Мәдениет және спорт министрі Ақтоты Райымқұлова

Абайдың 175 жылдығы қалай тойланады министрдің жауабы

2286
(Жаңартылды 16:33 15.08.2019)
Жоспарға сәйкес республика бойынша 100-ге жуық шара ұйымдастырылады

НҰР-СҰЛТАН, 15 тамыз — Sputnik. Мәдениет және спорт министрі Ақтоты Райымқұлова қазақтың ұлы ақыны Абай Құнанбаевтың 175 жылдық мерейтойына дайындық жұмыстары қалай жүріп жатқанын айтты, деп хабарлайды Sputnik Қазақстан тілшісі.

Ол Абай Құнанбаевтың 175 жылдығы 2020 жылы жоғары деңгейде мерекелетінін атап өтті. Министр бүгінде Абайдың өлеңдерін оқу чэлленджі жүріп жатқанын, оған Қазақстан президенті Қасым-Жомарт Тоқаевтың да қатысқанын жеткізді. Оның пікірінше, бұл маңызды шараны жоғары деңгейде атап өту керек.

Тағы оқыңыз: Қазақтың ұлы ақыны Абай Құнанбайұлы туралы қызықты деректер 

"Бүгінде Қазақстан үкіметі, мәдениет және спорт министрлігі және қоғам бұл маңызды күнге дайындалып жатыр. Абайдың 175 жылдығы атап өту жөнінде жоспар дайындалып, мемлекеттік комиссия құрылды. Оған премьер-министрдің орынбасары Гүлшара Әбдіқалықова төрағалық етеді. Бірінші комиссияның отырысы өтті", - дейді Ақтоты Райымқұлова.

Ведомство басшысы комиссия құрамына мемлекет және қоғам қайраткелері, депутаттар, әдебиетті және Абай өлеңдерінің терең мағынасын түсінетін азаматтар кіргенін хабарлады.

"Жоспарға республика бойынша 100-ге жуық шара кірді. Кітаптар шығарылып, спектакль қойылады және жастардың қатысуымен де шаралар ұйымдастырылады", - деді министр.

Ақтоты Райымқұлова Абай Құнанбайұлының 175 жылдық мерейтойын жоғары деңгейде мерекелеу үшін бюджеттен қанша қаржы бөлінетіні алдағы уақытта белгілі болатынын жеткізді.

"Қаржыландыру мәселесі қаралып жатыр. Оны талқылаудамыз. Мен сізге нақты санды айта алмаймын. Жоспарды талқылап жатырмыз. Яғни бюджеттің және демеушінің, қоғамдық ұйымдардың, жергілікті атқарушы биліктің мүмкіндігін қарастырып жатырмыз. Бұл керемет шараны абыроймен өткізу үшін қолдан келгеннің барлығын жасаймыз", - деп түйіндеді сөзін министр.

Айта кетейік, 2019 жылдың мамыр айында Қазақстан президенті Қасым-Жомарт Тоқаев Абай Құнанбайұлының 175 жылдық мерейтойын жоғары деңгейде мерекелеу туралы жарлыққа қол қойып, үкіметке бірқатар тапсырма берген.

Ол бойынша қазақтың ұлы ақыны, ағартушысы Абай Құнанбайұлының 175 жылдығы 2020 жылы аталып өтеді. Мерейтойдың жоспары биыл 1 қазанға дейін бекітілуі тиіс.

2286
Кілт сөздер:
Ақтоты Райымқұлова, Абай
Тақырып:
Абайдың 175 жылдығы (61)
Тақырып бойынша
Путиннің арнайы өкілі Абайдың өлеңін оқыды – видео
Көшербаев Абайдың 42-ші қара сөзін оқып, эстафетаны жас спортшыға жолдады – видео
Тоқаевқа өлең оқытқан 9 жасар қыз өмірі қалай өзгергенін айтты
Абай жазған заң: Ғалымдар "Қарамола жарғысының" түпнұсқасын тапты
Тасмағамбетов Абайдың шығармасынан үзінді оқу эстафетасына қатысты - видео
Абай өлеңін оқып тұрып, шаш қиған Алматы тұрғыны танымал болып шыға келді
 Болат Аюханов

Алматыда Болат Аюхановтың жетекшілік етуімен жаңа қойылымның тұсаукесері өтті

65
Әртістер қойылымға дайындықты карантин алдында бастаған. Балет-операсына жетекшілік еткен 82 жастағы балет өнерінің шебері Болат Аюханов қойылымды қайталап қою көрерменге байланысты екенін айтты

АЛМАТЫ, 27 қараша – Sputnik. Алматыда 75 жылдық тарихы бар Наталия Сац атындағы орыс мемлекеттік академиялық балалар мен жасөспірімдер театрының сахнасында "Аида – сюита " балет-операсының тұсаукесері өтті, деп хабарлайды Sputnik Қазақстан тілшісі.

Джузеппе Вердидің музыкасына орындалған бір актілі балетті Қазақстанның мемлекеттік академиялық би театрының әртістері қойды. Қойылымға жетекшілік етіп, хореографиясын қойған адам – балет өнерінің шебері 82 жастағы Болат Аюханов.

Балет сюжеті

Қойылымда Мысыр әскерінің басты жауынгері Рамадес эфиопиялық ханшайым Аидаға ғашық болады. Алайда сол кезде мысырлықтар мен эфиопиялықтар арасында күрес жүріп жатады. Мысыр перғауынының қызы Амнерис ғашықтарды бөлгісі келеді.

Алматыда Аида – сюита  балет-операсының тұсаукесері өтті
© Photo : Наталия Сац атындағы театрдың баспасөз қызметі
Алматыда "Аида – сюита " балет-операсының тұсаукесері өтті

Махаббат, кек алу, сатқындық, өлім көрсетілген қойылымға әртістер жыл басынан бері дайындалған.

"Әртістер қойылымға дайындыққа карантин басталмай тұрып кірісті.  Жалпы карантин кедергі келтірді деп айтуға келмейді, алдын ала жоспар құрылды. Қанша уақыт зерттеп, дайындыққа қандай уақыт кететіні белгіленді. Өз жұмысыма көңілім толады, әртістердің жұмысына да ризамын. Ал қойылымды тағы бір рет қою көрерменге байланысты", - деді Аюханов.

Балет – сақтықты қажет ететін өте күрделі мамандық. Әртістер мансабы мен отбасын қатар алып жүруі керек, дейді балет өнерінің шебері.

Сонымен қатар әртістер Морис Равельдің музыкасына қойылған бір актілі "Болеро" балетін орындады.

Көрермен пікірі

Театр залы көрерменге лық толы болды. Залда карантин шаралары толық сақталған, екі адамның арасында екі орын бос тұрады. Көрермендер арасында егде жастағы адамнан бастап, мектеп оқушыларына дейін кездестіруге болады.

"Бұл өнердің өз көрермені бар екені анық. Балетті тамашалауға алғаш рет келіп отырмын. Мазмұны терең шығармалардың бірі болған сияқты, оны да екінің бірі түсіне бермейді. Мен әрең түсіндім. Бұл өнерді түсіну үшін бірнеше рет келіп, қойылымның тарихымен алдын ала танысу керек деген ойдамын", - дейді алматылық Гүлден Жашаралы.

Аида – сюита  балет-операсының тұсаукесері өтті
© Photo : Наталия Сац атындағы театрдың баспасөз қызметі
Алматыда "Аида – сюита " балет-операсының тұсаукесері өтті

Алматылық тұрғынның бұл пікірін құрбысы да қолдай кетті. Жастар әртістердің еңбегі зор екенін, премьераның жоғары деңгейде өткенін алға тартты.

"Өте керемет әсер алдым. Қойылымды бастан-аяқ түсіндім деп айта алмаймын. Әдемі өнер екеніне, ептілікті, синхрондықты қажет ететін өнер екеніне көзім жетті. Актерлердің барлығы биік деңгейде өнер көрсетті. Премьера болғандықтан олар үшін де, көрермен үшін де толқитын сәт. Барынша көременге ұнауға тырысып, дайындық нәтижесін жоғары дәрежеде көрсете білді. Аиданың рөлін сомдаған әртіс ерекше көзге түсті", - дейді Ботагөз Асхат.

Жастар қойылым балет өнеріне деген қызығушықты оятқанын айтты.

Театрдың 75-ші маусымы

2020 жылдың 7 қарашасында Наталия Сац атындағы орыс мемлекеттік академиялық балалар мен жасөспірімдер театры 75 жылдық мерейтойын атап өтті. Соған орай театр ұжымын президент Қасым-Жомарт Тоқаев, Елбасы Нұрсұлтан Назарбаев құттықтаған болатын.

65
Асанәлі Әшімов

"Атаманның ақыры" фильміне 50 жыл: Тоқаев Асанәлі Әшімовті құттықтады

55
(Жаңартылды 13:02 16.11.2020)
Президенттің құттықтау хатында "Атаманның ақыры" фильмі тарихи деректерге негізделген шытырман оқиғаларға толы екені, сол заманның өскелең ұрпағын отансүйгіштікке, елді қорғау үшін жанқиярлықпен күресуге тәрбиелегені туралы айтылған

НҰР-СҰЛТАН, 16 қараша – Sputnik. Президент кино және театр өнерінің майталман актері, Халық әртісі, Қазақстанның Еңбек Ері Асанәлі Әшімовті миллиондаған көрермен ықыласына бөленген "Атаманның ақыры" көркем фильмінің түсірілгеніне 50 жыл толуына орай құттықтады, деп хабарлады Ақорда.

Мемлекет басшысы дарынды режиссер Шәкен Аймановтың және үлкен шығармашылық ұжымның бірлескен күш-жігерінің арқасында өмірге келген бұл туындының отандық кино өнері саласында алатын орны айрықша екенін атап өтіп, оны детектив жанрында түсірілген алғашқы фильмнің бірі деп бағалады.

Президенттің құттықтау хатында "Атаманның ақыры" фильмі тарихи деректерге негізделген шытырман оқиғаларға толы екені, сол заманның өскелең ұрпағын отансүйгіштікке, елді қорғау үшін жанқиярлықпен күресуге тәрбиелегені туралы айтылған.

"Өзіңіз аталған кинотуындыда чекист Қасымхан Шадияров рөлін өте ғажап сомдап шықтыңыз. Арпалысқа түскен қоғамда жауапты қызметкердің өзіне жүктелген құпия тапсырманы орындау жолындағы батырлық пен қайсарлық танытқан іс-әрекетін шынайы көрсете білдіңіз. Сізді аса көрнекті актер ретінде КСРО ғана емес, бүкіл әлемдік кинематография қауымдастығы мойындады", -  – деп жазылған құттықтау хатта.

Сонымен қатар қазақстандық әйгілі әртістер Елубай Өмірзақов, Нұрмұхан Жантөрин және Алтынай Елеуова да өздері сомдаған рөлдерін үлкен шеберлікпен орындағаны жазылған.

Сонымен қатар мемлекет басшысы Халық әртісіне алдағы уақытта да отандық кино мен театр өнерін және халқымыздың рухани байлығын дамыту жолына өз үлесін қосып, елдің айрықша құрметіне бөлене беруіне тілектестік білдірген.

Құттықтау соңында Қасым-Жомарт Тоқаев Асанәлі Әшімовке зор денсаулық, ұзақ ғұмыр, отбасына құт-береке тіледі.

55
Тақырып бойынша
"Проблема көп": Асанәлі Әшімов өзін қандай мәселе мазалайтынын айтты
Асанәлі Әшімов: Қалекең құжатқа қол қоя білмейтін, тек бармағын басатын
Нүсіпжанов, Болманов, Әшімов: жас айырмашылығы бар жұлдызды жұптар – фото
"Қыз Жібекті" үш жыл түсірдік": актер әрі режиссер Асанәлі Әшімов жайлы не білеміз
"Әкең өлді ме?!": Асанәлі Әшімов полицейдің ақшасын алып қойды
Ескі электроесептеуіш

Маман үйдегі розетканың адамға қандай қауіп төндіретінін айтты

0
(Жаңартылды 11:16 30.11.2020)
Электромагниттік сәулелер эндокриндік, жүрек-қан тамырлары және иммундық жүйеге зақым келтіруі мүмкін

НҰР-СҰЛТАН, 30 қараша – Sputnik. "Экология жизненного пространства" зертханасының директоры, эколог-сарапшы Антон Ястребцев электромагниттік сәуленің зиянын қалай азайтуға болатынын айтты.

"Адам электромагниттік сәулелермен үнемі ұшырасады. Ол бірте-бірте орталық жүйке жүйесіне теріс әсер етуі мүмкін. Эндокриндік, жүрек-қан тамырлары және иммундық жүйеге зақым келтіруі ғажап емес. Электромагниттік сәулелерден құтылу қиын, өйткені біздің айналамыз электр құрылғыларына толы, алайда оның теріс әсерін барынша азайтуға болады", - деді Ястребцев Sputnik радиосына берген сұқбатында.

Айтуынша, бұл үшін розетканы жерге тұйықтау қажет. Әйтпесе, тоққа қосылған кез келген құрылғы электромагниттік сәулелердің көзіне айналады.

Сонымен қатар, сарапшының айтуынша, катушкаға оралған ұзартқыштан шығатын электромагниттік сәулелердің де әсері өте күшті. Сондықтан оны сымдары шатасып кетпес үшін орамаған абзал және бір мезетте бірнеше құрылғы қосуға болмайды.

Маман пәтердегі сәулеленудің ең күшті көзі электр қалқанынан тартылған сыртқы кабель екенін атап өтті.

0