлер MTV-дің YouTube ресми каналынан тамашалай алады. 

"Менің тыңдармандарыма, әлемнің әр түпкіріндегі менің өнерімді бағалайтын жанкүйерлеріме шын жүрегіммен алғыс айтамын. Олар менің бала арманымның орындалуына себепкер болды. Қазақстан ғана емес төрткүл дүниедегі Dear-ларымның қолдауына разымын. Құрметім мен алғысым шексіз", - деп жазды Димаш.

Бейнеклип жұма күні Нью-Йорк уақыты бойынша сағат 17.00-20.00 аралығында экранға шығады (Нұр-Сұлтан уақыты бойынша түнгі 3.00- 6.00). Бұл Америкадағы жұма күнгі прайм-тайм. Америкалық MTV-ды бұл уақытта ең көп көрермен тамашалайды.

80
Кілт сөздер:
Димаш Құдайберген
Тақырып бойынша
"Ненің құрметіне?!": Димаш шенеуніктерге неге шүйлікті
"Үндемедім": Димаш Құдайберген неден ұялғанын айтты
"Олар мені Димаш деп атайды": науқастарға ән салған санитар сұхбат берді
Димаш Джеки Чанның жаңа фильміндегі басты әнді шырқады
"Бұл неткен қасірет еді": Димаш Құдайберген желіде жазба жариялады
Вакцина, архивтегі фото

Оңтүстік Кореяда тұмауға қарсы екпеден кейін 60-қа тарта адам көз жұмды

0
(Жаңартылды 10:33 29.10.2020)
Бірақ елдің денсаулық сақтау министрлігі науқастардың өліміне вакцинаның қатысы жоқ екенін мәлімдеп,  процедураны жалғастыруға бел буды

НҰР-СҰЛТАН, 29 қазан – Sputnik. Оңтүстік Кореяда тұмауға қарсы вакцинациядан кейін 60-қа жуық адам қайтыс болды.

Бірақ үкімет осы процедураны жалғастыруға бел буып отыр. Денсаулық сақтау министрлігінде науқастардың өлімін вакцинамен байланыстырмайды, деп хабарлады "Хабар 24".

Дәрігерлердің айтуынша, вакцинациядан кейін қайтыс болғандардың барлығы, 17 жастағы пациенттен басқа, егде жастағы адамдар.

Денсаулық сақтау министрі оңтүстікореялықтарды екпеден қорықпауға шақырды және өзі осындай процедурадан өтті. Ол тек Кореяда жыл сайын үш мыңға жуық адам маусымдық тұмаудан қайтыс болатынын еске салды. Халық арасында вакцинацияға деген сенімсіздік осы айда тұмауға қарсы вакцинаның 1 миллионнан астам дозасы дұрыс сақталмау және пайдаланбау себептерін алып тастағаннан кейін туындады.

Оқи отырыңыз: Коронавирусқа қарсы вакцина салдырған еріктілер вирус жұқтырды 

Ел үкіметі ақысыз вакцинация бағдарламасы жыл соңына дейін жалғасатынын айтты. Себебі маусымдық тұмау эпидемиясы COVID-19 бен күресті қиындатуы мүмкін. Вакцинаны тегін ала алатын 19 миллион Корея Республикасы азаматтарының 56%-іне екпе жасалды.

"Денсаулығы жақсы адамдарға ғана тұмауға қарсы екпе алуды ұсынамыз. Вакцинациядан кейін ауруханада 30 минут болу керек, адам өзін жақсы сезінген жағдайда кетуіне болады. Тұмау мен СOVID-19 эпидемиясының бірлесіп таралуы твиндемия деп аталады, сондықтан вакцинациялауды ұсынамыз. 70 жастан асқан және жүрек-қан тамырлары аурулары бар науқастар қауіпті топта. Вакцина алудан гөрі маска кию маңызды екенін баса айтқым келеді. Қолды мұқият жуып, дезинфекциялау керек. Жөтелген кезде аузыңызды қолмен жабыңыз", - дейді Тэгу қаласы алдын алу шаралары басқармасының басшысы Мин Пок Ки.

0
Кілт сөздер:
Оңтүстік Корея, вакцина
Тақырып бойынша
Қарағанды және Шығыс Қазақстан облыстарында карантин күшейтіледі
Министр жазда коронавируспен ауырып шыққандарға сақ болуға кеңес берді
Тоқаев заңнамаға вакцинаны уақытша тіркеу түсінігін енгізуді тапсырды