Мәдениет

Димаш Құдайберген Кремльде жаңа әннің тұсауын кесті – видео

© Photo : dimashnews.comКонцерт Димаша Кудайбергена в Риге
Концерт Димаша Кудайбергена в Риге - Sputnik Қазақстан
Жазылу
"Your Love" әнінің сөзін канадалық әнші Лара Фабиан, ал музыкасын белгілі ресейлік композитор Игорь Крутой жазды

НҰР-СҰЛТАН, 9 наурыз — Sputnik. Әлемге әйгілі қазақ әншісі Димаш Құдайберген жаңа әнінің тұсауын кесті, деп хабарлайды Sputnik Қазақстан.

"Your Love" (Сенің махаббатың) әнінің тұсаукесері Мәскеуде Кремль сарайында өтті. Жаңа әннің сөзін канадалық әнші Лара Фабиан, ал музыкасын белгілі ресейлік композитор Игорь Крутой жазды.

Жаңа ән Димаштың YouTube-каналында жарияланды. Сегіз сағат ішінде видеоны 210 мың рет көріп, астына 6 700 пікір жазылған.

Димаш Кремль сахнасында ресейлік композитор Игорь Крутойдың сүйемелдеуімен өнер көрсетті. Сонымен қатар бұл кеште әнші "Passione" шығармасын орындады.

"Көптен күткен әннің тұсаукесерін ұсынамыз. Димаш екеуіміздің туындымыз сегізінші наурызға бүкіл әйелге жасаған музыкалық сыйлығымыз болсын. Мұны игі дәстүрге айналдырып, мерекеге орай сіздерді жаңа әнмен қуантуға тырысамыз", - деп жазды Игорь Крутой Instagram парақшасында.

Посмотреть эту публикацию в Instagram

Публикация от Moscow❤️Dimash (@moscowdears)

Кремльде өткен концерт тоғызыншы наурызда сағат 23.20-да "Россия 1" арнасында көрсетіледі.

Жаңалықтар
0