Димаш Құдайберген

Димаш 25 жасқа толды: нумеролог әншіні не күтіп тұрғанын айтты

5390
(Жаңартылды 12:23 24.05.2019)
Нумерологияға сенсек, қазақстандық әнші үшін биыл жаман жыл емес

НҰР-СҰЛТАН, 24 мамыр – Sputnik. Бүгін - талантының арқасында Қазақ елін төрткүл дүниеге әйгілеп келе жатқан жас әнші Димаш Құдайбергеннің туған күні. Әлем жұлдызы атанған Димаш 25-ке, яғни мүшел жасқа аяқ басып отыр. Sputnik Қазақстан тілшісі белгілі нумеролог Құралай Бақытқызымен әңгімелесіп, әншінің туған күнін зерттеп, көпке белгісіз қырларын ашуға тырысты.

Ерте ақыл тоқтатқан

Құралай Бақытқызының айтуынша, Димаш Құдайберген сахна үшін жаралған жан, себебі онда әртістің коды бар екен.

"Өте позитивті адам. Бірақ өзіне аздаған сенімділік жетіспейді, сырт көзге сенімді көрінгенімен, іштей қобалжып, толқып тұрады. Ерте ақыл тоқтатқан, өмірге көзқарасы, түсінігі өз жасына сай емес, ерте есейген балалардың қатарына жатады", - дейді нумеролог.

Сандарды "сөйлеткен" маман Димаштың ән айтқан кезде, даусын мың құбылта алатын қасиетке ие екенін атап өтті.

Тағы оқыңыз: Димаштың Мәскеудегі концерті - толық видео

"Даусын жуан, жіңішке етіп өзгерте алатын әншілердің қатарынан. Сол үшін де көпшіліктің жүрегіне жол таба біледі. Нумерология бойынша онда 4 саны төртеу, бұл цифр бізде шыдамдылық пен денсаулыққа жауап береді. Яғни, бұл адам ойы ұшқыр, шыдамды, шет тілдерді жақсы қабылдайды. Басқа тілдерде ән айтса, өз-өзін көрсете алады", - дейді Құралай Бақытқызы.

Нумерологияға сенсек, Димаш қомақты ақшаны тиімді жарата алмайды екен, босқа шашып жібереді. Десе да сараң адам емес, жомарт, қолы ашық.

"Болашақта одан композитор немесе ұстаз шығуы мүмкін. Бірақ саясаткердің  коды жоқ. Математиканы жақсы көреді, сондықтан қаржыгер, экономист те бола алады", - дейді ол.

Асығыстық жасаса, адасады

"Асыққан – шайтанның ісі" демекші, жас әншіге асығыс шешім қабылдауға болмайды екен, әйтпесе қателікке ұрынуы мүмкін.

"Мейірімді, сезімтал жан, көп нәрсені жүрегіне жақын қабылдайды. Мінезі жұмсақ, көбіне-көп жоспармен жүретін адам, бәрін алдын ала ойластырып қояды. Оған асығыс шешім қабылдауға болмайды, қателік жасап алуы мүмкін", - деп ескертті маман.

Сырт келбеті тартымды болғандықтан, адамдарды өзіне тез баурап алады екен.

Тағы оқыңыз: Димаш тыңдармандары біле бермейтін кемшіліктері туралы айтты

"Бірақ, әсіресе, жол жүрген кезде бәрін жоспарлап, ерте қамдану керек. Мәселен, алдын ала билет сатып алып, немесе қонақүй нөмірін брондап дегендей. Әйтпесе, проблемалар туындауы мүмкін", - деді ол.

Әншіні мүшел жаста не күтіп тұр?

Құралай Бақытқызының айтуынша, нумерологияда "мүшел жас" деген түсінік жоқ, есесіне нөлдік жыл деген бар. Қазақ халқында мүшел қатерлі жыл саналса, нөлдік жыл да солай екен.

"Адамда нөлдік жыл болса, ол кісінің энергиясы азайып, жүрегі ауырып, денсаулығы сыр бере бастайды. Ондай жағдайда, адам көбірек демалуы тиіс. Киелі жерлерге, Меккеге барса, ол жеңіл өтіп кетеді. Бірақ, Димашта нөлдік жыл жоқ. Онда бақытты адамның коды бар", - деді маман.

"Менің бір байқағаным, мүшел жаста адамдардың көбі үйленіп, балалы-шағалы болып жатады. Алайда Димашта әзірге бұл байқалмайды, асықпай шаңырақ көтеретін сияқты", - дейді Құралай Бақытқызы.

Тағы оқыңыз: Димаш болашақ жарының бойынан табылуы тиіс қасиеттерді айтып берді

Батыстан гөрі Шығыс жағады

Нумеролог жас қазақстандыққа Батыстан гөрі Шығыс елдеріне жиірек барып тұруға кеңес берді. Айтуынша, Шығыс елдері өнер жұлдызына көбірек жағады екен.

"Қытай, тағы басқа шығыс елдері оған энергия беріп, шабытына шабыт қосып, шығармашылық леп әкеледі. Америка, Ресейге қарағанда, Қытай жаққа барып тұруы керек. Батыс, мәселен, денсаулығына жақпайды. Егер ол менен қай жақта тұрайын деп сұраса, Шығыста деп жауап берер едім", - дейді Құралай Бақытқызы.

Маман Димаш Құдайбергеннің өз миссиясында жүрген жан екенін атап өтті.

Сондай-ақ, жас әншіге қасиетті 7 саны мен жасыл түс сәттілік пен бақыт әкеледі екен.

Қараша айында сақ болған жөн

Құралай Бақытқызы биылғы жыл қазақстандық әнші үшін жаман жыл емес деп отыр. Дегенмен, мүшел жасы қараша айына тура келетіндіктен, денсаулығын күтуі керек деп кеңес берді.

"Алыс сапарға шықпай, өз-өзін бір ай бойы күтуі керек. Дәл осы қараша айында шығармашылығына байланысты жақсы ұсыныстар түседі. Жалпы, денсаулығы тез қалпына келіп отыратындықтан, бұл жағынан қатты уайымдайтын еш нәрсе жоқ. Дегенмен, парашютпен секіру сияқты тәуекелдерге баруға болмайды. Дау-жанжалдан бойын аулақ ұстағаны абзал, себебі біреумен сөзге келіп қалуы әбден мүмкін. Алданып қалуы да ғажап емес", - деп ескертті нумеролог.

Тағы оқыңыз: Димаш Құдайберген нөсер жауынның астында концерт берді - ерекше кештің видеосы

Сондай-ақ, нумерологияға сүйенсек, биыл жас әнші пәтер сатып алуы мүмкін екен.

5390
Кілт сөздер:
нумеролог, туған күн, Димаш Құдайберген
Тақырып бойынша
Димаш Құдайберген аңызға айналған әнші Андреа Бочеллимен кездесті – видео
"Не деген бас мынау?!" Димаштың сәби кезіндегі суреті жұрттың жүрегін елжіретті
Димаш Құдайберген Ержан Максимнің концертінде ән айта ма – министрдің жауабы
Димаш алғашқы альбомы қашан шығатынын хабарлады
Димаш мемлекеттік наградаға қашан ұсынылады – Мәдениет министрлігі жауап берді
Микрофон

Қазір иттің итақайы әнші болып жүр Рамазан Стамғазиев

1732
Рамазан Стамғазиев карантинге байланысты той-томалақ тоқтаса да, дәстүрлі әншілер студенттерге сабақ беріп, табыс тауып отырғанын айтты

Алматы, 4 қазан – Sputnik. Қазақстанның еңбек сіңірген әртісі Рамазан Стамғазиев шәкірт тәрбиелеп жүрген ұстаз ретінде баланың көзіне қарап отырып білім бергенге ештеңе жетпейді дейді. Өзі мұғалім болып қызмет атқаратын Темірбек Жүргенов атындағы өнер академиясы студенттерінің басым бөлігі онлайн білім алып жүр. Дәстүрлі әнді насихаттап жүрген әнші Sputnik Қазақстан тілшісіне берген сұқбатында онлайн білім беру мен дәстүрлі әншілердің табысы жайлы айтты. Сондай-ақ, эстрадада фонограммаға тыйым салуға қатысты пікір білдірді.

Қашықтан оқытудың қиындығы жайлы

Стамғазиев жұмыс істейтін Құрманғазы атындағы консерваторияның бірінші курс студенттері оқу ордасында білім алып жатыр. Ал қалған курстың студенттері қашықтан, түрлі платформаны пайдаланып оқып жүр.

"Былтыр онлайн оқу цифрлық Қазақстанның көпірік сөзбен ғана іс атқарғанын, жалпы бұл жағынан әлсіздігін көрсетті. Биыл оқу жылында 30-40 минуттың ішінде мың өшіп, мың қосылып, арасында Whatsapp-қа көшіп, оқытып жатырмыз. Бір жақсысы, дәстүрлі әншілердің барлығы оқулық жазған. Электронды нұсқасы студенттерге қолжетімді", - дейді дәстүрлі әнші.

Әңгіме барысында онлайн оқу мен дәстүрлі оқу форматының да айырмашылығын сұрадық. Айтуынша, баланың көзіне қарап сабақ бергенге ештеңе жетпейді.

Тағы оқыңыз: "Тыңдайтын құлақ жоқ": Мейрамбек Бесбаев Алматы басшылығына ренішін айтты

"Айырмашылық көп. Баланың көзіне қарап, адамның арғы дүниесін танып оқыту керек қой. Сабақ кезінде нотаны айғайлап көрсету, домбыра тарту техникаларын көрсету керек. Себебі домбыраны бұғып қағу, көсіп қағу, шертіп қағу, іліп қағу деген түрі болады. Соны қасында отырып көрсеткенге жетпейді. Бұрын сабақ елу минут өтсе, қазір қырық минут зыр етіп өте шығады", -  дейді ол.

Дәстүрлі әншінің табысы

Дәстүрлі әншілер карантинге дейін арасында тойға, концертке шығып табыс табатын. Стамғазиевтің айтуынша, дәстүрлі әншілердің негізгі табыс көзі – тұрақты жұмысы. Сол себепті той тоқтағанымен, табысы азайған жоқ.

"Дәстүрлі әншілердің бақыты – мемлекеттік, білім беру орындарында табан тіреп, орнығуы. Той-томалақтың ақшасына күні қарап қалған жоқ. Сабақ беріп, жанын бағып отыр. Айдың соңында айлығын алатынына сенімді. Сабағын беріп, табыс тауып отыр", - дейді әнші әріптестерінің табысы жайлы.

"Фонограмманы жою керек"

"Мәдениет саласы жөніндегі заң жобасымен танысқан жоқпын. Дәстүрлі әншілер жайында ішінде не айтылғанын білмеймін. Алайда қазір телеарналарда фонограммаға тыйым салу жайлы айтып жатыр. Иә, фонограмманы жоғалту керек. Жалпақ шешен болып, оны кейінге қалдырудың қажеті жоқ. Себебі олай жасаса, баяғы "ертегі" қайтып келеді. Өнер әлемінде осы бағыт өлі қалпында жатыр. Әншілердің кәсіби деңгейі өсуі үшін фонограмманы жоғалту керек", - дейді Стамғазиев.

Арам шөпті де қайта өспеуі үшін тамырынан жұлып тастайтынын мысал ретінде келтірген әнші фонограмманы да солай тоқтату керек деп санайды.

"Сонда ғана әншінің деңгейі мен халықтың талғамы өседі. Әншінің репертуары да түзеледі. Сол кезде ғана өсу басталады. Жабайы тілмен айтқанда, қазір иттің итақайы әнші болып жүр. Жазып алып сахнаға шығады, ел оны әнші екен деп ойлайды. Біріншіден, әншінің қадірі кетті. Екіншіден, кәсіби әнші мен әуесқой әншінің арасын ажырата алмай қалды", - дейді ол.

Стамғазиевтің пікірінше, заңды қабылдаған соң кім де кім сахнада яки тойда фонограммамен ән салатын болса, ірі көлемде айыппұл салып, жаза қолдану керек.

"Кәсіби әнші музыкалық техникаға қарамайды. Ал жанды дауыста ән айту үшін мықты аппаратура қажет дейтіндер – қаланың ішінде жүріп ән салатындар. Аудандарға, ауылдарға барып көрмеген әншілер солай айтады. Ауылдық жерде жақсы техника жоқ екені рас, алайда барлық жерде олай емес. Әншілер шетелдегі аппараттың ауылдарда тұрғанын армандайды", - дейді Стамғазиев.

Айтуынша, дәстүрлі әнші Жұбаныш Жексенұлы, "Заман" тобы, Саят Медеуовтің шығармашылығын ұнатады.

"Ал әуесқой әнші деген – "әуестенбей, қой" дегенде қоймайтын адамдар. Олар халық қабылдамағанын біліп, көріп тұрса да қоймайды", - дейді ол.

Сахнада отыз жылдан бері жүрген дәстүрлі әнші әуесқойлар ақша мен техниканың күшімен әнші болып жүр деп санайды.

1732
Кілт сөздер:
фонограмма, әнші, Рамазан
Тақырып бойынша
Полиция әнші Кенталдың видеосын адамдардың қайғы-қасіретін мазақ ету деп атады
Хасанғалиевтің әніне неге тыйым салынды – сексенге толған әнші жайлы қызық деректер
Әлемге әйгілі әнші карантиннің қандай пайдасы бар екенін айтты
Әнші Мирас Бекжанов: Құралай сәбиіміз қыз екенін айтқанда қатты ұрыстым
MTV логотипі

MTV USA тарихында тұңғыш рет қазақ тіліндегі клип көрсетіледі

80
(Жаңартылды 09:31 01.10.2020)
Премьера жұма күні кешкі уақытқа жоспарланып отыр. Әнші тағы бір арманы орындалғанын айтып, жанкүйерлеріне алғыс білдірді

НҰР-СҰЛТАН, 1 қазан - Sputnik. Димаш MTV USA экранына шығады. Ол бұл арнада клипі қазақ тілінде көрсетілетін тұңғыш әнші, деп хабарлайды dimashnews.com сайты.

Видео MTV USA арнасында шығады. Ал АҚШ-тан тыс тұратын жанкүйерлер MTV-дің YouTube ресми каналынан тамашалай алады. 

"Менің тыңдармандарыма, әлемнің әр түпкіріндегі менің өнерімді бағалайтын жанкүйерлеріме шын жүрегіммен алғыс айтамын. Олар менің бала арманымның орындалуына себепкер болды. Қазақстан ғана емес төрткүл дүниедегі Dear-ларымның қолдауына разымын. Құрметім мен алғысым шексіз", - деп жазды Димаш.

Бейнеклип жұма күні Нью-Йорк уақыты бойынша сағат 17.00-20.00 аралығында экранға шығады (Нұр-Сұлтан уақыты бойынша түнгі 3.00- 6.00). Бұл Америкадағы жұма күнгі прайм-тайм. Америкалық MTV-ды бұл уақытта ең көп көрермен тамашалайды.

80
Кілт сөздер:
Димаш Құдайберген
Тақырып бойынша
"Ненің құрметіне?!": Димаш шенеуніктерге неге шүйлікті
"Үндемедім": Димаш Құдайберген неден ұялғанын айтты
"Олар мені Димаш деп атайды": науқастарға ән салған санитар сұхбат берді
Димаш Джеки Чанның жаңа фильміндегі басты әнді шырқады
"Бұл неткен қасірет еді": Димаш Құдайберген желіде жазба жариялады
Процент таңбасы

Қазақстанда шағын кредит беру тәртібі өзгерді

0
Бұдан былай микроқаржы ұйымы екі апта ішінде қарыз алушының өтінішін қарап, қабылданған шешім туралы жазбаша түрде хабарлауы тиіс

НҰР-СҰЛТАН, 26 қазан – Sputnik. Қазақстанда шағын несиелерді рәсімдеу және қарызды қайтару тәртібіне өзгеріс енгізілді, деп хабарлайды Sputnik Қазақстан қаржы нарығын реттеу және дамыту агенттігіне сілтеме жасап.

Агенттік басқармасының қаулысына сәйкес, жеке тұлғалардың микрокредиттер бойынша берешегін сотқа дейін реттеу рәсімі белгіленіп отыр.

"Ал микроқаржы ұйымы шағын кредит бойынша төлеу мерзімінің кешігуі туындаған күннен бастап күнтізбелік 15 күннен кешіктірмей, қарыз алушыға ол туралы хабар беруге міндетті. Қарыз алушы төлеу мерзімінің кешігуі басталған күннен бастап күнтізбелік 30 күннің ішінде берешекті өтеу мәселесін реттеу туралы өтінішпен микроқаржы ұйымына жүгінуге құқылы", – делінген ресми хабарламада.

Микроқаржы ұйымы екі аптаның ішінде қарыз алушының өтінішін қарап, қабылданған шешім туралы жазбаша түрде хабарлайды. Қарыз алушыдан өтініш болмаған жағдайда немесе онымен келісім жасалмаса, берешекті нотариустың атқарушылық жазбасы негізінде өндіріп алуға болады.

Бұдан бөлек, микрокредит беру туралы келісімді ресімдеу шаралары мен оның мазмұнын оңтайландыруға шешім қабылданды. Атап айтқанда, микрокредитті өтеу кестесіне қосымша мәліметтерді енгізуге ұсыныс жасалды. Мысалы, микрокредитті қайта құрылымдау кезінде төлеу мерзімі кейінге қалдырылған төлемдер өтеу кестесінде көрсетілуі тиіс.

Оқи отырыңыз: Ауылда әр отбасының мойнында 900 мың теңге кредит бар – ҰКП төрағасы

Жаңа қағидаларға сәйкес шарттың жасалған күні, микрокредит сомасы, пайыздық мөлшерлеме, шарт талаптарын орындау мерзімдері және басқа да міндетті шарттар туралы ақпаратты шарттың титулдық парағына жазу талап етіледі.

0
Кілт сөздер:
кредит, қаржы нарығы
Тақырып бойынша
Президент қазақстандықтарға кредит беруді шектеуді тапсырды
Павлодарда ер адам ең жақын досының атынан 14 кредит алған
Баспанасы жоқ қазақстандықтарға 5%-тік кредит беру басталды
Енді қазақстандықтар үйден шықпай-ақ банктерден кредит ала алады
Кредит төлеу кешіккенде борышкер не істеу керек – заңгерлер пікірі