Ұлы дала комедиясы фильмінің премьерасы

Елден жасырған ұл, коттедж жыры, ұшақтағы шу: Дауға қалған шоу-бизнес жұлдыздары

2724
(Жаңартылды 19:01 08.01.2019)
Ұшақты кешіктірген Төреғали, Айқын мен Жұлдыздың құпиясы, Баян мен Меруерттің "соғысы", коттеджге талас – отандық шоу-бизнес дау-жанжалдан құр алақан емес

АСТАНА, 28 желтоқсан – Sputnik, Нұргүл Абай. Ит жылы отандық шоу-бизнес үшін біраз дау-жанжалмен есте қалғалы тұр. Биыл басы дауға ілігіп, аты шыққан жұлдыздар аз болмады. Sputnik Қазақстан 2018 жылы шоу-бизнесте болған шулы оқиғаларға шолу жасағанды жөн көрді.

Басынан дау арылмаған Ұлы дала баласы 

Өткен жылдың желтоқсанында Павлодардағы концертінде ерсі мінез көрсетіп, қарияны залдан қуған халықтың ерке "Төреші" үшін Ит жылы көпке дейін есте қалатыны анық. 2018 жылы Ұлы дала баласы елді біраз шулатты. 

Төреғали Төреәлінің атышулы видеосы әлеуметтік желіде 2017 жылдың 22 желтоқсанында тараған болатын. Видеодан әншінің концертіне келген егде жастағы ер адаммен дөрекі сөйлесіп, соңында "Ұнамай ма? Шығып кетіңіз!" деп айтқанын көруге болады. Желі қолданушылары Төреғалидің бұл оғаш қылығына наразы болып, ел баласына тән емес мінез көрсеткен әншіні сөгіп тастады. 

Халықтың ерке баласы басы дауға қалатынын түсінді ме, алғашында әлеуметтік желідегі парақшасына "өтірік" деп жазды. Алайда көп ұзамай артық кеткенін мойындап, павлодарлық қариядан да, халықтан да кешірім сұрады. 

Павлодар облыстық мәдениет, архивтер және құжаттама басқармасы халықтың сынына ұшырған әншіні жуық арада ресми шараларға шақырмайтынын мәлімдеді. Ал танымал OrdaFM радиосы эстрада жұлдызының әндерін эфирден алып тастады. 

Өткен жылдың соңында елді шулатқан бұл оқиға халық арасында Ит жылының ортасына дейін сөз болды. 

Осы жылдың қыркүйегінде қызба мінез әншінің басы тағы дауға қалды. Бұл жолы Ұлы дала баласы ұшақта шу шығарды. Ол "Алматы — Гонконг" бағытындағы Air Astana ұшағының салонына билетсіз кіріп, әйелі мен баласын шығарып салған. Сол кезде бортта рейске тіркелмеген адамның бары белгілі болып, ұшақ 20 минутқа кешікті. 

Жолаушылардың уақытын алған танымал әнші жазасыз қалмады. Оған 12 025 теңге айыппұл салынды. 

Ал қазан айында басты рөлде Төреғалидің өзі ойнаған "Ұлы дала комедиясы" фильмі көрермендерге жол тартты. Фильм желісіне қызба мінезді әншінің басынан кешкен оқиғалары, жұртты шулатқан ерсі қылықтары мен дау-жанжалдары арқау болған. 

Коттеджге талас

Маусым айында өнерде де, өмірде де көпке үлгі болып жүрген жарасымды жұп Қыдырәлі мен Қарақаттың басы дауға қалды. Белгілі қолөнерші, этнодизайнер Ырза Тұрсынзада журналистерді жинап, әншілерді өзі жұмыс істейтін коттеджді тартып алды деп айыптады. Тұрсынзаданың айтуынша, "Алтын Орда" халықаралық қолөнершілер академиясының ғимаратын оған кезінде Иманғали Тасмағамбетовтің өзі тастап кеткен. 

"Қарақат менің коттеджімде болған кезде, осы ғимаратты заңдастыру үшін әкімдікке құжат жинап жүргенімді айтқан едім. Олар менің екі жыл бойы келісімшарт жасай алмай жүргенімді білді. Әкімдер ауысып, реті келмей жүрген еді. Кейін "Астана" ӘКК құрылған кезде, Қыдырәлі бұл коттедж ешкімге тіркелмегенін біліп, "Астана" әлеуметтік кәсіпкерлік корпорациясымен (ӘКК) келісімшартты өзі бекіткен", — деген еді қолөнерші.

Жұлдызды жұп өздеріне тағылған айыпты "қып-қызыл жала" деп атап, өз шындығын айтты. Қыдырәлі Болманның айтуынша, коттедж – коммуналдық меншік, оны ешкім Ырза Тұрсынзададан тартып алмаған. Барлығы заң аясында жүзеге асқан. 

Болманның сөзіне сенсек, коттеджді кім жалға алып отырғанын, ішінде кімнің тұратынын өзі де, әлеуметтік-кәсіпкерлік корпоративі де, ішкі істер басқармасы да, тіпті сот орындаушылары да білмеген. Өйткені иесін ешкім таба алмаған. 

"Бұл жерде мен түсіндіре алмайтын түсініксіз, беймәлім бір нәрсе бар… Әжесіндей адаммен сөз таластырып немесе тіресу ер-азаматқа жараспайтын дүние. Қанша жыл ел алдында жүрмін, ондайға ешқашан барған емеспін. Бірақ, бүгін БАҚ өкілдерімен кездесуге тура келді. Неге? Өйткені ол кісінің Қарақаттың арына тигізіп айтқан сөздері мені осыған мәжбүр қылды", — деген еді продюсер. 

"Елден жасырған ұл"  

Үнемі көтеріңкі көңіл-күйде жүретін әнші Айқын Төлепбергеннің отбасылық өмірі биыл ел талқысына түсті. Оған эстрада жұлдызының елден жасырған ұлын көрсетуі себеп болды. 

Ел арасында Айқын Төлепберген мен "Кешью" тобының экс-солисі Жұлдыз Өмірғалидің көңіл қосқаны туралы қауесеттің тарағанына біраз болды. Десе де отандық жұлдыздар бәрін жоққа шығарып, көпке дейін құпияның бетін ашпады. 

Алайда ата-ананың балаға деген мейірімі мен махаббатын жасыруға бола ма?! Жаздың соңғы айында Айқын мен Жұлдыз шаңырақ көтергенін мойындап, бір жыл бойы елден жасырып келген Санжар есімді ұлдарын көрсетті. 

Айта кетсек, Айқынның бірінші әйелінен Аңсар және Асылым есімді ұл-қызы бар. 

"Магистр" атанған әншілер кімге жақпай қалды?

Белгілі профессор Мырзантай Жақып мемлекеттік грант есебінен "магистр" атанған отандық жұлдыздарды біраз сынға алды. Ұлттық университеттің оқытушысы магистранттарға арналған гранттардың білімділерге емес, сабақта төбе көрсетпейтін әнші-әртістерге бөлінетінін айтып қынжылған еді.  

Мемлекеттік грант есебінен "магистр" атанғандардың ішінде Мейрамбек Беспаев, Жанар Дұғалова, Қайрат Нұртас та бар. 

"Екі жыл сабаққа келмейді олар. Басында бір көрінеді. Олардың сабаққа келгеннің өзі бір шоу! Ойбай, пәленше сабаққа келді! Ол сабаққа келуге міндетті ғой!  Ол бір көрінді, сонымен жоқ! Екі жылдан кейін дипломын алатын кезде бір-ақ келеді…Оқу орнына келген кезде аудиторияға келмейді. Олар тура бастыққа барады", — деп ашуланған болатын Жақып.

Сабақтан емес, сахнадан ғана көрінетін әншілер үнсіз қалмады. 

Профессордың жанайқайына қазақ эстрадасының жарық жұлдызы Мейрамбек Беспаев желі арқылы жауап қатты. Әнші бұған дейін де бірнеше оқу орнын бітіргенін алға тартып, керісінше, ғалымның іштарлығын бетіне басты.  

"Бала күнімнен музыка мектебінде оқыдым. Ұлттық консерваторияда білімімді жетілдіріп, Т.Жүргенов атындағы Театр және өнер академиясын бітірдім. Жаңа заман талабына сай сол оқыған білімімді дамыту үшін "Мәдениеттану" мамандығы бойынша магистратураны жалғастырдым. Экономика, заң, физика сияқты басқа саланы қуған жоқпын. Ел сөз қылмасын деп ашық диссертация қорғауға да келісім бердім…Өз салам бойынша білімімді жетілдіруге менің де құқым бар деп ойлаймын. Осындай сәттерде кімнің дос, кімнің дұшпан екені  белгілі болып қалады", — деп ренішін білдірген еді эстрада жұлдызы. 

Баян мен Меруерттің "соғысы"

Баян Алагөзова түсірген "Қозы-Көрпеш пен Баян Сұлу" телехикаясына қатысты қоғамның пікірі екіге жарылғанын білесіздер. Көрермендердің дені тарихтың бұрмаланғанын айтып, дабыл қаққан еді.  Танымал продюсердің туындысын сынағандар қатарынан әнші Меруерт Түсіпбаева да табылды. 

Шоу-бизнес өкілі қазақтың мәдени мұрасына кім көрінген қол сұқпауы тиіс екенін алға тартып, қазақстандықтарды тарихты қорлауға жол бермеуге шақырған болатын. Сондай-ақ, Баян Мақсатқызынан телехикаяны түсіруге жұмсалған ақшаны қайтаруды талап етті. 

Баян Алагөзова өзіне айтылған сынға көп күттірмей жауап қатты. Белгілі продюсер телехикаяны түсіруге қаржы аз бөлінгенін, өз қалтасынан ақша шығаруға тура келгенін жасырмады. 

Алагөзова әншіге өзгенің ісіне араласқанша, өз өмірі мен мансабына көңіл бөлуге кеңес беріп, біраз қытығына тиді. Продюсердің айтуынша, Меруерт ханым Баян Сұлудың анасының рөлін сомдағысы келген. Алайда Алагөзова әншінің кандидатурасын бұл рөлге лайық көрмепті.

2724
Кілт сөздер:
Баян Алагөзова, Төреғали Төреәлі, Мейрамбек Бесбаев, Айқын Төлепберген, Меруерт Түсіпбаева, магистратура, шоу-бизнес, жаңа жыл, ит жылы, шулы оқиғалар, дау-жанжал
Тақырып бойынша
Мейрамбек Беспаев туралы не білеміз?
"Ағайын, итеріп жіберейін бе?" Төреғали Төреәлі жұртқа жаңа қырынан танылды
Белгілі профессор Мейрамбек Бесбаевқа неге шүйлікті?
Төреғали Төреәлі туралы қызықты деректер
Баян Алагөзова кімдерді "бейшара" деп атады?
Әуежайда шу шығарған Төреғали Төреәлі жазаланды
Айқын Төлепберген концерт алдында ауырып қалды
"Ел игілігі үшін жүрміз!". Баян Алагөзова жоғарғы соттан күйеуіне көмек сұрады
Әнші Айқын Төлепберген қазақстандықтарға үндеу жасады – видео
Барымташылар. Уақыт жолдары фильмінің кадры

Қазақстандық фильм Францияда көрсетіле бастады

996
Режиссер Ерлан Нұрмұхамбетовтың фильмі Францияның 20 қаласында көрсетіледі. Қазақстанда бұл кино қыркүйекте үлкен экраннан көрсетіледі

НҰР-СҰЛТАН, 30 шілде — Sputnik. "Барымташылар. Уақыт жолдары" фильмі 29 шілдеден бастап франциялық көрерменнің назарына ұсынылды және ол 20-дан астам қалада көрсетіледі, деп жазды Қазақфильм Instagram парақшасында.

"Бұл мен үшін өте қызықты және қуанышты жағдай. Жапон режиссерімен бірге түсірілген фильм әлемдік кинематограф отанында көрсетіледі. Мұндай айтулы оқиға менің өмірімде бірінші рет болып тұр", - деді туынды режиссерлерінің бірі Ерлан Нұрмұхамбетов.

Сонымен қатар фильмнің екінші режиссері – жапон Лиза Такабэ. Басты рөлдерді Самал Еслямова, Адия Мусина, Мираи Морияма және тағы басқалар сомдаған. Ерлан Нұрмұхамбетов сондай-ақ сценарий авторы екенін де атап өту керек.

"Қазақфильм" мен "Tokyo New Cinema" жапон компаниясы бірлесіп түсірген "Барымташылар. Уақыт жолдары" фильмі барымташылардың бір үйдің отағасын өлтіруі салдарынан басына күн туған отбасының бастан кешірген оқиғасын баяндайды. Әкесінің өліміне қабырғасы қайысқан 12 жастағы Олжас өзінің және кішкентай қарындастарының басына түскен сынаққа төтеп беруге мәжбүр болады. Алайда үміт үзілген шақта бейтаныс біреу оларға көмектесе бастайды.

Аталған фильм осы жылдың қыркүйегінде отандық кинотеатрлардан көрсетіле бастайды.

996
Еркебұлан Дайыров

Еркебұлан Дайыров Азияның үздік актері атанды

10715
Актер бұл жүлдені режиссер Эля Гильманның "Күнбағыс" фильміндегі рөлі үшін алды. Өзі жаңалықты әлеуметтік желіден естігенін айтты

АЛМАТЫ, 22 шілде – Sputnik. Қазақстандық актер Еркебұлан Дайыров Канн кино сыйлығы бойынша Азияның үздік актері ("best Asian actor 1st Cannes film awards") атанды, деп хабарлайды Sputnik Қазақстан.

Посмотреть эту публикацию в Instagram

Публикация от movie Sunflower (@film.sunflower)

"Өзім түсірілім алаңында жүрмін. Бұл жаңалықты Instagram арқылы білдім. Сол жақта белгілеп, құттықтап жатыр. Басында сенген жоқпын, продюсерлер хабарласып айтты. Сезінуге уақыт болмай, құттықтап жатқан кісілерге рахмет айтумен уақыт өтуде. Бұл бәріміздің ортақ жеңісіміз ғой", - деді Дайыров Sputnik Қазақстан тілшісіне.

Айта кетері, актер бұл жүлдені режиссер Эля Гильманның "Подсолнух" ("Күнбағыс") фильміндегі рөлі үшін алды. Ол фильмді Эля Гильманның ішінен шыққан баласына теңеп, барлық жұмыспен режиссердің өзі айналысқанын жеткізді.

Еркебұлан Дайыров 1986 жылы Алматы облысы Райымбек ауданы Қарасазда туған. Жүргенов атындағы Қазақ ұлттық өнер академиясын бітірген.

2006 жылдан бері Мұхтар Әуезов атындағы Қазақ мемлекеттік академиялық драма театрының актері.

2013 жылы Қазақстан жастар одағы "Серпер" сыйлығының лауреаты атанды, 2015 жылы Бауыржан Момышұлы атындағы "Намыс" орденінің иегері болды.

"Бауыржан Момышұлы", "Анаға апарар жол", "Қазақ елі", "Жұлдыздар тоғысқанда", "Тараз", "Алтын орда" секілді бірқатар фильмде ойнаған.

10715
Кілт сөздер:
Еркебұлан Дайыров, актер
Тақырып бойынша
Дайыров: қазіргі жастар Балуан Шолақты фаст-фуд сататын спорт кешені деп қана біледі
"Ғұмырын өнерге арнады": Нарымбетовтің достары режиссер жайлы естелігін бөлісті
"Жанымды жегідей жейді" Азамат Сатыбалды ешкімге айтпаған сырымен бөлісті
"Томиристің" қазақшасы қайда?": Ақан Сатаев халықтан кешірім сұрады
Танымал актер Фархат Әбдірайымов қайтыс болды
АҚШ полицейлері

АҚШ-тың гипердыбысты зымыраны тағы да сынақтан өте алмады

0
Алғашқы америкалық гипердыбысты зымыран прототипінің бірнеше сәтсіз сынағы АҚШ-тың Ресей мен Қытайдан технологиялық тұрғыда кейіндеп қалғанын көрсетеді   

28 шілдеде АҚШ-тың әскери-әуе күштері AGM-183A Air-Launched Rapid Response Weapon (ARRW) гипердыбысты зымыранын ұшыру сынақтарын сәтсіз аяқтады. Super duper missile өнімі Оңтүстік Калифорния жағалауында B-52H Stratofortress бомбалаушы ұшағынан бөлініп шықты, алайда реактивті тартылыс іске қосылмады. Прототипі Тынық мұхитқа құлады.

Сәуірдегі ұшу сынағы кезінде AGM-183A зымыраны тасымалдағыш ұшақтың қанатынан ажырамай, Эдвардс авиабазасына қайта оралды.

Салыстыру үшін айтсақ, ресейлік гипердыбысты "Кинжал" зымыран кешені 2017 жылдың желтоқсанында әскери-ғарыш күштеріне қарулануға қабылданды. Зымыран әскері қатарында стратегиялық мақсаттағы "Авангард" гипердыбысты блоктары 2019 жылдан бері кезекшілікте тұр. Ресейлік әскери-теңіз флоты "Циркон" кемеге қарсы гипердыбысты зымыранының мемлекеттік сынақтарын аяқтап жатыр. РФ әскери-ғарыш күштері үшін үлкен қашықтыққа ұша алатын Х-95 гипердыбысты зымыраны әзірленіп жатыр.

АҚШ перспективалы гипердыбысты зымыранын әзірлеуді 2022 жылы аяқтауды жоспарлап отыр. AGM-183A аппараты "сипаттамасы жағынан кез келген ресейлік аналогтан озық болады деп күтілуде". Бұл шындыққа жанаспайтын секілді.

Америкалықтар 5 Махтан асатын гипердыбысты жылдамдыққа қол жеткізуді әзірше армандап қана жүр. Ресейдің "Авангард" гипердыбысты блогы 28 Махқа дейінгі жылдамдықпен ұшады. "Кинжал" мен "Циркон" 10 Махқа дейін жылдамдықты үдете алады.

Ал Қытайдың орташа қашықтыққа ұшатын гипердыбысты DF-17 техникасы 10 Махты еңсере алады. Ол 2019 жылдан беру қарулануға қабылданған.

АҚШ-тың әскери-әуе күштері 2022 қаржы жылында 212,8 миллиард доллар, соның ішінде құпия жобалар үшін 39 миллиард доллар сұрап отыр. Бұл 2021 жылдың бюджетімен салыстырғанда 7,3 миллиард долларға жоғары. Гипердыбысты қаруды дайындауды қаржыландыру 386 миллионнан 438 миллион долларға дейін артады.

AGM-183A аппаратын дайындау 2018 жылы басталған болатын және Lockheed Martinм компаниясы 480 миллион долларға келісімшарт жасады. Оның жобалық қашықтығы 1600 километр болса, жылдамдығы 20 Махты құрауы керек.

The Drive басылымының мәліметі бойынша америкалық әскери-әуе күштері ARRW ұшу сынақтарының кестесі бойынша жеті жылға кешігіп келеді. Бастапқыда оны іске қосу 2020 жылға жоспарланған болатын. АҚШ-тың әскери бюджеті 700 миллиард доллардан баяғыда-ақ асып кетті. Әйтсе де әскери өнеркәсіптік кешен Пентагон үшін гипердыбысты зымырандар құрастырудан жақсы нәтиже көрсете алмай келеді.

Мәскеу мен Бейжің өз территориясын қорғау үшін басымды мақсатта гипердыбысты зымырандарды дайындауға кірісті. Ресей мен Қытай басқа мемлекеттерге әскери шабуыл жасап, басқыншылықпен айналысуды көздемейді. Бұл ұжымдық Батыстың кей кезде агрессияға толы әрекеттерінен қорғану үшін жасалып жатқан шаралар.

Америка Құрама Штаттары 2021 жылдың басында F-15EX сегіз жойғыш ұшағын қаржыландыруды мақұлдады (құны 1,2 миллиард доллар болатын келісімшарт). Бүкіл бірінші партия бойынша ықтимал шығын көлемі шамамен 23 миллиард долларды құрайды. Қалай дегенмен де бүгінде Ресей мен Қытай гипердыбысты қару-жарақ дайындауда оқ бойы озық шықты.

0