Мұрат Ахманов

"Түрімді ұмытып қалды" Назарбаевтың рөлін сомдаған актер көрген қиындықтары туралы айтты

5454
(Жаңартылды 17:22 10.02.2019)
Мұрат Ахмановтың бес қойылымы республикалық фестивальдарда бас жүлде алған. Олар: "Желтоқсан желі", "Көтерілген күмбез", "Ана аманаты", "Алтын адам", "Райымбек, Райымбек!"

АЛМАТЫ, 7 ақпан – Sputnik, Айгерім Таубай. Ғабит Мүсірепов атындағы балалар мен жасөспірімдер театрында 20 жылдай режиссер қызметін атқарып жүрген актер, театр режиссері, отандық "Елбасы жолы. Астана" фильмінде президенттің рөлін сомдаған Мұрат Ахманов Sputnik Қазақстан тілшісіне сұхбат берді.

Әңгімемізді театрдағы ауыс-түйістен бастасақ. Театрға жаңа басшы келіп жатыр. Не күтесіз?

Театр басшылығына Азамат Сатыбалды бауырымыз келді. Азамат – өнерде, кинода, театрда өзін көрсеткен жігіт. Көпшілік кинодағы рөлдері арқылы тануы мүмкін. Азамат Сатыбалды театрға жаңашылдық алып келемін деген жанашырлықтан қызметке келіп отыр деп ойлаймын. Қазір де әңгіме барысында Астанадағы "Жастар театры" секілді жаңа серпіліс алып келсем деп айтып қалады. Істі алып кетеді деп ойлаймын. Сеніміміз зор. Ол жағынан біз де көмек беруге әрдайым дайынбыз. Басшымызға ақ жол тілеп, театрымызды биіктерден көрсете берейік деймін.

Аяғыңызды жарақаттап алғаныңызға қарамай дайындыққа келіп отырсыз.  Осы айда жаңа қойылымның сахналатыны жайында естідім. "Ғабит" қойылымы жайында толығырақ айтып берсеңіз.

"Ғабит" қойылымы – Ғабеңнің (Ғабит Мүсіреповтің – Sputnik) 115 жылдығына арнап қойылады. Пьесаның авторы – Рақымжан Отарбаев ағамыз. Ғабеңнің өзінің драматургиясы бар, бірақ өзі туралы пьеса жоқ. Біздің театр сол кісінің есімімен аталады. Пьеса сол кісінің 115 жылдығына арнап жазылған. Осы қойылымды қоюға дайындалып жатырмыз. Ғабит Мүсіреповтің жасаған ерліктері жетерлік. Кезінде ашаршылықты тоқтату керек деп Сталинге "Бесеудің хатын"  жазды. Одан кейін репрессия кезінде "Бейімбет жау болса, мен де жаумын" деп ашығын айтқан адам. Ғабеңнің одан бөлек жасаған ерлігі ауыз толтырып айтарлықтай. Мұраларының өзі бір төбе. Барлығын жинап, ерлігін, қоғам қайраткері ретінде, драматург ретінде көрсетіп, бір дүние шығарсақ деген ойдан туды. Өкінішке қарай, Рақымжан ағамыз өткен жылы дүниеден озды. Ағамыздың аманаты ретінде қабылдап, жоғары деңгейде шығаруды мақсат еттік. Бұйырса, айдың аяғына дейін шығарсақ дейміз. Қойылымда қазақ зиялыларының қилы тағдыры мен 1937 жылдар суреттеледі.

Тәуелсіздік күні қарсаңында шыққан "Елбасы жолы. Астана" фильмінде президенттің рөлін сомдадыңыз. Бұл рөлге қалай таңдалдыңыз? Кастинг қалай өтті?

Кастингке біраз адам қатысты. Мен 2016 жылы тұсауы кесілген Ақан Сатаевтың "Анаға апарар жол" фильмінде эпизодтық рөл сомдаған едім. Сол жерде менің жүріс-тұрысымды, сырт келбетімді Нұрсұлтан Әбішұлына ұқсатқан болатын. Кастингке шақыртумен бардым. Алдын ала шақырылатынымды естіп, аздап дайындық та жасадым. Сырт келбетімді голливудтық гример Марк Кульер жасады. Бірнеше кезеңнен өтіп, осы рөлге бекітілдім.

Бұл рөлге таңдалған соң, дайындығым да күшейді. Елбасы жазған кітаптардың барлығымен таныстым. Саяси оқиғаларды оқыдым. Елбасының жүрген жүрісі, тұрысы, бұрылғанына дейін зерттедім. Осының алдында түсірілген бес бөлімде ойнаған әртістерде еркіндік болды. Олар өз сырт келбетімен ойнады. Студенттік шақты, жас кезін суреттеді. Ал "Астана" бөлімінде тарихи деректерге сүйене отырып жұмыс істедік. Соңында тарихи деректі фильм болып шықты.

Түсірілім қанша уақытқа созылды? Қандай қызықтар мен қиындықтар болды?

Түсірілім толықтай бір жылға созылды. Ал оның ішінде нақты төрт ай түсірілім болды. Бір жыл ішінде төрт мезгілді де қамтып, сол кездегі оқиғаларды көрсету керек болды.

Түсірілім барысында барлығынан ерте тұратын мен болдым. Сағат таңғы 3.30-4.00-те оянамын. Маған үш жарым сағат грим жасайды. Түсірілім алаңына гриммен барамын. Барлығы менің түрімді ұмытып қалды. Ақан Сатаевтың өзі орнынан атып тұрып сәлем беретін. Арасында сізді Елбасы екен деп қабылдап, үйренісе алмай жүрмін деп айтатын.

Тағы оқыңыз: Самал Еслямова Қазақстанның еңбек сіңірген қайраткері атанды

Түсірілім бір кейіпкердің айналасында жүріп отырады. Кім қандай рөлді сомдаса да, барлық салмақ Елбасының рөліне түсті. Айтар сөз, бағыт-бағдар, идея – барлығы сол кісіге байланысты болды. Кейде таңғы төрт-бесте шығып, түнгі он екіде үйге келемін. Түнде келіп, ертеңгі түсірілімнің мәтінін оқып ұйықтап қалатынмын. Алайда өзіме жүктелген жауапкершілікті сезініп, босаңсыған жоқпын.

Посмотреть эту публикацию в Instagram

Публикация от Madina Akylbekova (@madina_akylbekova)

Айнаның алдында отырып та дайындалдым. Менің күлгенім де, ашуланғаным да жасалған гримге сәйкес келуі керек болатын.

Гонорарыңыз қандай болды?

Гонорар "Қазақфильмнің" қойған бұрынғы бағасындай болды. Көрермен үлкен тұлғаның рөлін сомдап жатқандықтан, қомақты ақша алды деп ойлауы мүмкін. Алайда "Қазақфильм" бекіткен бағамен жұмыс істедім.

Ішкі жан-дүниесін ашуға көп көңіл бөлдім деп қалдыңыз. Біздің Елбасы қандай екен?

Маған өте қарапайым болып көрінді. Өмірде де бір-бірімізді көргенде, сұхбаттасып, қолымызды алғанда да аурасы жеңіл болды. Елбасының алдында қол-аяғымыз дірілдеп, қобалжу деген болған жоқ.

Кездесу кезінде мен "Нұр аға, ерен еңбегіңіздің бір бөлшегін көрсете алсақ, мақсатқа жеткеніміз" дегенімде "көрсеттіңіздер" деп жауап берді.

Елбасымен ұқсастығыңыз бар ма екен? Өзіңізді ойнаған сәттеріңіз болды ма?

Жүріс-тұрыс, қозғалыс жағынан ұқсастық болды. Одан бөлек мінезіміз де аздап ұқсайды екен. Өмірге оптимизм басымырақ сияқты көрінеді.

Әңгімеңізге рақмет! Шығармашылық табыс тілейміз!

5454
Кілт сөздер:
Назарбаев, 'Елбасы жолы. Астана', фильм, актер, кино, гонорар
Тақырып бойынша
Танымал әнші ұшақ жолаушысының өмірін құтқарып қалды
"Жексұрын болдым": Танымал әнші құмар ойынға салынып, 200 000$-дан айырылғанын мойындады
Астанаға келген танымал корейлік актер қыздарды жылатты
Танымал әнші журналистикаға бет бұрды
Танымал отандық актер түрік фильміне түседі
Алматыда елімізге танымал әнші 6 жылға сотталды
Назарбаев "Елбасы жолы. Астана" көркем фильмінің премьерасына барды
"Неге бермеске?" Танымал қазақстандық жас әнші атақтан дәмелі екенін жасырмады
Берлинде Абайдың ескерткіші ашылды

Берлинде Абайдың ескерткіші ашылды

6621
Министр Германия халқы мен үкіметіне Абайға ескерткіш орнату жөніндегі ұсынысты қолдап, демеу көрсеткені үшін алғыс білдірді

НҰР-СҰЛТАН, 23 қазан – Sputnik. Тәуелсіздіктің 30 жылдығы аясында Берлин қаласында ұлы ақын Абай Құнанбайұлының ескерткіші ашылды, деп хабарлады мәдениет және спорт министрлігінің баспасөз қызметі.

Ескерткіштің ашылу рәсіміне министр Ақтоты Райымқұлова мен Қазақстан Республикасының Германиядағы төтенше және өкілетті Елшісі Дәурен Кәріпов қатысты.

Ақтоты Райымқұлова Германия халқы мен үкіметіне Абайға ескерткіш орнату жөніндегі ұсынысты қолдап, демеу көрсеткені үшін алғыс білдірді.

"Абай Құнанбайұлы мен Германия халқының ұлы ақыны Гете поэзиясы арасында таңғаларлық үндестікті байқамау мүмкін емес. Абай аудармасының арқасында біз Иоганн Гетенің біршама туындысымен етене таныстық. Соның бірі, әрі бірегейі хакім ана тілімізде сөйлеткен "Қараңғы түнде тау қалғып" өлеңі. Осылайша, Абай екі халықтың әдебиеті мен мәдениетін байланыстырушы берік көпірге айналды",-деді мәдениет және спорт министрі.

Айта кетейік, Абай Құнанбайұлы мүсінінің авторы "Әлем халықтарының өнері" халықаралық ассоциациясының лауреаты Болат Мекебаев.

Ақтоты Райымқұлова былтыр ұлы ақынның 175 жылдық мерейтойы аясында Сингапурда, Болгарияда, Мажарстанда, Біріккен Араб Әмірліктерінде, Пәкстанда, Эфиопияда, Чехияда Абай орталығы ашылғанын айтты.

Сондай орталық Мажарстан, Оңтүстік Корея Республикасы, Франция, Түркия, Өзбекстан, Мысыр, Ресей Федерациясын да ашылғанын атап өтті.

Оқи отырыңыз: 

6621
Кілт сөздер:
Германия, Абай, ескерткіш
Тақырып бойынша
Тоқаев Сеулде Абай мүсінінің ашылуына қатысты – фото
Нұр-Сұлтанда Абай бейнеленген алып пазл құрастырылды – видео
Абай шығармаларын шетелде де насихаттауымыз керек – Тоқаев
Абай, Ыбырай, Міржақыпты танитын 2 жасар балақайдың анасы: қолынан кітап түспейді
Ты супер!  шоуы

Қазақстан зейнеткерлері "Ты супер! 60+" байқауына қатыса алады

50
(Жаңартылды 14:24 23.10.2021)
Шоуға жасы 60-тан асқан, жақындары мен туғандарының қамқорлығынсыз қалған зейнеткерлер қатыса алады

НҰР-СҰЛТАН, 22 қазан – Sputnik. НТВ арнасы, Sputnik Халықаралық ақпарат агентті мен радиосы жалғыз қалған зейнеткерлерге арналған "Ты супер! 60+" халықаралық байқауының жаңа маусымы ашылғанын жариялайды.

"Ты супер! 60+" шоуы ТМД елдеріндегі талантты адамдарға миллиондаған көрермен алдында өзінің вокалдық қабілетін танытуға мүмкіндік береді.

Жобаға жасы 60-тан асқан, жақындарының қамқорлығынсыз (қарттар, ардагерлер үйі, әлеуметтік қорғауға алынған арнайы интернат тұрғындары) немесе жалғыз қалған зейнеткерлер қатыса алады.

Жоба қатысушылары қашықтан өткізілетін кастинг арқылы таңдалатын болады. Байқаудың өзі Мәскеуде өтеді. Жол, тұратын жер, тамақтану шығындарын НТВ телеарнасы өзі көтерді.

Өтінішті қалай жіберуге болады

  • Байқау қатысушысы өзі туралы айтып беретін видео түсіруі қажет (мобильдік телефонға да түсіруге болады). Ол видеода қатысушы аты-жөні, жасы, қай қалада тұратыны мен өзінің статусы туралы айтады. Мысалы, мен Ахметов Ахмет Ахметұлы, Алматы қаласында тұрамын, жасым 60-та, 10 жасымнан бері ән айтамын, одан кейін өзі жайлы қысқаша ақпарат.
  • Келесі бейнежазбада ән орындау қажет. Бірнеше ән орындаса да болады. Бұрын-соңды қатысқан ән байқауының видеосын да жіберуге рұқсат.
  • Анкетаны толтырып, видеоның сілтемелерін көрсету қажет.
  • Дайын видеоны Sputnik Қазақстан редакциясының astana@sputniknews.com электрондық поштасына жіберу керек. Ол жерде үміткермен кері байланыс үшін аты-жөні, қаласы мен телефон нөмірі көрсетілуге тиіс.  

Байқауға өтініш 15.12.2021 жылға дейін қабылданады.

Кастинг қашықтан өткізіледі. Байқаудың өзі Мәскеуде өтеді. Барлық шығынды НТВ арнасы көтереді. Жобада психологтар мен медициналық қызметкерлер бар.

Сауалдарды Sputnik Қазақстан редакциясына қоңырау шалып қоюға болады. Тел: +7 (7172) 47-26-73, astana@sputniknews.com.

"Ты супер!" шоуы туралы

Вокалдық "Ты супер!" шоуының алғашқы шығарылымы НТВ телеарнасында 2017 жылдың 11 ақпанда өтті. "Ты супер!" жобасы ата-анасының қамқорлығынсыз қалған дарынды балаларға өздерін көрсетуге мүмкіндік сыйлады.  

Ол алғашқы эфирден бастап таланттарға арналған танымал шоуға айналды. Содан бері байқау жүздеген өнерпаздың жұлдызын жақты, музыкалық карьерада алғашқы қадамын жасауға мүмкіндік берді.

Кейбір балалар тіпті ата-ана қамқорлығына бөленіп, армандарына жетті.

Биыл "Ты супер!" шоуы қамқорлықсыз қалған зейнеткерлерге арналған "Ты супер! 60+" арнайы жобасын қолға алды. Оның алғашқы маусымында ТМД мен Ресейден 45 үміткер қатысты. Оның ең жасы 60-та болса, үлкені 87 жаста болды. Байқауда түрлі мамандық иелері бақ сынады. Бірі ұзақ жылдар бойы ішкі істер саласында істесе, бірі дәрігер болған. 

Қазылар құрамында Ресей әртісі Игорь Крутой, "Ночные снайперы" рок-группасының мүшесі Диана Арбенина мен танымал орындаушылар, "Маска" шоуның жеңімпаздары Неваляшка мен Единорог — Стас Пьеха және Ирина Дубцова болды.

"Ты супер!" жобасы НТВ арнасы, Sputnik Халықаралық ақпарат агентті мен радиосы және Ресей Федерациясының оқу-ағарту министрлігінің қолдауымен өтеді.

Оқи отырыңыз: 

50
Кілт сөздер:
зейнеткерлер, әндер байқауы
Нұр-Сұлтанда қаржыгерлер аллеясы ашылды

Елордада қаржыгерлер аллеясы ашылды

0
Сонымен қатар соңғы 100 жылдағы қаржы-бюджет жүйесінің қалыптасуы мен дамуы туралы деректі фильм жарыққа шығады

НҰР-СҰЛТАН, 23 қазан – Sputnik. Нұр-Сұлтанда Қазақстан Тәуелсіздігінің 30 жылдығы мен қаржы министрлігінің 100 жылдығына орай қаржыгерлер аллеясы ашылды.

Қаржы министрлігі ғимаратының жанына 100 көшет отырғызылды, ол енді елорданың жасыл қорын толықтырады, деп хабарлайды ведомствоның баспасөз қызметі.

Қаржыгерлер аллеясының ашылу салтанатында қаржы министрі Ерұлан Жамаубаев аллеяның ашылуы министрлік мерейтойына арналған іс-шаралар легінің бастауы болғанын атап өтті.

Нұр-Сұлтанда қаржыгерлер аллеясы ашылды
© Photo : Қаржы министрлігінің баспасөз қызметі
Қаржыгерлер аллеясы

Осылайша, жақын арада әр жылдары министрлікті басқарған тұлғалар туралы бірнеше жарияланым ұсынылады. Сондай-ақ, соңғы 100 жылдағы қаржы-бюджет жүйесінің қалыптасуы мен дамуы туралы деректі фильм жарыққа шығады деп жоспарлануда.

Сонымен қатар, Тәуелсіздік күні қарсаңында үздік қызметкерлер қалыптасқан дәстүр бойынша "Қаржы саласының үздігі" медалімен, бірқатар мемлекеттік және ведомстволық наградалармен марапатталады.

Қаржы министрлігінің ақпаратынша, тәуелсіздік жылдарында министрлікке 14 адам басшылық еткен.

Оқи отырыңыз: 

0
Кілт сөздер:
Қаржы министрлігі, Нұр-Сұлтан