Данэлия Төлешова

Данэлия Төлешова "Балалар Евровидениесінде" 6-орын алды

360
(Жаңартылды 17:00 27.11.2018)
Көрермендер мен әділқазылардың дауыс беру қорытындысы бойынша халықаралық конкурстың жеңімпазы анықталды

АСТАНА, 26 қараша — Sputnik. Он екі жастағы әнші Данэлия Төлешова "Балалар Евровидениесінде" "Өзіңе сен" әнін орындап, алтыншы орын алды. Қазақстан бұл вокалдық конкурсқа алғаш рет қатысып отыр.

Бірде-бір әділқазы мүшесі Қазақстанға ең жоғары балл (12) қоймады. Есесіне көрермендердің дауыс беруінде Данэлия 103 балл жинап, нәтижесінде 171 балмен алтыншы орынға тұрақтады.

Жеңіске Польша жетті — 215 балл, екінші орында Франция — 203 балл, үшінші орын әділқазылардың үздігі атанған — Австралии, 201 балл.

Байқау қорытындысы
© Photo : "Балалар Евровидениесінің" ресми сайты
Байқау қорытындысы

Ресей – 122 балмен 10-орында. "Балалар Евровидениесін" өткізіп отырған Беларусь – 114 балмен 11-орында.

Данэлия Төлешова Балалар Евровидениесінің сахнасында
© Sputnik / Виктор Толочко
Данэлия Төлешова "Балалар Евровидениесінің" сахнасында

Атап өтсек, Беларусь астанасында 16-шы "Балалар Евровидениесі" байқауы өтті. Конкурстың он бес жылдық тарихында ең көп жеңіске жеткен Грузия қатысушылары – 3 рет, сонымен бірге бұл ел балл саны бойынша рекордтық нәтиже көрсетіпті  — 239. Беларусь, Ресей және Мальта қатысушылары екі-екіден жеңімпаз атанған.

360
Кілт сөздер:
қазақстандық қыз, халықаралық байқау, әнші, Балалар Евровидениесі, Данэлия Төлешова
Тақырып бойынша
Данэлия Төлешова тыңдармандарына үндеу жасады
"Балалар Евровидениесі": Данэлия Төлешова қазақстандықтарға үндеу жолдады
Данэлия Төлешова "Балалар Евровидениесі" арнасында көш бастады
Данэлия "Балалар Евровидениесінде" шырқайтын әніне бейнебаян түсірді
Данэлия Төлешова BraVo жүлдесін иеленді
Димаш Құдайберген

Димаш АҚШ президентін ұлықтау апталығының ашылуында ән шырқады видео

80
(Жаңартылды 14:02 18.01.2021)
Димаш –  АҚШ президентін ұлықтау апталығының ашылуына арналған салтанатты шараға Қазақстаннан қатысқан алғашқы әртіс

НҰР-СҰЛТАН, 18 қаңтар – Sputnik. Димаш Құдайберген АҚШ президенті Джо Байденнің инаугурациясы апталығының ашылуына арналған шарада өнер көрсетті. Әнші қазақтың халық әні "Самалтауды" орындады, деп хабарлайды Dimashnews.com сайты.

Салтанатты шараны Халықаралық бауырлас қалалар қауымдастығы (Sister Cities International немесе SCI) ұйымдастырды. Мерекелік шара коронавирус пандемиясына байланысты онлайн өтті.

Спикерлер мен қонақтар арасында губернатор Билл Аноабутти, генерал-майор Армандо Кабада, конгрессвумен Элеонора Холмс Нортон, майор Тим Келлер, сенатор Боб Менендез, АҚШ теңіз жаяу әскері оркестрі және тағы басқалары болды.

Димаш АҚШ президентін ұлықтау апталығының ашылуына арналған шараға Қазақстаннан қатысқан алғашқы әртіс екені хабарланып отыр.

"Баршаңызға тек жақсылық тілеймін! Әлемде бейбітшілік және тыныштық болсын!", - деді әнші.

SCI бас директоры Лерой Аллала қазақстандық жұлдыздың шығармашылығы адамдарды, олардың мәдениеті мен тілдерін біріктіретінін атап өтті.

20 қаңтарда SCI ресми сайтында Димаш Құдайбергеннің өнер көрсеткен сәті көрсетіледі.

Бұған дейін Sputnik Қазақстан Димаш Құдайбергеннің алғашқы онлайн-концертін әлемнің 100-ден астам еліндегі көрермендер тамашалағанын хабарлады.

80
Кілт сөздер:
видео, АҚШ президенті, әнші, Димаш Құдайберген
Димаш Құдайбергеннің алғашқы онлайн-концерті өтті

Димаш Құдайбергеннің алғашқы онлайн-концерті қалай өтті

61
"DIMASH DIGITAL SHOW" әлемдік пандемия басталғаннан бері әншінің алғашқы жаһандық концерті болды

НҰР-СҰЛТАН, 17 қаңтар – Sputnik. Димаш Құдайбергеннің алғашқы онлайн-концертін әлемнің 100-ден астам еліндегі көрермендер тамашалады.

TIXR америкалық стримингтік платформада ұйымдастырылған онлайн-формат әлемнің түкпір-түкпіріндегі фанаттарға концертті үйден шықпай-ақ көруге мүмкіндік берді, деп хабарлайды dimashnews.com.

Стримингтік платформа өкілдерінің айтуынша, алғаш рет шетелдік әншінің концертіне билет сату осындай жоғары көрсеткішке жеткен.

В ходе шоу Димаш Кудайберген спел на шести языках
© Photo : Dimashnews.com
Димаш Құдайбергеннің алғашқы онлайн-концерті өтті

Порталдың хабарлауынша, концерттің онлайн-чаты бір секундқа да саябырсыған жоқ, барлық жанкүйер сүйікті әртісін қайта көргеніне өте қуанды. Шоу барысында Димаш Құдайберген 6 тілде ән шырқады: қазақ, итальян, француз, қытай, ағылшын және орыс тілі. Сондай-ақ, ол жаңа әндер ұсынды, оның ішінде әнші өзі жазған композициялар бар.

"Менің алғашқы онлайн-концертіме қатысып, қолдау көрсеткендердің барлығына үлкен рахмет айтамын. Пандемия бізді ұзақ уақыт бойы жүздестірмегені өте өкінішті, сондықтан мен бүгін сіздердің алдарыңызда өнер көрсеткеніме қуаныштымын. Мен сіздерді көрмесем де, қолдауды сезіндім. Сіздер әрқашан мені шабыттандырасыздар және жаңа жетістіктерге күш бересіздер. Бүгінгі шоуды толық тамашаладыңыздар деген сенімдемін. Біз сіздермен жақын арада кездесеміз деп үміттенемін!", - деді әнші концерттен кейін.

Онлайн-концерт Димаша Кудайбергена посмотрели поклонники в ста странах мира
© Photo : Dimashnews.com
Димаш Құдайбергеннің алғашқы онлайн-концерті өтті

Еске сала кетейік, Димаштың онлайн-концертін 16-23 қаңтар аралығында көруге мүмкіндік бар. Концерттің дайындық жұмыстарына байланысты уақытша тоқтатылған билет сатылымы шоу аяқталғаннан кейін қайта басталды.

61
Кілт сөздер:
Димаш Құдайберген
Архивтегі фото

Павлодар облысы әкімдігінде қайта ұйымдастыру жұмыстары жүргізілді

0
Мемлекеттік мекемелер құрамына жаңа қызметкерлер тартылмайды. Ведомстволардың штат саны қолда бар қызметкерлер есебінен қалыптасады

НҰР-СҰЛТАН, 18 қаңтар — Sputnik. Павлодар облысында екі басқарма біріктіріліп, жаңа басқармалар құрылды, деп хабарлады өңір әкімінің баспасөз қызметі.

Кәсіпкерлік және сауда басқармасы мен индустриялық-инновациялық даму басқармасы біріктірілді.

"Кәсіпкерлік және индустриялық-инновациялық даму басқармасы Павлодар облысының бизнес, өнеркәсіп және инновациялар мәселелеріне бақылау жасайды", - делінген хабарламада.

Өңірде цифрландыруды дамытумен айналысатын цифрлық технологиялар басқармасы жеке құрылымға шығарылды.

Ауыл шаруашылығы басқармасында да өзгеріс болды. Бұрын бұл ведомство ветеринарияға да жауапты болса, енді онымен ветеринария басқармасы айналысады. Сонымен қатар Павлодар облысында дін істері басқармасы қайта құрылды. 

Оқи отырыңыз: 2021 жылы Нұр-Сұлтанда не өзгереді 

Басқарма құрылымдары бекітілді. Ведомстволардың штат саны қолда бар қызметкерлер есебінен қалыптасады. Мемлекеттік мекемелер құрамына жаңа қызметкерлер тартылмайды.

0