ARTиШОК театры

ARTиШОК театры жас актерлер мен режиссерлерді тегін оқытады

116
Курста театр майталмандарының жаңа буыны дайындалады

АЛМАТЫ, 7 тамыз — Sputnik. Алматылық ARTиШОК театры екі жыл бойы жас актерлер мен режиссерлерді тегін оқытатын болады.

1 тамыз бен 13 қыркүйек аралығында актерлік-режиссерлік курсқа қабылдау басталады. Грантты 18-28 жас аралығындағы студенттер ұтып ала алады. Ол үшін әңгімелесу кезеңі мен үш шығармашылық емтиханнан сүрінбей өту керек. Емтиханды сәтті тапсырғанмен, жасы талапқа сай болмаса, ақылы оқу мүмкіндігі бар.

Актриса алматинского театра АРТиШОК Анастасия Тарасова
© Photo : из личного архива Анастасии Тарасовой
ARTиШОК театрының директоры Анастасия Тарасова

"Біз театр, спектакль, перформансты кез келген жерде жасай алатын әртіс дайындауды көздеп отырмыз. Костюм, кеңістік пен реквизитті өздері оп-оңай ойлап таба алатын мамандар болса дейміз. Сондай-ақ, көрермен, қоғам және журналистермен байланыс орната алуы маңызды", - дейді ARTиШОК директоры.

Мектептегі режиссерлік бағытты ARTиШОК-тың  шығармашылық жетекшісі Галина Пьянова, ал актерлік бағытқа Шыңғыс Қапин жетекшілік етеді. Қазақстан, Ресей, Еуропа мен АҚШ-тың театр саласының мамандары педагог ретінде шақырылады.

116
Кілт сөздер:
режиссер, актер, театр
Тақырып:
Қазақстан театрлары (80)
Тақырып бойынша
"Ол менің актрисам болды".Теменов Алагөзовамен дұшпан болайын деген ойы жоқтығын айтты
Қаллеки театрының директоры актерлердің жалақысы қанша екенін айтты
Қазақстан театрының қазіргі жағдайы: өмір ме, өлместің күні ме?
Мемлекет басшысы Тұңғышбай Жаманқұловты қабылдады
Алғашқы қойылымдарын жертөледе сахналаған ARTиШОК театры
Кітап сөресі

Стивен Кингтің "Жасыл миль" кітабы қазақ тілінде жарық көрді

23
"Жасыл миль" романында Луизиана штатында орналасқан "Суық тау" түрмесіндегі оқиғалар баяндалады

НҰР-СҰЛТАН, 22 маусым – Sputnik. Американың танымал жазушысы Стивен Кингтің "Жасыл миль" кітабы тұңғыш рет қазақ тілінде жарық көрді. Оны "Фолиант" баспасы шығарды, деп хабарлайды Sputnik Қазақстан.

Стивен Кинг –  көптеген бестселлер туындылардың авторы. Оның фэнтези, мистика, триллер, детектив, қорқынышты оқиғалар сияқты түрлі жанрда жазған 300-ге жуық әңгімесі мен романы бар. Түрме мен қылмыс әлемі туралы шығармалары да үлкен сұранысқа ие. Соның бірі – "Жасыл миль" романы.

Жазушы оны 1996 жылы аяқтаған. Бұл шығарма жұрттың ерекше ықыласына ие болды. 1999 жылы роман желісі бойынша көркем фильм де түсірілді. Содан бері 20 жыл өтсе де, ол фильм әлі күнге дейін әлемдегі үздік кинокартиналардың көшін бастап тұр.

"Жасыл миль" романында Луизиана штатында орналасқан "Суық Тау" түрмесіндегі оқиғалар баяндалады. Өлім жазасына кесілгендерді жазалауға арналған Олд Спарки электр орындығына апаратын дәлізді тұтқындар "Жасыл миль" деп атап кеткен.

Оқи отырыңыз: Елордада Астрид Линдгреннің әйгілі кітабы алғаш рет қазақ тілінде жарық көрді

Бұл жерде күзетшілер әртүрлі тұтқындардың, әр алуан жағдайлардың куәсі болады. Бір күні "Суық тауға" Деттериктердің кішкентай егіз қызын өлтіргені үшін өлім жазасына кесілген Джон Коффи жеткізіледі. Міне, сонда түрме бақылаушысы Пол Эджкум мен басқа күзетшілер кей жағдайлардың біз ойлағаннан әлдеқайда басқаша екеніне көз жеткізеді. Кейде қылмыскердің адамгершілігі қарапайым адамнан да артық болуы мүмкін. "Е" блогындағы тұтқындар үшін ажал өмірдегі барлық қайғы-қасіреттен арылудың жалғыз жолы болып қалады.

Жазықсыз жазаға ілінген қара нәсілді Джон Коффидің ерекше қасиеті, оның адамдарға деген мейірімділігі, адамгершілігі шығармада шебер көрініс тапқан. Аса ауыр қылмыс жасаған қылмыскерлерге арналған түрмедегі сан алуан тағдыр, адами қарым-қатынастар бейнеленеді. Бұл жерде де жақсылық пен жамандық, адамгершілік пен зұлымдық қатар жүреді.

"Стивен Кингтің жазу стилі өте ерекше. Ол оқырманды шығарманың басынан бастап-ақ еліктіріп, елітіп әкетеді", – дейді романды қазақ тіліне аударған Мира Сембайқызы.

"Жасыл миль" – жазушының мистикалық шығармаларының бірі. "Суық тау" түрмесінің бұрынғы бақылаушысы, бас кейіпкер Пол Эджкумның естеліктері ретінде баяндалатын оқиға бір адамның ғұмырына татиды. Жазушы зұлымдық пен мейірімнің тартысын, таразыға түскен адамгершілік құны мен өмірдің баянсыздығын оқырманға ерекше тәсілмен жеткізген. Өмірдің сан алуан соққысына тойтарыс беруге үйретеді. Шығармадағы Джинглз мырза атты тышқанның өзі адамзатқа ғибратты сабақ береді.

23
Кілт сөздер:
кітап, қазақша
Димаш Құдайберген

"Бұл - шедевр": Димаштың жаңа бейнебаяны шықты видео 

613
(Жаңартылды 14:27 06.06.2021)
Жаңа бейнебаянда Димаш домбырада ойнайды. Бір күн ішінде видео 250 мыңнан астам рет қаралды

НҰР-СҰЛТАН, 6 маусым - Sputnik. Димаш Құдайберген белгілі композитор Ренат Гайсиннің сөзіне жазылған "Махаббат өзені" композициясының жаңа бейнебаянын жариялады.

Жаңа бейнебаянда Димаш домбырада ойнайды. Бір күн ішінде видео 250 мыңнан астам рет қаралды.

"River Of Love" атты туындының тарихы 2011 жылы басталды. Ренат Гайсин АҚШ-тан Қазақстанға ұшып келе жатып ұшақтың иллюминаторы арқылы өте ұзын өзенді көреді. Өзеннің шексіз болғаны соншалықты композитор табиғат шеберлігіне тағы бір таңғалады. Осы уақытта болашақ композицияның әуені пайда болады. Ол ойындағы әуенді ұшақта отырып нотаға түсіреді.

"Мен үшін су әрқашан өмір мен шексіз махаббаттың қайнар көзі болды. Туындыны жаза отырып, оның әуені домбыра үшін арналғанын түсіндім", – дейді Ренат Гайсин.

Автор оны танымал қазақстандық виртуоз домбырашы Асылбек Еңсеповке орындауды ұсынды. Содан кейін, студияда жазу барысында оған "Махаббат өзені" атауын беру туралы шешім қабылданды. Музыканттар оны сол жылы жарыққа шығарды, деп хабарлайды DimashNews.

Енді міне он жылдан кейін композиция жаңаша әуенге ие болды.

Бірде Ренат пен Димаш студиядағы жұмыс барысында, Димаш әрбір қазақстандыққа таныс әуенді ойнай бастады.

Композитордың айтуынша, Димаш оны "жаңаша" ойнады.

"Сол күні-ақ Димаш домбыра партиясын орындап шықты, туынды жаңа стильде көрінді. "River Of Love" енді Димаштың орындауында жаңаша шырқалатынына өте қуаныштымын", – дейді композитор.

Оқи отырыңыз: Димаш Иманғали Тасмағамбетовтың қандай адам екенін айтты

Бұл жазбаға желі қолданушылары қазірдің өзінде төрт мыңға жуық пікір қалдырды. "Бұл шедевр", "Не деген керемет. Домбыра қазақтың үні, домбыраны жандандырып отырған Димашжан саған көп рақмет", "Тыңдай бергім келеді", "Тамаша", - деп жазды оның жанкүйерлері.

613
Кілт сөздер:
бейнебаян, Димаш Құдайберген
Ақорда

Тоқаев бірқатар ауыс-түйіс жасады

0
Шайх-Хасан Жазықбаев "Астана" өңірлік қолбасшылығы әскерлерінің қолбасшысы лауазымына тағайындалды

НҰР-СҰЛТАН, 22 маусым – Sputnik. Мемлекет басшысы Қасым-Жомарт Тоқаев бірқатар өкімге қол қойды, деп хабарлайды Ақорда.

Мемлекет басшысының өкімімен Қаныш Асанханұлы Әбубәкіров Қазақстан Республикасы қарулы күштерінің құрлық әскерлері десанттық-шабуылдау әскерлерінің қолбасшысы лауазымынан босатылды.

Оқи отырыңыз: Тоқаев сыртқы істер саласында ауыс-түйіс жасады

Сондай-ақ, Тоқаевтың өкімімен Мереке Мәтімұлы Күшікбаев Қазақстан Республикасы қарулы күштерінің құрлық әскерлері десанттық-шабуылдау әскерлерінің қолбасшысы лауазымына тағайындалды, ол "Астана" өңірлік қолбасшылығы әскерлерінің қолбасшысы лауазымынан босатылды.

Шайх-Хасан Саттарқұлұлы Жазықбаев "Астана" өңірлік қолбасшылығы әскерлерінің қолбасшысы лауазымына тағайындалды.

0
Кілт сөздер:
Қасым-Жомарт Тоқаев, кадрлық тағайындаулар