Жедел жәрдем

Алматыда Мәдина Сәдуақасова жол апатына түсті видео

6764
(Жаңартылды 12:30 30.10.2018)
Әнші сақтандыру белдігін тақса да, бетіне зақым келгенін айтты

АСТАНА, 26 қазан — Sputnik. Қазақстандық танымал әнші Мәдина Сәдуақасова Алматы қаласында жол апатына түсті. Әншінің автомобиліне қоғамдық көлік келіп соғылған. Айтуынша, дін аман, тек бетіне зақым келген. Сондай-ақ, автобуста отырған екі азамат жапа шекті.

Жол-көлік апаты 23 қазан күні болған. Оның нақты қалай болғанын және кім кінәлі екенін әншінің өзі баяндап берді.

"Алдыңғы күні көлік айдап келе жатып оқушыларды өткізіп жіберу үшін жаяу жүргіншілер жолағына келіп тоқтадым. Кенет көлігіме үлкен автобус соғылды. Соққыдан кейін пысық балалар жол патруль қызметін, жедел жәрдемді шақырып, менің жаныма жүгіріп келіп, су мен өздерінің телефон нөмірін ұсынды. Артынша сабақтарына жүгіріп кетті. Құдай сақтады. Жүргізуші ата қатты қобалжып кетті. Жолаушыға қараймын деп тоқтап үлгермей қалғанын айтып ақталды. Автобуста бір қыздың беті қанға боялып, есін дұрыс білмей тұрды. 103 нөміріне хабарласқанымда маған көп сұрақ қойды. Кейін "Расымен де, дәрігер көмегі қажет пе деген сұрақты қою үшін" ол қыздың нөмірін сұрады", — деді Мәдина Сәдуақасова.

Тағы оқыңыз:

Әрі қарай әнші сол күні өзі жедел жәрдем шақыру үшін хабарласқан диспетчер қызметіне қатты ашуы келгенін жеткізді. Айтуынша, орынсыз сұрақтар қойып, тіпті, бірден көмекке келуден бас тартқан. Әнші диспетчер қызметіне ренжісе де, жедел көмек көрсетіп, қол ұшын созған инспекторға алғыс айтты.

"Келесі сөздерім 23.10.2018 жылы сағат 13:25 кезінде хабарласқан 103 диспетчеріне арналады. Мен сіздерге жол-көлік оқиғасы туралы, қыздың қансырап жатқаны, жасы, есімі, "Достық-Шевченко" көшесі деп апат болған мекенжайды айттым. Бірақ тұтқаның ар жағынан "Сіз үш аюды көріп тұрсыз ба?" және "Ол қыздың нөмірін беріңіз, біз өзіміз хабарласамыз" деген сөздерді естіген кезде қатты ашуландым. Кейін сіздермен әңгімені жол патрульдік қызмет инспекторы жалғастырды. Оларға жылдам жұмыстары үшін алғысым шексіз", — деді ол.

Диспетчер мен әншінің диалогына инспектор араласқаннан кейін жедел жәрдем қызметі оқиға орнына жылдам келген. Автобуста отырған екі адам жарақат алған. Сөз соңында әнші диспетчер қызметінен бөлек, автобус жүргізушілеріне деген ренішін жеткізді. Оларға асықпай, өздеріне тиесілі жолмен жүруге кеңес берді. Мұнымен қатар, бетіне зақым келгенін айтып өтті.

Тағы оқыңыз:

"Бойжеткен, жедел жәрдемнің диспетчері, біреудің өмірі сіздің қолыңызда тұрған болуы мүмкін. Ал сіз орынсыз сауалдар қойып, баяу сөйлеп тұрсыз! Ақыры келіп, Жансаяны ауруханаға алып кеткен жедел жәрдем қызметкерлеріне рахмет. Оның және тағы бір автобуста отырып жапа шеккен азаматтың жағдайы жақсы болады деген үміттемін.

Автобус жүргізушілеріне: Құдай-ау, қайда сонша асығасыздар?! Ең болмаса, өзіңізге тиесілі жолмен рахаттанып жүрмейсіз бе? Жолаушыларға айтарым — жүргізушілердің мазасын алмаңыздар. Ал мен болсам аманмын, шүкір. Белбеу таққанның өзінде бетіме сәл зақым келді. Сол күні жақсы сияқты еді, бүгін қорқынышты болып тұр.

Ең бастысы, бәрі аман. Бет жазылар, осындай болып қалмайтын шығар. Темір жасалады, бәрі ұмытылады. Әрине, бас аман болсын! Бір-бірімізге мейірімді болайық, ағайын!" — деді әнші.

6764
Кілт сөздер:
көлік апаты, оқушы, әнші, жол апаты, автобус жүргізушісі, Қазақстан
Тақырып бойынша
Жол апатына ұшыраған көлік 11 жасар қызды басып кетті – оқиға орнында түсірілген видео
Алматыда жол апатына түскен көліктен 7 жасар бала ұшып кетті
Мас жүргізуші жол апатына ұшырап, ауруханаға түсті
Брэд Питт жол апатына ұшырады
Атырауда 5 адам қаза тапқан жол апатына қатысты жаңа дерек шықты
Таиландта сегіз қазақстандық жол апатына түсті
Сауд Арабиясында жол апатына кінәлі жүргізушінің басы шабылды
Майра Мұхамедқызы

Майра Мұхамедқызы жаңа қызметке тағайындалды

888
Майра Мұхамедқызы Париждегі "Гранд Опера" театрының Қазақстаннан шыққан тұңғыш әншісі, Вашингтонның ұлттық опера театрының сахнасында өнер көрсеткен

НҰР-СҰЛТАН, 9 қаңтар – Sputnik. Танымал опера әншісі Майра Мұхамедқызы Шымкентте опера және балет театрының басшысы болып тағайындалды, деп хабарлайды Sputnik Қазақстан қала әкімдігіне сілтеме жасап.

"Шымкент қаласы әкімінің бірінші орынбасары Шыңғыс Мұқан қалалық опера және балет театрының жаңа басшысын мекеме қызметкерлеріне таныстырды", - делінген хабарламада.

Майра Мұхамедқызы – Қазақстанның еңбек сіңірген әртісі, "Құрмет", "Отан" ордендерінің иегері, "Тарлан" сыйлығының, ҚР Мемлекеттік сыйлығының лауреаты.

Париждегі "Гранд Опера" театрының Қазақстаннан шыққан тұңғыш әншісі. Сонымен қатар, ол Вашингтонның ұлттық опера театрының сахнасында өнер көрсеткен.

Тағы оқыңыз: Ақтоты Райымқұлова мәдениет және спорт қызметкерлерін марапаттады

Майра Мұхамедқызы 1969 жылы 9 мамырда Қытайда дүниеге келді. Бейжің ұлттар университетінің музыка факультетін және Пекин консерваториясын бітірген.

888
Кілт сөздер:
Шымкент, театр, әнші
Димаш Құдайберген

Димаш Құдайберген АҚШ президентін ұлықтау апталығының ашылуына қатысады

430
(Жаңартылды 12:56 05.01.2021)
Осы жолы АҚШ пен Қазақстанның қарым-қатынасы тарихында алғаш рет жаңадан сайланған президенттің инаугурациясына арналған апталыққа қазақстандық әнші қатысады

НҰР-СҰЛТАН, 5 қаңтар – Sputnik. Танымал қазақстандық әнші Димаш Құдайберген АҚШ-тың жаңадан сайланған президенті Джозеф Байденнің инаугурациясы апталығының ашылу салтанатына қатысады, деп хабарлайды Sputnik Қазақстан Dimashnews.com сайтына сілтеме жасап.  

Дәстүр бойынша бұл іс-шараны Бауырлас қалалар ассоциациясы – "Sister Cities International" ұйымы өткізеді. Джозеф Байден осы ұйымның құрметті тең төрағасы болып сайланған. Салтанатты шараға дипломатиялық корпус та қатысады.

Коронавирус пандемиясына байланысты мереке 2021 жылдың 17 қаңтарында сағат 19:00-ден 21:00-ге дейін (Нұр-Сұлтан уақыты бойынша сағат 6:00-ден 8:00-ге дейін) онлайн форматта ұйымдастырылады. 

Вашингтонда орналасқан "Sister Cities International" халықаралық үкіметтік емес ұйымы 1953 жылы құрылған болатын. Оның негізін АҚШ-тың 34-президенті Дуайт Эйзенхауэр қалаған. Содан бері АҚШ президенттері Джон Кеннеди, үлкен Джордж Буш, Билл Клинтон, Барак Обама және Дональд Трамп осы ұйымның құрметті тең төрағалары болды.

Sister Cities International 70 жылдың ішінде АҚШ қалалары мен 130-дан астам мемлекеттердегі бауырлас қалаларының өзара әрекеттесуіне арналған көптеген іс-шараларды өткізді. Осы жолы АҚШ пен Қазақстанның қарым-қатынасы тарихында алғаш рет жаңадан сайланған президенттің инаугурациясына арналған апталыққа қазақстандық әнші қатысады.

16 қаңтарда  Димаш Құдайбергеннің "DIMASH DIGITAL SHOW" атты алғашқы онлайн-концерті өтеді.

 

430
Кілт сөздер:
инаугурация, президент, АҚШ, Димаш Құдайберген
Тақырып бойынша
"Ненің құрметіне?!": Димаш шенеуніктерге неге шүйлікті
"Үндемедім": Димаш Құдайберген неден ұялғанын айтты
"Олар мені Димаш деп атайды": науқастарға ән салған санитар сұхбат берді
Димаш Джеки Чанның жаңа фильміндегі басты әнді шырқады
Димаш Құдайберген Андрей Малаховтың шоуынан кейін сынағандарға жауап берді
Дәрігер, архивтегі фото

Талғар аудандық ауруханасының бас дәрігері коронавирустан қайтыс болды

0
Нұрлан Құлсейітов сенбі, 16 қаңтарда өмірден өтті. Ол коронавирус инфекциясынан қайтыс болғаны хабарланды

АЛМАТЫ, 16 қаңтар – Sputnik. Талғар аудандық ауруханасының бас дәрігері Нұрлан Құлсейітов коронавирустан қайтыс болды, оның өкпесі 90-95 процентке зақымданды, деп хабарлады аудан әкімдігінің баспасөз қызметі.

"Жұмыс барысында ол өзін жауапты басшы ретінде танытты. Оның бай тәжірибесі мен кең теориялық және практикалық білімі болды. Отбасы мен жақындарына көңіл айтамыз", - делінген әкімдіктің хабарламасында.

Онда сондай-ақ шамамен тоғыз жыл бұрын Құлсейітов жол апатына ұшырап, бір ажалдан аман қалғаны айтылған. Бұл жағдай оның денсаулығына әсер еткен. Ол инфекциямен 2020 жылдың 30 желтоқсанынан бері күресіп келген.  

Нұрлан Құлсейітов желіде тараған видеодан кейін қайтыс болардан біраз уақыт бұрын тәртіптік жауапкершілікке тартылды.

Роликтен кездесуге қатысушылардың бірі дәрі-дәрмек жетіспеушілігі туралы сұраққа жауап алуға тырысып жатқанын көруге болады.

Бірақ оның сөзі медициналық мекеме басшысының ашуын келтіреді, ол айқайлап, үстелді жұдырығымен бір ұрған. Содан кейін ол жиналыстан кетіп қалады. Осыдан кейін оған тәртіптік жаза тағайындалды.   

0
Кілт сөздер:
коронавирус, бас дәрігер
Тақырып бойынша
Олжас Сүлейменов әйелімен бірге Алматыда ауруханада жатыр
Теңізде коронавирустан емделіп жатқандар саны 700-ден асты
Ер адам коронавирустан емделемін деп өліп кете жаздады
Алматының бас дәрігері тұрғындарға үйден көп шықпауға кеңес берді   
Министрлік коронавирус пен пневмониядан неше адам қайтыс болғанын жариялады