Мәдениет

Омбыда қазақ суретшісіне ескерткіш орнатылды

© Sputnik / Динара ДосмухаметоваПамятник художнику-казаху из Омска Амангельды Шакенову
Памятник художнику-казаху из Омска Амангельды Шакенову - Sputnik Қазақстан
Жазылу
Қазақстан мен Ресей XVI өңіраралық ынтымақтастығы форумы аясында Омбыда Амангелді Шәкеновке арналған ескерткіш салтанатты түрде ашылды

ОМБЫ, 6 қараша– Sputnik. Омбы қаласында суретші Амангелді Шәкеновтің құрметіне ескерткіш қойылды. Ол Қазақстан консулдығының жанында орналасқан, деп хабарлайды Sputnik Қазақстан тілшісі.

Ескерткіште "Суретші және педагог Амангелді Шәкеновке арналған" деп жазылған. Скульптура авторы – Мейрам Баймұханов. Ескерткіш "Мирас" қазақ тілі және мәдениетін сақтау және даму қорының бастамасымен орнатылған.

Амангелді Шәкенов – РКФСР сурет одағының мүшесі, РКФСР-дің еңбек сіңірген мәдениет қызметкері, Қазақстан суретшілер академиясының академигі. Ол 1976 жылы РКФСР суретшілер одағының мүшесі атанған.

Суретші 1943 жылы 20-маусымда Омбы облысы Шербакөл ауданы Чукут ауылында дүниеге келді. Горкий атындағы Омбы мемлекеттік педагогикалық университеті көркем графика факультетінде білім алған. Түрлі жылдары аға оқытушы, факультет деканы, көркем сурет кафедрасының доценті болды.

© Sputnik / Айгюзель КадирҚазақстанның Ресейдегі елшісі Иманғали Тасмағамбетов ескерткіштің ашылу салтанатында
Омбыда қазақ суретшісіне ескерткіш орнатылды - Sputnik Қазақстан
Қазақстанның Ресейдегі елшісі Иманғали Тасмағамбетов ескерткіштің ашылу салтанатында

"Тапсырыс – ақша табудың көзі. Алайда өнерге баса мән беру керек. Менің ойымша, өнер басым болуы шарт. Бүгінде түрлі мектептен білім алған суретшілер көп. XX ғасырда суретшілердің жұмысы қоғам тарапынан жылы қабылданбаса, XXI ғасырда бұл жағдай тұрақталып, оған жай қарайтын болдық. Мен барлық суретшіге бірдей қарадым", - дейді ол.

Амангелді Шәкенов 2019 жылдың 1 мамырында 75 жасында өмірден өтті. Оның шығармашылығы Қазақстан мен Сібірдің заманауи көркем өнерінің дамуына үлес қосты. Ол көптеген портрет, пейзаждың авторы әрі шәкірт тәрбиелеген құрметті ұстаз.

© Sputnik / Динара ДосмухаметоваСуретшінің қызы - Жамилә Шәкенова
Омбыда қазақ суретшісіне ескерткіш орнатылды - Sputnik Қазақстан
Суретшінің қызы - Жамилә Шәкенова

Суретші Ресейде тұрса да, өзінің шыққан жерін ұмытқан жоқ. Туған еліне деген махаббатын шығармашылығында суреттеді.

Жаңалықтар
0